Запомнете ги овие инструкции кои се многу значајни во случај на поплава.

Се што треба да знаете е:

Ако се предвидува поплава

1.Заштитете ја електричната енергија или опремата за греење.

2.Исклучете ја електричната енергија само ако поплавата се’уште не започнала и ако е суво околу кутијата со осигурувачите.

3.Наполнете резервна батерија бидејќи не знаете колку време ќе останете без струја.

Пред поплавата
1.Создадете бариери за да ја запрете поплавата да навлезе во вашиот дом.
2.Запечатете ги ѕидовите од вашите подруми со водоотпорни предмети за да избегнете продирање на водата.
3.Кренете ги шахтите близу вашата куќа за водата да се движи во таа насока.

Ако поплавата е неизбежна

1.Спакувајте торба со најважните предмети во случај да треба да бидете евакуирани. Не заборавајте да ги земете вашите неопходни лекови.

2.Ако ви се советува да излезете од домот, направете го тоа веднаш.

3.Доколку имате можност, одете на горниот кат и таму однесете го мебелот и другите предмети

4.Исклучете ги сите електрични апарати.

5.Отстранете ги сите токсични супстанции како што се пестицидите и инсектицидите за да спречите загадување.

6.Доколку имате можност, заштитете го домот со вреќи со песок или полиетилен бариери.

7.Доколку водата е присутна, во никој случај не се обидувајте да ја исклучите електричната енергија. Водата и електричните жици можат да бидат смртоносни. Веднаш напуштете го домот.

За време на поплавата

1.Не одете низ водата. Дури и ако има само 15 сантиметри вода, а таа се движи, може да предизвика да паднете.

2.Ако морате да одите низ водата, одете онаму каде водата не се движи. Користете стап за да проверите колку е длабоко и дали е цврста земјата пред вас.
3.Не возете во поплавените подрачја. Ако водата се зголеми околу вашиот автомобил, напуштете го и движете се кон повисоко.

4.Не допирајте електрична опрема ако сте водени или ако сте во вода.
5.Доколку гледате некоја личност на која ѝ е потребна помош, јавете се на 195, 192 или 193. Немојте да преземате ништо посериозно на своја рака.

6.Избегнете преминување мостови ако водата е на високо ниво и ако се движи брзо.

Ако треба да бидете евакуирани:

1.Доколку властите строго препорачуваат евакуација на вашиот дом, тоа веднаш направете го.
2.Земете торба со основните предмети.
3.Следете ја рутата дадена од официјалните лица и не одете по скратени патишта.
4.Во никој случај не ги оставајте домашните миленичиња или добитокот врзани. Ако се врзани нема да можат да се спасат.

После поплавата
1.Не се враќајте дома се’ додека не одобрат властите.
2.Ако главниот прекинувач не бил исклучен пред поплавите, не влегувајте во вашиот дом се’ додека не дојде електричар и да утврди дека е безбедно.
3.Бидете екстремно претпазливи кога се враќате дома. Апаратите кои биле преплавени може да претставуваат ризик од удар или пожар кога се вклучени. Не ги користете се’ додека не се чисти, суви и проверени од електричар.
4.Слушајте вести за да бидете добро информирани.
5.Исчистете и дезинфицирајте се’ што се изводенило. Калта од поплавата може да содржи отпадни води и хемикалии.

Според календарот на МПЦ (Јулијанскиот календар) денеска е 26 јули.

Света Параскева (Петка) беше родум од Рим.

Родителите и беа христијани, така што од мали нозе ја воспитаа во Христовиот дух. Кога и умреа родителите го раздаде целиот свој имот на бедните и се замонаши. Со голема ревност го проповедаше словото Божјо, не криејќи се од никого. Така и стигна до римскиот суд. Неколку пати беше предавана на маки, но Господ ја исцелуваше на чудесен начин. Најпосле, некој кнез Тарасиј и ја отсече главата. Моштите и беа зачувани, а подоцна пренесени во Цариград. Пострада за Христа во вториот век.

Пронајден е херојот што спаси стотина животи вчера. Елка Јачева Улчар, која објави статус на социјалната мрежа „фејсбук“, за „Република“ изјави дека го нашла херојот кој им помогнал на многу луѓе во вчерашното невреме кое се случи во скопско и тетовско.

– Го најдов човекот. Тој е од село Вратница, но не сака никаков публицитет, не сака да се експонира. Ќе го објавам неговото име на „фејсбук“ и сакам јавно да му се заблагодарам за се она што го стори за сите нас, што помогна на патниците кои сакаа да патуваат кон обиколницата – изјави д-р Јачева – Улчар, научен соработник во Институтот за македонски јазик „Крсте Мисирков“.

Многу луѓе кои синоќа патувале и сакале да влезат во Скопје, сведочат дека на влезот во Скопје, пред обиколницата биле запирани од млад непознат човек кој ги препупредувал на лошата и опасна ситуација на обиколницата. Тие својот пат кон домовите го пренасочувале по други пристапни патишта, со што практично си ги спасиле и животите.

– Човекот беше многу хуман, едноставно реагираше човечки и им помагаше на луѓето. Вакви луѓе ја враќаат вербата во човештвото. Ние се враќавме од летување и нам патот не не водеше преку обиколницата. Од роднините и пријателите веќе бевме информирани дека има невреме во Скопје, но кога го преминавме граничниот премин Табановце, немаше трага од дожд. Се гледаа само молњи во далечината, личеше како да се во Албанија, а не тука близу, во Скопје – објаснува Јачева – Улчар.

Таа е благодарна што уште постојат хумани луѓе кои во секој момент би помогнале на непознати, посебно во вакви тешки ситуации.

Веднаш по објавената вест за синоќешното невреме што го зафати Скопје, Општинa Прилеп се екипира и испрати екипа од ЈKП „Водовод и канализација“, цистерна со пивка вода и возило-цистерна за извлекување вода, како и противпожарни екипи, за интервенција во зафатеното подрачје од невремето, како првична помош за ублажување на последиците од оваа катастрофа што го зафати Скопје.

Градоначалникот на Прилеп, Марјан Ристески нагласи дека ова е првична помош од општината и дека надлежните институции од Прилеп се во состојба на подготвеност и ќе ги чекаат насоките од надлежните институции од Скопје и Центарот за управување со кризи, за каква било понатамошна помош и интервенција.

– Сакам да изразам сочуство до семјствата кои ги загубија своите најмили во полавите што го зафатија Скопје и другите градови во Македонија. Прилеп се става во целосна функција да помогне и во оваа прилика апелирам до Прилепчани повторно да ја покажат својата хуманост и да донираат вода, храна, хигиенски средства за помош за настраданите семејства од поплавите. Дури, како град, може да одговориме и во смесувачки капацитети за семејства, доколку тоа е потребно. – изјави градоначалникот на Прилеп, Марјан Ристески.

Локалната самоуправа и ОО на Црвениот крст – Прилеп, утре, 8-ми август, ќе организираат и хуманитарна акција за собирање на флаширана вода, конзервирана храна, средства за хигиена и детски памперси, кои моментно им се најпотребни на настраданите семејства од елементарната катастрофа која го зафати Скопје и другите градови. Пунктот ќе биде поставен од 10 до 18 часот, на плоштадот Методија Андонов Ченто.

Дарија е сопственичка на една од најубавите и најдолгите фризури на светот и не планира за скоро да ја скратува.

Русинката Дарија Губанова од неодамна стана популарна на интернет, како и во својата земја, каде поради својата преубава, долга коса, го доби надимакот “вистинска Златокоса”.

View this post on Instagram

A post shared by Дашик Веснушка/ Long hair (@dashik_gubanova)

Иако својата коса ја расте од 2003 година, оваа девојка од градот Барнаула, дури сега го доби вниманието на јавноста и интересниот надимак.

View this post on Instagram

A post shared by Дашик Веснушка/ Long hair (@dashik_gubanova)

Во изминатите 13 години, Дарја не се оптеретувала со одење на фризер и во салони за разубавување и од тогаш косата ја нема скратено ниту еден милиметар.

View this post on Instagram

A post shared by Дашик Веснушка/ Long hair (@dashik_gubanova)

Тајната на нејзиниот успех лежи во маслото од ленено семе, кое ја негува и поттикнува на раст косата. Поради тоа нејзината коса изгледа толку густа и негувана.

View this post on Instagram

A post shared by Дашик Веснушка/ Long hair (@dashik_gubanova)

Губанова не планира да ја скратува косата, барем додека не ја исполни својата цел, а тоа е да има коса до стапалата.

View this post on Instagram

A post shared by Дашик Веснушка/ Long hair (@dashik_gubanova)

А.Г.

Првото коло во Првата македонска фудбалска лига започна со пелагониското дерби помеѓу екипите на Победа и Пелистер. Победа беше домаќин на овој натпревар во Битола, поради градежните работи кои се изведуваат на стадионот “Гоце Делчев” во Прилеп.

Битолчани го добија натпреварот со резултат 0:2, со головите постигнати во второто полувреме, и тоа: Бразилецот Фереира Кардосо стрелаше во 76-та минута, а Антонио Бујчески во 4-та минута од судиското продолжение ги запечати трите бода за Пелистер.

Она што остави впечаток е преполниот стадион “Тумбе кафе” и громогласното пеење од многуте љубители на фудбалот. Во Битола присутни беа и голем број припадници на навивачката група Мајмуни, кои заедно со битолските Чкембари направија одлична атмосфера, во духот на коректното навивање и фер игра.

Советот на Град Скопје на денешната вонредна седница донесе одлука на семејствата на жртвите од невремето кое го зафати синоќа скопскиот регион да им биде исплатена еднократна парична помош од 180 илјади денари.

На седницата која започна со едноминутно молчење за загинатите во невремето, градоначалникот на Град Скопје, Коце Трајановски ги презентира мерките и активностите преземени од градските власти за справување со последиците од елементарната непогода. Тој истакна дека најпогодена од невремето е општина Гази Баба каде има 20 жртви, а штети се пријавени и во општините Кисела Вода и Аеродром.

– За дваесетина минути наврнаа 93 литри на метар квадратен. Тоа е како водена бомба да падна врз градот Скопје.  Дождот затече многу луѓе на поле, на пат и на обиколницата…Невремето однесе дваесетина жртви. Сочуствуваме за загинатите и се надеваме дека нема да има нови жртви, рече Трајановски.

Тој рече дека Град Скопје веднаш интервенирал на критичните точки во градот, а со градоначалникот на Гази Баба се упатиле кон најпогодените места во таа општина, но не можеле да се пробијат поради обилните дождови. Во справувањето со невремето имале голема помош од МВР и од АРМ кои интервенирале со џипови, хермелини и камиони, а била ставена во функција и сета механизација на јавните претпријатија на град Скопје.

Трајановски информира дека за помош на населението направен е прифатен центар во СУ „Панче Арсовски“, каде се згрижени околу илјада лица чиишто куќи биле оштетени. Пунктови за дистрибуција на храна, вода и облека се отворени и во ОУ „Наум Наумовски Борче“ и во ОУ „25 Мај“.

Инаку, и денеска механизацијата на јавните претпријатија е вклучена во расчистување на улиците. Помош за справување со последиците од поплавите пристигнала и од повеќе општини во државата.

Трајановски најави дека претставници од градот Скопје и од Владата ќе бидат делегирани во комисија за проценка на штетите што ќе ја формира општина Гази Баба. Денеска во 16:30 часот е закажана и вонредна седница на Владата на која ќе присуствуваат и претставници на сите институции кои беа вклучени во санирање на последиците од невремето.

Општина Кривогаштани денеска испрати возило со цистерна и две пумпи за црпење на вода, како и тројца луѓе од ТППЕ Кривогаштани и од Јавното претпријатие „Пелагонија“, како помош за настраданите населени места од поплавите во Скопје.

„Доколку има потреба општината и ЈКП „Пелагонија“ се подготвени да испратат дополнителни ресурси како во опрема така и во луѓе, согласно можностите и потребите. Исто така утре од 9 часот пред ТППЕ Кривогаштани ќе биде отворен пункт за донација, каде сите граѓани ќе можат да донираат за настраданите од скопско. Ги повикувам сите жители на општината да донираат според своите можности, и уште еднаш, како многу пати досега, да ја покажеме нашата хуманост“, изјави Тони Заткоски, градоначалник на Кривогаштани.

Вчера околу 19,00 часот во Прилеп на ул.„Тризла“ 46-годишниот С.А. и 29-годишниот Е.Д.  додека конзумирале алкохолни пијалоци, дошло до меѓусебна расправија, во која С.А. се обидел физички да го нападне Е.Д. Истиот заминал и по кратко време се вратил заедно со неговиот татко. Повторно започнале расправија и меѓусебна турканица, по што Б.Д. паднал на земја, а С.А. почнал да го удира. Е.Д.  извадил нож и го прободел С.А. неколку пати во пределот на грбот по што истиот се завртел и му го одзел ножот од рака и му нанел убодни рани во пределот на градите и вратот. Истите биле разделени од страна на присутните граѓани. На лицата им била укажана лекарска помош во Градската болница – Прилеп и кај С.А. била констатирана телесна повреда, додека кај Е.Д. констатирани биле тешки телесни повреди и истиот бил задржан на понатамошно лекување. Околу 23,30 часот С.А. бил приведен и задржан во ПС-Прилеп и по целосно расветлување на случајот, против учесниците ќе бидат поднесени соодветни пријави.

Вчера во манастирот Св. Атанасиј во населеното место Локвени, во општина Кривогаштани, беше поставен камен темелник за изградба на нов конак. Со овој свечен чин чиноначалствуваше Митрополитот на Преспанско –Пелагониската епархија Господин Петар, а присуствуваа голем број верници како и градоначалникот на општината, Тони Заткоски.

„Манастирот има доста атрактивна локација со прекрасен поглед на безмалку на цела Пелагонија и со неговата изградба се очекува голем број верници својот духовен мир да го пронајдат токму на ова место. Црквата се градеше околу 4 години, а според најавите се очекува конаците да бидат готови за околу 2 до 3 години, и да имаат капацитет да примат околу 30-тина посетители“, истакна Тони Заткоски, градоначалник на Кривогаштани.