Манастирот Св. Илија Писокал се наоѓа во живописната и недопрена природа на почетокот на прилепскиот дел од Мариово, веднаш после превојот Слива на оддалеченост од 18 километри од Прилеп.

Изминатите години благодарение на трудољубивоста, посветеноста и силната желба на црковниот одбор, ова место од запуштено прерасна во прекрасен манастирски комплекс кој е посетуван од илјадници верници во текот на годината.

Највесело е за манастирските слави, особено за Св. Константин и Елена и главната манастирска слава на Св. Илија. Изминатите години на овие денови гостуваат врвни музички имиња кои приредуваат незаборавни семакедонски забави.

Така ќе биде и за овој Илинден, кога посетителите ќе ги забавува Влатко Миладиноски.

Писокал е поранешно село кое во 1873 година имало 46 жители во 9 домаќинства, а во 1900 имало 90 жители.

Селото Писокал згаснало, запрел плачот на децата, крикот на добитокот и црковната камбана, под притисокот и палежот на Турците и Србите, во почетокот од минатото столетие.

Се исселиле жителите во денешното село Чумово. Според легендата, момата Илина ја изградила црквата, на денешното место, одмарајќи се од жетварската мака.

По дремката, и исчезнале опинците и калците. Го побарала на помош Свети Илија, а тој на празникот, и ја вратил “рубата”.

За благодарност, таа ја кренала црквата, наречена Свети Илија, а местото го крстила Писокал, по прекрасно, навезените први, калци како напишани.

Бог го оплеменил ова место со неверојатни пејсажи, многу зеленило и сенки кои се магнет особено во летните горештини.

Манастирот има конак со соби, опремени за ноќевање, има трпезарија и кујна за подготовка на храна за слава за над илјада луѓе.

Управата на манастирот во соработка со фирми постојано изнајдува средства за дополнително разубавување на просторот во и околу храмот.

Се изѕида ограда, се посади зеленило, се изгради камбанарија, направија дури и мало вештачко езеро, поставија прекрасна настрешница на патот, јарбол со македонското знаме, го поплочија дворот, успеаа да обезбедат асфалтирање на патот до манастирот и да донесат струја… и што ли уште не.

Со цел да не заборавиме некој нема да ги споменеме со име, туку ќе ве упатиме на Фејсбук страната од манастирот, каде подетално можете да се запознаете што се’ прават овие луѓе, и колку успешто и со колкава желба се вложуваат речиси секојдневно.

Македонскиот фудбалски репрезентативец, Езѓијан Алиоски договорил трансфер во Галатасарај, објавија попладнево неколку турски медиуми.

– Додека „жолто-црвениот“ тим бараше лев бек за следната сезона, многу имиња се најдоа на дневен ред. Галатасарај се состана со имиња како Курзава, Рикардо Родригез, Алиоски. На крајот, изборот паднал на Македонецот. Договорот за трансфер е готов, пишуваат тамошните медиуми.

Алиоски во Галатасарај доаѓа од Лидс. За премиерлигашот тој постигна 22 гола и направи 16 асистенции на 162 натпревара.

Експертите веруваат дека птичјиот грип се јавува во ретки случаи.

Еден случај на инфекција со птичји грип X5H6 е потврден во КИНА. Инфицираниот маж (55) бил префрлен во болница, а локалните власти ја отстраниле живината во близина, пишува Ројтерс.

Властите тврдат дека не постои опасност од ширење на виpycoт.

Маја Морачанин, претседателката на ДОМ, коалициониот партнер на СДСМ, од собраниската говорница истакна дека струјата не треба да биде евтина, односно граѓаните треба да плаќаат поскапа електрична енергија.

-Мојот став е сосема поразличен. Јас сметам дека електричната енергија не требада биде евтина, затоа што ако струјата е евтина, тоа доведува до поголема потрошувачка, а ние треба да ја штедиме електричната енергија, рече таа.

Од дебелина која е едноставно предизвикана од преголем внес на калории, до дебелина предизвикана од слаб метаболизам или реакција на глутен- во причината лежи и решението.

Не е секое дебелеење исто, како што не се исти ниту неговите причини. Поголемиот дел од луѓето имаат променлива тежина во текот на животот- од послаби до подебели фази. Но, токму оној дел од телото каде салото се „фаќа“ укажува и на вистинската причина на дебелеењето.

Научниците идентификуваат шест различни предизвикувачи на дебелеењето.

1. Неактивност

За овој тип е специфично дебелеењето во горниот дел од телото – од колковите па се до лицето. Причината, освен она очигледното, е внесување на премногу калории, седечки стил на живот и премалку движење.

2. Дебелеење поврзано со храната

Во овој тип на дебелеење килограмите првенствено се фаќаат околу половината. Тоа е показател за прекумерното уживање во нездравата храна – продукти полни со шеќер, сол и масти.

3. Дебелеење поради тегоби

Во третиот тип на дебелеење, мастите прво и најмногу се таложат на подрачјето од горниот дел на стомакот до колената, а на удар се и нозете и задникот. Според експертите, најчест предизвикувач е повременото прејадување, но и тегобите и депресијата. Имено, телото во таква состојба е во „приправност“ и на тие подрачја складира резерви. Почесто е кај жените.

4. Венски проблеми

Венската циркулација е една од причините за дебелеење која во својата основа е зависна од генетиката повеќе од животните навики. Кај собирањето на сало исклучиво во подрачјето на стомакот голема улога играат гените. Со намален проток на крв низ тоа подрачје доаѓа до забавување на метаболизмот. Работата ја влошува и уживањето во алкохолот, а вежбањето е единствено решение.

5. Атерогенско дебелеење

Содржината продолжува после огласот

“Ослободете се од простатитисот и срамот во кревет, за 7 дена животот ќе ви се промени! ”
Sponosored by MonadPlug
Кај ваквиот тип на дебелеење, вишокот се прима на долниот дел на телото, од задникот до нозете. Причината е исто така генетска и се сведува на лоша циркулација, а се зголемува и поради животните навики – премалку сон, помалку движење. Може да дојде и до отекување на нозете. Треба да се одбегнува кофеин и алкохол.

6. Глутенско дебелеење

Во овој тип на дебелеење каде салото се собира од градите до колковите, како и по задната страна на грбот. Најчеста причина е лошата реакција на глутен. Почеста е кај жените, а се појавува и во периодите на хормонални проблеми.

Под влијание на влажна и нестабилна воздушна маса од утре попладне до вторник ќе преовладува променливо облачно време, наместа со пороен дожд, грмежи и засилен ветер.

Локално процесите ќе бидат поинтензивни во форма на невреме, со пообилен пороен дожд, чести електрични празнења, силен ветер, над 60 километри на час и услови за појава на град.

Температурата од утре ќе биде во постепено опаѓање.

УХМР потсетува, во случај на појава на електрични празнења да не се престојува на отворен простор и под осамени дрвја.

Според прогнозите, утре утринската температура ќе биде од 13 степени во Берово до 23 во Демир Капија, а дневната од 31 во Берово до 38 во Гевгелија.

Од сабота до среда утринските температури ќе се движат меѓу 13 и 22 степена, а дневните од 27 до 37 степени.

Патарини на автопатите се плаќаат за да имаме модерни патишта, да можеме да ги одржуваме, при зимски услови да ги исчистиме од снежни наноси и почесто да ги реконструираме, за да бидат во добра кондиција, порача денеска министерот за транспорт и врски Благој Бочварски.

– Токму поради наплатата на патарините и токму поради тоа што развојот на инфраструктурата во државата ни е еден од клучните приоритети веќе работиме на целосна реконструкција и проширување на автопатот Тетово – Гостивар. Се работи на проектирање на новата траса Тетово – Гостивар која што ќе биде траса за едниот правец, а постојната ќе остане за другиот правец. Владата има во план целосна реконструкција на овој автопат којшто ќе биде и покомотен и побезбеден, рече Бочварски во одговор на прашање при денешниот увид во реконструкцијата на улицата „Гоце Делчев“ во Тетово.

Заради тоа, додаде тој, важно е да се плаќаат патарините заради тоа што во овие четири години реконструиравме, рехабилитиравме и изградивме преку илјада километри патишта во државата.

– Кога ќе се реконструира тој автопат постојното решение ќе биде целосно во едниот правец од Тетово кон Гостивар, а другата траса која што ќе биде изместена, нема да биде паралелно со овој пат, ќе биде од Гостивар кон Тетово. Секако дека и тогаш ќе се плаќаат патарини заради тоа што по Законот за јавни патишта во државата на сите автопати се плаќа патарина по такса која што е утврдена со закон. Тоа е исклучиво само заради аспектот да имаме модерни патишта, да можеме да ги одржуваме, да можеме при зимски услови да ги исчистиме од снежни наноси и почесто да ги реконструираме за да бидат во добра кондиција заради тоа што патиштата се лицето на државата и за нашите граѓани и за оние коишто влегуваат и транзитираат низ Република Македонија, потенцира Бочварски.

Погодокот од половина терен што чешкиот напаѓач Патрик Шик го постигна на натпреварот против Шкотска е прогласен за најубав гол на ЕУРО2020, соопшти вечерва Европската фудбалска асоцијација (УЕФА).

Голот на Шик доби речиси 800.000 гласови во изборот на официјалниот сајт на УЕФА на кој фудбалските навивачи одлучуваа меѓу десет голови номинирани од техничката комисија на УЕФА.

??? After almost 800k votes, Patrik Schick's long-range stunner vs Scotland is UEFA EURO 2020 Goal of the Tournament! ⚽️?#EUROGOTT @GazpromFootball #EURO2020 pic.twitter.com/qBENMPj25b

— UEFA EURO 2020 (@EURO2020) July 14, 2021