Заменик претседателот на владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Вашиот бизнис заслужува да биде виден! Маркукуле.мк со над 71,6 милиони прегледи на Facebook од почетокот на 2026 година нуди можност вашата реклама да стигне до огромен број потенцијални клиенти.

Во време кога онлајн-присуството е клучно за успехот на секој бизнис, вистинскиот избор на медиум за рекламирање може да направи голема разлика. А кога сакате да стигнете до публиката во Прилеп и регионот, Маркукуле.мк е вашата адреса за успешна промоција!

Бројките зборуваат сами за себе. Од 1 јануари до 21 октомври 2026 година, Facebook-страницата на Маркукуле.мк оствари неверојатни 71.665.638 прегледи, што претставува раст од 21% во споредба со претходниот период.

Овие резултати се потврда за големиот интерес на публиката за содржините што ги објавуваме, но и за потенцијалот што го нуди Маркукуле.мк како платформа за промоција на компании, производи, услуги, угостителски објекти, настани и локални брендови.

Вашиот бизнис пред очите на илјадници потенцијални клиенти!

Замислете вашата понуда, производ или услуга да стигне до публика што секојдневно ги следи најновите информации, случувања, препораки и интересни содржини од Прилеп и околината.

Со рекламирање на Маркукуле.мк добивате можност да го зголемите препознавањето на вашиот бренд, да привлечете нови клиенти и да ја претставите вашата понуда пред широка публика.

Без разлика дали сте сопственик на ресторан, кафуле, продавница, салон, компанија или нудите одредена услуга, заедно можеме да ја претставиме вашата приказна на начин што ќе го привлече вниманието на потенцијалните клиенти.

Еден клик до поголема видливост!

Маркукуле.мк нуди можности за рекламирање преку промотивни објави на социјалните мрежи и банер-реклами на веб-порталот, приспособени на потребите и целите на вашиот бизнис.

Не дозволувајте вашата конкуренција да биде повидлива од вас! Искористете го потенцијалот на дигиталниот маркетинг и претставете го вашиот бизнис пред публиката што секојдневно го следи Маркукуле.мк.

📩 За информации и понуди за рекламирање, контактирајте нè на [email protected] или на нашата ФБ фан страна МАРКУКУЛЕ.МК

Маркукуле.мк – вашиот бизнис, поблиску до вашите клиенти!

ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 година, информираат од компанијата.

Попустот, како што велат, ќе се применува на продажбата на дизел гориво што ОКТА го испорачува на трговците со горива на големо и мало. Учесниците на пазарот и понатаму самостојно ќе ги утврдуваат конечните малопродажни цени, во согласност со своите комерцијални политики и актуелните пазарни услови.

-Оваа иницијатива е дел од серијата таргетирани мерки за поддршка кои ОКТА ги спроведува од март 2026 година, со цел да придонесе кон ублажување на влијанието на нестабилноста на меѓународните пазари и за поддршка на стабилноста и конкурентноста на домашниот пазар на горива, посочуваат од компанијата.

Со најновата иницијатива, како што велат, вкупната вредност на досегашната поддршка, која ОКТА ја обезбедува за домашниот пазар од март 2026 година, се очекува да достигне приближно 8 милиони евра.

По повеќемесечни преговори со Министерството за одбрана, министерот Владо Мисајловски, Генералштабот на Армијата и други надлежни институции, постигнато е решение за статусот на професионалните војници кои навршуваат 45 години, информираат од Независниот синдикат на професионалните војници на Македонија (НСПВМ).

Според соопштението на синдикатот, со промената на постојната организациско-формациска структура на Армијата ќе се предвидат дополнителни единици за извршување на стражарска и пријавна служба, распоредени во касарните согласно потребите.

Со реформата, како што наведуваат од НСПВМ, се овозможува професионалните војници по навршувањето на 45 години да продолжат да работат во Армијата како цивилни лица, со трансформација на работниот однос од определено на неопределено време.

Меѓу придобивките што ги наведува синдикатот се распоредување на работни места во близина на местото на живеење, можност за користење надоместок за станбено обезбедување, односно закупнина, како и испратнина при пензионирање.

НСПВМ посочува и на можноста за остварување армиски додаток и вреднување на високото образование, како и додаток од пет проценти за цивилниот персонал што работи во смени, односно во турнус, под условите наведени во соопштението.

Од синдикатот дополнуваат дека остануваат и другите законски можности поврзани со отпремнина и преминување во друга институција, согласно член 40-а од Законот за служба во Армијата.

Во завршниот дел од соопштението, НСПВМ упатува порака до оние кои претходно имале можност да придонесат за решавање на статусот на професионалните војници, наведувајќи дека припадниците на Армијата знаат кој им помогнал во периодите кога се соочувале со најголеми предизвици.

Во продолжение интегрален текст од соопштението на НСПВМ:

-Почитувани припадници на Армијата и членови на НСПВМ,

По неколку месечни преговори помеѓу НСПВМ од една страна и Министерот за одбрана г. Владо Мисајловски, НГШ генерал-мајор Сашко Лафчиски, СПР, СЧР,СФ и други релевантни институции од друга страна успеавме после години барања и известувања согласно член 18,19 и 20 од Законот за Одбрана да се изврши промена на постоечката организациска-формациската структура на Армијата со дополнителни единици кои ке бидат надлежни за стражарска и пријавна служба ( согласно потребите ), диспанзирани во секоја касарна.

Со реформа во Армијата трајно се решава статусот на професионалните војници со навршени 45 години возраст и се овозможува да останат во Армијата како цивилни лица со трансформација на работниот однос од определено на неопределено време.

Придобивките од овие измени за професионалните војници после 45 години се:

– Работните места на кои овој персонал ке биде ангажиран ке биде во близина на местото на живеење, додека мал број би извршувал задачи на работни места кои се одалечени повеке од 2,5 км од местото на живеење.

– Согласно чле 218а:

(1) На активниот воен и цивилен персонал му престанува работниот однос по сила на закон со остварување право на пензија, со навршување на 40 години пензиски стаж без оглед на годините на возраст што значи дека секој професионален војник ке го одбере ова работно место доколку е вработен на 20 години старост ке излезе во пензија на 52 години. ( 32 години ефективен стаж плус 8 години бенефиција = 40 години).

– надоместок за станбено обезбедување ( закупнина ).

– испратнина при одење во пензија (испратнина во висина од 15 просечни плати – 12.000 евра).

– Армиски додаток и вреднување на високото образование за тие што завршиле високо образование.

– Цивилниот персонал кој е распореден да работи во смени, односно во турнус, има право на додаток на основната плата во висина од 5% од износот на платата според степенот на образованието, должноста и армискиот додаток пресметано по час.

Со оваа решение остануваат и другите законски решенија согласно член 40а од Законт за служба во Армијата – ОТПРЕМНИНА и заминување во друга институција.

П.С

Се замолуваат лицата кои во одреден период биле во можност да решат нешто во нивно време денеска да не се рекламираат низ социјалните мрежи бидејки професионалните војници памтат кои лица им излегле во пресрет кога им било најтешко, а не сега да салутираат демек еве решиле.

Со почит,

НСПВМ, стои во соопштението на синдикатот.

Преподобна Пелагија

Покајана грешничка. Родена е како незнабошка во Антиохија. Од Бога имаше голем дар на телесна убавина, а ја употребуваше за погибел на својата душа и на други. Со блуд се имаше збогатено многу. Минувајќи еднаш покрај црквата на Светиот маченик Јулијан, во која проповедаше епископот Нон, таа намина во црквата и ја слушна проповедта за Страшниот Суд и казната за грешниците.

И овие зборови толку ја потресоа и изменија, што одеднаш се згнаси од себеси, се исплаши од Бога, се покаја за своите нечисти гревови и припадна пред Св. Нон со молба да ја крсти. „Смилувај се на мене, грешната, и крсти ме и научи ме на покајание; јас сум море од беззаконија, амбис на пропаста, мрежа и орудие ѓаволско.“ Така го молеше оваа покајничка со солзи Христовиот архиереј.

И тој ја крсти. На Крштението ? беше кума блажената Романа, ѓаконисата на оваа црква, којашто потоа како нејзина духовна мајка добро ја утврди во христијанската вера. Но Пелагија не беше задоволна само со Крштението. Чувствувајќи ја тежината на своите многубројни гревови и при голема грижа на совеста, се реши на голем подвиг. Своето огромно богатство собрано со грев им го остави на сиромасите и тајно отиде во Ерусалим, каде што под машко име, како монах Пелагиј, се затвори во една келија на Елеонската Гора и почна тежок подвиг на пост, молитва и бдеење.

По три години ја посети ѓаконот на Св. Нон, Јаков и ја затекна с ? уште жива, но кога по неколку дена повторно ја посети, го најде нејзиното тело мртво и чесно го погреба. Св. Пелагија се упокои околу 461 година. Така оваа некогашна грешничка со покајание и ревност Го смилостиви Бога, доби прошка за гревовите и се освети. Нејзината очистена и света душа се удостои со Царството Божјо.

Тимот на македонскиот бренд Vincinni е дел од SIAL Paris, еден од најзначајните меѓународни саеми за прехранбената индустрија, кој ги обединува производителите, дистрибутерите и професионалците од прехранбениот сектор од целиот свет.

Од компанијата истакнуваат дека учеството на овој меѓународен настан е можност за зацврстување на постојните партнерства, воспоставување нови деловни контакти и претставување на брендот пред меѓународната публика.

SIAL Paris е препознатлив како глобална платформа за иновации, размена на искуства и отворање нови деловни можности во прехранбената индустрија.

Со своето присуство на саемот во Париз, тимот на Vincinni продолжува да ги гради деловните врски и да ги отвора вратите за нови можности на меѓународниот пазар.

Владата ги продолжи мерките за намалување на данокот на додадена вредност (ДДВ) за дизелот од 18 на 10 проценти, како и за намалување на акцизата за горивата, со рок на важење до 2 ноември 2026 година.

Информацијата преку својот профил на Фејсбук ја објави министерката за финансии, Гордана Димитриеска-Кочоска.

Според посочувањето на министерката, целта на оваа одлука е ублажување на ценовните притисоци врз малопродажните цени на нафтените деривати и намалување на финансискиот товар врз граѓаните и стопанството.

-Продолжуваме внимателно да ги следиме состојбите на меѓународните пазари и да преземаме навремени мерки за заштита на животниот стандард и зачувување на економската стабилност – истакна министерката за финансии.

Прилепчани со години чекаат функционална спортска сала, а најновите најави на министерот за спорт Борко Ристовски отвораат нови прашања за судбината на двата спортски објекти.

По најавите дека прилепската Универзална сала ќе биде реконструирана и ставена во функција, сега во фокусот на Министерството за спорт е салата „Македонија“, чија реконструкција треба да се реализира во наредните години.

Министерот за спорт Борко Ристовски претходно најавуваше дека Универзалната сала во Прилеп ќе биде оспособена за користење до почетокот на натпреварувачката сезона, односно во септември или октомври 2024 година. Во мај 2025 година тој информираше дека проектот за реконструкција е готов, но дека претстојат административни процедури и решавање на проблемите поврзани со објектот.

Во ноември 2025 година, Ристовски повторно зборуваше за Универзалната сала, посочувајќи дека Министерството за спорт не е надлежно за објектот, но дека ќе посредува меѓу заинтересирана локална компанија и надлежните институции за да се најде решение за реконструкцијата и стопанисувањето со салата.

Сега, според најновите информации за салата „Македонија“, предвидена е инвестиција од 180 милиони денари со вклучен ДДВ, а средствата се планирани да се реализираат во три фази: два милиона денари во 2026 година, 89 милиони во 2027 и уште 89 милиони денари во 2028 година. Тоа значи дека најголемиот дел од финансиската реализација е планиран за следните две години, а последната фаза е предвидена за 2028 година.

Според проектната документација, салата „Македонија“ треба да добие нов лик и современи услови за одржување спортски натпревари, тренинзи и рекреативни активности. Предвидени се 1.959 седишта за публика, како и реконструкција на електричните инсталации, водоводот, канализацијата и термотехничките системи.

Но, додека за сала „Македонија“ се најавува нова инвестиција со утврдена финансиска рамка, за прилепчани останува отворено прашањето што ќе се случува со Универзалната сала, која со години е надвор од функција.

Прилеп е град со спортска традиција, клубови и млади спортисти на кои им се потребни соодветни услови за тренинг и натпревари. Затоа, најважното прашање не е само која сала ќе се реконструира, туку и кога градот конечно ќе добие функционални спортски објекти.

Дотогаш, наместо најавите, прилепските спортисти ќе ги чекаат конкретните градежни активности и роковите што ќе донесат вистинска промена на терен.

Во најдобриот ресторан во градот, секој викенд е вистинско мало уживање за сите сетила. Мирисот на совршено приготвена храна, вкусот што останува во сеќавање и музиката која го буди најубавото расположение, токму така изгледа секоја вечер во Ресторан Порта.

Овој продолжен викенд носи музичка програма каква што само ПОРТА може да им подари на своите прилепчани. Во четврток во Прилеп доаѓа кралот на македонската народна песна – Наум Петрески, чиј настап е веќе РАСПРОДАДЕН, па за сите оние кои не стигнаа навреме да резервираат маса, ПОРТА им ветува дека со Наум ќе се дружиме и во блиска иднина.

View this post on Instagram

Во ПЕТОК, 23.10. празничниот викенд започнува со ТАЈФАТА, луѓето кои се “виновници” за стотици досега маестрални музички уживања ширум државата.

View this post on Instagram

САБОТАТА веќе традиционално е прво резервирана за ДЕНСКА ЗАБАВА со ТИАНА и ДАНИ, кои повторно ќе приредат попладне за паметење со почеток од 13:30часот.

View this post on Instagram

И за крај, веќе одомаќинетите кавадарчани од “ТРИО МАЊИФИКО” за одлично заокружен гурмански викенд во ресторанот кој гради една поинаква приказна, каде секој е дел и остава свој белег.

View this post on Instagram

Резервирајте навреме на телефонскиот број: 078 368 111

СЕ ГЛЕДАМЕ ВО ПОРТА!

По 14 години, Прилеп повторно е опфатен со владина набавка на нови амбулантни возила за потребите на Итната медицинска помош. Во рамки на набавката на 100 нови амбулантни возила, кои ќе бидат распределени низ здравствените установи во Македонија, за Прилеп се доделени три возила, со што за првпат од 2012 година се обезбедува вакво обновување на возниот парк преку Владата.

-Со новите возила ќе се подобрат условите во кои работат екипите на Итната медицинска помош, а граѓаните ќе добијат посигурен и подостапен итен медицински транспорт. За град како Прилеп, кој ги опслужува и жителите на околните населени места, дополнителните три возила ќе бидат од голем бенефит при секојдневните интервенции и транспортот на пациенти, велат од прилепската болница.

За поздравување е одлуката на Владата да обезбеди три нови амбулантни возила за Прилеп, особено ако се има предвид дека последната ваква набавка за градот датира од 2012 година. Обновувањето на возниот парк е реална потреба на здравствените работници и граѓаните, а со оваа набавка се одговара токму на таа потреба.