Кети Лајтфут сподели видео кое покажува колку децата можат да бидат прилагодливи. Имено, нејзиното едногодишно девојче претпоставува дека сè околу неа е всушност место за дезинфекција на рацете.

Видеото стана вирално, а додека некои го нарекуваа смешно, други сметаат дека ваквата сцена е срцепарателна. Но, без оглед на вашето мислење, мора да се согласите дека ова преслатко девојче е навистина посветено на Ковид-19.

– Кога вашата прва година од животот е 2020 година, сè е станица за дезинфекција на рацете“, напиша Кети во описот на видеото, кое во меѓувреме се најде на популарната страница „Редит“.

Видеото погледнете го ТУКА

Додека инструкторката по фитнес Кинг Хнин Ваи во Мјанмар танцувала и ги покажувала вежбите пред камерите, не можела ниту да претпостави дека зад нејзиниот грб се одвива државен удар.

Во првиот момент од видео снимката не се забележува ништо необично. Но, потоа во кадарот во позадина влегува конвој оклопни возила и станува јасно дека ситуацијата не е баш секојдневна.

Кинг, инстукторка по аеробик, на фејсбук ја поставила видео снимката од вежбањето во понеделникот. Во тој момент војската на Мјанмар спроведувала воен удар, приведена е Аунг Сан Су Чи и останатите демократски избрани лидери од нејзината партија.

После тоа, војската ја презема власта и прогласи вонредна состојба која ќе трае една година, а Сан Су Чи ќе биде обвинета за изборна измама.

Khing Hnin Wai regularly films her aerobics videos on the empty roads of #Myanmar's capital #Naypyidaw. This week, her backdrop was a military coup.

Follow Khing Hnin Wai on Facebook: https://t.co/PYPWthuRAT pic.twitter.com/rmhirk2GtZ

— Mathias Peer (@mpeer) February 2, 2021

Делегација на ВМРО-ДПМНЕ предводена од генералниот секретар Ѓорѓи Сајкоски заедно со потпретседателот на ВМРО-ДПМНЕ Владо Мисајловски, претседателката на Унија на жени Жаклина Пешевска денеска положија свежо цвеќе по повод 149 години од раѓањето на македонскиот револуционерен деец и великан Гоце Делчев во црквата Св. Спас во Скопје.

Оддавањето на почит на ликот и делото на великанот на македонското револуционерно движење Гоце Делчев, еден од најистакнатите водачи и идеолози на Македонската ослободителна борба значи продолжување на нашата заедничка обврска за зачувување на македонската држава, македонската историја и јазикот.

ВМРО-ДПМНЕ како во минатото, така и денеска покажува почит и негување на заложбите на македонските херои и останува на браникот на одбрана на татковината, бидејќи за нас токму Гоце Делчев е црвена линија и нашиот идентитет.

Наместо претседателот на државата и на владата заедно да оддадат почин на најголемиот македонски револуционер, особено во овој период и проблеми со кои се соочува земјата, во име на Владата денеска цвеќе на гробот на Гоце Делчев во црквата Свети Спас, по повод 149 години од неговото раѓање, положи заменик-министерот за локална самоуправа, Зоран Димитровски.

-Владата на Република Македонија со овој чин им се придружи на настаните со кои му се оддава почит кон делото на големиот револуционер Гоце Делчев, за неговиот историски придонес во создавањето на македонската државност, велат од владината прес-служба.

Не знаеме што е причината, дали можеби презафатеност, или страв од Бугарија, бидејќи токму Гоце Делчев е главна причина за договор помеѓу македонско-бугарската комисија за историја.

Полициcки cлyжбеници од ОВР Прилеп вчepa (03.02) пpиведoa три лица пopaди ocновано coмнение дека се cтopители на кpивични дела „тешки кpaжби“.

– На 03.02.2021, по пpeтходно пpeземени опepaтивни мepки, а врз ocнова на нapeдба од Ocновен cyд Пpилеп извpшени се пpeтpecи во домовите М.Т.(27), М.Д.(29) и Д.Е.(20) сите од Прилеп, при што се пpoнajдени пpeдмети кои потекнуваат од кpивичните дела.

Лицата се coмничат дека се извpшители на две кpивични дела “тешка кpaжба” извpшени во декември 2020 и јануари 2021 година во Струмица, при што од два стана со yпотpeба на подeceн алат, одзеле пapи, златен накит, часовници и други предмети, со што се стекнале со пpoтивпpaвна имотна кopиcт од 1.277.030 денари.

По наредба на Јавен обвинител, приведените се предадени на полициcки cлyжбеници од СВР Струмица.

Во текот на денешниот ден (04.02) лицата ќе бидат изнeceни пред cyдот во Струмица – информираат од МВР.

Утрово лидерот на синдикалците, Благоја Ралповски гостуваше во емисијата „Утро со Златев“ на Радио Лидер. Тој зборуваше за синдикалците, нивните права и преговорите со Владата.

– Претходната министерка за труд и социјална политика политика викна алфи да ме уапсат затоа што имаше сомнеж дека јас сум ја снимал. Недозволиво е така да се однесуваат со синдикалните лидери, вели Ралповски за Радио Лидер.

Тој кажува дека меѓународните организации се запознаени за лошата улога синдикатите во Македонија.

– Во негативните извештаи од ЕУ има улога ова што се случува со синдикатите, потенцира Ралповски.

Тој ексклузивно додава дека освен тоа што е запознаена ЕУ, запознаен е и меѓународниот центар „Солидарити“ од Америка кој се очекува да ги посети до крајот на овој месец.

Тој вели дека два пати добил отказ, а тоа е недозволиво и тоа е кривично дело.

Заврши со тоа што кажа дека бара да бидат заштитени со закон додека се на работа.

Големиот македонски револуционер Гоце Делчев е роден на денешен ден, 4 февруари 1872 година во Кукуш, во семејството на Султана и Никола.

Делчев се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата. Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија.

По убиството во 1903-та, неговите посмртни останки се чувале во Баница, до 1917 година, кога биле пренесени во Ксанти, а потоа во Софија. До 1923 година, ковчежето со коските се чувало во домот на Михаил Чаков.

Останките на Делчев на 11 октомври 1946 година се пренесени во црквата „Свети Спас“ во Скопје.

– Времето утре сончево со мала до умерена локална облачност. Претпладне по одделни котлини ќе има појава на магла и ниска облачност. Ќе дува слаб до умерен ветер претежно од северозападен правец. Минималната температура ќе биде во интервал од-1 до 5, а максималната ќе достигне од 12 до 20 степени. соопштуваат од УХМР.

Во Скопје претпладне со услови за појава на слаба магла и ниска облачност. Во текот на денот сончево со мала до умерена облачност и претежно тивко. Минималната температура ќе се спушти до 1, а максималната ќе достигне до 14 степени.

-До недела ќе се задржи стабилно време со натпросечни дневни температури што ќе предизвика топење на снежната покривка на планините. По котлините во утринските и раните претпладневни часови ќе има појава на магла и ниска облачност. Ќе дува слаб до умерен ветер од јужен правец. Под влијание на влажен бран во понеделник ќе има повремени врнежи од дожд проследени со засилен јужен ветер, велат од УХМР.

Бојкотот на наставата продолжува до крајот на неделата, најави вчера претседателот на Сојузот на средношколци Бленди Ходаи, кој деновиве оставари средби со пратениците од почитичките партии, а доби поддршка од ВМРО-ДПМНЕ, Алијанса, Алтернатива и пратениците од ДУИ.

Според информациите средношколците во најголем број се обединети и во Прилеп, каде има огромна поддршка за барањата на Сојузот до Министерството за образование.

Ставот на владејачката СДСМ е дека е промени на моделот за матура не може да донесат пратениците, туку тоа мора да го направи МОН или Бирото за развој на образованието. Оттаму велат дека матурантите решение треба да бараат во Министерството за образование.

Средношколците бараат намалување на бројот на предмети за државна матура, од четири на два, а министерката Мила Царовска засега не попушта.

Манчестер Јунајтед вчера си го израмни рекордот, откако со 9:0 го совлада Саутемптон на “Oлд Трафорд”.

Претходно во 1995 година со истиот резултат Манчестер го совладал тимот на Ипсвич. Вистински трагичар на синоќешниот меч беше 19-годишниот Швајцарец во редовите на Саутемптон, Александре Јанкевиц, кој после само 80 секунди игра направи бpyтален прекршок врз Мектоминеј.

Судијата Мајк Дин веднаш му покажа црвен картон на Јанкевиц, а потоа започна голеадата.

Инаку младиот фудбалер на Саутемптон за прв пат беше во стартните 11 на теренот, а после ваков старт веројатно ќе добие подолга казна.

Погледнете: