РК Прилеп вчера стартуваше со првите подготовки за претстојната сезона 2023/24 на чело со новиот тренер на клубот Божидар Мојсов.

Со неколку воведни зборови за среќен почеток и успешен пласман за оваа сезона започна нашиот прв тренинг на кој присуствуваше управата на клубот, претставници на генералниот спонзор Комфи Ангел, а успешна сезона им посака и градоначалникот Борче Јовчески.

На самиот тренинг беше презентиран и ростерот на новодојдените играчи и тоа: Драган Јелушиќ, Томче Трајчевски, Никола Цветаноски, Пеце Рајатоски, Владан Кастратовиќ,Давид Ацевски, како и Јован Соколоски заедно со Михаил Ангелески кои се вратија во Прилеп од редовите на екипата на Еурофарм Пелистер од младинските категории.

Мотивирани, полни со елан и ентузијазам стартуваме и оваа сезона со амбиции за добра позиција во плеј-офот.
Подготовките во наредниот период ќе се одвиваат во рамките на нашиот град, со неколку пријателски натпревари со екипи од Суперлигата.

Вчера (26.07.2023) во периодот од 09.00 до 15.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 89 возачи. Од нив, 57 возачи ја пречекориле брзината во населено место, а 32 надвор од населено место. На сите прекршители изготвени им се соодветни поднесоци.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Првата генерација на ученици од Техничар за производно машинство (дуално образование по германски модел) кои завршија во СОУ “Ристе Ристески-Ричко” и покажаа посебен успех овие четири години од денес се вработени во W I K која е една од општествено одговорните компании во Република Македонија – информираат од ова средно училиште.

-Тие 4 години добиваа искуство преку изведување на практичната настава во оваа компанија и од денес се нејзини вработени.Соработката со оваа компанија продолжува и оваа година, а се надеваме дека истата во иднина и ќе се прошири.Успешни млади значи и успешни компании и успешни училишта. Со среќа на нашите ученици на нивните работни места – стои во соопштението од СОУ “Ристе Ристески-Ричко” Прилеп.

Во Лавов исчезнала хуманитарната помош вредна околу еден милион долари, јави украинскиот портал NGL.media.

– Се работи за случај на исчезнување на околу 10.000 ИФАК тактички комплети за прва помош, со вкупна вредност од 33,6 милиони гривни, кои биле купени и испратени од американски доброволци за вооружените сили на Украина, пишува порталот, повикувајќи се на резултатите од истражувањето на новинарот.

Според него, по почетокот на руската инвазија врз Украина, украинската дијаспора во САД почнала да собира активна помош за украинските војници и цивилите. Една од најактивните организации била Обединетиот украинско-американски комитет за помош.

Според извештаите, за една и пол година, организацијата испратила повеќе од 30 морски контејнери со хуманитарна помош. Трошоците за транспорт на еден морски контејнер од САД до Украина се околу 8.000-10.000 долари.

Во октомври 2022 година, Лилија Ташчук, Американка со украинско потекло, се обратила пред комитетот, велејќи дека соработува со регионалната воена управа на Лавов и оти може да плати за испорака на помош во Лавов.

Истиот месец, во Украина бил испратен контејнер со гас-маски, вреќи за спиење, зимски униформи и чизми, како и речиси 10.000 ИФАК воени комплети за прва помош во вредност од околу еден милион долари. Подоцна се покажало дека товарот не завршил во „Центарот за волонтерство и заштита“, како што првично се претпоставуваше, туку е предаден на војниците на регионалната воена управа.

Наводно, регионалната администрација на Лавов го потврдила приемот на дел од товарот, но уверила дека нема комплети за прва помош, кои биле највредниот дел од хуманитарната помош.

– Товарот пристигна преку полско-украинската граница, дури беше регистриран од полските цариници. Потоа нешто му се случи, беше отпечатен и на непознат начин некои работи завршија во Лавов во магацинот на Регионалната управа на Лавов, а останатото едноставно исчезна, информира порталот. (МИА)

Невиден досега скандал се случи денеска за време на прес конференција на министерот за економија, Крешник Бектеши, а го приреди новинарка.

Додека министерот објаснуваше зошто гласал за концесиите за рудникот Иловица-Штука, новинарката Александра Дуковска се побуни зошто Бектеши ја нарекува државата Република Македонија кога, таа, како што рече, е непостоечка држава.

“3борувате за непостоечка држава. Зборувате за државата на која името ѝ е променето, а стоите тука покрај три знамиња” – реагираше новинарката Дуковска.

Таа го праша Бектеши дали знае како ни се вика државата, а тој и одговори дека знае.

“Северна Македонија”, рече тој.

“Па што е ова тогаш, зошто ја ословувате како Република Македонија, која ви е таа држава?”, рече на одговорот од Бектеши новинарката.

На ова министерот Бектеши ѝ одговори:

„Само да бидеме начисто. Документите и зошто викам Република Македонија се донесени кога името на државата било Република Македонија. Нема никаков проблем да не кажувам Република Македонија“.

Според барањето доставено до ЕВН, жителите на Слупчане инсистираат да им се простат сите досегашни долгови кои изнесуваат неколку илјади евра, бараат бесплатно да добијат нови приклучоци, бараат без разлика колку трошат во иднина, да не има се фактурираат сметки над 3.000 денари, верските објекти да бидат ослободени од плаќање и други слични барања кои се во спротивност со законските одредби – објави “ПЛУС ИНФО”

По денешната целосна блокада за да ги спречат повторно да работат екипите на Електродистрибуција, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.

Кумановското село Слупчане и другите околни села Оризаре, Ваксинце, Алешевце, Руница, Извор и Белановце сѐ уште се соочуваат со прекини во снабдувањето поради сериозниот дефект, потврдија од ЕВН Македонија.

Ова е втор пат дефект од ваков обем во Слупчане да предизвика прекин на снабдувањето со електрична енергија во околните села. Пред околу 3 недели, одредени лица безуспешно се обиделе да го вратат напојувањето на селото, кога нелегално влегле и упаднале во среднонапонски енергетски објект. Се покажа дека ова е дефект кој освен Слупчане, остана без струја и други села.

Целата вест прочитајте ја ТУКА

Постигна два погодоци во натпреварот против Атланта, кој Интер Мајами го доби со 4:0, а во 78-та минута го заменија. Погледнете како реагираше публиката на стадионот во Мајами:

Messi got taken off.

Time for everyone to go home. pic.twitter.com/1JVeScf2GX

— Barstool Football (@StoolFootball) July 26, 2023

На 23.07.2023 на ул.„Боримечка“ во Битола, полициски службеници од СВР Битола го лишиле од слобода А.Ф.(32) од с.Канатларци, прилепско.

Тој бил баран по потерница врз основа на наредба од Казнено – поправна установа Затвор Прилеп поради бегство од установата.

Лицето било спроведено во установата за доиздржување на казната – информираат од МВР.

Грчката државна телевизија ЕРТ објави видео од падот на канадски авион додека се гаси пожар во таа земја.

ЕРТ наведува дека авионот се урнал во областа Платанистос во Каристос.

Се вели дека сега над областа лета хеликоптер за да ја испита ситуацијата.