Нашиот пат кон Европската Унија е повеќе од хармонизација на закони – тоа е создавање институции кои работат по европски стандарди, порача премиерот Христијан Мицкоски на почетокот од денешниот настан, генерички обуки за административни службеници – „Инвестицијата во административните службеници е инвестиција во иднината на јавниот сектор“, што се одржува во Скопје.

-Денес сме собрани со исклучително важна цел – да потврдиме дека реформите не се само зборови во програма, туку дела што се гледаат и чувствуваат. Нема модерна држава без модерна администрација. Нема напредна економија без функционален јавен сектор. Нема доверба во институциите без професионални, одговорни и мотивирани службеници. Кога велиме „инвестиција во административните службеници е инвестиција во иднината на јавниот сектор“, тоа не е само слоган, тоа е нашата визија и обврска пред граѓаните, рече Мицкоски пред присутните.

Јавната администрација, нагласи премиерот, е темелот на државата.

– Таа сте вие – луѓето кои секојдневно го носат товарот на институциите. Вашата работа е лицето на државата, вашиот став е впечатокот кој граѓаните го добиваат за институциите, додаде премиерот.

Како што рече тој, овој прв циклус на генерички обуки, со 600 учесници од локално и централно ниво, е јасен сигнал дека оваа Влада не се плаши од промени, туку ги носи.

-Обезбедивме врвни меѓународни обучувачи, современи програми и методологии кои не само што го пренесуваат знаењето, туку ја менуваат и културата на работење, рече Мицкоски.

Неодамна, додаде тој, јавната администрација беше „сведена на политички плен“.

-Наместо развој – партизација. Наместо мотивација – страв и реваншизам. Наместо обука – клиентелизам. Претходната влада ја остави администрацијата демотивирана, со нарушена доверба, со луѓе кои се чувствуваа оставени на цедило. Чекавме со години за нормални системи за обука, а резултатите беа стагнација и загубени генерации на службеници кои немаа пристап до современи знаења, посчи Мицкоски.

Кажа дека тоа време завршило.

– Денес јавно кажуваме: јавната администрација нема повеќе да биде партиски плен. Ќе биде професионална, ефикасна и ќе работи за граѓаните, додаде премиерот.

Нагласи дека Естонија ни покажала дека малите земји можат да бидат големи по иновации. Словенија покажала дека администрацијата може да биде мотор на реформите.

– Тоа се приказни кои почнале како што ние почнуваме денес – со луѓе кои решиле да се обучуваат, да се менуваат и да ја менуваат својата земја. Нашиот пат кон Европската Унија е повеќе од хармонизација на закони – тоа е создавање институции кои работат по европски стандарди. Овие обуки се доказ дека не чекаме да ни биде кажано што да правиме. Ние сме генерацијата што ја презема иницијативата и сака да ја донесе Европа дома преку современ јавен сектор, рече премиерот.

Мицкоски упати и апел до министрите и градоначалниците.

-Ве повикувам сите министри, директори и градоначалници: продолжете да ги поддржувате ваквите програми. Осигурете се дека секој вработен во вашите институции ќе има пристап до обука, менторство и можност за професионален развој. Ова не е трошок, ова е најпрофитабилната инвестиција за државата, потенцираше премиерот.

Тој нагласи дека ова е само почеток.

-Верувам дека секој од вас ќе биде амбасадор на промената во својата институција. Ќе ја понесете оваа енергија и ќе ја претворите во резултати што граѓаните ќе ги почувствуваат, истакна Мицкоски.

Рече дека времето на нашата држава е сега.

-Ние сме генерацијата која мора да ја извлече државата од мракот на партизацијата и да ја однесе во светлината на европската иднина. Ве повикувам – учете, прашувајте, дискутирајте. Бидете храбри да воведувате нови практики. Бидете тие кои ќе ја остават администрацијата поефикасна, почесна и посилна од кога било. Заедно ќе создадеме јавен сектор кој нема да биде само апарат на државата, туку двигател на развојот, партнер на граѓаните и гарант на европската иднина на татковината, подвлече премиерот Мицкоски.

БЕЗБЕДНОСТА НА ПРВО МЕСТО е нивното мото во изминатата повеќе од eдна деценија постоење – години во кои АВТО КОНТРОЛ прерасна во бренд на Прилеп и е во самиот врв во Македонија, кога станува збор за современа станица за технички преглед.

Од АВТО КОНТРОЛ апелираат до возачите да не ризикуваат и да извршат замена на моторното масло и филтри, што е клучно за долговечноста и сигурноста на возилата.

А зошто токму таму?

Па затоа што во АВТО КОНТРОЛ нудат:

-Квалитетни масла и филтри од врвни брендови
-Брза и професионална услуга
-Совети од стручни механичари
-Контрола на други витални точки на возилото

Затоа не размислувајте и доверете го вашиот автомобил на вистинското место! За сигурност на секој изминат километар, изберете ги најдобрите!

Тимот на АВТО КОНТРОЛ ве очекува!

Жозе Мурињо е вистински цар. Пред неколку недели доби отказ од Фенербахче по поразот од Бенфика во квалификациите во Лигата на шампионите за што доби оштета од девет милиони евра.

Но, Бенфика по првото коло во Лигата на шампионите и поразот на домашен терен од Карабах, го отпушти тренерот. Раководството на португалскиот тим брзо реагираше и веќе го ангажира Мурињо на двегодишен договор.

Иаку, ова е камбек на Мурињо во Бенфика. Првиот негов престој во клубот датира од 2000 година, кога за кратко време го водеше клубот пред да се пресели во Порто. Токму таму започна неговата златна ера, освојувајќи ја Куп УЕФА во 2003 година и Лигата на шампионите во 2004 година. Тој успех го одведе во Челси, каде во два наврати освои три титули во Премиер лигата, а потоа следуваа трофеи со Интер (двојна круна и ЛШ во 2010), Реал Мадрид (Ла Лига во 2012), Манчестер Јунајтед (Лига Европа во 2017) и Рома (Конференциска лига во 2022).

Испитниот центар за возачки испити во Битола и околните општини во понеделник (22.09.2025) ќе продолжи со работа.

Во соопштението објавено на веб сајтот на „Супер возач“ ДООЕЛ Битола стои следното соопштение:

-АМИЦ Супер Возач Битола од 22.09.2025 (Понеделник), започнува со спроведување на претходно одложените возачки испити. Кандидатите чии испити беа одложени ќе бидат лично контактирани за новите термини за полагање и истовремено истите ќе бидат објавени и на интернет страницата на АМИЦ Супер Возач Битола. Информација за прием на нови кандидати за возачи ќе биде објавена на интернет страницата на АМИЦ Супер Возач Битола.

Владата преку Министерството за транспорт реализира сет мерки за подобрување на инфраструктурта во општините со што ја подигнува безбедноста во сообраќајот и го унапредува квалитетот на живот. Во меѓувреме креираме и нов Правилник за проектирање и изградба на велосипедска инфраструктура во општините, истакна потпретседателот на Владата и министер за транспорт Александар Николоски на конференцијата посветена на подобрување на урабниот транспорт.

-Министерството за транспорт се приклучува кон најголемата европска кампања за подигање на свеста за одржлив транспорт и подобрување на квалитетот на живот во градовите, со што ја потврдуваме нашата посветеност да се движиме во ист правец со најдобрите европски практики. Со Националната транспортна стратегија за периодот 2018 – 2030 година предвидена е мерка за поддршка на поголемите градови за изработка на планови за одржлива урбана мобилност. Поддршката вклучува развивање на планови за одржлива урбана мобилност за Кавадарци и Прилеп, Кочани, Струмица и Струга, во согласност со насоките за развивање и имплементација на планови за одржлива урбана мобилност на ЕУ, истакна потпретседателот на Владата, Александар Николоски.

Денешната конференција се организира во рамки на Европската недела на мобилност под мотото „Мобилност за секого“.

Овации за оперските уметници Ана и Игор Дурловски од страна на бројната публика, која синоќа го проследи нивниот настап на платото пред Офицерскиот дом, на концертот „Песни од срцата“.

Стари македонски изворни песни, беа отпеани од двајцата уметници со светска слава, придружувани од Камерениот оркестар „АЈГА“ под диригентска палка на Иван Еминовиќ, со посебна емотивна нота, проследена со врвна виртуозност.

„Калино моме“, „Дејгиди, луди млади години“, „Разболела се Ленка Пингова“, „Што да правам, што да чинам“, „Си заљубив едно моме“,беа дел од изведените композиции, на кои што никој во публиката на остана рамнодушен, особено на народната љубовна песна „Разболела се Ленка Пингова“, каде што Ана ја покажа својата извонредна колоритност во музицирањето.

Меѓу присутните беше и градоначалникот на општина Битола, Тони Коњановски, кој заедно со сите присутни на концертот, уживаше во концертот „Песни од срцата“.

Со ова исклучително музичко доживување, заврши богатата летна културна сезона во Битола.

-На 17.09.2025 во 18:30 часот на ул.„8 Септември” во Битола, полициски службеници од СВР Битола го лишија до слобода В.Г.(19) од Битола. При контрола во патниот сообраќај, полициските службеници запреле патничко возило „сеат”со битолски регистарски ознаки, управувано од В.Г., при што е констатирано дека го управувал со брзина од 104 километри на час во населено место каде што брзината е ограничена на 50 километри на час. По документирање на настанот, против него ќе следува соодветна пријава по чл.297-а – ,,безобѕирно управување на моторно возило”, информираат од МВР.

Подгответе се за уште еден викенд исполнет со незаборавна атмосфера, одлична музика и многу позитивна енергија – само во Pub Club Terasa во Прилеп!

Овој петок (19.09.) тимот на најдобара Terasa во градот ви закажува ново одлично дружење со добро познатото дуо – Боби и Никола. Сите кои го слушнале знаат со каков вокал располага Никола Димески, и дека е вистинско уживање да се седи со блиски и пријатели, и да се слуша како пее.

Сабота (20.09.) пак ве чекаат на дегустација на нивната богата понуда на пиво, кои ги има повеќе од 30, на опуштена атмосфера со богато мени со добро мезе и голем број на други освежителни пијалоци, што заедно со погледот кон Саат Кулата, ја прави Terasa Pub Club единствена во градот под Марковите Кули.

Ваше е да соберете убава екипа, да резервирате навреме на телефонскиот број: 070-304-967 и да уживате во прекрасниот амбиент кој го пружа Pub Club Terasa.

Во среда, 24. септември, со почеток од 17 часот, во Градската библиотека “Борка Талески” во Прилеп, ќе се одржи манифестација “Вечер со руска и македонска поезија”, a по повод богата донација со руска литература, која доаѓа од Амбасадата на Руската федерација во Македонија.

На настанот свое обраќање ќе имаат градоначалникот на општина Прилеп, Борче Јовчески, како и Амбасадорот на Руската федерација во Македонија, Сергеј Александрович Баздникин.

Покрај читање на руска и македонска поезија, настанот ќе биде збогатен со историски осврт за Прилеп, музички точки, како и изложба на литература од руски автори од книжниот фонд на библиотеката и на донираната литература од руската амбасада, како и на фотографии од истакнати руски автори.

Во прилепската полициска станица во вторникот се одвила необична ситуација, при што жена завршила во полициска станица откако физички се пресметала со службеничка. Инцидентот се случил околу 23:10 часот, по претходното приведување на нејзиниот син заради пронајдена марихуана.

Од МВР информираат дека станува збор за 45-годишната Т.Б. од селото Бела Црква, Кривогаштани, која пристигнала во полициската станица во Прилеп. Наместо да побара информации за случајот со својот син, таа реагирала агресивно и ја нападнала една од полициските службенички.

Претходно, во 19:30 часот, нејзиниот син – 18-годишниот А.Б. од истото село – бил приведен во селото Славеј, откако полицијата кај него открила марихуана. Тој бил задржан во станицата за понатамошна постапка, но ситуацијата ескалирала по пристигнувањето на неговата мајка во ПС Прилеп.