По повод четвртата годишнина од настаните од 27 април 2017 година, на 25 април во Скопје ќе се одржи семакедонски мирен протест под слоганот „демократија во Македонија и слобода на уставобранителите“. Протестот го поддржаа и ВМРО-ДПМНЕ, а денеска поддршка стигна и од навивачката група “Мајмуни” кои најавија дека ќе присуствуваат на истиот.
“Должност и чест ни е да го споменеме Македонизмот, должност е да го мислиме братот Јане Ченто и останатите МАКЕДОНЦИ кои ги однесе самата атмосфера и Македонското во нив онаму каде што се сега.
Кој, како и за што се осудени добро ни е познато и сега нема да го коментираме истото,без многу размислување, остануваме на истиот став за подршка на уставобранителите како до сега така и од сега.
Затоа на 25ти (недела) ние како група исто како и минатиот пат ќе ја дадеме нашата подршка за за слобода на Македонија за слобода на Јане Ченто, слобода за браќата од 27ми април”, напишаа од навивачката група на ФБ.
