Вчерва низ битолски Широк Сокак, a во рамките на програмата за одбележување на Денот на ослободувањето на Битола се одржа традиционалната ноќна атлетска трка по 68 пат.
Организатор на трката е Општинскиот сојуз на спортови заедно со Општина Битола, а на неа зедоа учество околу 600 учесници.
Aтлетската патека ја трчаа ученици од 4 одделение до средношколци до 4 година, како и студенти и граѓани.
Учениците учесници на трката се најдобрите тројца од секое училиште кои доаѓаат во соодветната категорија.
Најбрзите беа наградени со дипломи и медали, а им ги врачија градоначалникот на Битола Тони Коњановски и претседателот на Советот Бојан Бојкоски.
Организаторот на трката вели дека ова е празник на младоста во градот, а симболиката е што се организира вечерта пред денот кога Битола била ослободена на 4 ноември 1944 година.
