Петар Рупески го фати светиот крст во Охрид

rupeski-ohrid-1

Петар Рупески од Варош го фати светиот крст во Охрид. Светиот празник Богојавление Водици денеска беше одбележан во Охрид, каде огромен број капачи беа во водите на Охридското Езеро во потрага по светиот крст.

Петар Рупески годинава по трет пат беше оној најсреќниот во чии раце заврши светиот крст. Ладното време и ниската температура на водата не ги поколеба верниците. Над 500 лица одлучија да се искапат во осветената вода и се обидат да го фатат светиот крст.

Чествувањата утрово започнаа со света архиерејска василева литургија во црквата „Св. Богородица“ – Каменско, како и во сите парохиски цркви во Охрид.

За присутните на охридското пристаниште и годинава традиционално се делеше топла ракија и вино.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.