На почетокот од видеото се гледаат срушени згради некаде во Сирија.
На спратот од срушена бетонска конструкција се гледа потег кој го издаде снајперистот.
На сириската војска и биле потребни само неколку минути за да го лоцираат и со фрлени рачни ракети да го погодат.
А.Г.
Заради Фросина Ременски 76 ранливи семејства не можат да добијат сопствен дом. Револт и гнев кај социјалците затоа што не можат да добијат стан поради опструкции на техничката министерка од СДСМ.
Добитниците на 76-те социјални станови во Прилеп денеска преку мирен протест пред новата социјална зграда во прилепската населба Точила го изразија своето незадоволство и прашуваат зошто по пет месеци од објавувањето на листата дека се добитници, не добиле решение за користење на социјалниот стан од Министерството за труд и социјална политика.
Тие со солзи во очите ја прашуваат Ременски дали знае како е од еден потпис да зависи нивната иднина. Зошто им го прави ова? Зошто не потпишува за да можат тие и нивните деца спокојно да живеат?
-Знаеме дека имаме шанса конечно да се вдомиме во наш сопствен дом и сега дали таа госпоѓа знае барем приближно како е живот да ти зависи од потпис на еден друг? Не е во ред. Помина комисијата видоа како живееме, сите се надеваме, вели Андријана Јовевска, самохрана мајка.
Менка Камческа е добитник на социјален стан. Самохрана мајка е на две деца, живее под кирија, но, како што вели не знае кога ќе се всели во станот.
– Знаеме дека сме добитници. Еве, поминаа пет месеци, а се уште не ни се дадени клучевите и немаме решение од Министерството за труд и социјална политика. Земам 8.000 денари постојана парична помош, а плаќам 2.500 денари кирија. Се уште не знаеме зошто не ги добиваме клучевите од становите. Неиздржливо е. Сметките не ми се платени, ќе ми дојдат извршители, а сама сум со две деца. Што да правам. Прашувам во прилепскиот Центар за социјални работи, оттаму велат одговорот е во Скопје, вели самохраната мајка Камческа.
И Јулијана Дурланова, мајка на две малолетни деца прашува кога конечно ќе добие решение за социјалниот стан.
– Доделувањето беше на 2 февруари 2016 година. Комисијата помина да види во какви услови живеам, но никој не дава решение, ниту клучевите од станот. Живеев под кирија, сега сум кај мојот брат привремено, сите сме во мал простор, вели Дурланова.
-Таа госпоѓа Ременски дали знае во каква ситуација ние се наоѓаме? Или не ги разбира овие работи? Ниту јас сум вработен, ниту сопругата, прашува корисник на социјална парична помош.
Премиерот на Србија Александар Вучиќ упати денеска апел до граѓаните, но пред се до политичарите на Република Српска, да го зачуваат мирот и да се тргнат од било какви судири, со оглед на тоа дека безбедносните служби на Србија дошле до податоци за можни нереди во Бања Лука, за време на најавениот протест во сабота – пренесува intermagazin.rs
“Би било опасно политичките протести во Бања Лука да прераснат во нешто друго, што може да го предизвикаат одредени групи на кои државните структури немаат влијание”, рекол Вучиќ на вонредната пресконференција за мадиуми во Владата на Србија.“ Ги замолувам сите претставници на политичкиот живот во Република Српска да со полна одговорност ја согледаат иднината на земјата, и да добро согледаат дека со било какви немири и физички судири, би го довеле во прашање опстанокот на РС, но и Србија така би била доведена во тешка ситуација”, додал премиерот.
A.Г.
Македонија доби хотел со кој може да се гордее и со кој влегува во светската хотелска мапа. Хотелот „Скопје Мериот“ лоциран на плоштадот Македонија, од денеска е и официјално отворен за гости. Станува збор за инвестиција вредна 30 милиони евра, чија реализација траеше шест години. Моментно вработува 97 лица, а бројката се очекува да достигне вкупно 160.
Хотелот е прв од ланецот „Мериот“ на Балканот и е изграден согласно препознатливите стандарди.
– Многу труд, љубов и финансии се вложени во овој проект. Денес, по многуте непроспиени ноќи, горди сме на она што го постигнавме. Добивме хотел со кој ќе се гордееме и со кој Македонија влегува во светската хотелска мапа. Нудиме врвни услуги, сосема поинакви содржини и концепти, рече Александар Ивановски, генерален менаџер на Develop Group, инвеститор на Skopje Marriott.
Хотелот, додаде Ивановски, е комбинација на традиционална архитектура и модерен внатрешен дизајн. Покрај ултра модерните гостински соби, вкупно 164, различните апартмани, од оние за деца до најлуксузните, нуди и флексибилни и стилски простории за состаноци, посебни сали за настани, ресторан со дистрикт бар и кујна како спој на различните култури, спа центар, фитнес сала,…
Претставниците на ланецот „Мериот“ кои присуствуваа на презентацијата нагласија дека хотелот во Скопје е еден од најсовремените во светот и во него е инкорпориран најновиот дизајнерски концепт, почнувајќи од изгледот на собите до вкупните услуги. Сите технички аспекти се по американски стандард карактеристичен за „Мериот“, особено безбедноста и противпожарната заштита.
Првите гости веќе пристигнаа. Сите се странци од Германија, Холандија,…
Ланецот „Мериот“ моментно брои 500 хотели и ресорти во речиси 60 земји низ светот. Мотото на компанијата е обезбедување брилијантно патување за следните генерации преку трансформација за мобилните и глобални патници кои сакаат да ги спојат работата и забавата.
Во петок 13 мај 2016 година во 20.00 часот во галеријата од ЦК,,Марко Цепенков,, ќе биде отворена изложба на слики ,,За тебе љубов моја,, од Маријета Сидовски. Уметницата ќе се претстави со дела изработени во комбинирана техника на харија (димензии 20x20) создадени 2014/2015 година.
Податоци за МАРИЈЕТА СИДОВСКИ
Родена е во Нови Сад, Србија во 1973. Дипломирала во 1998 година на Факултетот за ликовни уметности во Скопје, Македонија, во класата на проф. Душан Перчинков. Постдипломски студии завршува на Факултетот за применета уметност во Белград, србија, одсек за конзервација и реставрација на штафелајно сликарство под менторство на проф. Светислав Николиќ, во 2010. Во 2005 и 2010 година престојува во Париз и Бетон, Бретања, Франција; во 2005 престојува во Њујорк, САД; во 2005 учествува на V- ти Франкофонски игри во Ниамеи, Нигер, Африка. Од 2005 година работи во Музеј на современата уметност во Скопје, Македонија, како конзерватор. Остварила 35 самостојни представувања во земјава и странство. Учесник е на повеќе од 60 групни интернационални изложби и уметнички колонии во земјава и странство. Награди: 2004 Златна цигла, Галерија Подрум, Нови Сад, награда за најдобра изложба по мислење на публика 2008 Димитар Кондовски, награда за сликарство, ДЛУМ 2012 Вангел Коџоман, награда за сликарство мал формат.
Климе Коробар за творештвото на Сидовски
Минувањето по патиштата на уметноста претставува во суштина патешествие низ просторот и времето. Ова патување е секогаш возбудливо, затоа што притоа можете да сретнете интересни сопатници. Токму на ова свое патување патиштата на Мариета Сидовски ќе се вкрстат со Византија на Кондовски и белината на Петар Мазев. Интересно е кога на своето патување ќе успеете да загребете по стратиграфијата на културните слоеви за да создадете, понесени од нив, сопствен циклус со јасен личен ракопис. Самиот наслов на изложбата упатува дека таа претставува ода за Љубовта, слава за постоењето на емоциите и на апсолутната љубов. Помирувањето помеѓу душата и љубовта во овој циклус ни е понудено според катарзата од митската драма за Психа и Ерос, каде што на крајот желбата и свеста се помируваат и љубовта се интегрира во животот. Така, Љубовта станува Бог, кој обезбедува не само продолжение на видовите, туку и внатрешна кохезија на космосот. Бездруго е Бог, бидејќи настојува да ги изедначи различностите и да ги интегрира и конечно да подари единство. Во таа смисла симболот на љубовта е крстот, којшто во овој контекст претставува синтеза од хоризонтални и вертикални текови, како две битија кои се предаваат и препуштаат едно на друго. Но тие се издигнати на степен на надбитие, пред нас е нова единка, затоа што тоа предавање е целосно. Сликарството на Мариета Сидовски е зрело и инвентивно. Таа го поетизира животот, подвлекувајќи ги неговите онтолошки и метафизички квалитети. Љубовта е основна водилка и оттука доаѓа поетичноста која зрачи од нејзините слики преку суптилно одбрани елементи или цитати. Изложените дела на изложбата „За тебе љубов моја“ претставуваат свеченост за окото, од нив струјат тонови, партитури. Се работи за сликарство со психолошка, симболична сугестија во која гледачот успева да ја осознае душевната состојба на сликарот, а тој пак преку своите дела стои целосно соголен пред нас. Сликарството на Мариета Сидовски како да открива една нова поетика и поетизација на љубовта. Открива, затоа што поттикнува нови сфаќања и нови ликовни доживувања.
Хитот на Тамара Тодевска неколку пати досега беше препеан од страна на нејзините обожаватели, но последниот препев во низата е вистински вирален хит.
Актерот Горан Стојаноски попознат како Џемо Биљбиљ, ја препеа оваа песна, но во својот препознатлив шеговит стил.
Тамара е воодушевена од неговата верзија на големиот хит и истата ја сподели на својот Фејсбук профил.
Од 10-ти до 17-ти јуни по 51-ви пат ќе се одржат МТФ „Војдан Чернодрински“, а во официјална конкурнеција ќе бидат прикажани 13 претстави од македонските театри. Стартот, ќе започне со претставата „Име“ на „Театар Комедија“ од Скопје. На отворањето на фестивалот ќе бидат доделени наградите за животно дело кои годинава ќе им бидат врачени на Лилјана Мазова – театарски критичар, на Сабина Ајрула и Елхаме Билал.
На 51. издание на МТФ, кој Прилеп љубоморно го чува и негува достоинствено, ќе бидат прикажани претставите:
1. – „Кралски игри“ од Григориј Горин, режија Љупчо Ѓорѓиевски – Народен театар – Битола
2. – „Медеја“ од Сашо Димовски, режија Ненад Витанов, продукција – Интернационален фестивал на античка драма „Стоби“.
3. – ,,Животот е прекрасен“ од Николај Ердман во режија на Александар Морфов- МНТ-Скопје
4. – „Јов“ од Венко Андоновски во режија Сашо Миленковски – Драмски театар – Скопје
5. – „Име“, Алексанер Де Ла Патерие и Марје Делапорт, режија Нени Делместре- Театар Комедија – Скопје
6. – „Старицата од калкута“ од Ханок Левин, во режија на Софија Ристевска, НУЦК Ј.Х.К Џинот Театар Велес
7. – „Арсеник“ од Џозеф Кеселринг, режија Куштрим Бектеши – Албански театар – Скопје
8. – „Прометеј“од Есхил, режија Дејан Пројковски – Турски театар Скопје
9. – „Суд“ од Коле Чашуле, режија Дамјан Читкушев – Народен театар Штип
10. – „Ни ќар ни зијан“, Братислав Димитров, режија Синиша Ефтимов – НУЦК Антон Панов – Театар Струмица
11. – „Ревизор“ од Н. В. Гогољ, режија Андреј Цветановски – НУЦК Трајко Прокопив – Театар Куманово
12. – „Парламентарки“, според Аристофан, режија Сашо Димовски – НУЦК Григор Прличев – Театар Охрид
13. „Ајнштановите соништа“, според романот на Алан Лајтман, драматизација Русомир Богдановски, режија Слободан Унковски – Театар Војдан Чернодрински Прилеп
Гоце Бошкоски – Чоки е музичко име кое кариерата ја започна пред десеттина години, освојувајќи неколку домашни и интернационални фестивалски награди како наградата „Тоше Проески“ за најдобра интерпретација на „Еврофест 2007“, или истата таа награда на интернационалниот Радиски фестивал „Зеница 2008“ во Босна и Херцеговина… И кога сите очекуваа неговата кариера да експлодира, Чоки заедно со тукушто оформеното семејство добива иселеничка виза и заминува да живее и работи во САД. По 7-8 годишна пауза, Гоце Б. Чоки се враќа во родниот Прилеп, каде покрај тоа што е ко-сопственик на семејната локална радиостаница „Чоки 5 ФМ“, целосно и се враќа на музиката, настапувајќи со своите колеги Мартин Јанкоски и Љупчо Колевски , како трио насловено: „Гоце Б. Чоки и дуо Свинг“. Во меѓувреме, тој одново почнува да ја гради и својата солистичка кариера снимајќи авторски композиции. Токму деновиве во етерот ја исфрли својата најнова песна „Ти благодарам“, за која стиховите ги напиша Борче Нечовски, а музиката и аранжманот се авторрско дело на композиторот, аранжер и продуцент, Дејан Момироски. Како звучи новата песна „Ти благодарам“ на Гоце Б. Чоки слушнете и сами уверете се во неговите извонредни гласовни можности.
И претходната ноќ помина во “колоритот oд идеи” на шарената револуција во Прилеп. Околу 200 поддржувачи на СДСМ и СОРОС повторно непотребно ги трошеа парите на граѓаните, уништувајќи ја фасадата на општинската зграда, го нарушуваа редот, мирот, слободното движење и нормалниот живот на граѓаните.
Граѓаните, а особено оние кои не ги интересира политиката, не престануваат да реагираат на ваквите вандалски чинови, кои никако не престануваат. Се срамат што мораат сето ова да го гледаат и се згорчени и згрозени од нехуманиот третман кон имотот кој е во сопственост на целото општество.
Со тешки погледи секојдневно гледаат кон ваквото нагрдување и уништување, велат дека никој не им дава за право да го уништуваат она што не го ни создале.
Најгласни во своите осуди се студентите, пензионерите, луѓето од културата, како и здруженијата на граѓани и претставниците на бизнис секторот.
Она што го сакаат сите е убав и чист град, град кој како таков го добија во изминатите 10 години. Граѓаните сакаат и бараат понатамошни вложувања во инфраструктурата и во економскиот развој на градот.
Шпанската кујна е позната по тоа што често комбинира месо со разни зеленчуци добивајќи на тој начин не само здрав оброк туку и храна која е примамлива за окото.
Рецептот кој овој пат го споделуваме со вас е одлична идеја за појадок со која идејата за омлет засекогаш ќе ви се промени.
Потребни состојки:
Подготовка:
Загрејте ја рерната на 200°C. Загрејте 1 лажица масло во голема огноотпорна тава на средна топлина. Додадете го жолтиот кромид и пропржете го 5 минути.
Додадете го исечканиот колбас, компирите и по 1/2 лажичка сол и црн пипер и оставете да се готви во покриен сад, мешајќи повремено, додека компирите не омекнат, односно околу 10 минути.
Додадете го магдоносот. Истурете ги јајцата во тавата и измешајте да се состават состојките. Одозгора наросете чедар и пренесете го садот во рерна.
Печете го омлетот додека чедарот не се стопи и добие кафеава боја околу рабовите, околу 15 минути.
Ставете листови марула и црвен кромид на чинијата за сервирање и полејте ги со маслиново масло. Исечете го омлетот на парчиња и послужете го на чинијата.
