Градот под Марковите Кули веќе една година е дом на 250 млади и талентирани личности кои работат за глобалната компанија Таскфорс која има свои кацеларии на два континенти, САД и МАКЕДОНИЈА.

На листата градови со нашиот Прилеп се и Чикаго, Ноксвил, Чарлстон, Загреб, Скопје и Битола, а тимот во Прилеп во континуитет се проширува, заради растот на комапнија, но и заради одличните услови кои ги нуди за работа. Модерни простории направени по највисоки стандарди за пријатен работен амбиент, одличен тим кој се дружи преку организирани активности, можности за кариерен раст.

Таскфорс е глобално позната компанија во светот на осигурување, здравствена заштита, финансии и логистика и сервисира големи клиенти. Со неколку канцеларии во Македонија, таа е горда што нуди модерен работен простор со одлична заедница и тимски дух за амбициозни личности кои сакаат динамична и убава канцелариска работа. Нашите канцеларии во Прилеп се одлично место за талентирани поединци од сите возрасти, а ние посветено компанијата инвестира во успехот на вработени.

„Возбудени сме што нудиме можности за вработување во областа на грижата за клиентите, во секторот на здравствена заштита и осигурувањето, а бараме и поединци кои течно зборуваат писмен и говорен англиски јазик, имаат основни компјутерски вештини и се флексибилни со работното време, кое е прилагодени на нашите американски клиенти„- истакнуваат од комапнијата.

Според TaskForce, нивниот тим е составен од 31% личности на возраст од 18-34 години, а 52% од вработените во Прилеп се на возраст од 25-34 години. Проширувањето на компанијата во Прилеп е дел од постојанатаа заложба на компанијата за раст и успех и уверена е дека зголемувањето на тимот ќе биде вредно дополнување на нејзиното портфолио.

Денес разговаравме со Михаела Белческа.

Таа е прилепчанка, која работи во тимот на ТАСКФОРС за човечки ресурси, дипломирала на Факултетот за специјална едукација и рехабилитација

Кога започна твојата кариера во Taskforce ?

-Мојата кариера во компанијата Taskforce започна во август 2021 година.

Дали се сеќаваш на интервјуто и што би избрала како интересен миг од истото ?

-Да, се сеќавам како се одвиваше интервјуто. Во текот на интервјуто детално ми беа објаснети кои се условите во компанијата, повеќе детали за работна позиција и подоцна ми беа поставени неколку лични прашања со цел подобро да се запознаеме. Интересен миг што би го издвоила е тоа што имав голема трема бидејќи тоа беше моето прво интервју за работа, но пристапот на вработените беше многу позитивен така што веднаш се ослободив од тремата.

Како реагираше кога ја доби информацијата дека се селектирана за работа во Taskforce и со кој прво ја сподели оваа вест ?

-Кога ми ја соопштија веста дека сум селектирана за работната позиција во Taskforce, реагирав со големо задоволство и среќа. Веста веднаш ја споделив со моите најблиски, бидејќи тие ме поддржуваа во моите цели.

Дали имаш хоби или некои интереси,кои влијаеле врз работата во Taskforce?

-Моето хоби е читање на книги во слободно време за надоградување на личниот развој. Сметам дека тоа добро влијае врз мојата работа бидејќи читањето на книги ми помага подобро да се изградам како личност пред се, исто така да стекнам добри меѓучовечни односи, да го зголемувам мојот капацитет за учење и да стекнам нови вештини што ќе ми овозможат напредок на работното место.

Дали неодамна си читала книга или гледала филм што те инспирирала или помогнала да растеш како личност или професионалец на своето работно место ?

-Неодамна ја прочитав книгата Thrivity активатор. Оваа книга ме инспирираше да променам дел од моите навики што ќе ми овозможат поефикасна работа, подобра комуникација, исто така може да ги крене личниот и професионалниот развој на повисоко ниво.

Како ги балансираш твоите лични интереси и хоби со твоите работни обврски и дали имаш совет за другите кои се обидуваат да ја најдат таа рамнотежа?

-Како ги балансирам моите лични интереси и хоби со работните обврски зависи од мојата средина и обврските кои ги имам. Рамнотежата ја наоѓам преку поставување на приоритети така што секогаш прво го завршувам тоа што ми е најбитно, но со добра организација на времето и дисциплина ги завршувам моите обврски и лични интереси во рамките на моето време. Мојот совет за другите е да се фокусираат на своите најважни приоритети, да ги организираат своите обврски, но и да си дозволат време за лични интереси. Која е една работа што си ја научила надвор од работата а што си можела да ја примениш на работното место и како тоа знаење ти помогнало ?

Умешноста за тимско работење. Ефективната комуникација со моите колеги ми овозможи полесно да се вклопам и пронајдам себе си во Taskforce.

Ние во Taskforce веруваме во поддршката на личниот раст и развој на нашите вработени.Дали постои одредена вештина или хоби со кое би сакала да се занимаваш понатаму,и како може компанијата да те поддржи во тоа ?

-Со оглед на тоа што мојата работна позиција во компанијата е во одделот на човечки ресурси, така што би сакала да се надоградувам со HR сертификати и обуки. Тоа би придонело поефикасна работа во компанијата, а исто така сметам дека личниот развој ќе биде кренат на едно повисоко ниво.

Што прво би купила ако добиеш пари на лото?

-Би сакала да инвестирам во својата образовна кариера со цел да се надоградам, да одам на некое патување, исто така би сакала да им помогнам на оние кои имаат потреба од тоа.

Последна дестинација каде си била и следна локација која сакаш да ја посетиш ?

-Последната дестинација каде што бев е Лефкада, Грција. Додека следна дестинација што би сакала да ја посетам е Италија и градот Рим.
Оние кои се заинтересирани да дознаат повеќе за TaskForce или нејзините можности за вработување во Прилеп, се охрабруваат директно да контактираат со компанијата и да ги проверат моменталните отворени позиции за работа.

Ангела Трајкоска Тамара Цветкоска и Елена Дејковска од Боречкиот клуб “7-ми Мај Златна рака” од Прилеп, после завршените подготовки во Косово, денеска отпатуваа за Грција, каде ќе ја претставуваат Македонија на Балканското првенство за пионери и кадети.

Девојките забележаа одлични резултати на натпреварувањата во изминатиот период, а балканскиот собир во соседна Грција ќе биде голем предизвик од кој повторно се очекуваат успеси.

Натпреварувањето ќе се одржи од 4-7 мај.

Им посакуваме многу среќа и да ни се вратат со медали!

Денеска (04.05.2023), во Полициската станица Битола бил извршен службен разговор со А.С.(42) и Р.С.(41), двајцата од Битола. А.С. се сомничи дека извршил кривично дело по 144 од Кривичниот законик, односно на социјална мрежа објавил слика со оружје и упатил закана кон висок функционер. Во разговорот тој го признал делото и изјавил дека оружјето е на Р.С..

Во полициска станица од Р.С. биле одземени една ловечка пушка, ловечки карабин и дозвола за оружје.

За настанот бил запознаен јавен обвинител и по целосно документирање на случаите против лицата ќре бидат поднесени соодветни пријави.

Денес, монографијата „Поствизантиските претстави на Страшниот суд на територијата на Р. Македонија“, чиј автор е д-р Александар Василески, научен соработник во ЈНУ Институт за старословенска култура, ја доби државната награда „Гоце Делчев“ за 2022 година, за особено значајни остварувања во областа на науката.

Монографијата е во издание на ЈНУ Институт за старословенска култура – Прилеп и Здружение Менелај – Прилеп.

Се работи за исцрпна и заокружена студија на македонските илустрации на Страшниот суд кои настанале во периодот од XV до XVIII век.
Студијата претставува тематска целина, ретка во византолошката библиографија, во која монографски е третирана ликовноста на поствизантиските илустрации на Страшниот суд, која се вбројува меѓу најкомплексните теми во источнохристијанската уметност.

Во монографијата, покрај темелните анализи на иконографските карактеристики и нивната семиотичка интерпретација на збирката ѕидни илустрации на Второто Христово доаѓање, научно се промислени и социополитичките фактори кои влијаеле врз еволуцијата на ликовноста на Страшниот суд во византискиот и поствизантискиот период.

Голем дел од обработените претстави ја доживуваат својата прва научна евалуација токму во ова дело, проследено, со богат илустративен материјал.

Денот на македонскиот јазик, 5 Мај, учениците од сите средни училишта од Општина Прилеп го одбележаа преку настан со наслов: „Рецитираме и пееме на македонски“ во кино „Мис Стон“ на трети мај.

Пред полна сала публика, средношколците од нашиот град се претставија со рецитации и музички изведби со кои ги наполнија срцата на присутните во публиката.

Учениците од СОУ Гимназија „Мирче Ацев“, со поддршка на в.д. директорката Весна Михаиловска, зедоа учество во настанот, со рецитации и музички настапи.

Со рецитации настапија учениците: Натали Ширкоска, Никола Мавчев, Ненад Кулески, Софија Оџаклиеска, Илина Тодоровска и Марија Велјаноска, под менторство на професорот по Македонски јазик и литература Дарко Ристески.

Со музички изведби настапија учениците: Илина Трпаноска, Софија Настоска, Михаела Наумоска, Дијана Христоска, Ива Парапанска, Петар Апостолоски, Андреј Кулески и Константин Младеноски под менторство на професорката по Музичка уметност Татјана Иваноска.

За сценографијата се погрижија учениците: Сара Пашоска, Теа Петреска, Давид Ристески и Андреј Маџоски под менторство на професорот по Ликовна уметност Александар Џинго.

Натпис во весникот “Њујорк Тајмс” од 26 мај 1903 година открива кој го предал Гоце Делчев, срцето на револуционерна Македонија.

CMPTTA НА МАКЕДОНСКИОТ ВОЈВОДА

Грчки шпион го предал Делчев на Турците

Лондон 26 мај, 1903 година – Детален извештај за cmpтта на Делчев познатиот македонски војвода, од дописникот на “Тајмс” од Софија. Извештаите покажуваат дека Делчев бил придружуван од четата и вojводата Кирчовски, заедно со поетот Таворов кога влегле во селото Баница во близина на Серез, а за неговото присуство во селото Турците разбрале од грчки шпион.

Голема вojска го опколила селото и сите припадници на револуционерната чета биле yбиени по долг отпор. Жителите на селото, кое Турците го запалиле, исто така биле yбиени.

Делчев имаше 32 години. Тој беше учител, и тој беше основач на Македонската организација којашто има разграноци низ целата држава.

Дописникот на “Тајмс” од Виена вели дека продолжуваат потрагата и апсењата во вилаетот Адријанопле. Приведени се голем број свештеници и даскали. Во шест села било најдено оружje. Машката популација е во бегство, а земјоделските работи се во прекин.

По повод патрониот празник на музичкото училиште, “Ордан Михајлоски-Оцка” од Прилеп, градоначалникот заедно со директорот на училиштето ги промовираа новите кабинети во училиштето по пијано и народни инструменти, а училиштето доби нова звучна изолација, нови врати и нова конструкција на влезот.

Вкупната вредност на овие инвестиции изнесува 800 000 денари.

После тоа следуваше пригодна концертна програма подготвена од учениците и нивните ментори, а делегации од општината, училиштето и Созјузот на борци положија и свежо цвеќе на Могилата на непобедените.

По повод празникот Св. Кирил и Методиј на 24.05.2023, манастирот Св.Илија Писокал кај прилепското село Кален, организира хуманитарна забава за реконструкција на манастирската црква.

Празникот ќе започне со света утринска литургија со почеток во 07часот, а со почеток од 10часот ќе започне голема хуманитарна забава на која ќе настапат голем број естрадни уметници од домашната сцена.

Меѓу најпознатите изведувачи се: Дамјан Стојаноски, Влатко Миладиноски, Спасен Силјаноски, Елена Велевска, Ирена Спасовска, Благоја Грујовски… и многу други.

Сите верници и добронамерници се поканети. Да помогнеме сите заедно ова светилиште да добие изглед како што доликува!

Денеска (03.05.2023), полициски службеници од СВР Битола – ОВР Прилеп – Надворешна канцеларија за криминалистички работи Прилеп го лишиле од слобода А.Ф.(40) од Прилеп.

При претрес во домот и помошни простории кои ги користи, извршен со судска наредба, била пронајдена и одземена марихуана.

Тој бил задржан во полициска станица и по целосно документирање на случајот, против него ќе биде поднесена соодветна пријава – информираат од СВР Битола.