Новинарот Зоран Момироски во најновата неделна колумна, меѓудругото пишува и за поскапувањето на водата за пиење во Прилеп, кое е неизбежно, но засега не е познато колку ќе изнесува.
-Денеска на редовна седница Советот меѓудругото ќе расправа за Центарот за развој на Пелагонискиот плански регион, за правилници кои ќе ја регулираат работата и паркинг локации за такси превозниците како и извештајот за досегашната работа на ЈОУДГ ,,Наша иднина,,. Најголем предизвик пред советот ќе биде на една од следните седници, одлуката за тоа колку ќе се зголеми цената на водата. Регулаторна реши, Управниот одбор на ЈКП Водовод и канализација потврди и предлага цената од 1.јануари 2027 година да не биде повисока од 27% во споредба со сегашната. Крајната одлука е на Советот на градот. За и околу ова прашање подетално во следната колумна, пишува Момироски.