Прилепчанката Васе Звездакоска раскажува за чудото кое го доживеала во вековното светилиште – манастирот Тумане во Србија.
Видеото е објавено на ФБ страната на манастирот, а Звездакоска во него вели дека во ова духовно светилиште доживеала целосно исцелување од тешката болест.
Погледнете во продолжение:
Нaјновите прогнози за летото 2025 година покажуваат динамичен модел на атмосферски движења над Европа. По раниот почеток со поизразени нарушувања на временските модели, средните и подоцнежните делови од летото во Европа ќе бидат со зголемен потенцијал за топлотни бранови. Метеоролошката служба „Свијр ведр Јуроп“ ја објави својата најнова главна прогноза за летото во Европа.
Нестабилно време во последната недела од мај
Во последната недела од мај е видлива мошне изразена аномалија на низок притисок, која се спушта над Европа и го зафаќа целиот континент. Тоа ќе донесе посеверно струење на воздух со нестабилно време и можност за тешки временски услови. Со аномалија на висок притисок над југозапад и североисток, ова е речиси спротивен временски модел во споредба со она што го видовме досега оваа пролет. Подетален поглед на температурниот модел во овој период покажува широка област со температури пониски од просечните низ целиот континент. Прогнозата за врнежи покажува голема површина од Европа со натпросечни врнежи во овој период. Повеќе врнежи се предвидуваат во областа директно погодена од системот со низок притисок, од северозападна и северна Европа кон централните делови и во форма на инка кон југ. Помалку врнежи се очекуваат во тој период над југозападните и крајните југоисточни делови.
Прогноза за јуни
Почнувајќи од јуни, прогнозата за распределба на притисокот покажува област со висок притисок над Северниот Атлантик, со можно проширување кон северозападна Европа. Се предвидува дека ќе се зголеми и гребенот на висок притисок над југ. Подетален поглед на температурниот модел за јуни над Европа покажува потопло од просечното време во северозападните и јужните делови. Сепак, централните и североисточните делови ќе имаат нормални или дури и малку пониски од вообичаените температури за јуни. Ова укажува на можен северозападен ветер над овие области поради системите за притисок, кои дејствуваат како пумпа, со висок притисок на запад и низок притисок на исток. Прогнозата за врнежи, исто така, покажува посув модел. Помалку врнежи од дожд може да се забележат во Западна, Централна и Јужна Европа.
Моделска прогноза на УКМО
Вториот модел што го разгледуваме е УКМО, модел од Британската метеоролошка канцеларија, кој добро се докажа во последниве години. Често служи како добар додаток на ЕЦМВФ, при што реалните услови се некаде помеѓу прогнозите на двата модела.
Гледајќи ја прогнозата за температурата, можеме да видиме потопло од вообичаеното време на поголемиот дел од континентот. Најизразени топли аномалии се индицирани над Централна и Северна Европа, со помали отстапувања над Обединетото Кралство, Ирска и Западна Европа.
Оваа прогноза го покажува влијанието на област со низок притисок над северозапад, која ротира спротивно од стрелките на часовникот. Ова ги потиснува посилните јужни ветрови над централните, источните и северните делови и западните до северозападните ветрови кон Западна Европа со пречки.
Исто така, можеме да го видиме влијанието на оваа област со низок притисок во прогнозата за врнежите. Постои област со зголемени врнежи над северна и северозападна Европа, предизвикана од систем со низок притисок на северозапад. Нејзиното влијание се протега и на Централна Европа бидејќи повремено испраќа вознемирувања од северозапад.
Нè очекуваат суши и температури над просекот
Во последната недела од мај, според прогнозите на Европскиот центар за среднорочни временски прогнози, се очекува зона со изразен низок притисок да влезе во поголемиот дел од Европа. Оваа промена би можела да донесе нестабилно време, постудени температури и пообилни врнежи од дожд, особено во централните и северните делови на континентот. Овој временски модел е многу различен од помирната пролет, што укажува на динамичен премин во метеоролошко лето.
Почетокот на летото би можел да биде релативно стабилен, со нешто поблаги температури во централните и североисточните делови на Европа. Високиот притисок над Северниот Атлантик и Јужна Европа, како и нискиот притисок над североисточниот дел од континентот, би можеле да воспостават северозападен тек што ќе донесе свежина и постабилни услови во централниот дел.
Сепак, Западна и Јужна Европа можат да очекуваат температури над просекот уште во јуни, а се предвидуваат сушни периоди за поголемиот дел од Западна, Јужна и Централна Европа. Повеќе врнежи се можни на север – особено во Велика Британија, Скандинавија и делови од Полска. Долгорочните прогнози за јули и август – клучните месеци од летото – покажуваат јасен тренд на зголемување на температурите и намалување на врнежите од дожд низ целиот континент. Европскиот центар за среднорочни временски прогнози, еден од најсигурните метеоролошки модели во светот, предвидува значително натпросечни температури низ Централна, Западна и Јужна Европа, продолжени сушни периоди под влијание на стабилен висок притисок и зголемена веројатност за топлотни бранови, кои може да бидат посилни и почести во споредба со претходните сезони.
Стојанче Ангелов е нов в.д. директор на Дирекцијата за заштита и спасување (ДЗС). Како што информираше Ангелов, по претходен договор со претседателот на Владата Христијан Мицкоски, тој е разрешен од позицијата директор на Центарот за управување со кризи и од денес стапува на новата функција.
Ангелов, како што информира ќе работи на обединување на ЦУК и на ДЗС во една институција, како стратешка заложба на Владата за воспоставување на современ и функционален, интегриран систем за управување со кризи и заштита и спасување, кој ќе има соодветни капацитети да одговори на сите предизвици и ризици, целосно усогласен со стандардите на ЕУ и НАТО.
-Заедно со вработените кои ќе покажат амбиција за жестока, напорна и непоколеблива работа, ќе се обидеме да ги надминеме детектираните недостатоци и слабости, со цел брзо ставање на Дирекцијата за заштита и спасување во полна функција. Како директор, ќе можам детално одвнатре да ја разгледам Дирекцијата за заштита и спасување, внимателно да го проучам човечкиот и техничкиот потенцијал и дополнително да ги детектирам многубројните недостатоци и слабости кои ќе бидат целосно отстранети во новата институција која ќе ги обедини функциите на Центарот за управување со кризи и на Дирекцијата за заштита и спасување во една институција, на чие формирање забрзано се работи, како стратешка заложба на Владата за воспоставување на современ и функционален, интегриран систем за управување со кризи и заштита и спасување, кој ќе има соодветни капацитети да одговори на сите предизвици и ризици, целосно усогласен со стандардите на ЕУ и НАТО. Благодарност до премиерот Христијан Мицкоски и Владата за укажаната доверба, нагласува Ангелов.
ДЗС, се вели во соопштението од Ангелов, подолго време се наоѓа во агонија и покрај недостатокот на пилоти, постојат и проблеми со сервисот на ер тракторите.
-Во овој момент се уште нема ниту потпишани договори со тимовите за брз одговор, вклучително и со тимовите за гаснење на пожари на отворен простор. Воедно, некои од потенцијалните припадници на овие тимови ја немаат потребната опрема, обука и физичка подготвеност, посочува тој.
Инспекцискиот надзор на противпожарната заштита, како што информира Ангелов, е во исклучително лоша состојба, недостасуваат сериозен број на соодветно образовани и обучени инспектори, но постојат и сомнежи околу исправноста на дозволите кои ги издава Дирекцијата за заштита и спасување.
-Во моментов во ДЗС работат само неколку специјалисти за ракување со неексплодирани минско-експлозивни средства, додека отстранетите неексплодирани средства се чуваат на несоодветен начин. Постојат и други недостатоци и слабости за кои во следниот период јавноста дополнително ќе биде информирана. Позитивно е тоа што внатре во Дирекцијата работат и одреден број на соодветно образовани, способни и искусни лица, но, за жал, некои од нив не се наоѓаат на вистинските работни места, вели Анеглов.
Во времето на царот Декиј, Исидор беше насила земен во војска од островот Хиос. Од малечок се држеше за Христовата вера и животот го минуваше во пост, во молитва и во добри дела. Во војската штом се прокажа како христијанин, војводата му побара одговор и го советуваше да се одрече од Христа и да им принесе жртва на идолите. Светителот одговори: „И телото да ми го убиеш, над мојата душа немаш власт.
Јас Го имам вистинскиот и жив Бог Исус Христос, Којшто и сега живее во мене и по мојата смрт ќе биде со мене и јас сум во Него и ќе останам во Него и нема да престанам да го исповедам Неговото Свето име дури е духот во моето тело“. Војводата нареди и најпрво го биеја Исидор со воловски жили, а потоа му го отсекоа јазикот.
Но и без јазик Исидор со Духот Божји говореше и го исповедаше Христовото име. Војводата пак, го постигна Божја казна и одеднаш онеме. Нем најпосле даде знак да го убијат Исидор со меч.
А Исидор ? се зарадува на пресудата и фалејќи Го Бога најпосле излезе на губилиштето, каде што му ја отсекоа главата, во 251 година. Неговиот другар Амониј го погреба неговото тело, но за ова и самиот пострада и прими венец на мачеништво.
Владата планира да ги гради хидроелектраните Чебрен и Галиште со пари од британскиот заем, соопшти премиерот Христијан Мицкоски денеска на надзорната расправа во Собранието за аерозагадувањето.
– Единствено за кое преговараме од стратешки аспект се изградбата на хидроелектраните Чебрен и Галиште.Планираме да го работиме со парите од британскиот заем. Инвестицијата е 1,2-1,3 милијарди евра. Силно сум убеден дека не само од аспект на производство на електрична енергија ни се потребни овие две хидроцентрали. Имајќи ги предвид климатските промени за иднина ќе бидат потребни овие два нови резервоари за вода, тоа ќе биде голем предизвик во иднина. Убеден сум дека овие два резервоара за вода заедно со постојната Тиквеш, ќе обезбедат дополнителна количина вода за Тиквешко поле, 55-60 илјади хектари прва класа земјоделско земјиште каде има многу земјоделци овоштари, каде се користи организираниот систем за наводнување, а којшто во одредени периоди во годината изостанува со вода па се намалуваат родот и приносот – образложи Мицкоски.
Тој додаде дека двете акумулации, имајќи ја предвид околијата на Мариово која што претставува „црна дупка“ и е ненаселена, и имајќи предвид дека овој предел е опкружен со планини, може да се развива и туризам.
– Тука веќе имаме заинтересирани приватни инвеститори да го опремат со придружни содржини целиот тој простор – рече Мицкоски и додаде дека ова е стратешки проект, којшто нема да заврши во мандатот на оваа влада.
Според него, ова е проект којшто ќе трае неколку децении, но е проект којшто треба да донесе голема додадена вредност во државава. Парите се обезбедуваат преку евтини заеми како државна инвестиција, а останатото под пазарни услови и директни приватни инвестиции.
Филип Талески одново ќе го облече дресот на Вардар 1961, стигна потврдата од најтрофејниот ракометен колектив во Македонија
„Црвено-црните“ со кратко видео го најавија кам-бекот на поранешниот репрезентативец на Македонија, кој по двете години минати во Бенфика се враќа на добро позната адреса.
„Со задоволство го потврдуваме враќањето на нашиот „бомбардер“ Филип Талески во дресот на Вардар. Уште многу вакви радости заедно да прославуваме. Добредојде Филип!“, се вели во објавата на клубот.
-На 25.05.2025 во 08.55 часот во СВР Битола е пријавено дека на ул.„Буковска“ во Битола, патничко возило удрило во влезната врата од главниот влез на археолошкиот локалитет „Хераклеа Линкестис“ и ја оштетил, по што возачот со возилото го напуштил местото на настанот.
Извршен е увид од увидна екипа од СВР Битола и се преземаат мерки за расчистување на случајот – информираат од СВР Битола.
Необичен инцидент го одбележа пристигнувањето на францускиот претседател Емануел Макрон во главниот град на Виетнам, Ханој. На видеото снимено од агенцијата „Асошиејтед Прес“, може да се види како првата дама на Франција, Брижит Макрон, при излегување од претседателскиот авион, одеднаш го турнала лицето на својот сопруг со дланката.
Моментот брзо стана вирален на социјалните мрежи, предизвикувајќи лавина коментари и шпекулации.
Инцидентот се случил додека претседателскиот пар се подготвувал да се симне по скалите на авионот на аеродромот во Ханој. Видеото покажува како Макрон, изненаден од гестот на неговата сопруга, застанува за момент, но набрзо продолжува да мавта кон толпата и се симнува со насмевка.
Се шпекулира дали станува збор за вистински удар или дури и за шега меѓу сопружниците.
Британските таблоиди го нарекоа инцидентот „јавна шлаканица“ и „брачна грешка“. Додека медиумите во Франција како што се „Ле Монд“ и „Либерасион“ останаа резервирани, а бурата на социјалните мрежи не стивнува.
🚨 Breaking
French President #Macron's wife slaps him in face
pic.twitter.com/Ye9BGDqg84— Backchod Indian (@IndianBackchod) May 26, 2025
Елисејската палата првично објави дека снимката е генерирана од вештачка интелигенција, но подоцна потврди дека снимката е автентична.
Видеото набрзо стана вирално на социјалните мрежи и најчесто се најде на профили познати по тоа што се спротивставуваат на Макрон, вклучително и проруски канали.
Гимназијата „Мирче Ацев“ од Прилеп е најстарото средно училиште во градот и едно од најстарите во Македонија. Основана е со решение на Президиумот на АСНОМ на трети ноември 1944 год.
Низ гимназиските училници учеле многу ученици кои станале успешни во животот. Многу судии, адвокати, професори, бизнисмени, политичари, доктори, научници, новинари, уметници … од нашиот град кои живеат и работат во градот, државата или по светот, се токму ГИМНАЗИЈАЛЦИ.
Гимназијата денес е современо училиште кое од ден во ден се унапредува и држи чекор со времето и современите текови.
Гимназијата е едно од водечките училишта во Македонија и регионот.
Во училиштето настава изведуваат квалитетни професори кои се сакани и ценети од учениците, родителите и локалната средина.
ЗОШТО ГИМНАЗИЈА?
Ако се прашувате кое средно училиште да го одберам, каде да се запишам. Одговорот е Гимназија „Мирче Ацев“ Прилеп. Зошто?
Затоа што единствено гимназијалците, по завршувањето на гимназиското образование, имаат можност да студираат буквално на секој факултет во земјава или во странство.
Гимназијалците нема да полагаат академски тест за упис на факултет. Директно се запишуваат на факултетот кој го избрале.
Затоа што гимназијалците постигнуваат највисоки резултати на многуте меѓународни, државни регионални или локални натпреварувања.
Илјада зошто и илјада затоа…
Гимназијата “Мирче Ацев” веќе го објави ОГЛАСОТ за упис на ученици во прва година 2025/2026, па на линкот во продолжение погледнете кои се условите за упис и што нуди гимназијата за новите средношколци:
Во рамки на Надзорната расправа во Собранието посветена на аерозагадувањето премиерот Христијан Мицкоски одговараше на прашање на пратеникот Олга Лозановска за влијанието на транспортот врз загадувањето на воздухот, кој според анализите е втор загадувач. На надзорната расправа се истакна дека железничкиот транспорт не само што е економски најефикасен, туку има и најмали импликации врз загадувањето на воздухот, и Владата презема сет на мерки во таа насока со цел да се набават еколошки модерни средства за јавен превоз и модернизација на железничкиот систем во државата.
„Како Влада отпочнавме и веќе е во завршна фаза, преку Министерството за транспорт, објавување на јавна набавка преку која ќе бидат купени 120 електрични автобуси. Ценам дека тоа е многу важно не само за главниот град, туку и за останатите општини кои имаат организиран јавен градски превоз и истите пропорционално ќе бидат донирани од Владата, се разбира со целосна инфраструктура за полнење на тие автобуси.“, рече премиерот.
Тој дополни дека во владина процедура е усогласување на царинските тарифи со ЕУ во делот на увоз на автомобили и автобуси.
„За оние батериски системи, познати во струката како резервоари за полнење на електрична енергија, досега имаме царинска стапка од 15%, додека ЕУ има 2,7%. Со тоа автоматски секој оној кој сака да инвестира и да придонесе да имаме поздрава животна средина, плаќа многу повеќе од своите колеги во ЕУ. Има низа сетови на мерки во таа насока. Исто така тука се и изградбата на железничките коридори 10 и 8, каде за жал од страна на нашите соседи многу малку има внимание посветено на коридорот 8, но се надевам дека и тие набргу ќе бидат свесни дека коридорот треба да го задвижат во делот на железничката инфраструктура. Ние планираме модернизација и електрификација на железничката линија од Скопје до Гостивар, модернизација и реконструкција на пругата од коридор 10 од Табановце до Гевгелија со изградба на нов колосек, што значи ќе имаме два колосека. Работите се движат. Не може преку ноќ да ги завршиме сите работи кои со децении стоеле, но ценам дека во овие 11 месеци доста од работите се придвижија, заклучи.“, премиерот Мицкоски.
