Откако во Москва молња удри во мобилниот телефон на едно момче, додека тоа разговарало за време на бура, руските медиуми побараа стручно мислење.

– Колку што разбирам, мобилниот не е поопасен од велосипедот, скиите, или кој било друг предмет што во одреден момент луѓето го користат. Сметам дека нема некакво особено значење тоа дека тука се работи за мобилен. Едноставно, тоа е често употребуван предмет, којшто често се наоѓа близу нашата глава. Тоа е случајност, молњите се случуваат, и за жал од тоа загинуваат луѓе, рече Александар Гинсбург, доктор по физичко-математички науки на „Обухов”, Институтот за физика при Руската академија на науките.

Сепак, тој понатаму образложува дека и најмалата електрична енергија, која ја има во мобилните, е поопасна од изолацијата, на пример.

– Не треба за време на бура да се разговара на мобилен телефон, препорачува Гинсбург.

Традиционално, со поворка од 100-ина костимирани крушевчани во комити, Турци, чорбаџии, занаетчии, во староградска носија и носија од пред стотина години, синоќа во Крушево по осми пат започна манифестацијата „Крушево-етно град“.

Во домот на културата во рамки на манифестацијата се одржа изложба на ракотворби кои ги прави здружението „Цвет“ од Крушево, со саем на книги и со изложба на младите полетни крушевчани кои сакаат да ги научат и усовршат занетите на нивните дедовци и баби. Меѓу нив е и 19- годишната крушевчанка Елена Атанасоска која изработува слики, фигури и мотиви од срма.

– Занаетот го научив од баба ми и од татко ми и сакам да го усовршам. Работењето со срма е напорно, не можеш повеќе од 3-4 часа одеднаш да работиш, но е многу креативно и инспирира, вели Атанасоска. 

Крушевчани, костимирани во поворката се горди што имаат богата традиција и сакаат да ја пренесат на младите. 

– Многу сум горда на богатата крушевска традиција и на историјата. Облечени сме во староградска носија што се чува кај нас дома во каселите од баба ми и нејзината мајка. Сега се обидуваме да шиеме  таква облека што потсетува од пред 100 години за да ги зачуваме традициите и да ги пренесеме на нашите деца, вели Агапи Чункоска, советничка во градскиот совет на Крушево. 

Манифестацијата синоќа ја отворија организаторите Историскиот музеј на Крушево и локалната самоуправа.

– Горди сме на исторјата и на оваа манифестација што се одржува по осми пат. Сакаме да потсетиме на славните настани околу Илинденското востание, но и за животот тогашен во Крушево за да не се заборави, рече директорот на Историски музеј – Крушево, Зоран Богески. 

Според градоначалникот  Ѓорѓи Дамчески, манифестацијата „Крушево –етно град“ стана бренд низ годините препознатлив во земјата и надвор од неа. 

– Ова е едно културно збиднување со кое сакаме да го доловиме духот на едно минато време од крајот на 19 и почетокот на 20 век, да го доловиме духот на занаетите и еснафот, мирисот на чаршијата. Истовремено да го презентираме целокупниот начин на живеење, културата, обичаите, облеката модата, традицијата, сега во својство на една нова улога на збогатена туристичка понуда на градот, истакна Дамчески, со што ја прогласи за отворена Манифестацијата. 

Синоќа, гостите на плоштадот во Крушево ги забавуваа Наум Петрески и Зуица Лазова. 

Манифестацијата „Крушево-етно град“ ќе трае до 31 јули со пречекот на коњаницата во градот. Овие денови преку низа културни настани, гостите ќе бидат запознати со архитектурата, со историјата, со знаменитостите и занаетите во Крушево.

Ценај Лефтер (57) влетал во одделението за дијализа на една болница во Тирана каде што предизвикал пожар во обид да убие еден маж, но во пожарот загинале две жени – пациентки и самиот Ценај. Мажот кој бил мета на Ценај е Д. Сарачи (38) и уште се бори за живот, јавуваат медиумите.

Двете жени кои лежеле до креветот на кој бил Сарачи, подоцна се идентификувани како Саније Сулај и Хана мали. Двете имале по 55 години.

На снимката која се појави на интернет се гледа како Ценај во еден момент приоѓа на жртвата со шише бензин, го полева, но мажот успеал да го оттурне од себе пред да ја запали запалката. Потоа почнало се да гори.

Пејачката Радмила Манојловиќ никогаш не била посреќна и не го крие тоа. Атрактивната српска пејачка ќе стапне на лудиот камен, а веќе одбрала и венчаница за големиот ден.

– Зарем има нешто поубаво освен кога јавно можете да кажете, да таа е моја! Ако нема љубов секако тука не помага никаков лист хартија, вели Рада и додава дека е исполнета.

Таа долго време ја криеше врската по претходното раскинување.

Еден маж е повреден од огнено оружје во трговски центар во Малме, во кварт каде живеат голем број мигранти.

Нападот се случил во попладневните часови, а мажот кој е повреден е префрлен во болница.

Истрагата е  во тек, а шведската полиција ги испитува очевидците и го пребарува регионот.

Наполитанците ги бришат солзите, затоа што нивниот најдобар напаѓач премина во Торино.

Како што беше најавено пред една недела, денеска и официјално Гонзало Игуаин се пресели во редовите на италијанскиот шампион Јувентус.

Човекот кој за три години во Наполи на 104 меча постигна 71 погодок, денеска го реализираше трансферот вреден 94.4 милиони евра и стана играчот за кој е платен третиот најголем износ во фудбалската историја.

Во продолжение погледнете ги сите 38 погодоци на Игуаин во сезоната 2015/16 во дресот на Наполи:

А.Г.

Иако 99% од нас нема никогаш да се најдат во дивина, секогаш е добро да се виде и научи нешто ново, а тоа посебно се однесува на нешта кои се од огромна важност и кои можат да ви го спасат животот во одредена ситуација.

Како што секој знае, огнот е една од најважните услови за да се остане жив. Во случај да се најдете без запалка, Грант Томсон ќе ви покаже како да запалите оган, користејќи пластична кеса и малку вода.

Погледнете го видеото:

А.Г.

Распеаниот камионџија Андруш повторно пее од срце и душа. Oвој пат за сите негови фанови ја испеа песната “Кажи кажи облаче ле бело”.

Погледнете ја оваа маестрална и полна со емоции изведба:

А.Г.