На 16.08.2023 околу 17.00 часот и во 18.20 часот, по преземени мерки и активности, во близина на с.Плетвар и во с.Ропотово, прилепско, полициски службеници од ОВР Прилеп и Полициското одделение Ропотово пронашле осум кубни метри бесправно исеченo огревно дрво.

Дрвото било предадено на Јавното претпријатие „Национални шуми“ за понатамошна постапка.

Се преземаат мерки за расчистување на случајот – стои во соопштението од ОВР Прилеп.

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

Во некои места било обичај на Преображение жени и девојки да станат пред сонце и „малку да поработат од секоја женска работа“, бидејќи се верувало дека Бог ги преобрати (преобрази)да бидат вредни, а после не работат ништо цел ден.

Министерката за труд и социјална политика не даде надеж за линеарно зголемување на пензиите и покачување на минималната пензија, како што бараат пензионерите преку протести. Минималната пензија од септември ќе изнесува 13.300 денари, најави таа.

Таа очекува до крајот на годинава да се најде соодветно решение како да се определи минималната пензија која би била над прагот на сиромаштија. Таа додава дека барањето на пензионерите за минимална пензија од 18.000 денари е многу нереално, бидејќи во државата минималната плата е 20.000. Ова може да го оптовари пензискиот фонд и по неколку месеци да нема пари за исплата на пензиите за 330 илјади пензионери.

Во меѓувреме, пензионери од цела држава пред два дена протестираа во Скопје. Главните барања се минимална пензија од 18.000 денари и Владата да им ги зголеми пензиите линеарно за 3.500 денари.

Министерството за труд и социјална политика денеска до Уставниот суд ќе поднесе иницијатива за прашањето за линеарното зголемување на пензиите, а врз основа на мислењето добиено од работната група што ќе се формира ќе се донесат конкретни одлуки и политики. Во него се додава дека е неправедно да се поистоветуваат луѓето кои имаат 15 години работен стаж и оние кои имаат 40 години работен стаж.

Престојниот викенд, на 19 и 20 август, во Крушево по деветти пат ќе се одржи фестивалот на отворено „Крушево низ корија“, кој во своите содржини ќе опфати: кампување на Мечкин камен со сите придружни содржини: планински велосипедизам, планинарска тура низ крушевската корија, тандем летови со параглајдер, дегустација на крушевски специјалитети подготвени од здружението “Крушевска жена”, како и голема журка во Крушевската корија, низ која ќе не’ водат DJ SLAVE и ROOTBOY SELECTOR.

Фестивалот е во организација на Форумот за Авангардна Креативност (ФАК) од Прилеп во соработка со Општина Крушево.

Велосипедската тура ќе се вози на 20.08. (недела) на три патеки:

Мала МТБ тура „Крушево низ корија„ – Турата е со должина од 15км и елевација од околу 300 метри…. категоризирана е како лесна тура за лица со нормална физичка подготвеност, препорачлива за секој рекреативец.

Средна МТБ тура „Крушево низ корија“ – Турата е со должина од 30 км и елевација од 700 метри… категоризирана како средно тешка тура 7/10 за лица со просечна физичка подготвеност.

Голема МТБ тура „Крушево низ корија“ – Турата е со должина од 40 км и елевација 1000 метри категоризирана како тешка тура.

Тандем летови со параглајдер ќе има во сабота и недела, 19 и 20.08, од 10.00ч – 19.30ч .

Планинарска тура во недела, 20 август, е со почеток во 10.00ч, и истата ќе се одвива на релацијата Мечкин Камен – Крушево, во должина од 14 км.

Турата е класифицирана како средно тешка тура, која може да ја изоди секој од 7 до 77 години.

-Во 80% од патеката се движиме низ крушевската корија која изобилува со сенка, што е мошне пријатно за топлите августовски денови. Во текот на турата ќе се посетат двата манастири св. Василиј и св. Спас (каде што ќе има пункт со освежување). Во текот на патеката има пивка вода за пиење. Турата завршува во Крушево каде учесниците ќе можат да ги посетат културните знаменитости – стои во соопштението од организаторот од каде ги повикуваат сите вљубеници во природата да дојдат и да уживаат во убавините што ги нудат Крушево и крушевската корија.

Осум лица се затруле со јаглерод моноксид додека црпеле вода од подрумот на Домот на културата во Чрна на Корошкем.

Меѓу нив има и седум војници кои превентивно се пренесени на лекување во болница, јавува РТВ Словенија.

Главниот медицински офицер на словенечката армија Роберт Карота соопшти дека на гасот биле изложени 32 лица, од кои 18 припадници на македонската армија, шест припадници на словенечката армија и осум пожарникари.

Сите се надвор од животна опасност, а на превентивно лекување во болницата се испратени пет припадници на словенечката армија, двајца припадници на македонската армија и еден пожарникар.

Словенија на почетокот на август беше погодена од силни поплави, во кои загинаа шест лица. Сто припадници на македонската армија беа испратени да помогнат во погодените подрачја во Словенија.

Денеска (16.08) полициски службеници од СВР Битола -ОВР Прилеп го лишиле од слобода Д.В.( 47) од Прилеп. Имено, по претходно издадена наредба од Основен суд Прилеп, извршен е претрес во викенд куќа лоцирана во с. Старо Лагово, прилепско, сопственост на Д.В., и пронајдена е кафеава прашкаста материја и дигитални ваги.

По документирање на настанот против лицето ќе следува соодветен поднесок – информираат од ОВР Прилеп.

30 години иста песна! Се чини дека и промена на 100 власти нема да ја спречи нелегалната сеча на шумите, особено кај Дервен над прилепското вештачко езеро.

“Камикази” кои возат и по 100км/ч на патот кон вештачкото езеро се речиси редовна слика, а граѓаните кои овој пат го користат за рекреирање со велосипеди, или со автомобил со своето семејство да дојдат до езерото и да поминат малку слободно време, секојдневно стравуваат да не налетаат на старите лади, кои се претоварени со бесправно исечени огревни дрва.

Видеата во продолжение се од пред 3 дена, кога наш сограѓанин се обидел да го следи караванот, што со огромна брзина се спуштал кон градот.

На 15.08.2023 во 14.55 часот во СВР Скопје било пријавено дека на крстосницата од бул.„Јане Сандански“ и ул.„Владимир Комаров“ во Скопје се случила сообраќајна несреќа помеѓу патничко возило „ауди“ со прилепски регистарски ознаки, управувано од Т.К.(54) од Прилеп и мотоцикл „пиаџо“ со скопски регистарски ознаки, управуван од Д.К.(58) од Скопје.

Во несреќата со тешки телесни повреди се здобил мотоциклистот, констатирани во Комплексот клиники „Мајка Тереза“. Извршен бил увид од увидна екипа од СВР Скопје – информираат од МВР.

Велосипедистите на ВК и сервис „Илинден“ oд Прилеп, заедно со ВК „Вело-М„ од Куманово, настапија на кадетската трка “Трофеј Београда – Београдски победник“ која се одржа овој викенд во Белград.

На Константин Костоски и Младен Петрески од „Илинден“ и Леон Милетиќ од „Вело-М“, противници им беа најдобрите од Унгарија и Србија.

Трката беше организирана во 3 етапи, и тоа:

Прва етапа – Ридска трка – искачување на Авала

Втора – Критериум – Ушче, во Паркот на пријателство

Трета – Друмска трка – Ушче, бул. Никола Тесла.

Нашите велосипедисти се покажаа во одлично светло и докажаа дека можат да се носат на големи натпреварувања. Прва етапа, Константин 6-ти, Леон 7-ми и Младен 14-ти.

Втора етапа, за „влакно“ испуштен медал, Константин 4-ти, Леон 9-ти и Младен 15-ти.

Трета етапа, прилепчани нападнаа уште на старт, на трка која беше 60км, но за жал не издржаа до крај. Сепак момците покажаа борбеност и карактер, а само тимската работа на конкуренцијата беше пресудна. На крајот, Константин 6-ти, Леон 12-ти и Младен 16-ти.

Дечките и тренерот на прилепскиот клуб се горди на прикажаното, борбеноста, мотивацијата и формата.

Следна пречка за нив е долго очекуваното Балканско првенство, кое ќе се одржи во Лариса, Грција, од 25-27ми август.

Синоќа околу 2:30ч. на кружниот тек “Карпалак” во Прилеп се случила сообраќајна незгода, во која возач на такси возило поради засега непознати причини излетал од коловозот и удрил во електричен столб.

Од ударот целосно оштетено било возилото, а не е познато со какви последици поминал такси возачот.

Увид на лице место извршиле полициски службеници од ОВР Прилеп, при што местото било обезбедено поради страв од експолозија.