98 извршители, колку што ги има во државава, лани реализирале чист профит од околу 4 милиони евра, откако успеале да наплатат над 145 милиони евра долгови од граѓаните, од фирмите и од државата.

Најуспешните, првите 10, биле вкупна добивка од околу 1,17 милиони евра и во „колачот“ учествуваат со нешто над 29 проценти, покажува анализата на Пари.

Податоците до кои дојде “Pari.com.mk” покажуваат дека процентот на реализација на сите примени барања за извршувања е 10,7 %. Но, и со таква реализација, извршителите одлично заработуваат,. пишува порталот.

Вчера вечерта, околу 19 часот во СВР Охрид било пријавено дека во водите на Охридското Езеро, сопственик на пловен објект-едрилица, на која покрај него се превезувале уште четири лица, изгубил контрола поради невремето и поради кршење на крмен лист.

Постапувајќи по пријавата, полициски службеници на Полициската станица за граничен надзор „Охридско Езеро” веднаш излегле на терен и околу 19.25 часот ја пронашле едрилицата на околу 7000 метри од брегот на езерото, во близина на границата со Република Албанија.

Н.Б. (55) од Охрид, кој ја управувал едрилицата заедно со другите лица кои се превезувале на неа се спасени и безбедно пренесени до Полициската станица за граничен надзор „Охридско Езеро” во добра здравствена состојба, без повреди.

Во текот на изминатата вечер (19/20.08.2023) во периодот од 23.00 до 05.00 часот на подрачјето на СВР Битола спроведена е засилена акциска контрола за санкционирање на возачи кои управуваат возило под дејство на алкохол. При контролата санкционирани се 58 возачи од кои 29 во Прилеп, 13 во Битола, 6 во Крушево , 5 во Македонски Брод, 3 во Ресен и 2 во Демир Хисар.

Во Прилеп е санкциониран и возач кај кого се измерени 4,55 промили алкохол. За време на контролата биле санкционирани и 42 други видови прекршоци. Акциските контроли продолжуваат и во наредните денови. Апелираме до граѓаните да ги почитуваат сообраќајните правила и сите да придонесеме за безбедност во сообраќајот.

На 18.08.2023 во 10.00 часот во СВР Скопје, Ј.Ш. од Прилеп пријавила дека на ул. „Козле“ во Скопје го пронашла починат нејзиниот татко З.Ј.(62). Смрт без видливи траги на насилство констатирал лекар од Итна медицинска помош, а по наредба на јавен обвинител телото било предадено на обдукција – информираат од МВР.

Општина Прилеп и официјално објави дека дваесеттото јубилејно издание на “Пиво Фест” ќе се одржи од 1-3 септември.

Според најавата на официјалната страна на општина Прилеп на Фејсбук, фестивалот ќе го носи името “Prilep Beer Weekend” и наместо 4 оваа година ќе трае 3 дена.

Од општината информираат дека во понеделник ќе биде позната и програмата за фестивалот.

Православна црква и нејзините верници денеска го слават празникот посветен на Преображение Господово. На Преображението, небото исто така трипати се преобразува во ноќта.

Во православието овој празник се вбројува меѓу 12-те големи Христови празници и е посветен на споменот на настанот на Христовото преображение на гората Тавор во Светата Земја (Израел), кога тој ги објави своите последователни страдања и слава.

Во црковниот храм Св. Преображение во Прилеп традиционално беше одбележана храмовата слава. Голем број верници го исполнија црковниот двор, запалија свеќа и се помолија за здравје.

Народни верувања на овој празник

Кај народот постои верување дека на овој празник се преобразува целата природа, дека од утре ноќите ќе станат студени и дека следниот ден го најавува претстојното доаѓање на есента. Како што се верува, од утре дефинитивно не треба да пливате во отворени води, реки и море.

На Преображение никогаш не треба да спиете преку ден, бидејќи кој спие тој ден ќе се преобрази, и ќе биде поспан и поспан цела година. Не е добро некој да плаче тој ден, ниту е добро луѓето да го поминат цел ден во кафеана – да не стане навика и да се изгубат и да се налутат. Но, она што мора да го направите утре е да пробате грозје за прв пат!

На 18.08.2023 во 12,05 часот во Полициската станица Прилеп било пријавено дека на ул.„Дабничка“ во Прилеп, Џ.Ш.(34) од Прилеп, управувајќи мотоцикл „јамаха“ без регистарски ознаки, изгубил контрола и со мотоциклот удрил во ѕид.

Во несреќата со тешки телесни повреди се здобил мотоциклистот, констатирани во болницата во Прилеп. Увид на местото на несреќата извршила екипа од ОВР Прилеп – информираат од ОВР Прилеп.

Во 2024 година, од два до четири денари, ќе поскапат цигарите и разни други тутунски производи. Тоа се должи измените на Законот за акцизите кои се доставени во Собранието. Со измените се предвидува усогласување на акцизната стапка кај цигарите со минималната акцизна стапка во ЕУ, како и изедначување на учеството на вкупната акциза на цигарите во пондерираната просечна малопродажна цена со онаа пропишана во Директивата на ЕУ.

Дополнително, во Предлог-законот се предвидува доуредување на членовите од Законот за акцизите во делот на денатурираниот алкохол. Оваа измена произлегува од Директива од 29 јули 2020 година за усогласување на структурите на акцизите за алкохол и алкохолни пијалаци – пишува во образложението на законот изготвено од ресорното министерство.

По примерот на повеќе други општини, и малото Кривогаштани од оваа година ќе има свој фестивал. Градоначалникот на општината, Николче Мискоски го најави “Фестивалот на пиперката”, кој ќе се одржи на 27. август, а на истиот гостите и жителите од општината ќе имаат можност да уживаат во богата музичка програма.

-Ве очекуваме на ФЕСТИВАЛ НА ПИПЕРКАТА на 27ми август со почеток во 17 до 02 часот во општина Кривогаштани. За вас подготвивме:

Зачувајте го датумот и придружете ни се заедно да ја славиме нашата култура и традиција – напиша Мискоски на ФБ.

Вчера (18.08.2023) од страна на полициски службеници од криминалистичката полиција при СВР Битола во содејство со полициски службеници од полициската станица од општа надлежност Битола врз основа на Наредба за вршење на претрес на дом и други простории од Основен суд Битола, извршија претрес во дом и други простории во с. Олевени, битолско кај лицето П. К.(39).

При претресот пронајдени и одземени се 65 патрони ловна муниција , 6 парчиња боева муниција од различен калибар, 1 рамка за пиштол , 1 воздушна пушка калибар 5.5, 1 ловна пушка марка „CZ“ и други предмети кои потекнуваат од кривични дела.

Лицето е лишено од слобода и по документирање на настанот ќе следува соодветна пријава – информираат од СВР Битола.