[Best_Wordpress_Gallery id=”402″ gal_title=”NoemvriNoken4″]

Ова е автомобилот кој го привлече вниманието на целиот свет и сите зборуваат за него. Во Венеција се забранети автомобили па така овој човек својата желба да се вози во Венеција ја претвори во реалност.

Ливио де Марко немал многу пари за да си купи Ферари, па направи свој изум, а му требале 5 месеци за да го направи ова чудесно возило во кое ставил Yamaha мотор за чамци, како би можело да плови во вода. Во продолжение погледнете го видеото и уверете се сами во ова чудо.

Ф.Г.

На магистралниот пат Охрид-Кичево, вчера во 8:20 часот во близина на местото викано „Разделна“, се случила сообраќајна незгода во која 58-годишниот  Н.Д. од Прилеп, управувајќи товарно моторно возило „Фургон“ со скопски регистарски ознаки, изгубил контрола и излетал надвор од патот. Во незгодата Н.Д. се здобил со тешки телесни повреди. Тој бил пренесен во Медицинскиот центар Кичево, а по укажаната лекарска помош бил пренесен во болницата „Св.Еразмо“ во Охрид.

Увид на местото на настанот извршила екипа од полициската станица Кичево. Се работи на целосно расчистување на случајот.

Вчерашниот дождлив ден за многумина беше депресивен и здодевен. Но, и дождливото време има своја магија, особено кога две виножита одеднаш ќе се појават и ќе создадат ваква магија.

Со откривањето на некои од карактеристиките на новиот Galaxy S8, Reuters потврди дека смартфонот ќе содржи нов AI (artificial intelligence) дигитален асистент!

Новиот Al дигитален асистент ќе биде базиран на Viv, асистент кој Samsung го купи минатиот месец. Основачите на Viv Labs се и оригиналните основачи на Siri на Apple. Reuters потврди дека звучниот асистент ќе бидат достапен и за други Samsung уреди.

Секако, Samsung веќе има асистент за своите смартфони, но неможе да се спореди со Siri, Google Assistant, или Cortana на Microsoft. Новиот асистент треба да биде покорисен.

Заедно со новиот асистент, Galaxy S8 ќе има нов модерен дизајн и поквалитетни камери. Смартфонот најверојатно ќе биде најавен во февруари или март, а ќе биде достапен на пазарот кратко потоа.

Во домот за култура „Марко Цепенков“ во Прилеп се одржаа веќе традиционалните Регионални фолклорни смотри на кулктурно уметнички друштва и фолклорни ансамбли од Западна Македонија.

На манифестацијата учествуваа 10 ансамбли и друштва и ова беше навистина ретка и прекрасно можност прилепчани да уживаат во убавиот македонски фолклор кој го претставија повеќе од 300 играорци.

Домаќин на овој несекојдневен настан беше Културно уметничкото друштво „Мирче Ацев“ од Прилеп, а покрај него пред публиката се претставија и фолклорните друштва од Брвеница, Тетово, Вевчани, Ресен, Битола, Демир Хисар, Кичево и Струга.

Времето во Македонија ќе биде сончево со мала до умерена локална облачност. Во западните делови ќе има поголемо наоблачување и услови за слаб локален дожд, а на планините ќе има повремен слаб снег.  Преку денот ќе дува слаб до умерен северен ветер.

Утринската температура ќе се движи од три до осум, а дневната од девет до 13 степени.

Во почетокот на наредната недела времето ќе биде сончево со мала до умерена облачност, но постудено. Во вторник се очекува слаб локален дожд. Утринските температури на повеќе места ќе се спуштат под нулата. Ќе дува слаб до умерен ветер од северен правец.

– Кајли Џенер на Инстаграм објави фотографија на која позира речиси гола.

Предниот дел на телото и е прекриен само со сина боја, што беше сосема доволно да ја заинтигрира фантазијата кај фановите.

Џенер (19) со оваа фотографија го најави проектот со фотографката Саша Самсон и патем собра два милиони лајкови.

Најмладата членка на кланот Кардашијан во последно време почна да објавува се повеќе провокативни фотографии, а најави дека наскоро ќе објави уште слични фотографии.

Дали е можно да допрете два континенти во исто време ?

Верувале или не постои едно неверојатно место во светот каде тоа е возможно. Тоа неверојатно место е наречено “Кракот Силфра” и се наоѓа на средината од Атланскиот океан.

Ова претставува најдолгата пукнатина на нашата планета, се наоѓа на голема длабочина и поради тоа е тешко видлива.

Ова е најатрактивното место за екстремните нуркачи бидеќи водата е мирна, чиста и изгледа како да лебдите во вселената.

Доколку сте доволно храбри да нуркате во овие длабочини ќе можете да ги допрете европскиот и северно американскиот континент во исто време.

Ф.Г.

Изминатиов викенд  имаше силен меѓународен параглајдерски турнир во Драма, Грција и еден  помалку интересен во соседно Косово. Како и секогаш таму каде е најсилна конкуренцијата, членовите на Параглајдинг клубот-ДЕЛТА, земаа учество и како и секогаш ,така и овој пат се вратија со забележителен резултат. Поточно браќата Јованоски и двајцата беа на пиедестал .

Имено во многу силна конкуренција каде земаа учество параглајдеристи од Бугарија, Грција и Македонија, нашите параглајдеристи доминираа за време на целиот натпревар и после 4-серии , на прво место беше Борјан Јованоски  со само 19 см, второ место беше Виктор Бучков од Бугарија  со  78 см  а на трето место беше повозрасниот од браќата најдобриот македонски параглајдерист Мартин Јованоски со резултат од 94 см.

Само да напоменеме по повод 3-ти ноември, изминатата недела ,нивниот тренер и татко  ја доби Третоноемвриската награда  за  “Пионер на спортот и спортист кој дал врвни спортски резултати”. Во неговата 40-годишна воздухопловна спортска кариера, да нагласиме дека  Миле Јованоски на Светското првенство во Валона го освои првото место и стана најдобар параглајдерист во светот.