Витаминка АД Прилеп уште еднаш го потврди својот статус како еден од најпочитуваните и најпосакуваните работодавачи во земјава, добивајќи ја престижната награда „Најпосакуван работодавач во категорија производство на храна“ за 2024 година од страна на порталот Vrabotuvanje.com.mk.

Ова признание е резултат на независно истражување спроведено од страна на порталот, каде што илјадници испитаници имаа можност да ги изразат своите ставови и искуства во однос на компаниите во Македонија. Според резултатите, Витаминка се издвојува како компанија која нуди стабилна работна средина, постојани можности за професионален развој, грижа за вработените и позитивна корпоративна култура.

„Витаминка се грижи за своите вработени и постојано инвестира во нив. На крај на денот финансиите не се најголемиот ресурс на ниту една компанија туку луѓето кои секој ден одбираат да се надоградат и да станат подобра верзија на себеси. Особено сме горди на ова признание, бидејќи доаѓа директно од луѓето – оние што нè познаваат, нè следат и имаат доверба во нашата работа и вредности. За нас, ова е уште една потврда дека сме на вистинскиот пат“, изјави Владимир Трпаноски, комерцијален директор во Витаминка.

Компанијата и понатаму останува посветена на создавање на стимулативна работна атмосфера и на поддршка на личниот и професионалниот раст на своите вработени. Преку постојани инвестиции во човечки ресурси и современи работни практики, Витаминка ја зацврстува својата позиција како еден од лидерите не само во прехранбената индустрија, туку и како пример за општествено одговорна и развиена организација.

Министерството за образование, култура, спорт, наука и технологија (MEXT) на Јапонија нуди студентски стипендии за македонски граѓани кои сакаат да комплетираат додипломски студии или истражување во Јапонија.

Кандидатите треба да ги поднесат своите документи не подоцна од 16ти мај. Одбраните кандидати ќе бидат поканети на тестирање во јуни. За повеќе информации ве молиме прочитајте на страната на амбасадата  https://www.mk.emb-japan.go.jp/itprtop_en/index.html

За дополнителни информации: [email protected]

На 22 април 2025 / вторник/ од 19.00 часот во фоајето од ЦК „Марко Цепенков“ ќе се одржи целовечерниот концерт „Враќање“ на кој ќе настапи Трио Интерарт.

Емилија Ристевска Стефановска – флејта,
Александар Стефановски – флејта,
Татјана Божиновска – пијано

На програмата се дела од:

D. Schostakovich,
E. Doppler,
S.Petrovski,
A.B. Furstenau,
B.I. Clarke

По милоста божја, Архиепископ охридски и македонски, заедно со светиот архијерејски синод, по повод велигденските празнувања, испраќа мир и благослов од Бога до свештенослужителите, до монаштвото и до сите чеда на македонската православна црква, поздравувајќи ги со величествениот и торжествен поздрав – ХРИСТОС ВОСКРЕСЕ!

Возљубени празникољупци,

Собрани со торжествена радост, соединети со вера во воскреснатиот Господ, денес го славиме најголемиот настан во историјата – Христовата победа над смртта! На овој Празник над празниците, во овој Ден на незаодната светлина, кога исчезнуваат сите граници меѓу земното и небесното, откако поклонички и смирено го изодивме патот на благословениот Велигденски пост, еве, радосно ја празнуваме победата на животот! Исправени во стамена послушност на Божјите заповеди и внурнати во несогледливите и неискажливи длабочини на Божјите тајни, денес повторно го осознаваме искупителниот дар на неизмерната Божја љубов, на вистинскиот и неминлив живот во кој Бог нè приведе од небитие, благоизволувајќи довека да сопостоиме со Него.

Светата Црква учи дека Христовото искупително дело за спасението на човечкиот род, потполно и конечно се оствари преку Неговото тридневно воскресение. Сè што беше пророкувано и очекувано во Стариот Завет, кога се исполни времето[2], се оствари во Неговата личност и во Неговото дело: Господ се воплоти, доброволно се распна, се предаде на страдања и смрт, и воскресна во слава и величие.

Затоа, со кој јазик да го искажеме и со кои зборови да го опишеме нашето благодарно ликување?! Со какви стихови долично да ја испееме највеличествената химна за Христовото воскресение?! Исправени во созерцание пред адскиот мрак кој се заканува да нè погуби, а восхитени од Христовото славно воскресение, го слушаме одекнувањето во нас на божествениот глас кој повикува: Врви по Мене![3] Оттаму на овој празник обилно се излева неискажлива радост, та на почетокот од воскресната богослужба, среде ноќта, пееме: „Пријдете, примете светлина од незаодливата Светлина, и прославете Го Христа Кој воскресна од мртвите!“

Возљубени чеда во Господа,

Чудесната вест, објавена од ангелот во тишината на празниот гроб, дека Христос воскреснал, до денешен ден допира до сето создание и постојано донесува нова радост и нови надежи. А Бог, како бесконечен и совршен, немаше потреба од Воплотувањето. Победата над смртта со смрт, Тој не ја извојувал заради Себе, туку за да им дарува живот на оние во гробовите и да ги ослободи заробените од смртта. Па, Господ Христос ја поднесе жртвата не за Себеси, туку за нас да нè украси со венецот на победата и на животот!

Бог го создаде светот добар, и за добро, и тој не почива во зло самиот по себе! Оддалеченоста на човекот од Бога е она што чини да се раѓа злото во светот. Затоа, историјата на човештвото изобилува со војни и зла, со освојувања и прогонства, со страдања, неправди и несреќи. Но, најважните војни и битки се оние коишто човекот ги води со себеси, преку личното покајание и враќање кон Бога. Оттаму, ако човекот успее да извојува победа врз самиот себеси, врз својата падната природа, тоа ќе значи дека ја добил и најважната битка во животот!

Спасителот, Господ Исус Христос, го победил злото на Крстот, а оние коишто веруваат ја наследуваат таа победа, сораспнувајќи се со Него. Подвижничкото чување на Божјите заповеди значи човекот да се уподоби на Бога, за, како што вели светиот апостол Павле, да Го познаам Него, и силата на Неговото воскресение, и учеството во Неговите страдања, сообразувајќи се со Неговата смрт, та некако да го достигнам воскресението на мртвите.

Возљубени во Христа воскреснатиот,

Нема воскресение без распетие, како што нема ниту вистинска радост на која не ѝпретходеле горчливи солзи. Овогодишниот Велигден го доживуваме поразлично од досега. Имено, во текот на овогодишниот предвелигденски период пострадаа шеесетина наши чеда, а повеќе од двесте беа повредени во страшниот пожар во Кочани. Трагедијата за кусо време, како ретко кога, го сплоти во тага и во молитви сиот наш народ, но и сите оние коишто сочувствуваа со нас. Истовремено, кочанското страдање на најсуров начин повторно нè соочи со немилосрдната стварност на смртта. Во молитвеното испраќање на овие млади луѓе и во привремената разделба со нив, ништо друго не можеше да ни даде сила и утеха освен простувањето од нив со бодра надеж во воскресението. Затоа годинашнава велигденска светлина ја очекувавме и ја дочекуваме со уште поголема духовна усрдност.

И во овој миг да се потсетиме и на оние коишто го жртвуваа и сопствениот живот, за да спасат што повеќе други животи. Во нив силно заблеска евангелската порака за љубовта кон ближните, упатена од воскреснатиот Господ: Ова е Мојата заповед: да се љубите еден со друг, како што Јас ве возљубив. Никој нема поголема љубов од оваа: да ја положи некој својата душа за своите пријатели[6].

Возљубени чеда на Македонската Православна Црква,

Оваа година прославуваме 80 години од одржувањето на Првиот македонски Црковно-народен собор, одржан во Скопје, во 1945 година, на кој тогашните свештенослужители и народни претставници од слободна Македонија донеле Одлука со која го најавиле воскреснувањето на Охридската Архиепископија во лицето на Македонската Православна Црква. Воедно, годинава нашата помесна Црква учествува и во сеправославното прославување на големиот јубилеј – 1700 години од Првиот вселенски собор, одржан во Никеја, во 325 година, а на кој Црквата ја победи ереста на аријанизмот, успевајќи да го запази учењето за Словото Божјо и, следствено, за вистинитоста на Неговото воплотување. Токму таа божествена вистина, пак, ни ја дава можноста за наше благодатно учество во Неговата природа[7] и за наше совоскреснување со Него!

Затоа, честитајќи ви го Празникот над празниците – Велигден, посакуваме благословението Господово да завладее во секого од нас и во сиот свет. А за тоа потребно е, кога во овие велерадосни денови празнично едни со други ќе се поздравуваме со „Христос воскресна“ – „Навистина воскресна“, ние, од длабочината на нашите срца, да ја исповедаме верата дека Бог ќе ги воскресне и нашите тела со истата моќ со која Го воскресна и нашиот Господ[8]. Така и да ја живееме нашата вера, исповедајќи: „Го чекам воскресението на мртвите и животот на идниот век“! Амин!

Честит Велигден!

Христос воскресе!

Ракометарите на РК Прилеп го доживеаја првиот пораз во плеј-аут разигрувањето, откако синоќа на домашен терен неочекувано беа поразени од Радовиш (26:28).

Иако сите очекуваа полн плен бодови од овој натпревар за прилепчани, гостите и нивните навивачи кои беа во салата не мислеа така.

Првиот дел мина во изедначена игра, гол за гол. Двете екипи имаа свои моменти, но ниту една не успеа да се одлепи на повеќе од два гола разлика. По 30 минути игра, резултатот беше 14:13 во корист на прилепчани.

Во вториот дел Радовиш од негатива 17:16, направи серија од 3:0 и поведе со 19:17, но избраниците на Илиески брзо се консолидираа и одново го презедоа водството со 20:19.

До последните минути на натпреварот се играше речиси гол за гол, но неколкуте одлични одбрани на голманот на радовишани, им донесоа предност од 23:26, а Прилеп беше немоќен да се врати резултатски во натпреварот.

Во наредното коло РК Прилеп гостува кај Струга.

Велики петок освен Велипеток уште се вика и Распет петок зашто на овој ден е распнат Исус Христос. Поради тоа овој ден се смета за најтежок празник во годината, тогаш не се работи дури и не се готви храна. Се вели дека на овој ден не треба да се јаде, а камоли да се работи.

Како на строг пост, како што се вика „пост на вода“ тој ден во црквата луѓето се честат со леб, пипер, и сол. Некои луѓе јадат стоејќи, а други ништо не јадат цел ден сочувствувајќи со распнатиот Исус. Тогаш се оди во црквата каде што оставаат дарови на Распетието Христово, а цвеќето на „плаштеникот-оплакувањето Христово“.

Секој што тука остава цвеќе зема друго и го носи дома за здравје. На Велики петок во црквите се изведува и обредот симболично погребување на Исус Христос. Тоа се прави на тој начин што платното наречено „Плаштеница“ се положува врз посебно подготвен симбол на Христовиот гроб.

Поминувајќи под Плаштеницата верниците сочувствуваат со распнатиот Исус. Исто така, се поставува и “„Распетието Христово“ (крстот на кој е насликан распнатиот Исус) пред кое верниците се поклонуваат и Исуса го бакнуваат во раните на нозете.

Нема крај на изненадувањата во Bonatti. Деновиве започна Велигденската акција, која ќе трае до 22.04.2025!

-20% попуст на целиот асортиман на производи

Посетете го продажниот салон на Bonatti во Прилеп на бул. “Гоце Делчев” бр. 6-3, наспроти “Ла Страда” и изберете нешто убаво и квалитетно за себе или за вашите најблиски.

Во продолжение погледнете само дел од широкиот асортиман на производи, кој вклучува долна облека, пижами, аксесоари и други модни детали.

На  23 април  2025 / среда/ од 19 часот во фоајето од ЦК „Марко Цепенков“ ќе се одржи концерт на виолина и пијано. На виолина ќе настапи младиот виолинист Леонардо Димоски, во пијано придружба на Летиција Морети

На програмата се дела од Stracchi, Prokofiev, Tchaikovski…..

На 23 април 2025 / среда/ од 19 часот во фоајето од ЦК „Марко Цепенков“ ќе се одржи концерт на виолина и пијано. На виолина ќе настапи младиот виолинист Леонардо Димоски, во пијано придружба на Летиција Морети.

На програмата се дела од Stracchi, Prokofiev, Tchaikovski…..

**********************************************************

Прилепчанецот Леонардо Димоски роден 2004 год., музичкото образование го започнува на 6 годишна возраст во Прилеп во ООМУ “Ордан Михајлоски Оцка”, во класата на проф. Оливера Гемту и ментор проф.Ванчо Стоилков. Oд јануари 2017 год. беше под менторство на м-р проф. Сихана Бадивуку. Во 2023 започнува со студирање во “MUK- Musik und Kunst Privatuniversität der Stadt Wien” со проф. Павел Верников, проф, Кристина Шуклар. Учесник и добитник е на бројни награди на државни и меѓународни натпревари: – GRAND PRIX на меѓународен натпревар “Охрид те сакам” – Охрид, 2023 – Специјална прва награда на натпреварот “Music Competition Online”- Париз, 2021 – Лауреат на натпреварот “Glasena cipka iz Idrie”- Словенија, 2021 -Трета награда на натпреварот “ODIN International Music Competition”- Швајцарија, 2021 – Втора награда на натпреварот “Constantine The Great”- Србија, 2021 -Трета награда на натпреварот “Inernational Moscow Music Competition”- Москва, 2021 -Втора награда на “Persatuan Chopin Malaysia music competition”- Малезија, 2021 – Лауреат на меѓународен натпревар POLYHYMNIA- Скопје, 2019 -Специјална прва награда на државен натпревар – Скопје, 2019 -Специјална прва награда на меѓународен натпревар ARSKOSOVA EDICIONI 15- Приштина, 2019 -Прва награда на меѓународен натпревар PJETER GACI – Албанија, 2018 -прва награда на меѓународен натпревар ARSKOSOVA EDICIONI 14- Приштина, 2018 – прва награда (special prize) на меѓународен натпревар POLYHYMNIA- Скопје, 2018 -прва награда на државен натпревар- 2018 -прва награда по теорија на музиката на државен натпревар – 2018 – специјална прва награда на меѓународен натпревар POLYHYMNIA- Скопје, 2017 -прва награда на државен натпревар – 2017 -прва награда на меѓународен натпревар ARSKOSOVA EDICIONI 13 – Приштина, 2017 – втора награда на меѓународен натпревар PJETER GACI – Албанија, 2017 -трета награда на меѓународниот конкурс за виолинисти “Недаљка Симеонова “- Бугарија, 2017 -финалист на “Sarajevo Southeat European Violin Competition”( 4 награда )- Сараево, 2017 -прва награда на државен натпревар – 2016 -трета награда на меѓународен натпревар” Охридски бисери” – Охрид, 2016 -прва награда на Државен натпревар – 2015 -втора награда на меѓународен натпревар за млади музички и балетски таленти – Скопје, 2015 -втора награда на меѓународен натпревар на млади музичари “Охрид те сакам” – Охрид, 2015 -трета награда на меѓународен натпревар во Ниш, 2015 -втора награда на државен натпревар – 2014 Самостоен онцерт во склоп на “Concerti del Tempietto” – Рим Концерт на камерна музика во Битола, 2023 Настап со Македонска Филхармонија во Скопје, 2023 Самостоен целовечерен концерт во Битола, 2023 Самостоен целовечерен концерт во Скопје, 2023 Настап во склоп на мастерклас во Клагенфурт – 2023 Мини концерт во склоп на културната манифестација “ XXVIII РАШКЕ ДУХОВНЕ СВЕЧАНОСТИ”- Србија 2022 Станува дел од фондацијата “Spivakov”- 2021 Лауреат на фондацијата “Томислав Зографски”- 2020 Настап со Македонска Филхармонија во Скопје – мај, 2019 Солистички концерт во Прилеп, Јули 2019.олистички концерт на Kosova Kamerfest во Приштина 2019 Прв самостоен солистички рецитал – март 2017 год. во Прилеп. Учествувал на” Виолин Фест” – Скопје, во 2016, 2017, 2018, 2019 и 2023 год. Учесник е на Третата меѓународна конференција “Образование преку граници” – Битола, учесник е и на Новогодишните хуманитарни концерти на Педагошкиот факултет во Битола.

Посетувал семинар по виолина кај доц. м-р Михаило Куфојанакис, проф.Paul Rochek( Austria), Тedi Papavrami (Geneva) и м –р Владимир Марковиќ (Србија), проф. Ronny Spiegel (Швајцарија), проф. Kirill Troussov (Германија), проф. Dmitri Berlinsky (Русија) проф.Anna Morgoulets (Русија), проф. Павел Верников (Украина), проф. Светлана Макарова (Русија)

-На 16.04.2025 во 13.16 часот во СВР Битола, О.С. од Прилеп пријавил дека на место викано „Сакира“ пронашол две неексплодирани гранати.

Пиротехничар од Дирекцијата за заштита и спасување ги подигнал гранатите, при што на местото дополнително биле пронајдени уште 14 артилериски гранати калибар 105 мм. кои потекнуваат од Првата светска војна.

Годинешното 8.по ред издание на Џез Фактори Фестивал Битола, ќе се одржи од 17-ти до 19-ти Април со настапот на повеќе реномирани џез музичари од Македонија и странство во Народниот театар и Центарот за култура Битола, како и во неколку кафе барови.

„Ние почнавме во 2011 година и ако изброиме се повеќе од 14 години, со работилниците Jazz Factory for Kids, кои во 2018 година прераснаа во фестивалот кој што денес го живееме.  Инаку на стартот, јас морам да се заблагодарам на Народниот театар, кои се наши партнери во реализација на овој проект, Општина Битола се разбира, бидејќи под нивна патронажа се реализира фестивалот, Центарот за култура, каде што сме во моментот и се разбира Мистерството за култура. Инаку ние, секоја година се трудиме максимум со нашите средства, да стигнеме до програма која што ќе ги заинтересира пред себе жителите на Пелагонискиот регион“, истакна на самиот почеток директорот и основачот на фестивалот Сашо Поповски.

Фестивалот ќе биде отворен вечер од 20:00ч во Народниот театар во Битола со настапот на Laurant Coulondre (Француската Република). Тој е врвен француски џез пијанист, познат по својот иновативен пристап кон музиката. Добитник е на неколку престижни награди и соработувал со истакнати џез уметници како Paul Jackson и Pierre de Bethmann. Од 21 часот е настапот на Corey Wilcox и WORKING CLASS HEROES, (Соединети Американски Држави). Wilcox е мултиинструменталист со неверојатна техничка вештина и музичка разновидност. Како долгого- дишен член на Jazz At Lincoln Center Orchestra, настапувал на светски сцени како Carnegie Hall и Newport Jazz Festival.

Пред самата прес конференција компанијата МИНТ на фестивалот подари контрабас.

„Ние имавме, навистина, голем проблем, затоа што во Битола многу беше тешко да се најде, да се изнајми контрабас и веќе две години се обидувавме да купиме контрабас, затоа што контрабасот е срцето на секој џез бенд. Не успеваме, но за среќа, благодарност голема до компанијата, МИНТ, што имаа разбирање и ни подарија контрабас“, додава Поповски.

Оваа година во програмата е и Џез работилницата за деца, што е од исклучително значење за едукација на младите и создавање џез публика.

„Младите треба да се запознаат дека постои малку поразлична музика од таа што им се сервира секој ден и дека музиката од цртаните филмови може да биде изведувана во живо на инструменти. Создавањето на публика не зависи само од фестивалот, потребно е да се има сериозен џез клуб во Битола, нешто што долги години ние го немаме и мислам дека тој дисбаланс кој што се јавува во моментов е токму поради тоа што сега уште немаме сериозен џез клуб во градот, па можеби сето ова ќе поттикне некого за постоење на истиот.

Ќе биде доделена наградата „Гоце Димитровски“, која се доделува во чест на еден од најзначајните македонски џез музичари. Таа има за цел да поддржи и инспирира нови генерации џез артисти.

„ Јас ги познавам тие млади луѓе како професор и имаат многу јак импакт во џез сцената во моментот.  Теодор е едно многу талентирано момче кој е дипломец и има многу светла иднина пред него, и ние со оваа награда би сакале да ги засилиме тие негови аспирации. Тој е човек кој ја сака премногу џез музиката, така што ние од се срце му посакуваме се најдобро. Наградата ја доделуваме секоја година во соработка со општина Битола и го носи името на битолчанецот Гоце Димитровски. За првпат од оова година, наградата нема да биде само диплома или сертификат, ние ќе го испратиме Теодор на 7-9 дневен мастер клас на Нишвил фестивалот, така што тој ќе биде дел од една програма која ја поврзува Битола со Франција и со регионалните џез фестивали, а каде што ќе има можност да се дружи, да соработува со млади музичари од Франција, Црна Гора,  Албанија, Косово и Србија, и да свири концерт во рамките на овогодинешниот Нишки џез.

Џез фестивалите се делат на три категории.

„ Ние влегуваме во средната категорија, по бројот на продадени влезници, од 200- 500 луѓе во пубика. Фестивалите функционираат во заедница со асоцијации кои имаат сопствени клубови, затоа истакнувам дека таа битна клетка за да се развива џезот е постоењето на клуб. Ние секогаш во рамките на нашите можности ќе донесеме изведувачи од најдобрите категории. Постоењето на еден џез клуб во Битола, многу побрзо ќе ја олесни работата и ќе имаме млада публика, а тука е и отварањето на џез радио станица како што е џез фм во Скопје. Тука важен елемент се и медиумите, промоцијата на еден правец како џезот создава публика.

Џезот во образованието е исто така од клучно значење за развивање на џез сцената.

„Нашиот оддел во Штип пред 10, 11 години предложи изборни предмети по џез во трета и четврта година во средните музички училишта да се изучуваат, за жал тој предлог сеуште стои во фиока. Треба џез музичар, професор да ги предава тие предмети, а за тие професори има сеуште затворени врати. Мислам дека отворањето на вакви насоки во средните музички училишта ќе доведе до зголемување на бројот на учениците, бенефит имаат и училиштата со самото тоа. Тоа е нешто што ние во наредните 5 години ќе се трудиме да го има“.

На 18 ти, во 11 часот следува претставување на книгата на Ненад Георгиевски, Press and play, книга која ја истражува македонската музичка сцена. Веќе во 12 часот во Битолскиот театар е работилницата на светски познатата саксофонистка Swantje Lampert од Австрија. Концертната програма започнува во 20 часот со настапот на Триото на пијанистот Jaume Miquel од Кралството Шпанија. Од 21 часот следува настапот на саксофонистката и композиторка Swantje Lampert. Од 22 часот во Паб Бурбон Стрит Битола , настапува квартетот на Јован Цветковиќ од Македонија. На 19 ти, концертната програма започнува со битолчаните КОД 369, следува настапот на JFF Little Big Band, диригент Тони Китановски од Македонија.

На 19 Април, од 10:00ч во соработка со Здружението Пелагонија следува Годишна конференција на Асоцијацијата на џез фестивали, со цел размена на искуства и поддршка на европскиот џез. Оваа платформа создава нови можности за уметници, организатори и публика. Годишно фестивалот реализира 9 концерти и 5 пратечки настани на сцената на Народен Театар Битола, како и локалните клубови и културни сцени со посетеност од над 2000 посетители. Фестивалот се организира под патронажа на Општина Битола и партнерство со НУ Народен Театар Битола, а со поддршка на Министерството за култура и Центарот за култура Битола, како и Францускиот Институт од Скопје, Амбасадата на Шпанија, и Делегацијата на Европската Унија.