Во најдобриот ресторан во градот, секој викенд е вистинско мало уживање за сите сетила. Мирисот на совршено приготвена храна, вкусот што останува во сеќавање и музиката која го буди најубавото расположение, токму така изгледа секоја вечер во Ресторан Порта.

Овој продолжен викенд носи музичка програма каква што само ПОРТА може да им подари на своите прилепчани. Во четврток во Прилеп доаѓа кралот на македонската народна песна – Наум Петрески, чиј настап е веќе РАСПРОДАДЕН, па за сите оние кои не стигнаа навреме да резервираат маса, ПОРТА им ветува дека со Наум ќе се дружиме и во блиска иднина.

View this post on Instagram

Во ПЕТОК, 23.10. празничниот викенд започнува со ТАЈФАТА, луѓето кои се “виновници” за стотици досега маестрални музички уживања ширум државата.

View this post on Instagram

САБОТАТА веќе традиционално е прво резервирана за ДЕНСКА ЗАБАВА со ТИАНА и ДАНИ, кои повторно ќе приредат попладне за паметење со почеток од 13:30часот.

View this post on Instagram

И за крај, веќе одомаќинетите кавадарчани од “ТРИО МАЊИФИКО” за одлично заокружен гурмански викенд во ресторанот кој гради една поинаква приказна, каде секој е дел и остава свој белег.

View this post on Instagram

Резервирајте навреме на телефонскиот број: 078 368 111

СЕ ГЛЕДАМЕ ВО ПОРТА!

По 14 години, Прилеп повторно е опфатен со владина набавка на нови амбулантни возила за потребите на Итната медицинска помош. Во рамки на набавката на 100 нови амбулантни возила, кои ќе бидат распределени низ здравствените установи во Македонија, за Прилеп се доделени три возила, со што за првпат од 2012 година се обезбедува вакво обновување на возниот парк преку Владата.

-Со новите возила ќе се подобрат условите во кои работат екипите на Итната медицинска помош, а граѓаните ќе добијат посигурен и подостапен итен медицински транспорт. За град како Прилеп, кој ги опслужува и жителите на околните населени места, дополнителните три возила ќе бидат од голем бенефит при секојдневните интервенции и транспортот на пациенти, велат од прилепската болница.

За поздравување е одлуката на Владата да обезбеди три нови амбулантни возила за Прилеп, особено ако се има предвид дека последната ваква набавка за градот датира од 2012 година. Обновувањето на возниот парк е реална потреба на здравствените работници и граѓаните, а со оваа набавка се одговара токму на таа потреба.

Историски фотографии стари повеќе од еден век, автентични сведоштва за македонското револуционерно минато и приказни за луѓето кои оставиле трага во историјата. На 26 октомври во Галеријата на МАНУ во Скопје ќе биде отворена изложбата „Револуција во кадар“, чиј авторски концепт и колекција се дело на поранешниот главен и одговорен уредник на МРТВ, Диме Ратајковски, и прилепчанецот Душко Апостолоски.

Изложбата, која се реализира по повод 23 Октомври – Денот на македонската револуционерна борба, ќе претстави избор од 60 оригинални фотографии од македонското револуционерно минато, создадени во периодот од крајот на XIX век до третата деценија на XX век. Значителен дел од фотографиите досега не биле објавени, па посетителите за првпат ќе имаат можност да ги видат овие автентични историски документи.

Посебно внимание привлекува придонесот на прилепчанецот Душко Апостолоски, кој повеќе децении посветено собира ретки историски фотографии поврзани со македонското минато. Неговата колекционерска страст е насочена кон зачувување на фотографските сведоштва што ја раскажуваат приказната за македонската револуционерна борба, нејзините учесници и времето во кое живееле.

Како што посочува Апостолоски, старите фотографии отсекогаш буделе кај него длабоко чувство за посебноста на македонската историја. Особено значајни се фотографиите на кои се прикажани автентични носии и комитски чети карактеристични за македонското поднебје, но и оние што откриваат детали за традициите, идеалите и судбините на луѓето од тоа време.

Меѓу фотографските сведоштва се и оние поврзани со обичаите при смртта и погребувањето на загинати револуционери и војводи, како и фотографии што директно зборуваат за идеалите за кои се бореле. Таков е примерот со Никола Каранџулов, на чиј гроб, според Апостолоски, стои натписот „Загина за слободата на Македонија“.

Фотографиите како сведоци на историјата

Зад секоја од овие фотографии стои и една необична приказна. Некои биле внимателно чувани во семејни албуми, други патувале низ различни земји и менувале сопственици, за по повеќе од еден век повторно да се најдат во колекции што ја зачувуваат историската меморија.

Токму ваквата потрага по оригинални фотографии била едно од најголемите задоволства за Диме Ратајковски и Душко Апостолоски. Преку антикварници, аукции, стари архиви и приватни колекции, тие постепено собирале автентични фотографски сведоштва за едно од најзначајните и најсложените поглавја од македонската историја.

На изложбата ќе бидат претставени познати и помалку познати револуционери, војводи, комити, политички противници и личности со различни идеи за Македонија. Некои од нив се добро познати во историските записи, додека за други денес се знае многу малку.

Организаторите посебно ја нагласуваат вредноста на оригиналите – не само како историски портрети, туку и како материјални документи со печати од старите фотографски ателјеа, ракописни посвети, потписи и траги од некогашните сопственици.

Пред три години, Ратајковски и Апостолоски ја претставија изложбата „Лицата на револуцијата“, а со „Револуција во кадар“ пред јавноста отвораат нов дел од своето фотографско богатство, кој повеќе од еден век останал надвор од пошироката историска видливост.

Изложбата ќе биде отворена на 26 октомври 2026 година, со почеток во 19 часот, во Галеријата на МАНУ во Скопје.

Ова е можност посетителите одблизу да погледнат оригинални фотографии од едно бурно историско време и преку нив да се сретнат со луѓето, настаните и приказните што ја обликувале македонската револуционерна борба.

Знаеш дека иди продолжен викенд кога ТЕРАСА има подготвено тројна музичка програма, и тоа каква програма. Четврток, петок и сабота, три вечери на кои тимот на Pub Club Terasa ве кани заеднички да градиме спомени за еден поинаков ноќен живот во Прилеп, ноќен живот кој потсетува на старите добри денови, кога угостителските објекти се натпреваруваа да го донесат најдоброто и да изградат имиџ на добар локал во градот.

ОВОЈ ЧЕТВРТОК, како најава за продолжениот викенд, во ТЕРАСА свој настап ќе има новиот музички состав од нашиот град QR CODE BAND – eнергични дечки, за кои допрва ќе се зборува! Кој беше минатиот викенд знае каква атмосфера направија дечките.

Во ПЕТОК (23.10.) Тераса ви закажува нова енергична вечер со маестралните BALKAN JAM. Не се потребни зборови за овој состав, само ќе кажеме дека нема седење, се пее и ужива цела вечер, едноставно малку се 3-4 часа во нивно друштво.

Во САБОТА (24.10.) уште едно изненадување, во ТЕРАСА доаѓа НЕНАД ВРЖАЛСКИ и 90ty Strings – тапани, гитара, виолина…може ли да звучи подобро?!

View this post on Instagram

A post shared by Везилка / Vezilka (@vezilkabitola)

И не, нема да има место за сите, затоа РЕЗЕРВИРАЈТЕ НАВРЕМЕ на: 070 304 967

Со Тераса викендите во Прилеп никогаш не се здодевни, а ноќното излегување има смисла!

На 22.10.2026/ четврток/ од 19.00 ч. во Ликовната галерија од ЦК „Марко Цепенков“ ќе биде отворена изложбата „Конгломерати“ од Сашо Ацковски.

Опис на проектот:

Проектот содржи околу 25  дела, изработени во акрилна техника на платно наблинд рамови, со прилепени (колажирани) електронски делови, со различни димензии. Како што кажува и самиот наслов, во делата е преставена организирана концентрација на различни елементи по својата природа, од една страна апстрактни мотиви создадени од човечка рака и од друга страна електронски индустриски делови создадени од машина, на тој начин пресликувајќи го современото општество во уметничкото делото. Иако спротивни по својата природа елементите  меѓусебно се испреплетуваат и создаваат една меѓусебна синергија, односно нова целина, нова  реалност. Се додека постои урамнотеженост помеѓу спротивностите, конгломератот функционира, во спротивно настапува хаос  во таа нова реалност.

Цел на проектот:

Да ја поттикне публиката  да размисли за балансирана и контролирана употреба на техниката и технологијата во секојдневниот живот. Да ја користи истата само како средство, односно алатка за подобро опстојување и функционирање во општеството, а со самото тоа  да се постигне враќање кон реалните социјални интеракции и комуникации, односно да поттикне враќање кон природата и хармонијата.

Податоци за аворот:

Сашо Ацковски е роден 1972 годинаво Скопје. Дипломирал на Факултетот за ликовни уметности при Универзитето ,,Св. Кирил и Методиј” во Скопје, во 2012година, отсек сликарство со насока конзервација и реставрација во класата на проф. Благоја Маневски (претходно во класата на проф. Вело Ташовски  и проф.Свето Манев).Учествувал на сите завршни годишни изложби во рамките на факултетот, како  и во групни изложби на КОРА и Арт студио ЛИНЕА. Исто така учествувал во проектот ,,Односот помеѓу уметникот, институциите и публикатa”, во рамките групата ТРИАНГЛ под водство на проф. Сузана Милевска.Во последните десет години работел на отсликување на повеќе црковни храмови  Св, Лука во Кисела Вода. Св. Христово вознесение во Драчево, Света Троица во Долно Лисиче, Раѓање на Св. Јован Крстител во Бутел, Европскиот соборен храм Св.Наум во Малме, во соборниот храм Св.Климент во Сопјеи Св.Илија во Аеродром. Член е на Друштвото на ликовните уметници на Македонија од 2012 год.

Самостојни изложби:

–  “Конгломерати”, ЈУ Дом на култура Кочо Рацин- Скопје, 28.11.2024,

– “Nature Made”, ЈУ Дом на култура Кочо Рацин- Скопје, 23.06.2016,    

–“Виртуелна реалност”,Македонско културно друштво “Билјана”, Научна библиотека- Задар, јуни 2015,

– “Виртуелна реалност”, МКД Македонија- Сплит, Р.Хрватска 1 август 2014,

– “Современи механизми за контрола”, ЈУ Дом на култура Кочо Рацин- Скопје, Галерија КО-РА, 9 мај 2013,

-“Да се биде (виртуелен)…или не?” – “Being (Virtual)…or Not?”,Безистен, кафе Галерија 8- Скопје, 2 април 2013,

Групни изложби:

– “Нашата визија за Европа”, Интеграции и дезинтеграции, ”, ЈУ Дом на култура Кочо Рацин- Скопје, Галерија КО-РА, 9 мај 2025,

-“Бајката и бајковитото”,  ЈУ Дом на култура Кочо Рацин- Скопје, Галерија КО-РА, април 2025

– “Ден на пролетта и денови на екологијата”,”, ЈУ Дом на култура Кочо Рацин- Скопје, Галерија КО-РА, 27.03.2025,

–“Жената симбол и инспирација”, ЈУ Дом на култура Кочо Рацин- Скопје, Галерија КО-РА, 07.03.2025,

–“Вечното танго”, ЈУ Дом на култура Кочо Рацин- Скопје, Галерија КО-РА, 10.02.2024,

–“Мултикултурна изложба”, Амбасада на Репѕблика Македонија во Виена, 07.12.2023,

–“Вортекс”, ЈУ Дом на култура Кочо Рацин- Скопје, 10.12.2021,

–“Осврти, рефлексии, илуминации и реминисценци”, изложба на дела од уметници застапени во истоимената книга на Виолета Калиќ, Амбасада на Република Македонија во САД, Вашингтон, 2019,

–“Мултикултурна изложба по повод 8 септември”, –“Осврти, рефлексии, илуминации и реминисценци”, изложба на дела од уметници застапени во истоимената книга на Виолета Калиќ,Амбасада на Р.Македонија, Отава, Канада, септрмври 2019,

–“Мал формат” ДЛУМ, галерија КИЦ, Скопје, декември 2018,

–“Мал формат” ДЛУМ, галерија Пловдив, Р.Бугарија, ноември 2018,

– “Живот”,галерија Студиефорбундет, Малме, Шведска,  2018,

– “Корени, порти, портали, патишта и патокази”, Риека, Р.Хрватска, март 2017,

– Корени, порти, портали, патишта и патокази, галерија Дворец Тракошчан, Р. Хрватска, ноември 2016

– Меморијал “МБЏ 6”, акварел 25х25, галерија Богиќ, Белград, септември 2015,

– “Paratisima Skopje”,интернационален саем на современа уметност, МКЦ Скопје, јуни 2015,

–  Годишна изложба ДЛУМ, НГМ Мала Станиц- Скопје, февруари 2015,

–“TANGOOBLIVION”,галерија КО_РА, ЈУ Дом на култура Кочо Рацин- Скопје, февруари 2015,

– “МиниАРТура” ДЛУМ, галерија НЛБ Тутунска банка-Цкопје, декември 2014,

– “Мал формат” ДЛУМ, салон Империјал I- КИЦ, Скопје, декември 2014,

– “EXLIBRIS”, Отворено графичко студио- Музеј на град Скопје, ноември 2014,

-“Експериментален цртеж”, Палата Луцерн-Прага, република Чешка, септември 2014,

-“Од животот на ромите”, Галерија КО-РА, ЈУ Дом на култура Кочо Рацин- Скопје, мај 2014,

– На Велигден на Благден, Галерија КО-РА, ЈУ Дом на култура Кочо Рацин- Скопје, април 2014,

– “Нови сведоци на холокаустот 3”, Меморијален центар на холокаустот на Евреите во Македонија, Март 2014,

– “Тело што помни”15 Зимски  салон на ДЛУМ, НГМ Мала Станица, февруари 2014,

– Годишна изложба на ДЛУМ, Музеј на град Скопје, јануари 2014,

– Мал формат ДЛУМ, Културно Информативен Центар -Скопје, декември 2013,

– Минијатура ДЛУМ,  Галериски простор на НЛБ Тутунска банка Скопје, ноември 2013,

– Експериментален цртеж ДЛУМ, Ликовен салон Дом на АРМ- Скопје, ноември2013,

– Групна изложба на млади ликпвни уметници од Кавадарци и нивни гости, Локален музеј-галерија Кавадарци, октомври 2013,

– Нови сведоци на холокаустот, хотел Молика- Битола, август 2013,

– Галерија 8 и пријателите (роденденска изложба), Безистен, кафе Глерија 8 – Скопје, јули 2013,

– Четврт интернационален натпревар на карикатури Берлин 2013, Town Hall Schöneberg- Berlin, јуни 2013,

– 41. Светска галерија на карикатури- Скопје 2013, галерија Остен – Скопје, мај 2013,

– Денови на македонската култура (посветени на сесловенските просветители Св.Кирил и Методиј), Градска библиотека Марко Марулиќ–Сплит (Р.Хрватска), мај 2013,

– На Велигден на Благден, Галерија КО-РА, ЈУ Дом на култура Кочо Рацин- Скопје, април 2013,

– Годишна изложба на ДЛУМ, Музеј на град Скопје, февруари 2013,

– Мал формат ДЛУМ, Културно Информативен Центар -Скопје, декември 2012,

– Минијатура ДЛУМ,  Безистен, кафе Галерија 8- Скопје, декември 2012,

– Експериментален цртеж ДЛУМ, Ликовен салон Дом на АРМ- Скопје, ноември

2012,

– 40-та Светска галерија на карикатури-Остен, Салон на Остен- Скопје, мај 2012.

Ликовни колонии:

– Учество на 3-та ликовна колонија “Нови сведоци на холокаустот” во хотел Молика- Битола, во организација на Меморијалниот центар на холокаустот на Евреите на Македонија, Фондот на холокаустот на Евреите од Македонија во соработка со музејот Јад Вашем од Израел, од 13 до 26 август 2013 год.

– Учество на 3-та ликовна колонија “Виситор” во Брезојевица Р. Црна Гора од 11до 21 јули 2014 год,

Под мотото „Убавината на различностите“, КУД „Моминок“ и НУЦК „Марко Цепенков“ од Прилеп за првпат ја реализираа манифестацијата „Играме заедно“ – вечер посветена на фолклорот, традицијата и младите генерации.

На манифестацијата учествуваа ФГ „Вапцаров“ од Делчево, КУД „Охриѓанка“ од Охрид, КУД „Илинден“ од Кривогаштани, КУД „Младост“ од Кичево, гостите од Босна и Херцеговина – „Лазарица“, како и домаќините од КУД „Моминок“.

Преку традиционалните ора, носии и богатството на фолклорните изведби, учесниците ја претставија разновидноста на културното наследство и испратија порака за значењето на неговото зачувување и пренесување на помладите генерации.

Манифестацијата „Играме заедно“ ја истакна убавината на културните различности, но и она што ги поврзува младите – љубовта кон традицијата, музиката и фолклорот.

Во продолжение, преку фотографии, ја пренесуваме атмосферата од оваа фолклорна вечер во Прилеп.

Општина Битола петта година по ред го организира Буџетскиот форум за креирањето на Буџетот.

Големата присутност и заинтересираност на денешната прва форумска сесија беа потврда на нивната заинтересираност како да се развива Битола, а зелено светло за Општината и градоначалникот дека ваквите форумски сесии се значајни за создавање Буџет по мерка на граѓаните.

Пред присутните свое обраќање имаше градоначалникот на Битола Тони Коњановски кој рече дека Буџетот не е само финансиски документ, туку одраз на потребите на граѓаните и визијата за развој на Битола.

„Форумот не е обична јавна расправа, туку место каде граѓаните активно учествуваат во предлагањето решенија и утврдувањето приоритети. Со ова ја потврдуваме нашата транспарентност и отчетност, преку отворена дебата за тоа како се планираат и трошат јавните средства. Сигурен сум дека заеднички ќе направиме буџет по мерка на граѓаните кој откако ќе ги помине сите административни фази ќе се најде на комисиска расправа, а потоа и на седница на Советот на Општина Битола“, рече градоначалникот Коњановски.

Имаше најразлични предлози и идеи од речиси сите области на живеење.

Надвозник кај ОУ „Коле Канински“, асфалтирање на улици, облагородување на просторот околу објектите на факултетите во некогашната касарна, спортски терени за студентите, Битолска градска куќа, реновирање на салата за гимнастички спортови, водоснабдување и пречистителна станица за село Нижеполе, обезбедување објект за државното музичко училиште, формирање на средно уметничко училиште и Битола да добие професионален фолклорен ансамбл. Исто така беше побарано обезбедување простор за дневен центар на деца со аутистичен спектар.

На форумот стана збор за изградбата на спортската сала во Долно Оризари, за тоа до каде се работите со пливачкиот базен во ОУ „Даме Груев“, како и за потребата од реновирање на училиштето во Буковски ливади.

Предлозите беа слушнати и забележани од раководителите на надлежните сектори, од претседателот на Советот Бојан Бојкоски и присутните советници кои ќе треба на крајот на годината да го гласаат Буџетот за следната година.

Продолжениот викенд е совршена можност за добро друштво, омилени пијалаци и музика во која се ужива до доцна во ноќта. А доколку барате место каде што сите овие работи се спојуваат во една одлична атмосфера, AVRA Cocktails & Bites под Плетварец ви подготвува три вечери за паметење!

Викенд-програмата започнува уште во четврток, 22 октомври, и продолжува во петок и сабота, со различна музичка приказна за секој вкус. Прилеп е подготвен за празнување, а AVRA ве кани да го искористите продолжениот викенд токму онака како што доликува – со добра музика, врвни пијалаци и друштво што ја прави секоја вечер посебна.

Четврток резервиран за вино и добра музика

Винската приказна со Rocky & Friends, кои ќе се погрижат за музичкиот ритам на вечерта.

Посебен акцент е ставен на винското уживање со Alexandria Premium Cuvée од винаријата „Тиквеш“, по цена од 900 денари.

Почетокот е закажан за 21:00 часот – совршена можност за вечер со добро вино, пријатна атмосфера и музика во која едноставно се ужива.

Петок со Mood Fellas Band – good drinks, great mood!

Во петок, 23 октомври, сцената ја преземаат Mood Fellas Band, со жива музика и ритам што ветува одлична забава.

Кога добрата музика се спојува со внимателно подготвените коктели и препознатливата атмосфера на AVRA, добивате вечер создадена за опуштање, дружење и уживање.

Почетокот е во 21:00 часот.

Сабота со Taneva & The Crew Band

За финале на продолжениот викенд, во сабота, 24 октомври, AVRA подготвува уште една музичка вечер со Taneva & The Crew Band.

Стилска музика, одличен ритам, омилени коктели и атмосфера што ги спојува луѓето – сè што е потребно за саботната вечер да биде вистинско уживање.

Почетокот е во 21:00 часот.

Резервирајте го вашето место навреме на: 078 564 477

Три вечери, три различни музички доживувања и една адреса за продолжениот викенд – AVRA Cocktails & Bites.

Прилеп ја кани Македонија на продолжен викенд исполнет со музика, вино, коктели и добро расположение. Соберете го друштвото и подгответе се за празнување во стилот на AVRA!

Уште една убава вест за прилепското здравство и уште една потврда дека стручноста, посветеноста и континуираното усовршување носат нови можности за пациентите од Прилеп и поширокиот регион.

На Ортопедско-трауматолошкото одделение при Општата болница со проширена дејност – Прилеп успешно беа изведени две сложени хируршки интервенции со современи минимално инвазивни техники, кои за првпат се применуваат во оваа здравствена установа. Ова претставува значаен чекор напред во развојот на ортопедската хирургија во Прилеп и проширување на можностите за лекување на пациентите поблиску до својот дом.

Станува збор за две оперативни процедури кои бараат високо ниво на стручност, прецизност и тимска работа.

Првата е артродеза на скочниот зглоб, хируршка интервенција која се применува кај пациенти со напредната артроза и сериозно оштетување на зглобот. Нејзината цел е да се постигне стабилност, да се намали хроничната болка и да се подобри функционалноста на екстремитетот.

Втората интервенција е ретроградна остеосинтеза на бутната коска, современа оперативна метода за лекување скршеници во долниот дел на коската, со која се овозможува стабилна фиксација на коскените фрагменти и се создаваат услови за нивно правилно зараснување.

Она што ги прави овие интервенции особено значајни е примената на минимално инвазивен пристап, со поставување специјални импланти во внатрешниот канал на коската. Оваа техника овозможува подобро зачувување на околните меки ткива и помала оперативна траума, а во зависност од повредата и состојбата на пациентот, може да придонесе и за полесно постоперативно закрепнување.

Но, зад секоја ваква интервенција стојат знаење, искуство, одговорност и тим кој секојдневно работи за здравјето на пациентите.

Успешното воведување на новите оперативни методи е резултат на стручноста, посветеноста и континуираното усовршување на медицинскиот тим на Ортопедско-трауматолошкото одделение. Со тоа, прилепската болница ги проширува своите капацитети за лекување на сложени скршеници и сериозни дегенеративни заболувања на зглобовите.

Особено значајно е тоа што со воведувањето на овие процедури се отвораат нови можности пациентите да добијат современ хируршки третман во Прилеп, без потреба за упатување во друг медицински центар за интервенциите што отсега ќе можат да се изведуваат во локалната здравствена установа.

За пациентите, ваквите чекори значат повеќе можности за лекување поблиску до семејството, а за прилепското здравство – уште една потврда дека со вложување во знаењето и современите медицински методи може постојано да се напредува.

На првите пациенти кај кои беа применети новите оперативни техники им посакуваме брзо, успешно и целосно закрепнување!

Честитки за медицинскиот тим на Ортопедско-трауматолошкото одделение при прилепската болница за овој значаен професионален успех, со желба ваквите позитивни вести од прилепското здравство да станат сè почести.