Започна уредување на улиците и чистење на одводните канали во населеното место Кореница во општина Кривогаштани

Во населеното место Кореница започнаа активности за подобрување на комуналната инфраструктура, со акцент на чистење на одводните канали, регулирање на одведувањето на атмосферските води и уредување на уличната мрежа.

Работните активности опфаќаат чистење на одводните канали, тампонирање и рамнење на улиците, со цел да се овозможи подобро одведување на атмосферските води и да се намали нивното задржување на улиците.

Зафатите се реализираат со работната механизација на ЈП „Пелагонија“, во координација со Општина Кривогаштани и во соработка со локалното население.

Со овие активности се очекува да се подобрат условите за движење и секојдневното функционирање на жителите на Кореница.

Работите ќе продолжат и во наредните денови.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.