Патниот правец Градско-Дреново ќе добие нов асфалт и нова патна сигнализација. Денеска започнаа работите на патот кој минува низ територијата на општината Росоман.

Работите се во рамки на реконструкцијата на магистралниот пат Градско-Прилеп, проект на Министерството за транспорт и врски.  информира за МИА Ѓорѓи Крстевски, портпарол во росоманската локална самоуправа.

– Ќе  се асфалтира магистралниот пат од Градско до Росоман, ќе се прошири, реконструира и асфалтира  делот кој минува низ Росоман, за на крај да се продолжи со реконструкција и асфалтирање до селото Дреново,соопшти портпаролот на Општина Росоман Ѓорѓи Крстевски.

Тој појасни дека во делот на населеното место Росоман,  патот ке се прошири по 1.5 метар  од двете страни или вкупно  3 метри. – Со тоа би се зголемила безбедноста на пешаците и учесниците во сообраќајот. Паралелно со овој проект, на овој магистрален пат работи и општина Росоман со изградба на атмосферска канализација и доизградба на тротоари, нагласува Крстевски.

Тој  додаде дека општина Росоман заедно со Владата на Република Македонија како и минатите години,  засилено работат на инфраструктурни проекти со кои би се подобрил животот на населението во општина Росоман.

Спортската сала во ООУ “Добре Јованоски” e четврта училишна сала која се изгради во Прилеп, како дел од проектот на Владата на Република Македонија за изградба на 145 училишни сали.

Откако неодамна заменик министерот за образование Спиро Ристовски изврши увид во градежните работи, денес салата целосно е опремена со спортска опрема и реквизити.

Наскоро истата ќе се стави во употреба и ќе биде добредојдена за учениците во новата школска година.

Со изградбата на овие четири спортски сали во Прилеп значително се подобрија условите за спортување и се овозможи непречено одвивање на наставата по физичко образование во училиштата.

А.Г.

Во градовите (особено во оние големите) уличните свирачи не се реткост. Ги има многу, со различни инструменти и различни таленти, а во метрополата како што е Њујорк, доаѓаат од сите страни на светот.

Овој талентиран млад уметник се вика Сам Маер. Тој е талентиран Австралијанец кој свири на инструмент Ханг. Да го слушнете во живо сигурно би му фрлиле и по некој долар во шеширот.

Погледнете:

А.Г.

Еден момент на невнимание е доволен да предизвика несреќа која може да има катастрофални последици.

Во оваа авто школа дошле до идеја да на кандидатите кои полагаат им кажат дека мораат да напишат порака додека возат, доколку сакаат да положат. Резултатите од тоа на многумина ќе им ги отворат очите.

Погледнете што всушност се случило:

А.Г.

Оваа година продолжува традицијата во Кривогаштани. Под покровителство на општина Кривогаштани се организира традиционалниот августовски ноќен турнир во мал фудбал, кој оваа година го има најголемиот награден фонд од своето постоење.

Во најава е да се случи еден од поголемите турнири во регионот, кој ќе започне на 10 август  и ќе трае точно 17 дена,  а финалната вечер е закажана за 27 август ноќта, пред верскиот празник Голема Богородица.

После едногодишна пауза поради изградба на ново игралиште во Кривогаштани, повторно се организира традиционалниот турнир, кој ќе понуди забава, фудбал, награди и изненадувања за посетителите и натпреварувачите.

По синоќешниот концерт на „Дамјан Пејчиновски трио“ со кој го прослави својот 56-ти роденден, Фестивалот „Охридско лето“ продолжува со музичката програма со вечерашниот концерт на руската пијанистка Ана Винитскаја.

Со своите многубројни концерти низ светот Винитскаја има стекнато углед на исклучителен пијанист. Своето образование го почнува под менторство на своите родители-пијанисти, а подоцна се запишува на Конзерваториумот „Сергеј Рахмањинов“ кај видни професори од оваа област, меѓу кои и познатиот руски пијанист – Евгениј Королиов. Како солист редовно настапува со некои од најреномираните оркестри во светот, а соработувала и со голем број еминентни диригенти.

Добитник е на бројни награди на национални и интернационални натпревари, а во својата биографија впишува и повеќе награди за компакт-дисковите кои ги има издадено, меѓу кои и престижната награда „Еко Класик“ (Echo Klassik) во 2011 година.

Концертот ќе се одржи во црквата „Света Софија“ од 21 часот, а на програмата се дела на Шуман, Брамс, Шопен.

Во рамки на „Охридско лето“ вечер како ретроспектива на продукцијата на „Вардар филм“ во Центарот за култура од 20 часот ќе се прикажува филмот „До победата и по неа“ од 1966 година.

Едно видео објавено на Редит покажува како уживањето во сонцето и морето се претвора во кошмар за една двојка.

Имено, при скок од карпа девојка се лизнува, а нејзиното момче наместо да и помогне, направи нешто што ги шокираше социјалните мрежи и го „номинира“ за најсериозен кандидат за титулата „најлошо момче во историјата“.

Девојката во еден момент губи рамнотежа и паѓа на карпата и инстинктивно пружа рака за да го фати момчето за нога, а тој во истиот миг ја повлекува ногата и таа паѓа во морето.

Голем број луѓе го критикуваа момчето поради неговата постапка, но имаше и такви кои застанаа во негова одбрана, трврдејќи дека можеле и двајцата да настрадаат ако таа го повлечела со себе.

Видеото го снимил Александар Тихомиров, а падот можете да го видите по 2:27-та минута на видеото.

Пресметката на ноќните дами се одвивала среде улица, среде бел ден.

Игнорирајќи ги автомобилите кои поминувале, две жени се тркалале по асфалтот, а имале и публика – мажи, за кои се претпоставува дека се макроа.

Има тука сѐ и сешто- од кубење коса, боксови, плукања и кога се мислело дека поминала тепачката, еден од мажите ја дигнал претепаната жена на нозе и ѝ наредил да продолжи со тепачката.

Тепачката се одвивала на патот Вајт Плеинс, во озогласениот дел на Њујорк – Бронкс.

Започна асфалтирањето на регионалниот патен правец Обршани- Боротино, во должина од околу 4 километри.

Реконструкцијата е вредна околу 500 илјади евра, а се очекува патот да биде завршен до крајот на овој месец.

Инвестицијата се реализира преку Јавното претпријатие за државни патишта.

Овој пат не беше предвиден во програмата, но проектот се реализира по барање на жителите.