Во прилепското село Ново Лагово денеска беше осветена црквата Св. Петка.
Со чинот на осветувањето на црквата чиноначалствуваше Митрополитот Преспанско-пелагониски господин Петар.
Инаку, темелите на црквата во ова населено место беа поставени и осветени во 2001 година од страна на Митрополитот Преспанско-пелагониски господин Петар.
Синоќа пак, во предвечерието кога го празнуваме споменот на Светата Великомаченичка Ирина и споменот на Светите Мартин и Ираклиј, Митрополитот Преспанско-пелагониски г. Петар отслужи Вечерна богослужба.
