Денеска (05.05.2023), полициски службеници од СВР Битола – ОВР Прилеп го лишиле од слобода Р.Т.(20) од Прилеп. При претрес во неговиот дом и други простории во Прилеп кои ги користи, извршен со судска наредба, биле пронајдени и одземени марихуана, дробилка, дигитална вага и други предмети.

Р.Т. бил задржан во полициска станица и по целосно документирање на случајот против него ќе биде поднесена соодветна пријава.

На улица “Сотка Ѓорѓиоски” бр. 27, отспротива на катната гаража, се наоѓа раскошниот бутик на два ката, “DINA FASHION”.

Кој бил досега знае дека само тука во Прилеп ќе најдете толку голем избор на машка и женска облека…буквално се’ за сечиј вкус.

А вие кои се’ уште не сте ги посетиле, побрзајте! Затоа што во пресрет на летните свадбени, полуматурски и матурски прослави, во “DINA FASHION” ќе најдете над 200 модели фустани и над 50 модели на машки костуми.

[Best_Wordpress_Gallery id=”1114″ gal_title=”Familiy Shop 1″]

Ги има во сите бои, во различни дезени, модели какви не само во Прилеп, туку тешко дека ќе ги најдете и во останатите градови.

Буквално умот да ви зајде и мака да мачите за која комбинација да се одлучите.

[Best_Wordpress_Gallery id=”1115″ gal_title=”Family Shop 2″]

Фотографиите кажуваат се’!

А и ќе заборавевме, во “DINA FASHION” ќе најдете и најевтини цени, па затоа не губете повеќе време и трк на шопинг!

Во организација на Друштвото на биолози, на 28.04.2023 година во просториите на Природно-математичкиот факултет се одржа Државниот натпревар по биологија.

Ученичката Софија Гешоска од IV-7клас, под менторство на професорката Софија Крстеска, ја освои првата награда.

Талентот, вложениот труд и посветеноста на ученичката во низата од четиригодишното средно образование, секогаш се вреднуваше со освоени места на државните натпревари.

Успесите на Софија Гешоска се синоним на тоа дека СОУ гимназијата „Мирче Ацев“ е расадник на знаењето, од каде произлегувааат успешни млади интелектуалци во сите сфери на општеството.

Екипата на Мега баскет од Прилеп ја делат две победи од пласман во повисок ранг на натпреварување. По одличната сезона и освоеното прво место во третата Б лига, прилепската екипа два пати убедливо го совлада Младинец во четвртфиналниот натпревар од плеј-оф разигрувањето.

Сега на патот им стои последната препрека, а тоа е КК Маџари ГБ, екипа која исто така забележа две победи во четвртфиналето.

-Се очекува неизвесна борба, во која нијанси можат да одлучат. Затоа, ќе ни треба вашата поддршка на првиот натпревар на домашен терен, оваа Недела (07.05.2023) во 17:00 часот, во салата на ООУ “Добре Јованоски”, заедно да оствариме почетна предност, пред гостувањето во Скопје за вториот натпревар. Се игра на два добиени натпревари, па затоа ова можеби е најважниот натпревар во сезоната. Затоа, Недела во 5, сите во сала – стои во соопштението од КК МЕГА БАСКЕТ.

Во финалниот настан на едукативната активност „Имам став”, која се одржа на 02.05.2023 во салата „Борис Трајковски” во Собранието на Република Македонија, гимназијалците од “Mирче Ацев” Прилеп постигнаа голем успех освојуваќи го второто место.

За овој висок пласман заслугите им припаѓаат на учениците: Андреј Андреески, Марио Пеливаноски, Филип Тренкоски, Филип Станкоски, Стефани Стојческа, Димитар Зердески, Андреј Зојчески, Михаил Аризанкоски, Стефанија Ацеска, Маја Марија Богдан, Никола Бонески, Дино Апостолоски, Иван Здравески, Ангела Чупетреска, Јана Кокароска, Даниел Мирчески, Златко Марковски, Филип Темелкоски, Деспина Спасеска и Благојче Златески, под менторство на професорите по социологија Снежана Тодорческа и Натали Којев.

Во рамките на оваа сезона на активноста учествуваа вкупно 336 учесници од десет средни училишта од државата. Училиштата се натпреваруваа меѓусебно симулирајќи пленарна расправа на Собранието. Дебатите ги оценуваше жири – комисија составена од пратеници и вработени во Парламентарниот институт. Вкупно 24 различни пратеници беа дел од активноста.

Целта на одржување на оваа едукативна активност е приближување на работата на Собранието на Република Македонија и процесот на донесување на закони до младата популација.

Искршени новoзасадените липи по булеварот ,,Гоце Делчев’’, накај автобуската станица во Прилеп – oбјавија од Јавното комунално претпријатие “Комуналец”.

-Знаеме ли што е зелена општина?Знаеме ли дека сите засадени дрвја го формираат мозаикот на зелена општина?
Знаеме ли дека Општина Прилеп е прогласена за најзелена општина од страна на Канцеларијата на Европската унија во Скопје? Се знаеме и повторно правиме штета– пишуваат од Јавното претпријатие.

На денешен ден, 5 мај, 1945 година, со решение на Народната влада на Федерална Република Македонија е усвоена азбуката на македонскиот јазик, а по два месеца Министерството за просвета го озакони првиот правопис на македонскиот јазик.

Развојот на денешната македонска азбука датира уште со појавата на глаголицата и потоа со замената на глаголицата со кирилица и со постепено развивање и усовршување на гласовно-графичкиот систем. До 10 век македонскиот јазик користел различни други писма, како што е грчкото писмо или некои сè уште недешифрирани писма, но со појавата на глаголицата се стандардизирала писменоста.

Така, од 10 па сè до 19 век македонскиот јазик ги користел следните азбуки: глаголица, кирилица, црковно-македонско писмо, илинденска азбука.

Нашиот великан Блаже Конески, чијшто заслуги за создавањето на македонската азбука и кодификацијата на македонскиот јазик се огромни, во една пригода рекол дека ,,Јазикот е нашата најкомплетна татковина”.

Со решение на АСНОМ од 2 август 1944 година, донесено во манастирот Прохор Пчински, македонскиот јазик беше заведен како службен јазик на македонската држава.

Усовршувањето и приспособувањето на македонскиот пишан систем и постепено поедноставување на црковномакедонското писмо започнало во XIX век со појавата на поедноставната илинденска азбука, која, пак, довела до оформување на македонската преродбеничка азбука за на крај да се создаде стандардната македонска азбука.

Во XX век имало и обид за запишување на македонскиот јазик и со латинична азбука, т.н. македонска абецедарска азбука, која не зела широки размери и останала на локално ниво во Егејска Македонија.

Најбогатиот период во поглед на развојот на стандардната македонска азбука е периодот на преродбата, поточно од средината на XIX век до почетокот на XX век. Во овој период голем број македонски интелектуалци вршеле реформи за поедноставување на македонската илинденска азбука и со тоа стандардизирање на македонскиот правопис.

Претседателот на ВМРО-ДПМНЕ, Христијан Мицкоски денеска од Битола ги поздрави сите луѓе кои, како што рече имаат потреба за сигурност и стабилност која ја немаат, ја имаат лутината поради која мотивираните да успеат стануваат неуспешни, не затоа што тие не се квалитетни туку затоа што системот ги направил таков. Луѓе чии семејствата се раслојуваат, си заминуваат во потрага по се она што тука не може повеќе да го најдат, сигурност, среќа, иднина.

-Се повеќе горди и достоинствени луѓе кои се со наведната глава затоа што денешното време на мака, страдања, системот во распаѓање им кажува дека Македонија која е нивна, е одземена од една каста, една клика составена од малкумина обединети не по идеологија, или вредности, туку по неспособност, желба за крадење и лични кариери. Луѓе кои сметаат дека го имаат природното право само бидејќи се таму каде што се да управуваат со туѓи судбини, да водат битки со туѓи синови и ќерки, и на секоја наша заедничка загуба тие, сите заедно, да имаат добивка.

Тие мислат дека имаат право на се, но тоа право не е природно стекнато, туку присвоено, отуѓено, украдено и затоа сум тука во Битола, да им порачам на таа клика, на таа каста дека Македонија не е само нивна, таа е и моја, многу повеќе наша заедничка, на напатениот и горд народ чија самодоверба ја рушат, ја уриваат секоја надеж, за да може полесно да владеат. И затоа, треба добро да знаат, истакна Мицкоски на трибината „Надворешна политика“.

Посочи дека Македонија е на секој еден човек единствена.

-За Македонија и сите нејзини луѓе ќе ја промениме оваа власт, и дека ќе победиме. И таа победа ќе биде за секој еден човек кој го потурнуваат настрана, кој го обесправуваат.

Таа победа ќе значи испорачување на порака од народот до кастата на власт составена од еден главен изведувач, а тоа е Демократската Унија за Интеграција, и подизведувачот, помалиот коалиционен партнер, а тоа е СДСМ и неколку негови чираци.

И да, ќе има одговорност за секој криминал, за секоја неправда, за секоја солза на македонската мајка, нејзино чедо и работник на чиј грб тие печалат пари. Нема да се смирам додека не го вратат украденото и додека не одговараат пред законите.

Не само победа над нив, туку и одговорност! Мора да има одговорност!

Четврти мај е денот кога завршува животот на еден од најголемите македонски синови Гоце Делчев. Човек кој целиот свој живот го посветил за слободна Македонија. Чиј култ поради неговото дело и херојски подвик останало да биде славено повеќе од еден век потоа.

Сите народи во светот своите темели ги ѕидаа со камењата на жртвите за слобода и независност и со песокот на илјадниците срца кои чукаа за своја држава, Македонскиот народ, како ретко кој други народи во светот тие темели ги поливаше со својата крв и страдања. Затоа темелите на денешната наша држава се и гоцеви, затоа што освен со неговиот живот и борба, тој стана синоним и за илјадници други животи и борби кои беа дадени за истата цел, а таа цел беше слободна Македонија.

„Во жртвата нема степен, таа завршува со чест и име“, велеше Делчев. На денешен ден неговиот живот запира, но неговото дело на борба, жртва и кауза продолжува и денес. Затоа што слободата не се добива еднаш за секогаш, таа се брани, таа се потврдува, таа се живее, преживува, и за нејзе вреди секоја жртва и труд. И затоа Гоце е голем, и затоа сите го посакуваат. Зошто неговата борба беше чиста и светла.

Е токму по тие гоцеви темели и денес се удира и не е тоа случајно, затоа што тие за нас се свети, а кога ќе ви го бараат најсветото тоа е и најскапото. И ние тука ја знаеме неразумната и непринципиелна политика на бугарската страна, но таа ќе останеше без ефект доколку не беше сервилноста на македонската влада. Мене неразумноста на Софија не ме загрижува, туку сервилноста на Македонската влада и сега наместо да изградевме консензус како заеднички да ги браниме тие темели тие уште пожестоко и силно удираат и распродаваат. Македонската дипломатија не постои и се сведува на трка на поединци со желба за амбасадори каде поважно е чива суета ќе се погали, наместо некој државен проблем да се реши.

Таму во МНР се прават лични аранжмани, но не и дипломатија. Затоа се и поразите и срамовите.

Треба да знаат дека попуштање нема да има ниту милиметар од страна на ВМРО-ДПМНЕ и дека уставните измени нема да им поминат нема да има уставни измени под бугарски диктат и во овој состав на Парламентот. Ќе конструираат судски пресуди и судски случаи против раководството на ВМРО-ДПМНЕ и против ВМРО-ДПМНЕ затоа што знаат дека тоа е бедемот. Затоа што знаат дека тоа е браникот на македонскиот национален интерес јас можам од овде од Битола да им порачам тој е толку цврст што ќе ве надживее вас ќе ве порази а после поразот ќе има одговорност и ќе ве пратиме наместо во Париз амбасадори во Идризово. Таму ве чекаат.

Затоа се притисоците, бидејќи од власта земале обврски во име на народот кој не можат да ги испорачаат. Ние драги пријатели браќа и сестри како ВМРО-ДПМНЕ се опкружуваме со народот, а тој јасно кажува што сака. Тие во удобните фотелји, и персиските килими, зад ѕидините на канцелариите скриени од народот, ние меѓу народот. Меѓу господарот на оваа наша напатена Македонија.

И тука се поставува прашањето зошто толку антидржавно се однесува актуелната власт, каде лежи причината за ваквиот срам, ваквите ѕидови кои се поставуваат меѓу народот, ваквото одземање на заедничката иднина. Одговорот драги браќа и сестри лежи во мотивите на една срамна епизода актуелна овие денови каде најдобро може да се види кражбата и криминалот, тоа е договорот за градба на делниците кои што се дел од Коридорите 8 и 10Д. Да напоменам и да потенцирам.

ВМРО-ДПМНЕ не е против градење, но е против крадење, а разликата е огромна. Она што го кажуваа за епски проект се претвора во епски криминал. Аванси и пенали од стотици милиони евра а шајка не е закована, лопата не е вдената. Кажуваат дека џебовите на власта се полнат од овие пенали и аванси кои што се исплаќаат. додека џебовите на граѓаните се празнат. Не сакам да генерализирам, но суровата реалност наметнува прашања со повеќе од стотици милиони евра за аванси и пенали од Ковачевски и Груби за приватниот изведувач колку само трикафти за болните од цистична фиброза ќе се набавеа, колку само клинички центри ќе се изградеа, колку само градинки и училишта ќе се направеа, колку човечки живото ќе се спасеа.

Дури и кога приватната компанија ништо не направи тие заработуваат, им даваат државни пари, за да заработат. И сето ова го кријат од јавноста и не го покажуваат договорот затоа што во него многу јасно се гледа дека владата ја ставила државата во подредена позиција. Не знаат веќе како да излажат, та сме биле против Америка, против градење, та сега викаат дека сме ги мразеле многу, Како дечиња во градинка се однесуваат зошто лоповите пред јавноста се фатени голи и овој срам не се издржува.

И еве имам една јавна понуда до Димитар Ковачевски, самите велат дека се транспаренти, а бидејќи јавноста заслужува одговори, заслужува да знае како се трошат милијардите на народот, ајде да излеземе на дуел, бегаш од избори, бегаш од соочувања на различни теми, ајде да излеземе на дуел, јас и ти очи во очи и на тој медиум кој тој ќе го одбере, јавно да се соочиме само за овој договор. Еве нема да збориме за дебаклите во другите области. Само да зборуваме за договорот со кој на народот му се одземаат милијарди евра, да дебатираме за историскиот договор или да бидам попрецизен за историска пљачка. Ако одбие јасно е дека бега, како и впрочем и досега како што бега вие година и неколку месеци откако е поставен за премиер, и тоа би било кукавички начин, без одговори ниту кон своите политички соперници, ниту пак кон јавноста. Затоа, ако работеле чесно, ако имаат чесен квалитетен договор кој нуди иднина, ќе се појави на дуел. Очекувам одговор во најскоро време, јас и тој да излеземе на мегдан, на ТВ станица во време и ден кога нему му одговара, а јас ќе дојдам таму, само нека каже еден ден однапред и ете ме мене заедно со Димитар Ковачевски очи во очи, без одложување. Народот сам нека процени кој е крадецот, а кој е кочничарот, ама на крадецот на тој што лаже му се кратки нозете, а и срцето му е мало и не очекувам одговор од кукавица.

Овие денови 200 луѓе од партијата посетуваат над 700 села. Луѓето срдечно не примаат, очекуваат и добиваат надеж дека може поинаку и подобро. И нормално имаат прашања и дилеми. На почетокот од овој говор го чув и Димче Шеровски од Горно Оризари. Тој вели ја изгласавме независноста на Македонија, тоа беше нашиот сон за кој се боревме. Замислете своја држава, свои институции, знаме, химна, ама тој сон го бришат и за нашите поколенија. Дипломатијата е на нула, одат надвор, а работат за други држави. Име кога ќе ти сменат како глава да ти исечат. И Димче како многумина тука си викаат кое е решението. Почетокот на решението на оваа дилема и на многу други е да падне оваа влада која донесе толку многу порази, обезличувања и неуспеси. Мора да има промени за да работите се менуваат од корен. За да се зацврснат разнишаните темели. Крајот на злоупотребите на власта ќе значи нов почеток за сите граѓани. Решението за крајот на поразите е во новата влада која ќе му припаѓа на народот, која ќе постави црвени линии за сите прашања важни за нашата Македонија. Која ќе има јасна позиција за што може, а што не моме да се преговара. Влада која нема да биде уцената, која нема да донесе хипотеки кои потоа ќе создаваат обврски. Ако прашањето е дали може ЕУ и дали може сочуван идентитет и без порази, одговорот е дека мораме да го сочуваме идентитетот и дека можеме да ги убедиме нашите пријатели дека верувајќи во принципите за меѓусебно почитување Македонија го заслужува европскиот пат. Но најважно е да работиме да ја зајакнеме економијата, да ги воведеме стандардите дома.

Ќе ставиме крај не само и на поразите во дипломатијата, туку и на корупцијата во судството. Погледнете како си се има обезбедено во кликата. Си носат порази и преземаат обврски кои не може да ги испорачаат. Зад таа завеса прават криминал кое судството и обвинителството не ги казнува. Тој магичен круг кој е заокружен се вика мафија. И сега оние превирања во судството и обвинителството е всушност борба на фракции и внатрешно незадоволство од истиот колач кој го делат. Затоа е потребна катарза, проветрување кое ќе ги однесе корумпираните на заслужено место и ќе им даде шанса на чесните и професионалците. Судството не треба да биде нечија партиска армија, туку заштитник на правдата, колку и таа да е болна, и колку да е непријатна.

Денес над Македонија се раѓа ново сонце на слободата! – се првите зборови на нашата химна, но и зборовите на голема надеж, голем сон и иднина каква сакавме да имаме и епизодата по која копнеевме, а сè помалку гледаме дека ја добиваме овие 32 години од независното постоење на нашата татковина.

Денес од таа Македонија за која сонувавме сме подалеку од тогаш кога ја создававме. Се изгуби таа енергија, се загуби тој копнеж. Луѓето се отуѓија, им се одзема правото на колективното сонување, правото на заедничка среќа.

Кога една нација нема сон, знајте дека веќе е одземено правото да се борите за иднината во која сте верувале. И таа нација не е среќна, туку длабоко разочарана, апатична, со чувство дека е отфрлена од синовите и ќерките кои требало да донесат надеж и среќа, а донеле беда, разочарување и кражба на колективната радост. Затоа е и разочарувањето кон политичарите, и затоа е чувството дека сите се исти, па колку и ние, помеѓу себе, да сме различни.

И работите никогаш не биле толку драматични како во последните 6 години кога немаме само лошо владеење, не самоуправување кое е навреда на интелигенцијата на народот, туку масовен удар, масовен удар по нашето постоење, рекомпонирање на погрешни и ново создадени основи кои никогаш не биле дел од нашиот код, од нашиот македонски идентитет. И кога крадците не само на државното богатство, туку и на колективната среќа ни велат дека нè спасуваат за да ни донесат иднина, треба да знаете дека тоа се миговите кога најмногу и најсилно нè предаваат и миговите кога Македонија се уништува повеќе од кога да било порано.

Колку и да го прикажуваат тоа како некакво си спасување за некаква иднина каква немаме почувствувано ниту секунда, вистината говори дека Македонија ја губиме на рати, полека и болно пред нашите очи.

Македонците премногу губат овие 32 години независност. Дел по дел поради луѓето што ја злоупотребуваат вашата доверба толку многу години, се создава чувство на неправда, на постојани откажувања, без да им е возвратено со нешто добро.

Неспособност и загрижувачка леснотија на уништување на сè што досега е направено, но и крадење не само на нашата држава, институции, министерства, претпријатија туку и крадење на сонот, иднината и правото да се бориме за заедничката среќа.

Нам, апатијата ни ја произведуваат да се откажеме од борбата, за полесно да им поминува богатењето на грбот на народот.

6 години е кулминацијата на сите несреќи на сите луѓе во оваа наша Македонија.

И не се само предавствата со договорите кои се болното наследство и дивото месо кое ја гуши нашата нација или идеолошкото декомпонирање на нашите традиции и темели каде сè што е поврзано со македонското постоење, морал и семејство е отфрлено како ретроградно, туку и хавариите во сите други области кои ја фрлаат на колена нашата нација.

А, несреќата не познава ниту вера или припадност кон нација, туку таа е колективна и заедничка.

10.000 загубени човечки животи од КОВИД, тоа е цел еден град кој престанал да постои.

Изгорена КОВИД болница, автобуска несреќа која покажува дека системот не само што не функционира, туку и престанува да постои во одредени моменти. Милионски отштети за клинички центар кој не само што не го изградија туку и наследениот не го отпочнаа.

Автопатиштата кои ги заглавија и од кои дебело печалат. Црни тендери кои завршуваат во приватни џебови. Премиер и министри со семејства кои се бизнисмени и сиромашен и гладен народ. Инфлација која силно удира по стандардот и сè повеќе граѓани кои се сиромашни. Колективна сиромаштија за сметка на нивната индивидуална среќа со нашите пари.

Иселување кое одново го згаснува животот во нови домови, нови градови.

И кога ќе ви речат воздржете се и вкусете уште една голема кнедла, уште едно ново само порекнување, останете неми на уште едно големо предавство на своето постоење, треба да знаете две работи: дека тоа не е последното што го подготвуваат и дека среќата и сонот што го ветуваат нема никогаш да дојдат со овие луѓе.

Обландата дека се европски ориентирани е само завесата со која се покриваат за да им поминуваат криминалот и предавствата.

Нивната среќа за народот значи несреќа.

Нивните пари за народот значат празни џебови.

Власта е готова, и единственото бегство од соочување со правдата и народот, им е се функциите како место кое им нуди засолниште од народот. Но тоа можеби им купува време, но нема никогаш да ги спаси од судот на народот.

Македонија драги пријатели не е розовата слика во владините гласила и зборови, Македонија не се состои во владиниот раскош платен со државни пари, ниту во некој спот финансиран со парите на напатениот народ.

Ова е Македонија.

Македонија за сите!

Ова е Македонија на надеж, сон, копнеж и иднина.

Ова е Македонија на заеднички патриотизам.

Заедничка радост и среќа.

Македонија на заеднички победи, реформи. Македонија на големи чекори напред и големи промени. Македонија која дава сигурност, дава перспективна шанса за секого. Македонија во која одлучувате вие. Македонија која ја победува апатијата, која ја менува грдата реалност. Која дава рака на секој еден кога системот го оттурнал и го ставил на страна.

Ова е Македонија на сите луѓе!

Македонија на Македонците, Албанците, Турците, Ромите, Србите, Власите, Бошњаците. Македонија на христијаните, на муслиманите, на атеистите.

Македонија на работниците, на невработените кои мора да се вработат, на докторите, на професорите. Македонија на умните и мудрите.

Ова е Македонија на народот кој знае кој е. Кој знае што е и каде треба да биде.

Македонија на пркосни луѓе кои се борат за судбината на своите деца, за својата иднина.

Македонија на народот кој е посилен од секоја елита, клика и група која нè влечела надолу.

Од сите вас зависи каква ќе биде иднината. Овојпат треба да се приклучите, овојпат е важно да учествувате за заедно да ги менуваме работите. Со истата енергија каква овој народ и земја ги имале при сите големи победи, при сите свои илиндени, славни епопеи и победи.

Шанса не само за една, туку за сите генерации заедно оставени на страна овие 30 години.

Шанса за заедничкиот патриотизам во кој сите веруваме.

Ова е Македонија на заедништво и нов заеднички патриотизам на рамноправни.

Нашата борба е за европски вредности базирани врз меѓусебно почитување и самопочит.

Нашата борба е вредности, идеал и кауза.

Нашата борба е да ја обновиме Македонија.

Промените да победат, за заедничката иднина, а промените ќе дојдат!

Би сакал овде на самиот крај да кажам уште три битни работи кои ќе ги повторувам се до самиот ден на избори, а тоа се прво на изминатите локални избори испишавме историја за прв пат од позиција на опозиција победивме и во првиот и во вториот круг и освоивме мнозинство градоначалници и советници во целата Македонија. За прв пат тоа се случило во независна Македонија. Заедно со народот успеавме да го декласираме владиниот наш политички противник коалицијата ДУИ и помалиот партнер СДСМ. 18 месеци поминаа откако градоначалниците од редовите на ВМРО-ДПМНЕ и коалицијата се борат против оваа ненародна власт која ги казнува сопствените граѓани затоа што тие гласаа против нивните кандидати на изминатите локални избори. Ги казнува со тоа што не им менува систематизации, одзема ингеренции, со тоа што намалува дотации, не реализира проекти во општините во кои се наоѓаат градоначалниците од редовите на ВМРО-ДПМНЕ и коалицијата, но ќе издржиме. Многу било, малку останало.

Важно е повеќе од 18 месеци храбра, чесна, посветена работа вродува со плод и денеска кога ќе ги прашате граѓаните онаму каде што има градоначалник од редовите на ВМРО-ДПМНЕ и коалицијата ќе ви кажат да надежта се враќа полека, но потребно е промени во Владата, потребна е нова Влада која комплетно ќе ја врати надежта и ќе ги врати сите оние луѓе кои се отселија од нашата Македонија и кои чекаат подобри времиња за да се вратат дома затоа што тука тежи каменот, а не таму.

Втората работа што сакам да ја кажам ќе дојдат изборите и еве јас ви кажувам ќе победи коалицијата која ќе ја предводи ВМРО-ДПМНЕ да немате дилема и таа победа ќе биде убедлива.

Но, ние драги пријатели браќа и сестри битолчани на следните избори не се бориме за победа, ќе победиме, ве гледам во очи и ви кажувам ќе биде убедлива победата и ќе победиме. Ние се бориме за мнозинство во парламентот за 61 пратеник. За тоа да се случи, драги пријатели, браќа и сестри, потребно ни е обединување на секој еден човек, мобилизација на секоја една клетка. И на тие кои што можеби не не поддржувале и на тие кои што имаат дилема, треба да им пратиме една јасна порака, сега е моментот кога треба повторно да ја вратиме Македонија онаму каде што и е местото, а тоа е на победничките патеки.

На следните избори треба да избереме претседател на народот, и треба да избереме Влада на народот, а за тоа ни е потребна убедлива победа на претседателскиот кандидат позади кој што ќе застане ВМРО-ДПМНЕ и 61 пратеник во Парламентот. Затоа треба да се мобилизираме.

И третата работа е повеќе предупредување. Ќе имаме три опции на следните избори тоа е оваа ВМРО-ДПМНЕ и коалицијата, втората опција е коалицијата на ДУИ помалиот партнер СДСМ и неколкумина измеќари кои ќе се обединат околу двоецот Зечевиќ – Ковачевски и третата најопасната се оние кои со евтин популизам и договорен патриотизам ќе излегуваат и ќе се обидат да го поделат македонскиот гласач и да ја намалат победата на ВМРО-ДПМНЕ да не дојде до 61 пратеник зошто ? Затоа што на тој начин ќе ја зајакнат позицијата на Али Ахмети и ДУИ во процесот на преговори, а ние не сакаме со нив Влада, ние сакаме Влада без Али Ахмети и ДУИ затоа треба да излеземе масовно.

Ова е незапирливата сила на народот, и ова е Македонија, Македонија за сите луѓе, нагласи Мицкоски.

Градот под Марковите Кули веќе една година е дом на 250 млади и талентирани личности кои работат за глобалната компанија Таскфорс која има свои кацеларии на два континенти, САД и МАКЕДОНИЈА.

На листата градови со нашиот Прилеп се и Чикаго, Ноксвил, Чарлстон, Загреб, Скопје и Битола, а тимот во Прилеп во континуитет се проширува, заради растот на комапнија, но и заради одличните услови кои ги нуди за работа. Модерни простории направени по највисоки стандарди за пријатен работен амбиент, одличен тим кој се дружи преку организирани активности, можности за кариерен раст.

Таскфорс е глобално позната компанија во светот на осигурување, здравствена заштита, финансии и логистика и сервисира големи клиенти. Со неколку канцеларии во Македонија, таа е горда што нуди модерен работен простор со одлична заедница и тимски дух за амбициозни личности кои сакаат динамична и убава канцелариска работа. Нашите канцеларии во Прилеп се одлично место за талентирани поединци од сите возрасти, а ние посветено компанијата инвестира во успехот на вработени.

„Возбудени сме што нудиме можности за вработување во областа на грижата за клиентите, во секторот на здравствена заштита и осигурувањето, а бараме и поединци кои течно зборуваат писмен и говорен англиски јазик, имаат основни компјутерски вештини и се флексибилни со работното време, кое е прилагодени на нашите американски клиенти„- истакнуваат од комапнијата.

Според TaskForce, нивниот тим е составен од 31% личности на возраст од 18-34 години, а 52% од вработените во Прилеп се на возраст од 25-34 години. Проширувањето на компанијата во Прилеп е дел од постојанатаа заложба на компанијата за раст и успех и уверена е дека зголемувањето на тимот ќе биде вредно дополнување на нејзиното портфолио.

Денес разговаравме со Михаела Белческа.

Таа е прилепчанка, која работи во тимот на ТАСКФОРС за човечки ресурси, дипломирала на Факултетот за специјална едукација и рехабилитација

Кога започна твојата кариера во Taskforce ?

-Мојата кариера во компанијата Taskforce започна во август 2021 година.

Дали се сеќаваш на интервјуто и што би избрала како интересен миг од истото ?

-Да, се сеќавам како се одвиваше интервјуто. Во текот на интервјуто детално ми беа објаснети кои се условите во компанијата, повеќе детали за работна позиција и подоцна ми беа поставени неколку лични прашања со цел подобро да се запознаеме. Интересен миг што би го издвоила е тоа што имав голема трема бидејќи тоа беше моето прво интервју за работа, но пристапот на вработените беше многу позитивен така што веднаш се ослободив од тремата.

Како реагираше кога ја доби информацијата дека се селектирана за работа во Taskforce и со кој прво ја сподели оваа вест ?

-Кога ми ја соопштија веста дека сум селектирана за работната позиција во Taskforce, реагирав со големо задоволство и среќа. Веста веднаш ја споделив со моите најблиски, бидејќи тие ме поддржуваа во моите цели.

Дали имаш хоби или некои интереси,кои влијаеле врз работата во Taskforce?

-Моето хоби е читање на книги во слободно време за надоградување на личниот развој. Сметам дека тоа добро влијае врз мојата работа бидејќи читањето на книги ми помага подобро да се изградам како личност пред се, исто така да стекнам добри меѓучовечни односи, да го зголемувам мојот капацитет за учење и да стекнам нови вештини што ќе ми овозможат напредок на работното место.

Дали неодамна си читала книга или гледала филм што те инспирирала или помогнала да растеш како личност или професионалец на своето работно место ?

-Неодамна ја прочитав книгата Thrivity активатор. Оваа книга ме инспирираше да променам дел од моите навики што ќе ми овозможат поефикасна работа, подобра комуникација, исто така може да ги крене личниот и професионалниот развој на повисоко ниво.

Како ги балансираш твоите лични интереси и хоби со твоите работни обврски и дали имаш совет за другите кои се обидуваат да ја најдат таа рамнотежа?

-Како ги балансирам моите лични интереси и хоби со работните обврски зависи од мојата средина и обврските кои ги имам. Рамнотежата ја наоѓам преку поставување на приоритети така што секогаш прво го завршувам тоа што ми е најбитно, но со добра организација на времето и дисциплина ги завршувам моите обврски и лични интереси во рамките на моето време. Мојот совет за другите е да се фокусираат на своите најважни приоритети, да ги организираат своите обврски, но и да си дозволат време за лични интереси. Која е една работа што си ја научила надвор од работата а што си можела да ја примениш на работното место и како тоа знаење ти помогнало ?

Умешноста за тимско работење. Ефективната комуникација со моите колеги ми овозможи полесно да се вклопам и пронајдам себе си во Taskforce.

Ние во Taskforce веруваме во поддршката на личниот раст и развој на нашите вработени.Дали постои одредена вештина или хоби со кое би сакала да се занимаваш понатаму,и како може компанијата да те поддржи во тоа ?

-Со оглед на тоа што мојата работна позиција во компанијата е во одделот на човечки ресурси, така што би сакала да се надоградувам со HR сертификати и обуки. Тоа би придонело поефикасна работа во компанијата, а исто така сметам дека личниот развој ќе биде кренат на едно повисоко ниво.

Што прво би купила ако добиеш пари на лото?

-Би сакала да инвестирам во својата образовна кариера со цел да се надоградам, да одам на некое патување, исто така би сакала да им помогнам на оние кои имаат потреба од тоа.

Последна дестинација каде си била и следна локација која сакаш да ја посетиш ?

-Последната дестинација каде што бев е Лефкада, Грција. Додека следна дестинација што би сакала да ја посетам е Италија и градот Рим.
Оние кои се заинтересирани да дознаат повеќе за TaskForce или нејзините можности за вработување во Прилеп, се охрабруваат директно да контактираат со компанијата и да ги проверат моменталните отворени позиции за работа.

Ангела Трајкоска Тамара Цветкоска и Елена Дејковска од Боречкиот клуб “7-ми Мај Златна рака” од Прилеп, после завршените подготовки во Косово, денеска отпатуваа за Грција, каде ќе ја претставуваат Македонија на Балканското првенство за пионери и кадети.

Девојките забележаа одлични резултати на натпреварувањата во изминатиот период, а балканскиот собир во соседна Грција ќе биде голем предизвик од кој повторно се очекуваат успеси.

Натпреварувањето ќе се одржи од 4-7 мај.

Им посакуваме многу среќа и да ни се вратат со медали!