На 19.04.2023 на ул„Илка Присаѓанка“ во Прилеп, полициcки cлyжбеници од СВР Битола-ОВР Прилеп ги лишиле од cлобода А.К.(21) од Скопје и П.П.(20) од Прилеп.

При преглед во патничко возило „матиз“ со прилепски регистарски ознаки, кое го yпpaвyвал П.П., а сопатник бил А.К., била пронајдена и одземена мapиxyaна.

Тие била задржани во полициcка cтаница и по целосно докyментирање на cлyчajoт пpoтив нив ќе следува соодветна пpиjaва – информираат од ОВР Прилеп.

На 24 април 2023г. /понеделник/ од 19.00 часот во фоајето од НУЦК „Марко Цепенков“ ќе се одржи Пијано вечер со пијанистите Илија Иваноски и Денис Најдоски.

На програмата се дела од П.И. Чајковски, А. Дворжак и Ј. Брамс.

Податоци за пијанистите:

Илија Иваноски

Илија Иваноски, oсновно музичко училиште завршува во ООМУ “Ордан Михајлоски-Оцка”- Прилеп, во класата по пијано кај проф. Наде Стојкоска. Средно музичко училиште се запишува во “ДМУ”- Битола (2009), отсек пијано во класата на проф. Маргарита Татарчевска и проф. м-р Јана Четелева-Белевска. Своите студии по пијано ги продолжува на “ФМУ”- Скопје (2013), во класата на проф. м-р Тодор Светиев, каде што се здобива со диплома дипломиран пијанист. Учествувал на голем број натпревари по пијано и камерна музика (државни и меѓународни); семинари, од кои може да се издвои соработката со Јури Кот (Украина). Од 2017г. e професор по пијано во ООМУ “Ордан Михајлоски-Оцка”-Прилеп.

Денис Најдоски

Денис Најдоски, завршува основно музичко училиште во Прилеп во класата на наставник Михајло Стојкоски. Во 2006 година своето образование го продолжува во класата на м-р проф. Снежана Анастасова – Чадиковска во ДМБУЦ „ ИлијаНиколовски – Луј“ Скопје. Во 2015 г. со висок просек дипломира на ФМУ – Скопје во класата на м-р проф. Рита Трпчева-Поповиќ. За време на неговото школување како солист настапува на голем број државни и меѓународни натпревари каде што освојува значајни награди и признанија. Има реализирано концерти во земјава и странство, а учествува на на семинари кај врвни пијанисти од Македонија, Србија, Швајцарија, Словенија, Русија. Покрај солистичките настапи редовно настапува и како член на камерни состави ( дуоПијано ) од кои се издвојуваат – лауреат на државен натпревар по камерна музика, концерти на Скопско Лето, Есенски музички свечености и многу други. Од 2015 год. работи како професор по пијано и корепетиција. Неговите ученици земаат редовно учество на голем број концерти и натпревари, каде што постигнуваат значајни резултати во земјава, но и во странство.

Прилепската Стара чаршија и кафулињата во центарот на градот во последно време зјаат празни речиси преку цела недела.

Народ има само за викендите и во текот на денот, а навечер речиси да нема жива душа. Во исто време маалските кафулиња низ Прилеп се исполнети до последно место.

Најголем број од младите ќе речат дека цените на пијалоците се пресудни. Дали се согласувате сите со ова?

Вашите одговори оставете ни ги во коментари.

Бистата на македонскиот поет Славко Јаневски е исчезната од постаментот во склоп на алејата на поетите на кејот на истекот на Црн Дрим. При вообичаена проверка, на 19.04.2023 година (среда) беше утврдено дека бистата на поетот Славко Јаневски е откорната од постаментот, додека бистите на поетите Ацо Шопов и Сергеј Есенин беа видливо расклатени во очигледен обид да се откорнат од постаментите.

Исчезнувањето, односно кражбата е пријавена во полициската станица во Струга од страна на директорот на СВП, Тодорче Тасевски.

-Најостро го осудуваме вандалскиот чин на кражба на бистата на нашиот истакнат поет Славкко Јаневски како и обидот за кражба на бистите на поетите Ацо Шопов и Сергеј Есенин. Настанот е пријавен во полиција од која очекуваме да ги пронајде и да ги казни сторителите на овој вандалски чин. Бистите на поетите Ацо Шопов и Сергеј Есенин ќе бидат превентивно и привремено дислоцирани за да се извршат потребните технички зафати за нивно поцврсто фиксирање на постаментите за да се оневозможат ваквите вандалски чинови, се наведува во соопштението испратено од НУМ „Струшки вечери на поезијата“.

Сличен вандалски чин се случи на 1 октомври 2021 година кога бистата на познатиот македонски поет Анте Поповски беше откроната од постаментот и беше фрлена во крајбрежјето. Истата беше санирана, дополнително зацврстена и вратена на постаментот.

Ваквите вандалски чинови ќе треба да се оневозможат во иднина со заеднички напори на НУМ „Струшки вечери на поезијата“, Општина Струга и МВР преку засилени мерки на обезбедување на оваа вообичаено фреквентна локација како и со организирање кампањи за подигање на јавната свест за значењето и угледот на Струга како светска престолнина на поезијата. Апелираме сите добронамерни граѓани и почитувачи на поезијата да помогнат со информации во однос на сторителите и пронаоѓањето на бистата, велат тие.

-Советничката група на ВМРО ДПМНЕ и коалицијата за обнова на Македонија до Советот на општина Битола поднесе иницијатива за доделување на еднократна финансиска помош за уставобранителите односно неправедно осудените од настаните на 27 април 2017 година oд по 10.000 денари за семејство – информираат од Општинскиот комитет на партијата.

За овој предлог владеачкото мнозинство во Советот на општина Битола утре на седницата на Совет очекуваат поддршка од страна на сите советнички групи.

Основното јавно обвинителство – Тетово поведе постапка против едно лице на возраст од 21 година, за кого постои основано сомнение дека сторил продолжено кривично дело „телесна повреда“ од член 130 став 2 во врска со став 1, како и кривично дело „противправно лишување од слобода“ согласно 140 став 2 во врска со став 1 од Кривичниот законик.

Од Јавното обвинителство денеска соопштија дека почнувајќи од декември 2022 година, осомничениот вршел семејно насилство врз 19-годишна жена со која живеел во вонбрачна заедница. Жртвата подолг временски период ја држел заклучена во една соба и секојдневно физички ја малтретирал, нанесувајќи и бројни телесни повреди.

-Жената искористила прилика кога во еден момент осомничениот ја заборавил отклучена вратата, успеала да побегне и настанот го пријавила во полиција, појаснуваат од Јавното обвинителство.

Надлежниот јавен обвинител до судијата на претходна постапка од Основниот суд во Тетово доставил предлог за определување мерка притвор на осомничениот. Судијата го прифатил предлогот на обвинителството и со решение му определи притвор во траење од осум дена.

Светата или Велигденска недела се смета за големо и непрекинато славење за Велигден.

Има голем број верувања и обичаи за цела недела, а токму за четвртокот по Велигден се смета дека е најсреќен четврток во годината.

Се смета за среќен и се верува дека на земјата одат само добри небесни суштества и дека сè на луѓето ќе им оди од рака.

Четвртокот по Велигден се започнува работа, дури и ако не ви одела од рака, а меѓу народот се верува и дека доколку се помолите сите желби ќе ви се исполнат.

И без законски измени, кај нас може да се работи над 40 часа неделно, изјави денеска премиерот, Димитар Ковачевски за предлог-измени на Законот за работни односи со кои градежните работници на коридорите 8 и 10д кои ќе ги гради „Бехтел и Енка“ ќе треба да работат 60 часа неделно.

-Ние имаме закони кои што важат и сега кај нас може да се работи повеќе од 40 часа. Според договорот 51% од работите треба да ги изведат македонски подизведувачи, а другото од странство, рече Ковачевски.

Според него има голем број на работници кои работат и по 50 часа, по свој избор и со своја согласност. Тој порача дека овие коридори ќе почнат да се градат и ќе се изградат.