Кога веќе многу работи денеска се обратни од порано, редно беше да се промени и ова…

Александра Илиевска е прогласена за најдобар студент на Меѓународниот Балкански универзитет (МБУ) во Скопје за Генерација 2023. Личност која обожава да чита поезија, а студиите по политичките науки беа нејзин прв избор предизвикувајќи ја нејзината љубопитност и иницирајќи позитивни промени во општеството во кои и таа активно може да придонесе.

„Ги завршив моите додипломски студии на Политички науки и ја одбрав токму таа насока бидејќи бев љубопитна да ја разберам причинско-последичната врска на сè што ме опкружува, почнувајќи од најситните прашања, па сѐ до најголемите. Носејќи ги и верувајќи им на моите вредности, традиции и политички убедувања, сакав подлабоко да ја истражам нивната филозофска позадина и да стекнам разбирање за мноштвото идеологии што биле и се присутни денес. Најважно, цврсто верувам дека одговорноста за подобрување и на Македонија и на светот лежи во секој поединец. Да се чека другите да иницираат позитивна промена веќе не е остварлива опција. Наша должност е активно да придонесеме и да создадеме подобра средина за сите. Воедно и Аристотел ја сметал Политичката наука како „врховна наука“ бидејќи ја препознал нејзината вредност. Водејќи се од него, сфаќањето на моќта на политичките науки, не само што може, туку е и клучен начин преку кој може да се обликува светот на подобро”, вели Александра.

За признанието „Најдобар студент за Генерација 2023”, Александра Илиевска вели дека воопшто не ја очекувала оваа титула и за нејзе ова не значи дека е „најдобра“ од сите останати, напротив, секоја личност на свој начин е најдобра во одредено поле и токму тоа ќе ги исполнува доживотно.

„Воопшто не очекував. Едноставно верно ме интересираше тоа што го студирам, го правев тоа со љубов и постојано се трудев да бидам најдобра верзија од себе. И сѐ уште се трудам”, додава таа.

Запрашана кои се нејзините идни планови, сега откако заврши со додипломските студии, Александра вели:

„Моментално сум дел од неколку проекти, секако поврзани со политички науки. Еден од нив е поврзан со македонската историја, така што моментално тоа најмногу ме радува и возбудува. Не го напуштам Меѓународниот Балкански универзитет, што значи дека тука ќе ги продолжам моите магистерски студии, студирајќи Меѓународна политика. Сепак, се трудам да не планирам премногу, бидејќи, како што Џон Ленон во една пригода вели: „Животот е она што се случува додека сте премногу зафатени со правење други планови.”

Александра Илиевска како најдобар студент за генерацијата 2023 на Меѓународниот Балкански универзитет е пример и мотивација за идните дипломци на МБУ, кои покрај потребното знаење, ќе се стекнат и со дополнителни практични вештини, академска средина која нуди квалитетно високо образование и безрезервна поддршка од академскиот кадар.

„Омилено нешто од студиските години што секогаш ќе ми остане во сеќавање се разговорите и размената на мисли и идеи, не само меѓу студентите, туку и со професорите, асистентите и административниот персонал на Универзитетот. Тие докажаа дека се тука за нас и нѝ дадоа водечка рака во целиот процес на студирањето”, истакнува Александра.

МБУ е единствен универзитет во Македонија со англиски јазик како официјален јазик на настава и комуникација и портфолио на студенти од повеќе од 20 земји во светот. Од вкупниот број студенти, околу 40 проценти се од Македонија, додека 60 проценти се од други земји. Овој универзитет, уште од 2006-та година постои меѓу високо образовните институции во нашата земја и нуди квалитетно и пред сè, применливо образование. На универзитетот образовната дејност се врши преку 7 факултети со 18 додипломски програми кои нудат четиригодишно образование, односно 240 ЕКТС кредити и 11 постдипломски програми кои се во времетраење од една година, односно 60 ЕКТС кредити.

23-годишниот крилен играч Лука Трајкоски е трето засилување на ФК Вардар во летниот преоден рок.

Во својата досегашна кариера талентираниот прилепчанец има настапувано за екипите на Победа, Борец и Македонија Ѓорче Петров, забележувајќи над 100 настапи во првата македонска фудбалска лига.

-Му посакуваме успешни настапи и многу победи во најтрофејниот македонски фудбалски клуб Вардар – напишаа од клубот на социјалните мрежи.

https://www.facebook.com/photo/?fbid=683424473826623&set=a.347321244103616

Oткако утрово ја најавивме нашата нова рубрика “Пријави комунален проблем, испрати фотографија и видео”, почнаа да пристигнуваат првите поплаки од граѓани упатени до Јавното комунално претпријатие “Комуналец”.

Првите фотографии се од контејнерите на паркинг просторот кај Центарот за јавно здравје:

Вторите фотографии се од ул. “Кеј 9-ти Септември” бр.21, каде граѓни информираат дека пет пат се јавувале на телефонскиот број 048/428-992, кој е објавен на веб порталот на претпријатието, но досега според поплаката од граѓаните не дошла екипа. Образложението прво било дека тракторите им биле на сервис, а потоа им рекле да си најдат самите трактор. Инаку, отпадот е од суви гранки и лисја.

Со оглед на тоа дека Македонија е во портокалова фаза, па поради препораките да не се работи на отворено во периодот од 11 до 17 часот, апелираме одговорните во претпријатието да испратат екипи на овие локации во утринските часови.

На 19.07.2023, полициски службеници од Полициската станица за Граничен надзор Старавина при Регионалниот центар за гранични работи Југ, во содејство со инспектори од Одделението за прекуграничен криминал и трудова инспекција извршиле контрола во рудник во прилепско, при што било констатирано дека Ц.Ц.(37) од Република Турција незаконски престојувал во државата.

Тој бил приведен и против него ќе биде поднесен соодветен поднесок според Законот за Странци – информираат од МВР.

Со цел да се апелира до надлежните комунални служби побрзо да реагираат, а прилепчани да живеат во чист и среден град, од денеска на барање на граѓаните воведуваме нова рубрика: “Испрати слика или видео со комунален проблем”.

Граѓаните ќе можат во порака на Фејсбук, или на е-маил адресата [email protected], да ни испратат фотографии или видео и да пријават отпад, неискосена зелена површина, полни контејнери со отпад, нечиста улица и слично., а ние ќе апелираме преку објави на социјалните мрежи, се со цел комуналните служби и администрација да бидат поефикасни и во служба на граѓаните.

Џек Ма, кинескиот милијардер и основач на компанијата „Али Баба“ изминатиот викенд покрај посетата на Белград и Сараево го посетил и Скопје.

Човекот кој од нула создаде бизнис-империја, а неколку пати бил одбиван да се запише на факултет викендот бил на Балканот а не го изминал и Скопје.

Тој во придружба со повеќе луѓе бил на ручек во скопскиот ланч бар СОУЛ КИЧЕН, на Градскиот кеј. Видно расположен уживал во македонската храна и пијалок, брифираат очевидци на настанот.

Засега не е позната причината за неговото присуство во главниот град, но регионалните медиуми веќе четири дена пишуваат за неговата посета на Балканот.

Општина Прилеп субвенционираше 395 граѓани кои што купија нови велосипеди, во рамките на мерката за подобрување на квалитетот на животната средина во Прилеп.

Инаку, право на аплицирање, по јавниот повик, имаа сите граѓани на Општина Прилеп кои имаат купено нов велосипед од 12.06-12.07.2023 година и ги имаа поднесено соодветните потребни документи за надоместување на дел од трошоците за купување на велосипед.

Средствата што Општина Прилеп ги субвенционираше беа во износ од 50 отсто од вредноста на велосипедот, но не повеќе од 5.000 денари. За оваа намена општината издвои финансиски средства од својот Буџет во висина од 2.000.000 денари, а субвенционирањето се одвиваше по принципот – „прв дојден, прв услужен “ и траеше до исцрпување на предвидените финансиски средства наменети за оваа општинска мерка или до завршувањето на рокот за поднесување како што беше случај оваа година.

“Субвенцијата подразбираше покривање на дел од трошоците, а целта е стимулирање на граѓаните на општина Прилеп за користење велосипед како превозно средство, особено низ градот, со што значително би се придонесело кон зачувување на животната средина и намалување на загадувањето предизвикано од сообраќајот.“ истакна градоначалникот на Прилеп, Борче Јовчески.

Оваа мерка е дел од проектите на Општина Прилеп за подобрување на квалитетот на животната средина во Прилеп и здравјето на луѓето.

До следната среда ќе се задржи сончево и многу топло време со високи утрински и дневни температури, поради што ќе биде активно портокалово ниво на опасност од високи температури. Благо опаѓање на температурата за два до три степени ќе има само во понеделник. UV индексот и понатаму ќе има многу висока вредност 10.

Прогноза за 21.07.2023

Минимална температура: 15°C до 24°C
Максимална температура: 34°C до 42°C

Сончево и многу топло со слаб до умерен ветер од северозападен правец. UV=10

Прогноза за 22.07.2023

Минимална температура: 14°C до 25°C
Максимална температура: 36°C до 43°C

Сончево и многу топло. Ќе дува слаб до умерен, во западните делови повремено засилен ветер од западен правец. UV=10

Прогноза за 23.07.2023

Минимална температура: 15°C до 24°C
Максимална температура: 34°C до 42°C

Сончево и многу топло. Ќе дува умерен, на места засилен ветер, во западните делови од западен, а долж Повардарието од северозападен правец. UV=10

Света Недела (името е превод на грчкото Кириакиа) се роди во Мала Азија и живееше за време на царувањето на Диоклецијан.

Се роди како дете измолено од Бога, бидејќи нејзините родители Дорортеј и Евсевија долго време немаа деца. Кога порасна се разви во убава девојка, а телесната убавина ја дополни со убавината на душата што ја беше стекнала преку постојан внатрешен, невидлив подвиг.

Нејзината убавина привлекуваше многу просители, но таа одбиваше да се врзе со некој друг освен со Христос. Еден од одбиените просители, откако во себе ги разбуди злите мисли, ги поткажа пред властите света Недела и нејзините родители како христијани.

Сите беа изведени на суд, мачени и најпосле погубени. Тоа се случи во 289 година во Никомидија.

Св. маченица Недела е секогаш на една иста дата, а секоја година го менува денот.

Додека пак седмичниот ден-недела е всушност денот во кој воскресна Спасителот наш Господ Исус Христос. Заради Христовото Воскресение се слави и денот недела. Оти секоја недела е всушност мал Велигден. Затоа, правете ја разликата помеѓу седмичниот ден недела и Св.Недела.

Според старите обичаи, денес треба да се оди во црква. Помолете се на Светата великомаченичка Недела да ви подари сила за борба со сопствените слабости и доколку имате чисто срце, нејзината милост ќе ви помогне во животот да ви тргне на подобро.