Денеска во работна посета на општина Прилеп беше присутен министерот без ресор Неждет Мустафа кој оствари средба со градоначалникот Марјан Ристески, Претседателот на Совет Никола Димески како и со тимот на градоначалникот. Министерот без ресор Неждет Мустафа кој воедно е и национален координатор на Декадата и Стратегијата за Роми, разговараше со Градоначалникот за тековните и идни проекти поврзани со општина Прилеп.

Министерот, зедно со Градоначалникот Ристески и претседателот на Совет направија увид на градежните работи за реконструкција на дел на постојна улица Ердован Шабановски и најавија дека при крајот на месец октомври истата ќе биде асвалтирана во должина од 350 метри, а насебата Тризла ќе добие нова канализациона мрежа. Градоначалникот Ристески посочи дека локалната самоуправа во континуитет инвестира во оваа населба во подобрување на патната инфраструктура, осветлувањето, поставување на бекатон плочки, наскоро жителите ќе добијат и нова спортска сала …се со цел за подобрување на условите на живеење на граѓаните од ромска националност, а со истата динамика ќе продолжи и понатаму.

Во рамки на проектот “Инклузија на деца Роми во јавни предучилишни установи (детски градинки)”, денеска беше посетена и детската градинка во населба „Тризла“ каде се имплементира проектот за инклузија на децата Роми во детските градинки.

Главната цел на проектот е подобрување и поддршка на интеграцијата на децата Роми преку зголемување на бројот на деца Роми во предучилишните установи, една година пред поаѓање во основно образование, а во последните три години зголемувањето на бројот на деца Роми во предучилишните установи од 20 е зголемен на 30. Исто така, се настојува да се подобри пристапот, ставот на родителите на опфатените Ромски деца преку јакнење и поддршка на развојот и образованието на Ромските деца на возраст од 4 години и 5 месеци до 6 години, да се подобрат социјалните вештини, подобрување на владеењето со македонскиот јазик, како и да се зголемат компетенците на воспитувачите и негователите за работа и надминување на предрасудите и стереотипите за Ромите во јавните детски градинки. За потребите на проектот Министерството за труд и социјална политка одобри посебни средства за работно ангажирање на 17 негователки Ромки.

Отворено со Ице Соколески, тренер во Ракометен Клуб Прилеп. Опширно за моменталната состојба во ракометот во Прилеп и Македонија. Расположен за разговор, низ насмевка и кафе, како во еден здив, Ице не “бомбардира” со ракомет.
Здраво Ице и добредојде на markukule.mk .

Добро ве најдов и благодарам за поканата.

Ти си млад тренер, на почеток на тренерска кариера, кажи ни нешто повеќе за тебе и како се најде ти во светот на ракометот?

Да, за 3-4 месеци ќе полнам 35 години, а веќе четврта година работам во РК Прилеп. Зборот ракомет има посебно место во мојот живот и слободно можам да кажам дека после фамилијата, ракометот ми е главно мото, движечка сила, енергија. Едноставно, опседнат сум и 24/7 со ракомет преокупиран. Прв пат во универзалната сала на ТУТ-КОМ ме однесе мојот татко. Бев многу мал, а тој штотуку се откажа од активно играње. Ми влезе во крв и тоа трае и трае до ден денес. Ги поминав буквално сите категории во РК ТУТ-КОМ, а прв пат во сениорскиот тим ме повика Богдан Маковеј, чинам тоа беше 1994 година. Таму бев се до последниот ден од неговото постоење и трансформацијата на клубот во Златен Даб, а потоа во РК Прилеп.

Како е поставен во моментов клубот, едноставно, како функционирате?

Пред четири години се јави иницијатива кај градоначалникот на Општина Прилеп Марјан Ристески, кој во една ситуација, рекреативно играјќи фудбал ми рече: – “Ице, ракометот во Прилеп мора да го вратиме на старите патеки , Прилеп е жеден за ракомет ! “
И така почна се. Набрзо се оформи иницијативен одбор, почнавме буквално од нула. Брзо потоа се екипиравме и започнавме со работа. На иницијативата се приклучи Александар Мариновски, претставник од бизнис секторот во Прилеп. Александар во ракометот не бил никогаш, но се вложи себе си со целиот свој ентузијазам и искуство во менаџирање. Го осети вкусот на победата, на поразот и така се зарази на некој начин и тој. На почетокот работев со голманите, водев своја група деца, му бев асистент на тренерот Орде. Првата полусезона се регистрирав и играв, а во меѓувреме бев задолжен и за обавување на техничките и организаторските работи околу клубот. Не сакавме да брзаме и направивме план (програма) по која ќе се движи клубот. Клубот растеше од ден во ден. Се појавија и првите засилувања во името на Боро Чурлевски кој несебично го делеше своето огромно знаење и искуство со мене. За жал тоа не траеше долго. Боро замина во легендите, а јас на сред сезона прифатив огромен товар и одговорност, да го однесам клубот кон висока и амбициозна цел, која се викаше play off. Во мене потајно вирееше мислата : млад си, да не изгориш ! Но, така е тоа во спортот, некогаш треба и луда храброст. Сепак на крај успеавме, дојдовме до зацртаната цел, ги донесовме во Прилеп големите Вардар и Металург, ја наполнивме универзалната сала како некогаш. Денес тука е Томе Петревски, легендарен македонски ракометар кој дојде да пренеси дел од своето ракометно богатство и да помогни клубот да се издигне на уште повисоко ниво. Јас сум тука до него, му асистирам и внимателно учам.

Оваа сезона во клубот имате и повеќе интернационалци, можеби невообичаено за Прилеп. Која е иднината и реалната слика на ракометот во Прилеп и Македонија?

Одлично прашање. На оваа тема можам и сакам да зборувам навистина многу. Ќе бидам максимално искрен и реален. Да, имаме тројца ракометари од Србија, еден од Украина и еден од Босна и Херцеговина, како и по еден од Битола и Скопје. Исто така во клубот тренираат повеќе од 120 млади кадри. Имаме талентирани деца тоа е факт, но имаме проблем. За жал во нашето општество на дете кое има индиции да достигне поголема висина, му велат ти си за кошаркар. Детето започнува да тренира кошарка и таму го ставаат на позиција центар, оти е високо се разбира, а тоа високо дете е едвај 191 cm. Сето тоа е трагикомично на некој начин, бидејќи можеби тоа дете е новиот Лазаров, Мојсовски, Миркуловски. Исто така хендикеп ни е и таа лева рака. Апелирам до сите наставници по физичка култура да секое дете кое има појака лева рака и знае да направи колут напред од прва, да го донесат во клубот за општокорисно задоволство.

Во јуни бевте дел од првиот ракометен камп на Кире Лазаров во Охрид. Кажете ни како се случи тоа и споделете некое искуство од таму до читателите на маркукуле.

На мое огромно задоволство добив повик од Барселона, од капитенот, кој морам да кажам дека заедно со Горан Кузмановски Таста ми се најголема поддршка и мотив за работа и докажување. Повикот гласеше : -“ Ице имам проект и те планирам тебе. Не затоа што сме другари, затоа што мислам дека вредиш и заслужуваш “
Во тој момент ова ме остави без зборови. Се случи кампот и ќе го паметам тоа огромно искуство за мене. Имаше повеќе од 150 деца и се работеше два пати на ден по план и програма. Едноставно ќе кажам дека капитенот Лазаров со своите размислувања е 20 години понапред од сите нас. Тој ја замислува во глава секоја идна позиција и генерација на македонскиот ракомет. Да имаше Македонија барем уште еден, два вакви синови, кај ќе ни беше крајот?!

Благодариме за исцрпниот разговор и се надеваме на соработка и во иднина.

Благодарам и на вас што како млад медиум издвоивте простор за ракометот во Прилеп и за поддршката на клубот.

Подготви: Александар Георгиоски

Сокот од домати не е волшебно стапче, но е одлично решение за слабеење, покажува едно истражување направено на медицинскиот универзитет во Тајван. За да почнат да се топат килограмите, доволна е една чаша од овој напиток во текот на денот.

Здрави жени помеѓу 20 и 30 години кои во текот на два месеци го пиеле овој сок а притоа не ја менувале исхраната, изгубиле 2,5 сантиметри во обемот на половината. Им паднало и нивото на холестеролот, и тоа за 10 отсто. Истражувачите од кинескиот медицински универзитет во Тајван тврдат дека овој напиток би можел да биде клучен фактор во борбата со вишокот на килограми.

Сокот од домати е добар извор на ликопен, антиоксиданс што го намалува ризикот од рак и од срцеви заболувања. Интересно е дека има повеќе ликопен во кечапот и во сокот од домати отколку во свежиот зеленчук.

Кина ќе и помогне на сириската Влада во борбата против Исламска држава со испраќање „воени советници“.

Оваа новина ја обзнаниле сириски воени официјални лица.

Русија, Иран и Ирак веќе се договорија да воспостават заеднички информативен центар во Багдад за да ги координираат своите операции против екстремистите од ИД, наведуваат воено дипломатски извори.

– Кинези ќе пристигнат во следните недели, изјави сириски воен претставник за либански медиум, пренесуваат западни агенции.

Во извештајот се вели дека кинески брод е на пат кон Сирија со десетина „воени советници“ по што Кина планира да испрати војници. Бродот го минал Суецкиот канал во Египет и се движи во Средоземното Море. Според либанските медиуми, кинеските воени советници ќе му се придружат на рускиот персонал во областа Латакија

За само неколку дена по втор пат крахира оваа најкористена апликација во светот. Прашањето што ги мачи зависницитеод FACEBOOK е дали ова сето ќе остави трајни последицисо целиот комуникациски систем. Да се надеваме дека нема да се оставрат прогнозитена скептиците кои тврдат дека на денешницава нема програма и систем што не може да бидат хакирании уништени! Ние посакуваме да не се во право.

Она што последниве две години претставува посебна гордост на спортски план во нашата држава се секако успесите на Игор Стефановски Иџе и неговите фуриозни победи на Европскиот шампионат на ридски патеки.
Две години по ред шампион и одбрана на титула во својата категорија е успех со кој ретко може да се пофали некој во ова натпреварување каде во игра се голем број натпреварувачи и голема конкуренција.

Иџе успеа и оваа година да забележи 9 од 11 победи и да ни донесе радост како нација, поставувајќи дури 8 рекорди на патеките од својата класа. Секогаш позитивен и насмеан, отворен за медиумите и за сите заинтересирани кои сакаат да ги проследат неговите успеси, со македонското знаме и химна како главна одлика на неговите настапи, Иџе говори за сите предизвици кои ги имал на патот кон втората титула.

Неговите успеси му го донесоа признанието Спортист на годината на Македонија во 2014 година како и одликувањето стипендист од светска категорија од страна на Агенцијата за млади и спорт на Република Македонија. Исто така, по завршувањето на неговата кариера, ќе се стекне со Национално спортско признание популарно наречено спортска пензија. Заслужено во секој случај.
Овој наш летечки автомобилист е пример за истрајност, пример за спортист за кого ограничените ресурси не се изговор за постигнување на крајната цел.

На нашето заедничко дружење во неделата на изложбата на Олд Тајмери во центарот на Кавадарци, Иџе специјално за markukule.mk, испрати фотографии со својот сопатник кон победите Mitsubishi Lancer.
Се надеваме дека овие успеси со кои се закити Игор Стефановски и ние како нација нема да застанат тука и дека во иднина ќе растат уште повеќе, дека ќе се изнајдат спонзори кои ќе вложат на вистинско место и ќе му овозможат своите победи да ги продолжи и во повисока категорија.
Му посакуваме на Игор уште поголеми успеси, низа победи во иднина, развиорено македонско знаме на многу подиуми и пред се добро здравје во новите предизвици.

Театарот „Војдан Чернодрински“, вечерва со претставата за деца „Како се станува Цар“ од Афродита Кирјаковска, во режија на Кирил Петрески гостува во Штип на детскиот театарски фестивал “Малиот принц“.

Најмладите во Штип ќе можат да уживаат во претставата работена по домашен драмски текст за деца. Целиот текст е напишан во стих и тоа на некој начин дополнително ја мобилизира актерската екипа.

Приказната е сместена во малиот свет на инсектите на дворецот на Царот Дувниветре, но сепак, раскажува за потребата од човечки вредности: љубов, другарство, дарежливост, искреност. Во претставата играат: Цар Дувниветре – Најдо Тодески, Ветрушка – Виолета Чакарова, Штурецот – Зоран Иваноски, Мувата Ѕунѕарка – Марија Спиркоска – Илијоска, Првата Пчела – Наташа Наумоска, Втората Пчела – Ангела Наумоска, Мравката – Димитар Георгиевски и Бумбарот – Михајло Миленкоски.

Костимографијата е на Даниела Настоска, музиката ја компонираше Томе Темелкоски. Сценографијата е на режисерот Петрески и Пеце Ристески.

Во првото коло од првата пингпонгарска лига Здравје Радово, екипата на Младост 96 од  Прилеп,  гостуваше во Битола на екипата на Мултитекст која е претендент за највисок пласман и во крајно интересен и до крај неизвесен меч загуби со резултат 5-4. Младост 96 играше без новото засилување Стомнароски, но иако ослабен сепак пружија достоен отпор. ППК Младост 96 имаше водство со 3-0 и 4-2, но петтиот поен не беше достижен. Две победи издвојува Златко Рикалоски и по една победа постигнаа Александар Рикалоски и Методија Иваноски. Во следното второ коло наредната недела ППК Младост 96 ќе ја пречека екипата на Пошта 2 од Скопје и се очекува без поголеми напори да ги прокнижи првите бодови во лигата.

[Best_Wordpress_Gallery id=”49″ gal_title=”Ноќен живот Прилеп (Art Cafe, Virus, Take Five) – 26.09.2015″]

Ѕвездата на Барселона и еден од најдобрите светски фудбалери Лионел Меси на саботниот дуел од Шпанското фудбалско првенство доживеа тешка повреда која со сигурност ќе го оддалечи од теренот најмалку два месеци.

Аргентинецот се повреди во почетните минути од мечот со Лас Палмас и мораше да биде заменет.

Барселона го доби натпреварот со 2:1, но петтата победа на Каталонците ќе остане во сенка на повредата на нивниот најдобар играч.

Ова е голем удар за Барселона во пресрет на натпреварите од Примера, а секако и за средбите од Лигата на шампионите.

Поради паузата, Меси ќе го пропушти популарното дерби со големиот ривал Реал Мадрид, „ел класико“, кое се игра на 21 ноември.