Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,46% во однос на одлуката од 12.1.2026 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,109%, кај дизелот за 5,194%, кај екстра лесното масло зголемувањето е за 4,462% и кај мазутот зголемувањето е за 3,846%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,2303%.

Од 21.1.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 72,00 (денари/литар)
Моторен бензин ЕУРОСУПЕР БС – 98 74,00 (денари/литар)
Дизел гориво ЕУРОДИЗЕЛ БС (Д-Е V) 66,50 (денари/литар)
Масло за горење Екстра лесно 1 (ЕЛ-1) 66,00 (денари/литар)
Мазут М-1 НС 32,987 (денари/килограм)Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 2,00 ден/лит.

Малопродажната цена на Мазутот М-1 НС се зголемува за 0,854 ден/кг и сега ќе изнесува 32,987 ден/кг.

Напоменуваме дека ова се максималните цени на нафтените деривати од 00:01 часот на 21.1.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

-На 18.01.2026 во 18:17 часот во ОВР Прилеп е пријавено дека на кеј „9 Септември“ во Прилеп, патничко возило „фолксваген голф“ со прилепски регистарски ознаки, управувано од П.С.(63) од Прилеп, удрило во паркирано патничко возило „опел“ со прилепски регистарски ознаки, паркирано од О.М.(50) од Прилеп. Во несреќата со тешки телесни повреди се здобил П.С., констатирани во Градската болница Прилеп. Извршен е увид од увидна екипа од ОВР Прилеп – информираат од СВР Битола.

Продорен мирис на хлор и зголемена пареа од базенот почувствувале четирите лица кои вчера се затруле на базен во охридски хотел.

Од охридската полицијата истакнуваат дека случајот кај нив бил пријавен вчера попладне околу 17:31 часот, дознава „Фактор“.

Гостите поради јаката миризба и пареата имале силна кашлица, по што биле пренесени во Општата болница во Охрид и се надвор од животна опасност.

„Од преземените мерки е констатирано дека настанал технички проблем во системот за циркулација на водата, по што овластена фирма извршила замена на системот. Се преземаат мерки за целосно расчистување и документирање на настанот, вели портпаролот на СВР Охрид, Стефан Димоски.

Тој истакнува дека по расчистувањето на случајот ќе следува соодветна пријава.

Maркукуле дознава дека гостите кои завршиле во болница се од Прилеп.

Повеќе информации во текот на денот!

Kaде и да се низ светот, Македонците ги почитуваат и негуваат христијанските традиции и обичаи. Вчера на празникот Богојавление – Водици, водосвет веќе традиционално се изврши и во германскиот град Ален, каде живеат голем број наши иселеници.

Најсреќен оваа година беше Сотировски Дејан, по потекло ресенчанец.

Секоја чест за нашинците ширум светот и Македонската православна црква!

Со натпреварите од 19. коло, закажани за 7 февруари, продолжува првенството во машката ракометна Супер лига на Македонија, а додека трае Европското првенство во ракомет, стручните штабови на екипите прават планови и се во полн ритам на зимски подготовки. Меѓу нив е и Ракометниот клуб Прилеп, кој подготовките ги реализира во својот град.

Стручниот штаб на прилепчани, предводен од главниот тренер Наум Танески и неговиот асистент Методија Петлески, одлучи целиот подготвителен период да се одвива во Прилеп. Во рамки на подготовките, не е исклучена можноста клубот да одигра и неколку контролни, пријателски натпревари.

Што се однесува до играчкиот ростер, клубот во продолжението од сезоната ќе настапи без левиот бек Божидар Лековиќ, кој го напушти тимот. Наспроти тоа, Прилеп го засили десниот бековски ред со ангажманот на Никола Шипинкоски, кој пристигнува од Охрид, како и Лука Ѓорѓиевски од редовите на Еурофарм Пелистер од Битола. Засега не се планирани нови заминувања, а клубот ја остава отворена можноста за дополнително засилување.

Во трката за место меѓу шесте најдобри екипи и пласман во плејофот, прилепчани ги очекува тежок предизвик уште на стартот од продолжението на сезоната. Во 19. коло, закажано за 7 февруари, Прилеп ќе гостува кај директниот конкурент – екипата на Охрид.

По досегашниот тек на шампионатот, водечка е екипата на Вардар со 34 бодови, пред Еурофарм Пелистер со 30. Охрид и Алкалоид имаат по 29 бодови, додека Тиквеш и Бутел се со по 18. Следуваат Еурофарм Пелистер 2 со 17 бодови, Прилеп со 16, Пролет со 12, Куманово со 7, Струга со 6, а Радовиш е без бодови.

Македонската ракометна репрезентација вечер од 18 часот ќе го има последниот натпревар од првата групна фаза на Европско првенство 2026. Противник на „црвено-жолтите“ ќе биде селекцијата на Романија.

Правдата ќе ја делат словенечките судии Давид Сок и Бојан Лах.

Македонците со победа ќе ги зачуваат шансите за пласман во втората фаза. Потребен е триумф со што поголема гол-разлика, а исто таков епилог ќе треба да има на средбата меѓу Данска и Португалија.

Во пресрет на средбите од третото коло во Б-групата, Данска е прва со четири бода, Португалија е втора со три бода и гол разлика +6, Македонија е трета со еден бод и -12, додека Романија е последна без освоен бод.

Во следната фаза ќе одат двете првопласирани, ни и третото место е од големо значење за добивање полесен противник во жрепката за Светското првенство 2027.

Утринските температури во земјава се значително ниски, при што во Берово се измерени -11 степени целзиусови. Следат Крива Паланка, Маврови Анови и Попова Шапка со -10 степени, Скопје-Петровец со -9, а -8 степени се измерени во Велес, Демир Капија, Струмица и Крушево. Во Скопје-Зајчев Рид, Тетово, Куманово, Кавадарци, Прилеп и Штип термометрите покажаа -7 степени.

Највисока снежна покривка утрово до 7 часот има на Попова Шапка – 24 сантиметри, во Маврови Анови 7 сантиметри, а во Крушево 3 сантиметри.

Претпладне времето ќе биде сончево со мала облачност, а по одделни котлини ќе има појава на магла. Попладне се очекува зголемување на облачноста, а кон крајот на денот и во ноќните часови во западните делови од државата ќе има повремени врнежи од снег. Ќе дува слаб до умерен ветер претежно од југоисточен правец. Максималните дневни температури ќе се движат од -2 до 8 степени.

Во Скопје претпладне ќе биде сончево, а попладне и кон крајот на денот умерено облачно. Ќе дува слаб до умерен југоисточен ветер. Максималната температура ќе достигне до 4 степени.

Денеска е Собор на св. Јован Крстител.

Уште од првите векови Црквата утврдила овој ангел во тело да се прославува веднаш после празникот Боголавление. Тоа е затоа што неговата главна служба, неговото главно дело, се состоеше во подготвувањето на народот за доаѓањето на Помазаникот Исус.

Така, иако свети Јован Претеча и Крстител се прославува на неколку пати во текот на годината, неговиот собор т. е. главен празник е на денешен ден.

Според Јулијалнскиот календар денеска православните верници го празнуваат Свети Јован Крстител, кој се празнува на 20-ти јануари.

Свети Јован Крстител е важен светец во христијанството, братучед на Исус Христос според евангелието на Лука и човекот којшто го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление му го посветил на неговиот спомен.

Јован Крстител најверојатно имал голема улога во првите векови во христијанството, а според некои, тој дури имал и поголем број на верници.

Денеска, во христијанството, Јован се смета за светец и мачениk. Во исламот е познат како пpорок Јахја ибн Закарија. Медејците, пак, го сметаат за единствен и вистински меcија.

Празникот Свети Јован Крстител се прославува неколку пати во годината, но народот најмногу го празнува овој ден, 20 јануари по македонскиот православен црковен календар. Исто така, во православната црква се празнува и денот на отcекувањето на главата на Св. Јован Крстител (11 септември).

Моштите на св. Јован Крстител се наоѓаат на неколку места низ светот, а дел од дланката се наоѓа во Бигорскиот манастир, св. Јован Крстител во Македонија.

Во духот на големиот христијански празник Богојавление – Водици, кога верата, традицијата и храброста се спојуваат во едно, Универзитет Скопје испраќа силна порака за поддршка на младите и нивната иднина.

Препознавајќи ја посветеноста кон духовните вредности и почитта кон вековната традиција, Универзитет Скопје, заедно со пратеничката м-р Емилија Ангелова, на Мартин Гоџо од Варош, кој по трет пат прв стигна до светиот крст во осветените води на Охридското Езеро, му доделија вреден ваучер.

Како знак на поддршка и признание за неговата храброст, посветеност и почит кон традицијата, Универзитет Скопје му доделува ваучер за студирање во вредност од 8.000 евра.

-Оваа поддршка претставува инвестиција во младите, образованието и иднината, поврзувајќи ги духовните вредности со академскиот напредок. Универзитет Скопје останува посветен на промовирање на знаењето, традицијата и општествената одговорност, честитајќи му на Мартин Гоџо и посакувајќи му здравје, успех и светла академска иднина, стои во соопштението од УТМС.

Во духот на вековната традиција, положувањето на светиот крст се одржа во Крушево, како и во населените места Бучин, Свето Митрани, Врбоец и Пуста Река.

Во Крушево, најсреќниот учесник кој го извади светиот крст од водите на Крушевското езеро беше Јованчо Бубаќоски.

Тој доби честитки и желби за здравје, среќа и напредок од градоначалникот на општината, Нико Чонески, како и пригодни подароци.

Во населените места, крстот го фатија Шопески Матеј во Бучин, Маркоски Богојче во Свето Митрани и Митрески Александар во Врбоец.

-На сите нив им упативме искрени честитки со желби за добро здравје, лична среќа и многу успеси во годината што е пред нас. Водени од силната вера и заедништвото што го носи овој голем празник, нека ни биде потсетник да негуваме добри мисли, да бидеме похумани и посолидарни, да живееме во слога и заедно да работиме за подобра иднина за сите. Нека ни е честит и вековит празникот Богојавление – Водици! Бог се јави – порача Чонески.