Досега 12.000 дечиња ја искористиле мерката за бесплатен одмор, утре заминуваат уште 52 деца од гевгелиско

Повеќе од педесет деца од социјално ранливите категории од југоисточниот плански регион кој ги опфаќа општините Гевгелија, Богданци и Дојран, ќе заминат на бесплатен одмор во Охрид и Струга, соопштија денеска од Меѓуопштинскиот центар за социјална работа во Гевгелија.

 

odmor-so-deca-640x424

– Утре 52 дечиња од семејствата корисници на социјална или постојана парична помош, корисници на детски и родителски додаток, како и деца со пречки во развојот на возраст до 26 години ќе заминат на одмор. Бесплатното летување ќе трае седум дена, а опфаќа шест полни пансиони и превоз до Охрид и Струга, информираа од Центарот за социјална работа во Гевгелија.

Проектот за бесплатен одмор преку Министерството за труд и социјална работа се реализира од 2012 година. Досега мерката ја имаат искористено 12.000 дечиња од земјава од кои 8.000 биле на летен, а 4.000 на бесплатен зимски одмор.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.