Вчера во 16,00 часот на магистралниотпат Гостивар – Кичево на „Мавровска раскрсница“, од страна на полициски службеници е сопрено возилото „Тојота Авенсис“ со гостиварски регистарски ознаки кое се движело од правец на Маврово, управувано од З.Д.(36) од Гостивар, а во кое како сопатник се превезувало уште едно лице.
Како што информираат од МВР, откако било побарано од возачот да даде документи за идентификација и да го изгасне од погон возилото, истиот го стартувал и со голема брзина се дал во бегство во правец кон Гостивар. Со службените возила полициските службеници се упатиле по него и на неколку стотина метри забележале дека од десната страна на возилото, совозачот низ прозорецот исфрлил една бела вреќа. Дел од полициските службеници застанале да го проверат и обезбедат исфрлениот предмет, а дел продолжиле со намера да го стигнат возилото.До „Здуњска крстосница“ не успеале да остварат визуелен контакт со возилото, по што со претпоставка дека истото се исклучило од регионалниот пат, се упатиле во правец на селата Здуње и Равен. Пред влезот во с.Равен забележале дека од спротивен правец, кон Гостивар, се движи возилото и со службеното возило му го попречиле патот и го принудиле да сопре. Во возилото бил затекнат само возачот, кој веднаш е лишен од слобода за понатамошно постапување. Местото каде бил исфрлен предметот е фотодокументирано и е утврдено дека во белата пластична вреќа има три поголеми кеси со непозната тревкаста материи, од кои две кеси биле облепени со самолеплива лента, а третата само врзана и дополнително ставена во друга најлонска кеса. Истите се подигнати за понатамошна постапка.

Полицијата превзема мерки и активности за утврдување на идентитетот и пронаоѓање на совозачот.

Фрлете ги отровните спрејови, направете природен освежувач за воздух, што не само што ќе и’ подари на просторијата арома на хармонија и удобност, туку ќе дејствува благотворно и на вашето здравје.

Овој природен освежувач не само што е природен и корисен освежувач на воздух туку и модерен елемент на ентериерот.

За неговата подготовка ќе ви биде потребна помал стаклен сад, бамбус стапчиња или обични стапчиња за ражничи, растително масло (сончогледово, маслиново) и вашето омилено етерично масло.

Подготовка:

Ставете мало количество масло во стаклениот сад, додадете неколку капки етерично масло, а количината зависи од индивидуалната осетливост на мириси.

На бамбус стапчињата отсечете им ги острите краеви и малку сплеснете ги (така што ќе добиете изглед на четкичка) па ставете ги во стаклената тегличка со „четкичките“ надолу така што течноста подобро ќе се впива.

Интензитетот на мирисот ќе зависи од количеството на стапчињата – колку повеќе стапчиња, толку посилен мирис.

Можете да направите неколку такви ароматични теглички со различни ароми за секоја просторија во домот.

Кенијските натпреварувачи Кириу Кипротич во машка и Гледис Џепкурио Бивот во женска конкуренција се победници на 12.Виз Ер Скопски маратон, што денеска се одржа низ улиците на главниот град на Македонија.

Маратонската патека од 42.195 километри Кипротич ја помина со време од 2:12:36. Зад него се пласираше неговиот сонародник Ричард Кипроно Бет со време од 2:14:36, додека на третото место се најде Едвин Кирпуто Кирва (2:15:08). Во топ пет маратонци се најдоа шампионот од 2013-та година, Вајклиф Кипкорир Бивот (2:19:07) и Силас Кипроно Ту (2:19:07).

Во женска конкуренција Кенијката Гледис Џепкуруи Бивот со време од 2:40:10 е годинешната шампионка, а зад неа се пласираа Етиопјанката Шаваје Гамечу Дебелу со време од 2:45:30 и Фабиола Џон Вилијам од Танзанија со 2:49:13.

Од македонските натпреварувачи во машка конкуренција најдобро пласиран беше Александар Кираџиев, кој го осови седмото место со резултат од 2:45.57 часа, а веднаш зад него се пласираа Ристе Лазаров (2:48.45), Муџаид Мислимовски (2:54.54) и Игор Јанкуловски со време од 2:56.21 час.

Во женска конкуренција најбрза Македонка беше Весна Кираџиева, која патеката ја истрча за 3:22.41 час, што беше доволно за седмото место, додека Милена Чкрипеска се пласира на осмата позиција со резултат од 3:23.25 часа.

На полумаратонската трка од 21.километар во машка конкуренција триумфираше Албанецот Илир Келези со време 1:10.18 час, втор беше Македонецот Дарио Ивановски со време 1:11.14, а трет Србинот Кристијан Стошиќ, кој ја истрча патеката за 1:14.35 часа. Во женска конкуренција најбрза беше Србинката Даниела Бараќ (1:27.39), пред сонародничката Снежана Милошевиќ (1:32.23), а третото место и припадна на нашата натпреварувачка Адријана Поп Арсова со време 1:36.54 часа.

На пет километри во женска конкуренција победија Рената Соколовска, и Суад Крејзиу во машка.

На  годинашниов „Виз Ер Скопски Маратон“, кој е под покровителство на Град Скопје и Мисијата на Европската унија, учествуваа над осум илјади лица од 46 држави.

Наградниот фонд на маратонот изнесува 17.100 евра.

[Best_Wordpress_Gallery id=”237″ gal_title=”NokenzivotPrilep_07052016″]

Македонија, вечна

Александаре! Александаре……..!
Некој го извикува моето име. Кој ли може да биде?
Александаре….!
Некаква фигура се приближува кон мене. Движењето му е бавно и некако како да се клати. Не можам да го видам убаво, но се приближува. Силуеатата се поблиску е до мене и сега можам уште подобро да забележам дека човеков што кон мене се движи е сакат на едната нога.
Добар ден Александаре!
Добар ден….. возвраќам на непознатиот, од култура.
Што е ова што се случува во мојата Македонија?
Твојата Македонија!? Во себе си велам, ова мора да е некој лудак кој транзицијата го оставила без работа па сега така со поматен ум, што би рекле прилепчани, лета некаде по чавките.
Правам мало движење кон него, сомнително, испитувачки. Се обидувам да му го видам лицето, но светлината која доаѓа од зад него не ми даозволува да забележам кој е.
Седи – ми вели. Кажи ми што се случува во мојата Македонија?
Си велам, кај ти е културата Александаре, одговори му на кутриов човек, можеби нема со кого да разговара.
Е, Александаре што дочекав јас кутриот, зарем јас ова го заслужив? Човеков направи чекор кон мене и го подаде лицето. Видов дека целиот е со боја обоен.
Се насмевнав, зошто смешно ми се стори и му реков: Што чичко, зарем и тебе стигнаа овие шарено-гардејциве да те обојат?
Лицето на човекот во грч се здроби како да му ја кажав најстрашната навреда, а веѓата која како да му беше од нешто сакатена свисна надолу. Мојата насмевка набрзо исчезна, зошто видов дека кутриов, шегата што некој идиот му ја направил, страшно го навредила.
Ми падна жал та станав и реков: Чичко седни, одмори се и кажи ми што те мачи?
Не, рече, не можам да седам, зошто сеуште ме боли копјето на Трибалите што во ногава го добив.
Копје!? – помислив, овој целосно полудел.
Да Александаре, добив и копје во ногата и окото во битката на Метона го дадов за Македонија. А види тие кучиња што ми сторија!
Занемев…. Па ова е Филип II Македонски! Но зошто е ваков!?
Да Александаре, јас сум Филип Македонецот! И не барај одговори туку ти одговори ми, зошто сум ваков обоен, исмеан, унакажан? Кој се осмели, охрабри и одважи да ме понижи? Одговори ми кој дозволи тоа да се случи? Та зарем по земјата Македонска не чекорат Македонци кои ќе ме одбранат?
Устата ми е зината, но глас не пушта. Што да речам, што да одговорам кога вистината ме боли и не ми дава сила да одговорам, да објаснам, да се оправдам, зошто и јас сум Виновен.
Кралу мој, – се обраќам на Филип – грешката која од самиот почеток ја ткаеме е во нас самите. Грешката е во нас зошто Семоќниот ни дал таков генетски код, да простуваме. И можеби токму тоа простување ни искупува Благослов од Семоќниот, да ни помогне кога ни е најтешко.
Зошто му простивме на Александара, братот на Павсаниј кој го зари сечилото во твоето тело и те прати во Вечноста.
Му простивме на пријателите на твојот Голем син кои го отруја, зошто му беа љубоморни и не го разбираа.
Му простивме и на Иван Владислав кој го уби својот спасител Гаврило Радомир, синот Самоилов.
Нивната семка предавничка се провлекува низ целата Македонска историја и ја става на искушенија секоја генерација, од Твое време до денес.
Правнуците на тие синови изроди како што ги нарече Големиот Делчев и денес не црнеат, бојат и обојуваат. Го сечат, плукаат и горат коренот наш Македонски да се заборави дека семката нивна, е предавничка.
Ги ставам дланките врз лицето и чуствувам дека гневот, тој критски бик во мене, ослободил солзи, та тие сега се тркалаат и ги влажнат моите дланки. Старецот ја спушти својата дланка на мојата глава и го смири мојот гнев, исто како што Херакле го скроти критскиот бик и го однесе во Микена.
Знам Александаре, знам како вие е, зошто исто така се чуствуваат и сите херои падната за Македонија. Немирни се и вознемирени. Немирна е и Мојата војска, која е построена и го чека мојот знак да стане, да Воскресне, и да ја одбрани Македонија од клетнициве од изродиве. Војската е немирна зошто немирни им се коските кои скапуваат во земјата Македонска.
Војската е немирна зошто со секој здив, со секој чекор предавнички, тие се превртуваат, лелекаат и ги боли затоа што се уништува најсветото, Македонија.
Имајте храброст Александаре! Верувајте во силата на оваа Света земја Македонска. Имајте верба во Македонија, зошто секогаш кога беше најзагрозена, таа се издигнуваше од пепелта како птицата Феникс и стануваше најсилна.
Македонија ја наследив во време тешко како вашево, денешново. Од сите четири страни сардисани, но Воскреснавме, и светот дозна за Македонија.
Доаѓам од минатото за да ви ја покажам иднината. Доаѓам да ви кажам дека јас сум коренот, вие сте стеблото, а вашите деца се гранките.
Чувајте го коренот и пуштајте ги гранките кон небото, кон иднината, кон Вечноста.
Светлина блесна позади старецот, а боите од неговото лице исчезнаа. Филип светна во сиот сјај, горд исправен и полн со надеж. Левата рака ја стави на својот ксифос, а со десната, стисна тупаница, ја крена високо над својата глава и извика:
Верувајте, Македонија е вечна!

Александар Костадиноски

Во Московската област се убиени петмина моторџии, а по неколкучасовната потрага полицијата го приведе напаѓачот, кој во меѓувреме ја признал својата вина, пренесе ТАСС.

Латино пејачката Џенифер Лопез (46) неодамна објави нов сингл насловен како „Ain’t Your Mama“, a од вчера и спотот е достапен за гледање на Јутјуб.

Песната носи цврста порака за сите жени кои покрај себе имаат „мамини синови“, а во прв план ја истакнува и еднаквоста на половите.

На почетокот на спотот се слуша говор на Хилари Клинтон од 1995 година, кој оваа политичарка го одржала на Светската конференција за правата на жените.

Поглeднете гo видеото:

Научниците тврдат дека го пронашле трупот на „Ендевор“, британски брод на воената морнарица со кој командувал познатиот британски истражувач Џејмс Кук, кој потонал во близина на Њупорт во Роуд Ајланд во 1778 година.

Трупот на бродот на легендарниот британски истражувач Џејмс Кук наводно е пронајден од страна на тим научници во близина на брегот Роуд Ајленд.

Токму на „Ендевор“ капетанот Џејмс Кук го остварил првиот забележан контакт на Европејците со источниот брег на Австралија, Хаваи, и првото пловење околу Нов Зеланд.

Кук вршел команда на овој брод во периодот од 1768 до 1771 година, кога го извел своето познато патување со цел мапирање на неистражените води во јужен Пацифик.

Со години локацијата на потонатиот брод беше чувана во тајност.

Наводно „Ендевор“ неколку пати ги менувал сопствениците, додека конечно не е преименуван во „Лорд Сендвич“ и користен во британската блокада на бунтовничките американски колонии.

Поморскиот археолошки проект Роуд Ајланд (РИМАП) открил труп на местото на кое се наоѓаат уште пет бродови, и кои се лоцирани во близина на аеродромот „Њупорт“ на Роуд Ајланд.

– Врз основа на неговата големина, димензија и овие податоци, знаеме дека „Сендвич“ бил „Ендевор“ соопштиле од РИМАП.

[Best_Wordpress_Gallery id=”236″ gal_title=”Саботнокафе07052016″]

Македонката Ана Топшиова за интернет сајтот www.slavorum.org, напиша одлична статија за тоа како да препознаете луѓе од Балканот во странство. Одлично се отсликани сите комични ситуации преку кои можете да ги препознаете луѓето од ова поднебје на странско тло.

Одиме по ред….

Постојат туристи кој патуваат во странски земји и оставаат барем една работа по која ќе ги запамтите. Исто така, постојат туристи кои ќе се потрудат да направат се, да го дадат најдоброто од себе, за домаќинот никогаш, ама баш никогаш не ги заборави. Да, зборуваме за луѓето од Балканот! Еве конкретна листа која ќе ви помогне да ги детектирате! Ако сакате да ги забележите овие навистина занимливи, забавни и спонтани луѓе, следете ги упатствата кои ви ги приложуваме.

Каде што постои гласно смеење и зборот “политика”, има и Балканци. Ќе забележите дека тие истовремено се смеат на шеги, и покрај тоа што зборуваат различни јазици. Тие обожаваат да пијат ракија и да зборуваат за политика. Кога ќе дојдат до заклучок дека коментирањето за властите не е вредно, продолжуваат да пијат.

Наздравје !

СЕКОГАШ СЕ ПРЕГЛАСНИ

Ако сте надвор на улица и видите група од луѓе кои се прегласни, не грижете се – тоа се само Балканци кои имаат само спонтан разговор! Дури и кога е тивко, тие зборуваат гласно. Имаат навика сите да зборуваат истовремено. Не се караат, само сакаат да бидат слушнати, и разбрани. Не им е грижа што другите мислат за нив…. Се додека некој не почне да ги критикува.

УЖИВААТ ДА СЕ ПРЕЈАДУВААТ

Уживаат да јадат премногу! Не, тие не се срамат од себе си! Гурмани се, итоа од оние агресивните. Кога ќе видат храна напаѓаат како Викинзи!  Па, доколку видите група на луѓе во хотелска линија која чека за храна, бидете сигурни дека има друга група итоа Балканци пред нив кои ќе земат се што гледаат. Затоа побрзајте!

ТИЕ СЕ ПРИЛИЧНО ПОЛНИ СО ВИБРАЦИИ ВО ЈАВНОСТ

Замислете дека сте на плажа, и уживате под некој чадор за сонце. Одеднаш слушате гласно викање. Ќе помислите дека е некоја црвена тревога. Но, тоа е само дете кое игра на околу, а неговата мајка трча по него (таа е гласна затоа што се наоѓа на 100 метра зад него и не може да го запре). Не грижете се, тоа е секојдневна ситуација… Барем за нас!

БАЛКАНЦИТЕ СЕ ЗДРУЖУВААТ ВО КЛАНОВИ

Кога Балканци ќе се сретнат во странска држава, тие веднаш стануваат пријатели и организираат Балкански забави. Поканети сте, се додека сте подготвени да слушате Балканска музика, пиете ракија и вино, играте игри (повторно со пиење) и ги гушкате сите, после второто чаше ракија! Ќе бидите сигурни дека сте на Балканска забава, ако ги слушнете да се нарекуваат меѓу себе “Брат” или друга слична форма (брате, браќа и.т.н.).

ФАМИЛИЈАТА Е СЕКОГАШ НА ПРВО МЕСТО !

Ако сретнете нов пријател или турист кој ќе ве праша за насоки, и таа личност ве прекине додека му објаснувате со зборовите: “Извини, телефонот ми ѕвони. Мора да е мајка ми”, бидете 200% сигурни дека новиот познаник ви потекнува од Балканот. Без разлика на која возраст сме, нашите мајки ќе заѕвонат и ќе прашаат за земјотрес за кој слушнале дека се случил во Јапонија, итоа пред три дена. Па што? И требало оправдување за да се јави.

ХРАНА НА АЕРОДРОМИ

Ако сте на аеродром и чекате за безбедносна контрола, знајте дека постои голема шанса турист од Балканот да биде запрен. Вие си мислите: “Господе боже, заштити ме. Што кријат? Оружје, дрога…?” Хахаха, не! Имаме навика да земеме “мал” пакет храна за нашите братучеди или пријатели. Ве интересира ли што носиме со нас? Неколку тегли со ајвар, сирење, домашни колачи, турско кафе ииии…. па, тоа би било се.

Извор: www.slavorum.org