Деновиве континуирано се обидуваат одредени политички структури во државата да шират хистерија, се разбира, на лажна основа, против мене и против тоа што се случи со купувањето на Стопанска банка-Битола од страна на АЛТА банка-Србија, рече премиерот Христијан Мицкоски на Надзорната расправа во Собранието, одгиварајќи на прашања од пратениците.

-Ги разбирам одредени политички партии кои се обидуваат да катализираат, да филтрираат, да контролираат бизнис процеси во државата. Тоа е една политичка структура која што тоа го има длабоко во својот карактер и начин на политичко функционирање. Но оваа Влада апсолутно така не функционира, секој оној кој ќе ги исполни условите, законите, може слободно да води бизнис во Македонија. Тоа е таа пазарна економија, тоа е таа демократија која оваа Влада ја застапува и тоа се тие демократски вредности позади кои што ние како Влада стоиме. Тие времиња на едноумие, на селектирање, на фамилијарни и семејни бизнис профили е поминато, поразено неколку пати на избори и убеден сум дека тоа нема да и се повтори на Македонија, рече премиерот.

Во воведот на прашањето од Венко Филипче беше дадено и името на сопственикот на АЛТА банка-Србија, Давор Мацура, дека тоа било лична банка на Александар Вучиќ, а пратеникот зборуваше и за парите, капиталот… На сево ова, Мицкоски во Собранието покажа документ – извадок од нацрт записник на владина седница одржана на 24.10.2023, кога претседател на Владата е Димитар Ковачевски.

-На самата седница на Владата тогаш се отвора темата за АЛТА банка-Белград. Односно, тогашниот министер за финансии Фатмир Бесими излегува со информација во која што бара од Владата да му одобри на државното правобранителство да влезе во деловни односи со АЛТА банка-Србија. Уште во 2023 Владата на СДСМ и ДУИ му дава насока на правобранителството да влезе во деловни односи со истиот овој сопственик Давор Мацура. Па тука се поставува прашањето дали тогаш тие знаеле кој е или кога се одлучиле акциите кои ги поседува државата во банката која ја купува Мацура да му ги продаде имале претстава исто така дека тоа е руски капитал, прљави пари, криминално стекнати пари (како што велат сега) или тогаш тоа не важело, рече премиерот.

На таа владина седница, посочи Мицкоски, е присутна половина пратеничка група на СДСМ, во својство на членови на Влада.

-Сите тие гласале да се даде право на државното правобранителство акциите сопственост на Македонија во банката која што ја купува Давор Мацура да му ги оттуѓат. Сега се поставува прашањето каков е тогаш тој капитал? Дали тој капитал е поинаков, дали тогаш Вучиќ не бил режим и не била банката на Вучиќ, кој што го молеа и правеа естрада кога добиваа 5000 вакцини бидејќи беа неспособни во короната да купат вакцини, па бевме рекордери по бројот на луѓе кои починаа или можеби во таа 2023-та имало некои други околности. Јас сум вчудоневиден, но сакам македонската јавност ова јасно да го знае. Македонија како држава во деловни односи со АЛТА банка на Мацура ја носи Владата на СДСМ и ДУИ, рече Мицкоски.

Понекогаш најубавите вечери се создаваат од едноставни нешта – вкусна храна, пријатен амбиент, добра музика и друштво кое го прави секој момент посебен. А кога музиката доаѓа од квалитетни домашни изведувачи, уживањето добива уште една посебна димензија!

Токму во тој дух, VOI Caffe & Cucina moderna за овој викенд подготвува две музички вечери, во кои главната улога им ја доверува на прилепски музичари кои со својот талент и квалитет знаат да создадат одлична атмосфера.

Викенд програмата започнува во петок, 13 ноември, со настапот на Александар Здравков, момчето со златен глас од Прилеп. Препознатлив по своите вокални способности и изведби, Александар ветува музичка вечер исполнета со убави песни и расположение кое ќе ве натера да останете уште малку подолго.

Во сабота, 14 ноември, музичката приказна продолжува со Acoustic Duo – Кате и Илија, кои со своите акустични изведби, одличниот звук и пријатната музичка енергија ќе се погрижат за уште една вечер во знакот на добрата музика.

Две вечери, два различни музички настапи, а заедничко им е квалитетот на прилепската музичка сцена!

Покрај музичката програма, VOI ве очекува со својата современа кујна, внимателно подготвени специјалитети и амбиент во кој секој ручек, вечера или вечерно излегување може да се претвори во убаво доживување.

Ресторанот се наоѓа во центарот на Прилеп, веднаш до 13-катницата, а доколку сакате да го резервирате вашето место за претстојниот викенд, тоа можете да го направите на телефонските броеви:

077 883 889
073 555 300

Прилепско е најдобро – особено кога добрата храна и одличната музика се на исто место!

Превенцијата, едукацијата и стручната поддршка се темелите на долгорочната посветеност на Државна Видеолотарија на Македонија Касинос Австрија за намалување на ризиците од проблематично играње игри на среќа.

Одговорното играње не започнува тогаш кога ќе се појави проблем. Тоа започнува многу порано, со информираноста, разбирањето на ризиците, развивањето свесност и навременото препознавање на предупредувачките знаци.

Државна Видеолотарија на Македонија Касинос Австрија преку иницијативата „Играј одговорно“, гради континуиран пристап кон превенцијата, едукацијата и психо-социјалната поддршка. Целта е да се поттикне одговорно однесување, но и да се обезбеди пристап до стручна помош за лицата кои се соочуваат со предизвици поврзани со играњето игри на среќа.

Од 2019 година, иницијативата се развива како долгорочна програма за советување, превенција и поддршка, насочена не само кон поединците туку и кон нивните семејства. Преку мрежата на советувалишта во Скопје, Куманово, Прилеп и Радовиш, стручната помош станува подостапна за граѓаните во различни делови од земјата. Со отворањето на советувалиштето во Радовиш во април годинава, мрежата доби уште една точка за поддршка и дополнително го прошири својот опфат.

Овој пристап се темели на ставот дека одговорното приредување игри на среќа подразбира многу повеќе од почитување на законските обврски и меѓународните стандарди. Тоа подразбира активна грижа, вложување во превентивни механизми, континуирана едукација и создавање услови за навремена стручна интервенција.

За Државна Видеолотарија на Македонија Касинос Австрија, општествената одговорност е составен дел од работењето. Преку „Играј одговорно“, компанијата ја потврдува својата определба за градење култура на информираност и свесност, во која препознавањето на ризиците и навременото барање помош се важен дел од одговорното однесување

ИГРАЈ ОДГОВОРНО. БИДИ ИНФОРМИРАН. ПОБАРАЈ ПОДДРШКА

Асфалтирани улици и патишта, нови паркинг места, изградба на спортска училишна инфраструктура, градинки, енергетски ефикасни училишта, противпожарна зграда, боксерска сала и многу други проекти.

Во функција на отчетност и транспарентност, Општина Битола го објавува Општинскиот информатор за активностите од ноември 2025 до ноември 2026 година.

Имате можност по области да ги проследите реализираните проекти, оние кои се во реализација, како и настаните кои одбележаа една година од вториот мандат на оваа локална самоуправа.

-Проекти, континуитет, стратешко планирање и јасна визија, се главните столбови врз кои се темели работата на оваа локална самоуправа – велат од општина Битола.

Преземи го општинскиот информатор ТУКА

Фудбалот повторно ќе покаже дека е многу повеќе од спорт. Оваа сабота, натпреварот меѓу прилепска ГФК Победа и Питу Гули од Крушево ќе биде во знакот на хуманоста, солидарноста и поддршката за две семејства на кои им е потребна нашата помош.

Во рамките на 10. коло од Третата македонска фудбалска лига – Регион 4, двата тима ќе ги одмерат силите на стадионот „Гоце Делчев“ во Прилеп, но овојпат најважната победа ќе биде онаа што сите заедно ќе ја извојуваме надвор од фудбалскиот терен – за Никодим и Михо.

Од ГФК Победа упатуваат повик до навивачите, симпатизерите, граѓаните и сите пријатели на клубот да дојдат во што поголем број и со своето присуство да ја поддржат хуманитарната иницијатива.

Влезот на стадионот ќе биде слободен, а на влезовите ќе бидат поставени кутии за донации. Сите собрани средства рамноправно ќе бидат поделени меѓу семејствата на Никодим и Михо.

Наместо само поддршка од трибините, оваа сабота Победа ги повикува прилепчани да покажат и големо срце. Секој дојден посетител, секоја донација и секој гест на солидарност можат да направат разлика.

Сабота, 14 ноември, во 13:30 часот – стадион „Гоце Делчев“.

Да покажеме дека Прилеп знае да биде обединет кога е најпотребно. За Никодим и Михо!

Дваесетгодишните темелни истражувања на Археолошкиот локалитет „Старо Бонче“, во непосредна близина на Прилеп, потврдуваат дека токму тука се наоѓал еден од четирите големи градови на Кралството Пелагонија, по кој што науката трага повеќе од два века. Станува збор за збир од околу 20 локалитети кои што се распространети на просторот помеѓу селата Подмол и Бонче, односно т.н. антички град Пелагонија – oбјави “АЛФА ТВ”.

„Градот Прилеп има еден Голем град, ние претпоставуваме дека тоа е градот Пелагонија. Тоа е четвртиот главен град кога доаѓаат Римјаните тука и кога ја делат Македонија на четири дела, четири мериди. Една од тие мериди се наоѓа во Македонија, тоа е Пелагонија и тука е Кралството Пелагонија. Така што ние мислиме дека токму на овој локалитет се наоѓа античкиот град Пелагонија по кој што науката трага повеќе од 200 години“, – објаснува проф. Антонио Јаскимовски, археолог.

Со цел поголема јавност на овие импознтни археолошки откритија, кои се од огромно значење и за светската археолошко-историска научна мисла, деновиве издадена е Монографијата „Археолошки комплекс Старо Бонче“, во авторство на реномираните археолози Антонио Јакимовски, Виктор Лилчиќ – Адамс и Душко Темелкоски.

„Идејата е сето ова, освен што ќе го имаме на книга, да може и да се види, освен што се полни витрините, туку и на терен да се појде, да се види ова грандиозно дело и другите локалитети“, – потенцира проф. Јакимовски.

Оваа идеа ја поддржуваат и од ЛС Прилеп. Очекувањата се дека во иднина од овие локалитети ќе може да се направи и атрактивна туристичка дестинација.

„Нашата цел е Старо Бонче да го добие местото што го заслужува, да прерасне во препознатлива културно-туристичка атракција, значајна не само за Прилеп и Македонија, туку и пошироко. Место кое ќе привлекува посетители, ќе поттикнува нови истражувања, ќе ја збогатува туристичката понуда и ќе ја раскажува нашата приказна пред светот“, – велат од Општина Прилеп.

Инаку, на овој Локалитет досега се откриени Монументалната кралска гробница од 4-3 век п.н.е, бронзени македонски штитови, акрополата и утврдувањето на врвот „Висока“, разни некрополи, како и средновековни погребувања.

КАРОЛИНА ДУРЛО за “АЛФА ТВ”

Шестмесечниот Михо од Прилеп, кој се роди предвреме заедно со својата сестричка близначка Мина, веќе шест месеци се бори со тешка бактериска инфекција и хидроцефалус. Од денот на раѓањето е во болница, а неговото семејство сега се соочува со нова и исклучително тешка битка – да му овозможи неопходно лекување во Истанбул, Турција.

Трошоците за лекувањето се огромни, а само еден ден интензивна нега чини 2.000 евра. На Михо му е потребна нашата помош, за да ја добие шансата конечно да си замине дома, да порасне покрај своите родители и сестричката Мина и да го има детството што секое дете го заслужува.

Токму затоа, во Прилеп ќе се одржи голем хуманитарен концерт под мотото „Сите за Михо“, на кој музиката ќе биде во служба на хуманоста, а секоја донација ќе претставува дополнителна надеж за ова мало срце.

На сцената во НУЦК „Марко Цепенков“ ќе настапат The Hounds, Алекса Петрески, Libero Band и Димитар Андоновски, кои со својот настап ќе дадат поддршка во оваа хуманитарна мисија.

Концертот ќе се одржи на 16 ноември (понеделник), со почеток во 19:00 часот, а влезот ќе биде со хуманитарна донација од 250 денари.

Ова е можност сите заедно да покажеме дека хуманоста сè уште живее во нас. Да ги исполниме местата во салата, да ја испратиме пораката на солидарност и да помогнеме Михо да ја добие најважната битка – битката за живот.

За неговото утре, за неговата насмевка и за шансата да има безгрижно детство!

СИТЕ ЗА МИХО! ❤️

Народната банка продолжува со постепено олеснување на условите за клиентите на „АЛТА банка“ АД Битола. Со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во Банката.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката. Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври. На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз оваа основа.

Народната банка внимателно ја следи состојбата во „АЛТА банка“ АД Битола и продолжува со приспособување на мерките, имајќи ги предвид условите за работење на Банката и потребите на нејзините клиенти. Притоа, приоритет остануваат заштитата на интересите на клиентите и постепеното олеснување на ограничувањата, со задржување на соодветната контрола врз одливите на средства.