Со спектакуларно кабаре шоу во кое учествуваа над 30 уметници, пејачи и актери, во Битола започна со работа комплексот „Голд Фелициа“.

Гостите уживаа во уникатната кабаре претстава, која понуди разни уметнички точки и песни за сите генерации.

Комплексот доби гламурозно отворање какво што му доликува, а многубројните гости имаа прилика да се уверат во се она што истиот веќе може да им понуди, велат од „Голд Фелициа“.

Покрај танчерите на сцената церемонијален мајстор беше Жарко Димоски, а го придружуваа пејачите Александар Тарабунов, Димитар Андоновски, Огнен Здравковски и пејачките Полина Тасева, Калина Велковска и Христина Јовановска.

За кореографијата на танчерите се погрижи Илија Кардакоски а за изгледот на сите учесници модниот дизајнер Андреј Папаз.

– Кабаре шоуто го најави и отвори просторот кој ќе биде наменет токму за тоа, музички изненадувања на кои им нема крај, секојдневни настани на кои ќе гостуваат популарни домашни и странски имиња, што особено ме радува, рече Димитар Андоновски, музички директор на целиот проект.

Казиното е опремено со најсовремени слот машини, рулет и останати игри на среќа, „Голд Фелициа“ а во склоп на комплексот работи и ресторан со специјалитети приготвени од врвните готвачи.

Повеќе погледнете ТУКА

По 13 пат, од 19 – ти до 25 -ти јули во ЦК „Марко Цепенков“ ќе се одржи веќе традиционалната ликовна колонија Дрен 2021, на која годинава освен што ќе творат сликари, дела во метал ќе создаваат и скулптори.

Годинава ќе творат уметници од земјава и странство. Своите инспирации на платно ќе ги пренесат сликарите Мирослав Живковиќ и Снежана Малетин од Србија, Мирјана Крстева Масети, Александра Петкова – Џианели, Буба М. Солак, Драган Најденовски, Новица Трајковски, Владимир Темков, Тони Чатлески, Стефан Малбашиќ и скулпторите Слободан Милошески и Марјан Стојаноски.

Делата создадени на годинашната колонија наесен ќе бидат претставени на изложба.

Досега на колонијата се создадени околу 350 дела кои се во трајно наследство на Центарот и на државата. Ликовната колонија се одржува со финансиска поддршка на Министерството за култура.

Просечната месечна исплатена нето-плата по вработен во мај 2021 година изнесува 28.721 денар. Според податоците на Државниот завод за статистика, индексот на просечната месечна исплатена нето-плата по вработен во мај 2021 година, во споредба со мај 2020 година, изнесува 108.8.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: уметност, забава и рекреација (29,0 %), објекти за сместување и сервисни дејности со храна (28,7 %) и други услужни дејности (14,4 %).

Зголемување на просечната месечна исплатена нето-плата по вработен, во споредба со претходниот месец, е забележано во секторите: објекти за сместување и сервисни дејности со храна (7,0 %), снабдување со електрична енергија, гас, пареа и климатизација (5,5 %) и снабдување со вода; отстранување на отпадни води, управување со отпад и дејности за санација на околината (5,3 %).

Просечната месечна исплатена бруто-плата по вработен во мај 2021 година изнесува 42.917 денари, а индексот на просечната месечна исплатена бруто-плата по вработен во мај 2021 година, во однос на мај 2020 година, изнесува 108.9.

Големите парламентарни политички парии имаат постигнато договор за отворени листи на локалните избори, откри денеска премиерот Зоран Заев.

Тој потенцираше дека истото не е официјализирано, но треба истото да се продискутира и со помалите партии.

– Се работи за отворени листи на кои ќе се гласа за листата со една преференца. Притоа, предлогот е да има праг од 3 проценти. Кога би биле 16.000 избирачи, 3% е околу 500 гласови, што би го качило кандидатот погоре на листата.

Додаде дека малите партии имаат резерва за предлогот бидејќи го сметаат како неправеден.

– Треба да се види дека правиме демократски исчекор и го поздравувам потегот што ВМРО-ДПМНЕ го прифаќа предлогот, истакна Заев, додавајќи дека според него истиот ќе ја унапреди демократијата.

На 19.07.2021 во 20.50 чacoт во Полициcката cтаница Maкедонcки Бpoд било пpиjaвено дека на peгионалниот пат Прилеп-Кичево, на место викано „Гранит“ кај с.Суводол-Македонски Брод, патничко возило „фолкcваген шapaн“, со регистарски ознаки од Македонски Брод, yпpaвyвано од С.П.(64) од Maкедонски Бpoд, yдpило во Е.З.(31) од с.Брест-Македонски Брод.

Во незгодата Е.З. се здобила со тешки телecни повpeди, по што била пpeнeceна во Општата болница Прилеп, каде од cтpaна на лекap била конcтатиpaна cмpт.

Извршен бил yвид на мecтото на незгодата од yвидна екипа од Полициcката cтаница Maкедонски Бpoд – информираат од МВР.

3eмjoтpec со jaчина од 3,2 cтепени по Pиxтep беше peгиcтpиpaн во Maкедониja во 13:17 часот по локално време.

Епицентарот е во близина на Мавровското езеро, на 23 километри од Гостивар.

Според податците од ЕМСЦ потресот бил на длабочина од два километри.

На 20.07.2021 во 02.30 часот во СВР Битола било пpиjaвено дека во pyдникот „Cyводол“, во одpoн од земja, бил пpoнajден затpyпан машиниcтот К.Т.(38) од Прилеп.

Лекap од Итна медицинcка помош Битола конcтатиpaл cмpт, а yвид извpшила екипа од СВР Битола.

На местото на настанот биле Трудов инcпектop и Јавен обвинител, по чиja нapeдба телото на починатиот било пpeдадено на обдyкциja.

На 19 првенци на генерација од сите основни и средни училишта во општина Прилеп, градоначалникот Илија Јованоски денеска им додели дипломи и вредносни ваучери.

Во своето обраќање до првенците на генерацијата, до нивните професори и директорите на училиштата, градоначалникот Јованоски потенцираше дека дипломите и ваучерите кои им ги доделува Општина Прилеп, се скромен придонес и мотив повеќе за сите ученици да го надградуваат своето образование и да се стекнат со нови знаења.

Првенци на генерација од средните општински училишта се следните ученици:

Покрај дипломите, првенците на генерација од средните општински училишта беа наградени со по 6.000 денари, а најдобрите ученици од основните училишта во општина Прилеп, добија по 4.000 денари.

Ќе бидете изненадени колку е едноставно! Ако обожавате вкус на тиквички и сакате да пробате различни јадења од овој зеленчук, едноставно не смеете да го пропуштите чипсот подготвен на овој начин.

Состојки:

2 тиквички
100 грама брашно
маслиново масло
сол, вегета, оригано

Подготовка:

Не мора да ги лупите младите тиквички, а ако купивте нешто постаро, тогаш задолжително излупете ги, потоа исечете ги на тенки парчиња, додајте сол и оставете барем половина час да истече водата од нив.

Во чиста голема вреќа за замрзнувач или обична пластична кеса од продавницата, истурете брашно, сол по желба, вегета и оригано, а потоа додадете исецкани прстени од тиквички и врзете јазол. Потоа добро протресете ја кесата за да дозволите влажните тиквички да ги соберат зачините.

Загрејте го маслото во подлабока тава, а покрај него ставете тенџере со ладна вода. Потопете една ролна одеднаш – прво во вода, а потоа оставете ја водата да исцеди малку, па натопете ја во масло и пржете многу кратко. Маслото не треба да прска повеќе од нормалното пржење, но имајте го при рака капакот на тавата.

Послужете со кисела павлака или кечап, идеално со таратур.

Државниот завод за статистика го објави конкурсот за пријавување кандидати за реонски попишувачи и инструктори кои ќе учествуваат во спроведувањето на Пописот на населението, домаќинствата и становите во Република Македонија, 2021 година од 5 до 30 септември годинава. Конкурсот,што ќе биде објавен во четири дневни весници, е достапен на веб-страницата popis2021.stat.gov.mk каде што од 8:00 часот утрово е активна и апликацијата за електронско пријавување.

Конкурсот ќе трае до 5 август по што ќе следи тестирање, избор и обука на избраните кандидати.

Државниот завод за статистика, како што стои на нивната веб страница, ги повикува сите заинтересирани, како и сите оние кои се пријавиле на првиот повик во март годинава, да ја пополнат апликацијата и да станат дел од големиот пописен тим кој во септември ќе го спроведе долгоочекуваниот Попис на населението, домаќинствата и становите во Република Македонија.

Придонесот на секој еден од нас во пописните активности претставува придобивка за сите. И како директни учесници во спроведувањето на Пописот и како даватели на податоци – придонесуваме за креирање на една прецизна слика на состојбите во државата во точно определен момент. Оваа прецизна слика ќе овозможи донесување на издржани политики, базирани на најнови податоци, со кои ќе се планира развојот на секое поле од живеењето и работењето – стои на веб страницата на ДЗС.

Инаку, при изборот на кандидатите кои се пријавиле за реонски инструктори, како што стои во конкурсот, ќе се има предвид етничката структура на населението во соодветниот пописен реон.

Од избраните кандидати за реонски попишувачи по пописни реони ќе бидат избрани 10 проценти повеќе резервни попишувачи од табелата-колона за вкупно попишувачи – стои меѓу другото во конкурсот, каде во табела се наведени седиште и општини кои влегуваат во пописниот реон, потоа вкупно попишувачи во тој реон и реонски инструктори.

На пример, за Битола (за општина Битола, Могила и Новаци) вкупно 280 попишувачи, на македонски 254, на албански јазик 12, турски седум попишувачи, ромски и влашки по тројца и на српски јазик еден попишувач. Вкупниот број на реонски инструктори е 28.