ООУ “Гоце Делчев” добива нова ограда за дури 150.000 евра

Oсновното училиште “Гоце Делчев” во Прилеп ќе добие нова ограда, работите се веќе започнати, а она што предизвика внимание во јавноста е вредноста на овој тендер.

Оградата ќе го чини училиштето речиси 150.000 евра, или 9.104.788 денари со ДДВ, според склучениот договор помеѓу учичиштето и компанијата УРБАН ПАВЕР од Скопје.

Тендерската постапка била спроведена во текот на август месец, а последниот ден за поднесување понуди бил 4. септември.

Компанијата од Скопје поднела најповолна понуда е избрана за изведувач на работите.

Според податоците јавно објавени на Електронскиот систем за јавни набавки, оградата треба да биде завршена до 17.12.2026година.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.