Од еден од најдобрите играчи, можеби најдобар напаѓач во еден период до бандите во Рио Де Жанеиро. Беше ѕвезда на бразилската репрезентација и Интер, но Адриано Леите Рибеиро е на работ на законот.

Иако има 34 години, години кога фудбалерите уште можат да бидат на врвот на кариерата, фудбалскиот живот за него е завршен.

Последен европски клуб во кој играше беше Рома, од каде замина во 2011 година. Се жалеше на носталгијата за Бразил, па се врати дома, но не постигна ништо, потпиша за Коринтианс, па Фламенго, па беше без договор, па играше за Атлетико Минеиро. Последен ангажман му беше во Мајами Јунајтед, но клубот го раскина договорот со него пред два месеци.

„Неговота мајка и семејството сакаат тој да го напушти Бразил и сите незгоди кои го наоѓаат таму. Ние ќе се грижиме за него и среќни сме што потпиша за нас“, изјавија од Мајами на почетокот на март, но само неколку месеци подоцна никој немаше причина за задоволство.

Фудбалерот кој сега живее во фавела во Бразил беше обвинет за трговија со дргоа и возење во пијана состојна, но не е лишен од слобода.

По предлог на надлежен јавен обвинител од Основното јавно обвинителство – Прилеп, судија на претходна постапка од Основниот суд – Прилеп вчера му одреди мерка притвор во траење од 30 дена на лице осомничено за сторени две кривични дела – Полов напад врз дете кое не наполнило 14 години и за Силување.

Осомничениот, 51-годишен жител на селото Заполжани се товари дека во повеќе наврати во периодот од 2012 до 2016 година извршил полови дејствија врз две малолетни девојчиња во ова село, притоа употребувајќи сила и сериозни закани за да ги спречи да го пријават.

Дистрибутерската куќа “Una Film” го претстави ексклузивниот трајлер за филмот “Големиот кинески ѕид” (The Great Wall).

Со глобалната суперѕвезда Мет Дејмон во главна улога, а под режисерската палка на еден од најголемите визуелни стилисти на денешницата, Жанг Јимо, “Големиот кинески ѕид” говори за елитна сила која ќе го изгради најголемото упориште.

Ова е прва продукција на англиски јазик за Јимо и најголем филм кој што некогаш е снимен во Кина. Во филмот исто така играат: Јинг Тиан, Педро Паскал, Вилием Дафо и Енди Ло.

Бруна Лима, 19- годишна девојка од Бразил, може да се пофали со совршено тело за кое може да им се заблагодари на своите бразилски корени. Лима е фитнес модел, а на нејзиниот Инстаграм профил можат да се видат фотографии од теретана, но и од преубавите пејсажи на плажата Копакабана.

– Заврши изградбата на гасоводот од Клечовце до Блок станица 5 Штип која се наоѓа меѓу селата Драгоево и Селце, инвестиција вредна 75 милиони долари.

На свеченото одбележување на завршувањето на овој голем проект присуствуваа премиерот Емил Димитриев, претседателот на ВМРО-ДПМНЕ Никола Груевски, Костадин Берсењев од Амбасадата на Русија, кој е вршител на должност на работа за Русија во РМ, Михаил Хрјаков, генерален директор на Строј Трансгас од Москва и Крсте Миладинов, генерален директор на МЕР АД Скопје.

Премиерот Димитриев истакна дека денеска успешно заврши првата фаза од гасоводот односно успешно е завршена изградбата на првиот крак Клечовце-Штип.

– Вкупната должина на овој потег изнесува 61 километар, а изградбата на овој капитален проект претставува инвестиција од 75 милиони денари. Она што е уште позначајно со изградбата на оваа делница се овозможува забрзано ширење на целата гасоводна мрежа низ сите поголеми места низ државата. Па така, следниот крак од гасоводот, кој ќе почне да се гради веќе следниот месец, е кракот Штип-Неготино-Кавадарци. Паралено со трасата Штип-Неготино-Кавадарци во септември оваа година планирано е да почнат да се градат уште два крака од гасоводот и тоа трасата Кавадарци-Неготино-Прилеп до Битола, како и трасата Скопје-Тетово-Гостивар, рече Димитриев.

Тој истакна дека по изградбата на овие траси од гасоводната мрежа ќе следи и изградба на трасите Штип-Радовиш-Струмица-Гевгелија со што Македонија ќе се поврзе со Грција. Потоа трасата од Струмица преку Ново Село до границата, а со оваа траса Македонија ќе се поврзе со Бугарија. И трасата Гостивар-Кичево-Струга до Ќафасан и со оваа траса Македонија се поврзува со Албанија.

– Севкупно во период од четири години ќе се изградат нови 204 километри од македонскиот гасовод со вкупна инвестиција од преку 150 милиони евра. Ваквите капитални инвестиции и ваквата динамика на работа јасно говорат за нашиот фокус како Влада за што поскоро да ја изградиме гасоводната мрежа и што побрзо да го донесеме гасот како енергенс до сите компании и до секое домаќинство во Македонија, рече Димитриев.

Тој посочи дека изградбата на гасоводната мрежа низ земјава е од големо значење за економијата, за компаниите, конкурентноста на домашното производство и за подобрување на условите за водење бизнис во Македонија.

– Дополнително достапноста до гасот како енергенс ќе значи големи придобивки за народот, затоа што ќе се намалат трошоците за струја и греење, што директно ќе се одрази врз буџетот на граѓаните. На тој начин отвораме едно поглавје во економијата, ново поглавје во енергетскиот сектор и ново поглавје во севкупниот живот на граѓаните, рече Димитриев.

Вршителот на работите за Русија во Македонија од Руската Амбасада Костадин Берсењев истакна дека изградбата на првиот крак од магистралниот гасовод Клечовце-Штип-Кавадарци е уште еден голем проект на руско – македонската соработка, бидејќи овој крак, кој чини 75 милиони долари, од нив 60 милиони долари се средства за регулирање на клириншкиот долг којшто Русија го наследи од поранешниот Советски сојуз, а 15 милиони долари се средства од буџетот на Владата на Република Македонија.

– Со пуштање во употреба на новата гасоводна мрежа Македонија ќе може да добива природен гас не само од Бугарија, туку и од Србија и од Грција. Не помалку е важно и тоа дека македонските компании стекнаа бесценето практично искуство кое може да го искористат понатаму за изградба и обновување на објектите на гасоводната мрежа на Македонија, рече Костадин Берсењев.

Исто така, додаде дека ова ќе биде и цврст темел за реализирање на нови заеднички руско-македонски проекти во областа на енергетиката.

Во своето обраќање генералниот директор на Мер АД Скопје, Крсте Миладинов оцени дека изградбата на македонскиот гасовод од 61 километар и шест блок станици претставува еден од најголемите проекти коишто ги реализираше земјава.

– Проектот е завршница, но тој е предвесник на новите проекти. Можете да видите дека интензивно се подготвува изградбата на делницата Штип-Неготино-Кавадарци, која официјално започнува во средината на август. Со реализацијата на тие проекти се отвора и нова ера од кои придобивка ќе имаат стопанството и домаќинствата, а исто така ќе имаме и заштита на животната средина. За реализацијата на проектот соработувавме со Строј Трансгас од Москва. Оваа фирма нам ни подари пријателство и квалитет во изградбата на новиот гасовод, рече Миладинов.

Михаил Хрјаков рече дека соработката на фирмата „Строј Трансгас“ со македонските колеги е едно големо искуство и пријателство.

– Компанијата „Строј Трансгас“ реализира многу проекти во делот на енергетиката во многу држави. Ние сме многу горди бидејќи Македонија токму нам ни ја даде довербата да го градиме првиот крак од Клечовце до Штип, истакна Хрјаков.

Изградбата на оваа делница е дел од Проектот за изградба на Националниот гасоводен систем во Република Македонија, еден од најзначајните национални проекти.

Почитувани Сограѓани,

Илинден, е симбол на победата на македонскиот непокор.
Денес, Република Македонија одбележува 113 години од Илинденското востание и 72 години од Првото заседание на АСНОМ.

Илинден е ден кога славиме и се потсетуваме на голем број револуционери и борци за независна Македонија, кои со својата крв ги испишаа најславните страници од историјата на македонскиот народ.

Празнувајќи го овој датум, да им се заблагодариме и да им оддадеме почит на сите знајни и незнајни херои од нашата историја, зашто врз темелите што тие ги поставија опстојува современа и самостојна Република Македонија.

Наша обврска е да продолжиме посветено да работиме на изградба на модерно, просперитетно и европско општество.

На сите жители на Општина Прилеп, како и на сите граѓани на Република Македонија им го честитам денешниот празник.

Нека ни е честит Илинден!

Да ни е вечна Република Македонија!

Во пресрет на големиот христијански парзник “СВ.Петка’, кој се слави на 8-ми август, се интензивираат активностите околу доуредувањето на овој православен храм, во населбата Точила .

„Привршува изградбата на Камбанаријата и партерното уредување на црквовниот двор , и на 8-ми август, на православниот празник „Св. Петка“ овој велелепен православен храм во населбата Точила, ќе добие комплетен, поубав изглед . Храмот „Св. Петка“ е една од најубавите новоизградени православни храмови во Прилеп ,изграден во чест на Св.Петка и во чест на загинатите 10 – ет прилепски бранители, кои токму на овој ден, 2001 година загинаа – истакна градоначалникот на Прилеп , Марјан Ристески.

Изгрдабата на црквата „Св. Петка“ во населбатаТочила започна пред 10 години. Пред две години црквата беше осветена според каноните на МПЦ, со сите црковни обреди, но таа сеуште се гради, доградува и уредува, како внатешно така и надворешно. Нејзината изградба започна со средства донирани од разни донатори, бизнис секторот, локалната самоуправа-Прилеп , од доброволните прилози на голем број добронамерници и почитувачи на верата, а за нејзината изградба беа организиран и неколку донаторски конференции и музички – спортски настани.

Оние пољубопитните од вас кои би го изгуглале Крушево, сигурно наишле на податокот дека на ова место започнала македонската борба за слобода и независност. Дека секоја година на 2 август овде се празнува нашиот најголем национален празник.

И ова лето Крушево е празнично и свечено.

После 30 години откако малата македонска змејарска зедница го откри Крушево и прв пат полета на крушевското небо, ова мало гратче ја доби огромната чест да биде домаќин на елитното 19-то Европско првенство во Змејарство класа 1 и на седмото светско првенство во Змејарство класа 5. Ја доби несекојдневната можност да ја пречека елитата на европските пилоти и светските шампиони кои претходните 2 недели го освојуваа македонското небо над Пелагониската долина, нашата летачка арена.

Крушево го заслужува тоа, пред се затоа што од тука први полетаа токму змејовите. Овој голем спортски настан му даде шанса на ова мало место во срцето на Балканот да стане уште една нова змејарска дестинација.Шанса да докаже дека има потенцијал да биде едно од посакуваните места за летање со змеј во Европа.

Во убавото Крушево, ова беа две возбудливи недели, полни со предизвици, сино небо, многу летање, многу успешни трки, убави дружби и секако освен во летањето пилотите уживаа во вкусната македонска крушевска храна и вино.

Познатата пејачка Шер е отфрлена од семејството, но тоа не е најголемата трагедија која и се случува периодов.

Според пишувањата на странските таблоиди, познатата пејачка боледува од тешка и смртоносна болест, но засега не се познати повеќе детали.

Според пишувањата, фановите на Шер се потресени по оваа вест за неа.

Истрагата за таткото и синот од кои повеќе од десетина дена нема ни трага ни глас откако исчезнаа на падините на Бистра, за жал добива трагични размери. Таткото Љубомир и неговиот 50-годишен син Сашо пред 15 дена исчезнаа кај својата викендица во лазарополе, им се испразнија мобилните што уште повеќе ја отежна ситуацијата, и од нив нема ни трага ни глас. Пресврт во приказната направи наоѓањето на труп во фаза на распаѓање на планината, за кој за жал се верува дека е на еден од членовите на семејството.

Како што дознава Дневник, истражните органи утврдиле дека телото е на 78-годишниот Љубомир Мицевски кој исчезна со својот син.

– Сто години да баравме на тоа место немаше шанса да го најдеме. Човечка нога не стапнала на тоа место. Најверојатно таткото мислел дека по таа кривина ќе слезе на патот и паднал. Тоа е шума која веднаш има дол. Старецот паднал во стрмните карпи и поточето на висина од десетина метри, вели командирот Рефик Пајковски за Дневник.

Синот не е пронајден. Командирот вели Дај боже да го најдеме жив.

– 30 години сум во служба и не сум имал ваков случај. И специјалци со јажиња и кучиња го пребаруваат целиот терен. Чудно е што ни мршојадците не го пронашле. Го извадивме телото со маки, дури кај 22 часот. Побаравме помош од армијата, не можеше да се оди ни со хеликоптер ни со коњ. Тигрите и ренџерите се спуштиле прво со јажиња па пешки, вели командирот.

Се уште се трага по исчезнатиот син со надеж дека е жив.