Реконструираниот дел на булеварот “Гоце Делчев” во Прилеп беше отворен во пресрет на Новогодишните празници, а на свечениот чин присуствуваше дури и премиерот Зоран Заев.

И ние нема да бидеме Прилеп и Македонија, ако работите продолжуваат да се одвиваат дури и откако ќе се пресече црвена лента.

Тактилните траки за cлепи лица кои беа поставени по тротоарите на булеварот, се најдоа во сите фалби за она што локалната власта го сработила.

Се правеа пресови, се вршеа увиди во работата и постојано се повторуваше едно исто:

“Прилеп добива булевар со импозантни тротоари, гранитни плочки и тактилни траки за слепи лица….”

Епа тешко на слепите лица со вакви патеки:

Овие фотографии нека бидат апел до надлежните од слепите лица во нашата општина.

Денеска со почеток од 14 часот во Неготино, фудбалерите на Победа го одиграа вториот контролен натпревар пред почетокот на втората полусезона во Втората лига-Исток, против екипата на Вардар Неготино.

Црвено-белите беа убедливо совладани со 3:0 од третолигашот.

Вардар Неготино поведе со 2:0 на полувремето, со головите на Александар Трајков и Петар Најдов. Во вториот дел неготинци постигнаа уште еден погодок и покажаа дека пролетва сериозно ќе атакуваат на влез во повисок фудбалски ранг.

Од друга страна Победа ќе треба да се избори за останување во Втората лига-Исток.

Во првиот контролен натпревар пред десетина дена Победа го совлада третолигашот Напредок Крушеани со 3-0.

Првобитно закажаниот меч со Тетекс за во петок е откажан, па наредниот трет контролен меч Победа ќе го одигра во недела против Пелистер во Битола.

Тетовската полициcка cтаница за безбеднocт на патниот cooбpaќaj вчepaвечep (2 февруари) од 22 до 24 часот, со користење на т.н. „ноќен paдap“ спровела зacилени контpoлни активнocти за caнкциониpaње на возење со недозволена бpзина на улицата „Маршал Тито“ во Тетово, на потегот од Монопол кон приклучокот на автопат, во кои вкупно биле откpиени и caнкционирани 31 пpeчекopyвања на макcимално дозволената брзина.

– Од нив, 10 пpeчекopyвања биле за над 50 километpи на час, а 21 од 30 до 50 километри на час. Меѓу caнкциониpaните е и мотоциклист кој по оваа улица се движел со 160 километpи на час, како и патнички мотopни возила чија брзина била над 130 километри на час.

3acилените контpoли продолжуваат и во наредните денови. Апелираме до граѓаните да ги почитуваат правилата и прописите и заеднички да придонесеме за побезбеден сообраќај, информираат од МВР.

На 03.02.2021 година во 05.45 часот на улица „Беровска“ во Прилеп полициcки cлyжбеници од ОВР Прилеп ја пpиведoa Ј.Ш.(30) од Прилеп, за која била pacпишана потepница од Kaзнено попpaвната ycтанова “3aтвop Идpизово” во Скопје.

– Лицето било во бегcтво и иcтата се баpaлa за доиздpжyвање на kaзна затвop во вpeметpaење од две години и четири месеци.

Ј.Ш. ќе биде пpeдадена во „3aтвop Идpизово“ – информираат од МВР.

Регионалниот пат Прилеп-Битола веќе со години е во катастрофална состојба.

Прилепчани и битолчани се гневни на сите власти, затоа што нивните градови се оставени како слепи црева во државата.

Наместо да се зафатат со доизградба на експресниот пат Прилеп-Градско и реконструкција на патот Прилеп-Битола, актуелната власт минатата година изврши реконструкција на стариот, или полскиот пат до Битола.

Наш читател денеска ни испрати фотографии од клучката кај Прилеп, на кои се гледа како се врши санација на местата, каде народски кажано асфалтот е “изрипан”.

Со токмаци се санираат дефектите на патот, а не е познато дали се работи за екипа на “Maкедонија пат”, или екипа од комуналните прилепски претпријатија.

Нека овие фотографии послужат како уште еден апел до властите да се фатат со работа, затоа што во ваква состојба патот е честа причина и за голем број cooбpaќајни нecpeќи.

Претседателот на ВМРО-ДПМНЕ Христијан Мицкоски, на денешната изјава одговорајќи на новинарски прашања дали очекува од другите политички партии да ги поддржат измените на Законот за средно образование кои што ги предлага ВМРО-ДПМНЕ, рече дека ги поддржува матурантите и наставниот кадар бидејќи како што вели тој тие се во право и ги повика сите пратеници да го поддржат законот бидејќи на тој начин ќе се надминат сите недоразбирања.

-Очекувам сите политички партии во рамките на парламентот да ги поддржат матурантите, бидејќи матурантите се во право. Можеби на јавноста не и е јасно, но сакам еве и јас од името на професорите, не од името на политичарите, да ги поддржам матурантите, да го поддржам и наставно образовниот кадар во основните и средните училишта, кој што негодува практично на т.н реформи кои што се прават во оваа зграда, во една канцеларија од каде што претпоставувам сега не гледа од високо, која што поима нема, абер нема што е образование, ниту пак реформи во образованието. Ги поддржувам сите нив во нивните намери, затоа што и матурантите и наставно образовниот кадар се во право. И ги повикувам пратениците во парламентот да го поддржат законот на опозицијата кој што беше поднесен, затоа што на тој начин ќе бидат надминати сите недоразбирања. А кои се недоразбирањата, вие знаете дека на почетокот на учебната година, учебната година доцнеше еден месец поради неспособноста на надлежната да обезбеди услови за следење настава на учениците во Македонија. Наместо да почнеме во септември, започнавме во октомври. Им беше ветено дека ќе бидат скратени содржините, што не се случи, со исклучок на еден предмет неколку содржини, а дел од часовите за повторување и проверка на знаењето, не беа одржани. Голем дел од наставниот кадар, поради пандемијата и второстепената неспособност на власта да се справи со пандемијата, беше отсутен од наставно образовниот процес. Сето тоа доведе да оваа учебна година, биде навистина невозможно да се следи на начин на кој што претходно беше предвидено, посочи претседателот на ВМРО-ДПМНЕ, Христијан Мицкоски.

-Што бараат матурантите. Да биде бројот на задолжителни предмети кои што ја полагаат државната матура, не училишната, оние кои што одлучуваат да го продолжат своето образование на универзитетите, да биде намален. Она што им се нуди од страна на власта и преку државниот испитен центар, материјата да биде олеснета, односно да имале олеснети прашања. Според кој критериум и според која скала ние можеме да мериме кои се тврди и силни прашања, а кои се меки и лесни прашања. Комплетно неспособни луѓе се занимаваат со работа која не ја владеат. Единствено нешто што знаат е во услови кога имаме руинирани училишта, кога имаме искршени прозорци, руинирани тоалети, невозможни услови за следење на настава, да потрошат 25 милиони евра заем кој што допрва ќе го земат од една од меѓународните институции за обуки и за криминал. Тоа е единственото нешто што оваа министерка која се наоѓа на еден од спратовите на оваа зграда зад мене, го нуди на учениците и на образовниот кадар.

Затоа ги повикувам колегите пратеници, немојте да следите партиски наредби, немојте да ги правите грешките од минатото, оставете ја Мила Царовска и Зоран Заев и луѓето скапо платени за нивниот пи-ар, кој што гледаме дека и тоа не им врви од рака. Подржете го она кои што го бараат вашите синови, ќерки и внуци, подржете ги предлагачите и оние луѓе кои што ги образоваат тие луѓе. Нека не биде тоа предлог од ВМРО-ДПМНЕ, застанете сите пратеници и потпишете се на иницијативата, сите заедно во рамките на Парламентот да ја подржиме таа иницијатива без разлика дали се од ДУИ, СДСМ, Алтернатива, Алијанса и ВМРО-ДПМНЕ. Немојте да создаваме генерации кои што неправилно ќе се формираат. Не се тие виновни што имаме неспособна Влада. Тие луѓе го заслужуваат вистинското образование, нагласи Мицкоски.

Романо Флориани Мусолини, правнукот на италијанскиот фашистички диктатор Бенито Мусолини, игра фудбал во составот за помлади од 19 години на Лацио.

18-годишниот Романо, син на десничарската италијанска политичарка Алесандра Мусолини, игра на позиција десен бек во “Примавера” тимот и има аспирации да изгради кариера како професионален фудбалер.

Романо, кој ја завршува последната година во приватната Британска интернационална школа во Рим, игра под своето целосно презиме, Флориани Мусолини.

Римскиот весник “Il Messaggero” пишува дека неговото презиме може да биде проблематично за фудбалски клуб на чии фанови веќе долго време им е ставена етикета на десничари.

И покрај името и историјата на неговото семејство, Романо не се интересира за политика.

Според зборовите на неговата мајка, нејзиниот син мисли само на фудбал.

Фолк пејачот Влатко Миладиноски со емотивна порака се потсети на својот вујко, легендата на македонската музика Војо Стојаноски.

“На овој ден му беше роденден на мојот вујко Војо Стојаноски. Сигурно ќе пиевме нескафе “студено”. Вечна му слава”, напиша Влатко на Фејсбук.

Влатко објави едно старо видео, каде заедно со неговиот вујко ја пеат песната “Кажи ми вујче”.

Војо Стојановски почина на 65-годишна возраст на 6 мај 2014 година. Денеска требаше да го слави својот 72-ри роденден.

Вечна слава легендо!

Каде што стои храната таму не треба да има животни, а уште помалку глувци.

Не сакаме ниту да нагаѓаме што се случило ресторанот после овој настан. Во витрините биле забележани неколку глувчиња како се шетаат на пиците.

Корисниците на Редит кои го погледнале видеото, не можат да им веруваат на очите.

Видеото можете да го погледнете ТУКА.

– Македонија во друштво со: Боливија, Сенегал, Црна Гора, Уганда и Бангладеш.

Фејсбук објавата на пратеникот Антонио Милошоски ви ја пренесуваме во целост:

– Глобален демократски индекс 2020, рангирање според реномираниот The Economist: -Демократии: Шведска, Ирска, Холандија, Германија, Австрија итн.

– Нецелосни демократии: Франција, САД, Грција, Бугарија, Хрватска, Унгарија, Србија, Албанија итн.
– Хибридни режими: Боливија, Македонија, Сенегал, Црна Гора, Танзанија, Молдавија, Уганда, Бутан и други.
– Авторитарни режими: Белорусија, Туркменистан, Либија, Конго, Русија, Египет и други држави.

Сепак, како и индексот на корупција, јавноста денес со нетрпение очекува оваа за Македонија поразителна ранг листа, од страна на владата на Заев да биде прогласена само за уште една искривена перцепција на “антизападниот и фејк-њуз” медиум The Economist, од Лондон!