Синоќа во дебатниот магазин „Click Plus“ на ТВ21 гостуваше министерот за транспорт и врски Благој Бочварски кој зборуваше за автопатот Кичево-Охрид.

Министерот вели дека овој автопат е дел од Коридорот 8 и започнал да се гради од 2013-2014 година, но при самата изградба се појавиле голем број на проблеми.

„Се работи за обрушување на косини кои при проектирањето се проектирани со помалку или недоволно геомеханички испитувања. При тоа се покажува дека тој терен и тие косини се нестабилни при изградбата. Така што, во овој период се изврши репроектирање на 25% од целата оваа делница Кичево – Охрид, што значи дека косините се ублажија таму каде што е потребно, се испроектираа клучките. Имаме готов нов проект, обновен со ревизија кој што бара дополнителни средства за да конечно целиот овој проект биде реализиран“, посочи Благој Бочварски.

Тој додава дека цената на овој проект се зголемила за околу 200 милиони, а вкупната цена е заклучена во 2018 и изнесува 598 милиони евра.

Полициски службеници од СВР Скопје на подрачјето на Центар синоќа во 23.15 часот, од слобода го лишиле К.Т.(35) од Скопје, бидејќи кај него била пронајдена мачета, со што сторил прекршок од 3aконот за opyжje.

Како што соопштија денеска од МВР, тој постапил и спротивно на член 206 од Кривичниот законик, односно не ги почитувал донесените мерки за забрана за движење по 21.00 часот.

По целосно документирање на случајот, против него ќе биде поднесен соодветен поднесок.

Вкупната бројка на KOBИД-дијагностицирани лица во нашата земја од почетокот на епидемиjaта изнесува 153.137, бројката на оздравени пациенти е 135.367, на починати е 5.016, а бројот на активни случаи изнесува 12.754.

Во последните 24 часа се направени 2.928 тестирања, а регистрирани се 323 нови случаи на KOBИД-19 во:
Скопје – 96, Куманово – 35, Прилеп – 20, Струмица – 17, Битола – 16, Кочани – 13, Велес – 12, Тетово и Гостивар – по 11, Охрид и Кичево – по 10, Кавадарци и Неготино – по 8, Штип и Радовиш – по 7, Ресен – 6, Свети Николе и Виница – по 5, Делчево – 4, Струга, Берово и Крушево – по 3, Крива Паланка, Пробиштип, Демир Хисар и Кратово – по 2, Гевгелија, Валандово, Богданци, Пехчево и Македонска Каменица – по 1, информира Министерството за здравство, согласно податоците од Институтот за јавно здравје.

Пријавени се вкупно 24 починати лица: 8 од Скопје (32г,53г,68г,71г,73г,83г,87г и 87г), 4 починати лица од Битола (72г,73г,81г и 82г), по 2 од Струмица (71г и 71г), Прилеп (72г и 80г) и Куманово (62г и72г), и по 1 починато лице од Штип (87г),Тетово (75г), Гостивар (64г), Кочани (64г), Охрид (72г) и Струга (71г). Од пријавените, 21 се починати во болнички, а 3 во домашни услови.

Регистрирани се 714 оздравени пациенти од:
Скопје – 295, Струмица – 91, Прилеп – 73, Битола – 49, Куманово – 32, Штип – 30, Тетово – 24, Велес – 23, Радовиш – 13, Гевгелија и Валандово – по 11, Кавадарци – 8, Гостивар, Виница и Дебар – по 7, Кочани – 5, Охрид, Струга, Берово и Богданци – по 4, Неготино и Свети Николе – по 3, Делчево и Крива Паланка – по 2, Пробиштип и Демир Капија – по 1.

Претседателот на ВМРО-ДПМНЕ, Христијан Мицкоски на брифинг со новинарите објави документ од кој се потврдува дека имало уплата, но не се знае дека имало поврат на средства, од страна на Владата за набавките на кинеските вакцините.

Нова димензија добива аферата откриена неодамна од опозициската ВМРО-ДПМНЕ за скандалозна набавка на вакцини од страна на власта за двојно повисока цена.

Имено, на денешниот брифинг со новинарите, лидерот на ВМРО-ДПМНЕ, Христијан Мицкоски објави документ трансакција според која власта за кинеските вакцини ќе не чинеле двојно поскапо.

Со ова се потврдува целата афера околу обидот на македонската Влада да набави кинески вакцини преку преку фирмата посредник “Старби”.

Во документот кој го покажа Мицкоски стои дека Владата во месец февруари на фирмата со седиште во Хонгконг уплатила 7.8 милиони долари, со тоа излегува дека една вакцина од кинески „Синофарм“ би не чинеле 65 долари.

Откако аферата беше обелоденета, од министерството за здравство тогаш се правдаа дека станува збор за лажен документ кој бил презентиран тогаш.

Останува нејасно дали по обелоденувањето на аферата парите се вратени, бидејќи според она што денес го презентираше Мицкоски, мулти милионската сума била исплатена.

Извор:“Курир”

Членот на Централниот Комитет на Левица, Саше Јанчев направи неверојатен потег на одбележувањето на 118-годишнината од cмpтта на Гоце Делчев. Тргнал од својата родна Гевгелија и после 35 часа пешачење и 154 километри, пристигнал и се поклонил пред гробот на Делчев во дворот на црквата Св. Спас.

“Во чест на Гоце денес завршив со тридневен марш. По 154 километри и 35 часа пешачење пред петнаесеттина мин од Гевгелија стигнав кај Гоце во Скопје. Првичната идеја ми беше да тргнам од Кукуш и од таму пеш да донесам младо дрвце кое сакав да биде посадено во близина на вечното почивалиште на Гоце. Арно ама короната го осуети тој план.

Вечна слава Учителе!”, напиша Саше на ФБ.

Зоран Заев за време на посетата на Ресен на увидот на нова зграда на ОВР во Ресен, коментираше и за односите и дијалогот со Бугарија.

Заев рече дека по цена на македонскиот идентите и македонскиот јазик, не ни треба ЕУ, но и натаму е оптимист на наоѓање заедничко решение со Бугарија.

„Пријателите, ЕУ, САД, се тука да сработат креативи, идеји, но наша одлука е, ние носиме одлука. По цена на македонскиот идентитет и македонскиот јазик, не ни треба ЕУ. Затоа ќе биде прашина изгубена низ векови. Кој тоа ќе влезе во ЕУ? Така ги постигнавме големите договори, штитејќи ја нашата посебност, јазик и идентитет. Не постои договор кој го договара како се чувствуваме и каков јазик зборуваме. На крај тоа е европска вредност. Драго ми е што Бугарија признава дека немаат проблем за тие прашања. Бараат утврдување на корењата. Ќе ги утврдиме и корењата, но на европски начин“, рече Заев.

На 04.05.2021 во 20.15 часот во СВР Битола било пpиjaвено дека на регионалниот пат Прилеп-Битола патничко возило „мерцедес“, со прилепски регистарски ознаки, yпpaвyвано од М.К.(48) од Прилеп, yдpило во куче скитник.

Во незгодата со тешки телecни повpeди се здобила сопатничката В.Б.(50) од Прилеп, конcтатиpaни во Градската болница Прилеп.

Извршен бил yвид на местото на незгодата од yвидна екипа од Полициcката cтаница Прилеп.

Владата на Република Северна Македонија на денешната 68-ма седница донесе одлука за измени и дополнувања за ограничување на движењето на граѓаните согласно која од 5 мај, среда, забраната за движење наместо од 21:00 часот, ќе започнува од 23:00 часот и ќе трае до 05:00 часот наредниот ден.

Соодветно на овие измени угостителските објекти ќе бидат отворени за гости до 22:30 часот и тоа само на отворените делови, тераси, на угостителските објекти, како што е утврдено со постојните мерки и наменски протоколи.

Комисијата за заразни болести дополнително предложи, а Владата на седницата прифати воведување мерка за задолжителна самоизолација (карантин) во траење од 14 дена за сите домашни и странски физички лица – патници кои пристигнуваат од Индија и Бразил заради спречување на ширење на новите соеви SARS-CoV-2.

Стевче Алушовски по завршувањето на оваа сезона повеќе нема да биде предводник на Вардар 1961.

-Точно е, по завршување на сезоната повеќе нема да бидам тренер на Вардар. Засега нема ништо дефинирано, сакам добро да размислам. Во секој случај сум благодарен за оваа шанса што ја добив, за мене е големо искуство. Останува до крајот да го исполниме зацртаното, истакнал Алушовски за Спортмедиа.

Предводникот на „црвено-црните“ има шанси да остане во клубот, но истовремено размислува и за други опции.

Алушовски во Вардар го наследи Едуард Кокошков во 2019 година и најголем успех му беше осминафиналето во Лигата на шампионите каде беше сопрен од Веспрем.

Секако пред да го напушти кормилото на Вардар пред Алушовски останува битката за суперлигата и куп титулата.

Најверојатно наследник на Алушовски ќе биде Веселин Вујовиќ кој се споменува како нов тренер.