Алармантна е состојбата со Преспанското езеро, водата на некои места е повлечена и по 20-30 метри.

Веќе неколку години медиумите, активисти и разни организации апелираат надлежните да направат нешто и да го спасат од уништување Преспанското езеро.

Полека но сигурно ја губиме оваа прекрасна и еколошки чиста средина. Згаснуваат познатите излетнички места кои на времето биле збиралиште за цела Југославија.

Асамати, Претор, Крани, Стење, Отешево…. места кои будат спомени и кои вриеа од народ пред 20, 30 години.

Денеска таму има неколку убаво уредени плажи, но џабе приватниците инвестирале, кога водата на големо се повлекува и остава тиња и кал на брегот.

Состојбата е малку од малку подобра само во Сливница, а во Долно Дупени и покрај прекрасната плажа се пропаѓа до коленици во тиња кога ќе се влезе во водата.

Фотографиите и видеото се од некогашната плажа кај кампот Асамати, место кое некогаш вриеше од детски џагор.

Денеска таму редовни гости се само оние кои поседуваат приватни бунгалови, а други посетители доаѓаат многу ретко.

Уште колку ли ќе чекаме некој да се освести и да реагира? Ќе дозволиме ли како држава да згасне целосно едно од трите природни езера?

Актуелниот градоначалник на Куманово, Максим Димитриевски остро реагираше на одлуката на поединци на СДСМ кои не го почитувале статутот на партијата и се обиделе да го исклучат.

– Длабоко сум разочаран и искрено жалам за таквата, би рекол шверцерска, полноќна одлука на поединци на раководството на мое СДСМ. Дури ни таквата одлука не е легитимна, затоа што не е согласно статутот на СДСМ. Одлуката за исклучување се носи на седница на Извршниот одбор, па потоа на седница на Централниот одбор на партијата. Моите информации велат дека такви седници не се одржала. Правно формално јас сè уште сум член на СДСМ. Небулозата дека сам себе сум се исклучил не би ја коментирал – соопшти Димитриевски.

Тој смета дека СДСМ е узурпирана од неколкумина кои со своите интриги и манипулации предизвикуваат огромна разочараност и штета кај членството, симпатизерите и поддржувачите, и сакаат Куманово да го претворат во свој пашалак.

– Јас по убедување сум социјалдемократ, со јасна и прецизна социјалдемократска идеја, мисла и визија. И никој, ама баш никој, тоа не може да ми го одземе. Куманово е револуционерен град и на 17 октомври кумановчани ќе го покажат својот непокор и пркос, упатувајќи силна порака кој на кого му свртел грб – се вели во реакцијата на градоначалникот на Куманово.

15-годишната Теодора Мицевска од Битола е девојче со ангелски глас. На јавноста и стана позната по прекрасната изведба на песната “Вечниот Бог” во пресрет на минатогодишниот Божик, но Теодора зад себе има и голем број успеси и награди од светски и интернационални фестивали како единствен претставник од Македонија.

Со пеење се занимава од својата десетта година и каде и да се појави досега освојува гранд при награди.

Од 24 до 31 август Теодора ја претставуваше Македонија на фестивал во Бугарија, каде освои две први места и беше победник во номинацијата фолклор.

-За мене ова доживување. Беше нешто што во мене уште повеќе го разгори огнот на љубовта за изворната стара музика. Фестивалот се одржуваше од 24 до 31 Август. Атмосферата беше прекрасна, настапував во категоријата фолклор. Имаше учесници од целиот свет. Конкуренцијата беше голема, ама успехот излегува на виделина. Исто така добив награда за најубав костим на целиот натпревар. Настапував со едни од моите најомилени песни “Зајди Зајди” и “Изглегов да се расшетам”, кои ги испрезентирав со солзи во очите. Осумчленото жири беше воодушевено и со солзи во очите го поздрави мојот настап, со што ми дадоа голема желба и мотив за понатамошни натпреварувања. Иако ова ми беше едно од многуте натпреварувања што ги имам поминато, сепак кај мене остави сентиментално приврзување за прекрасното настапување, вели Теодора.

Проследете го настапот на Теодора во продолжение:

На 31.08.2021 во СВР Битола, А.Ј од с.Нижеполе, битолско, пpиjaвил дека во близина на стapa кyќа во с.Нижеполе пpoнашол б о м б а.

Фото/илустрација

Пиpoтexничap од Диpeкциja за заштита и cпacyвање излегол на местото и било конcтатиpaно дека се работи за четири paчни б о м б и од Втоpaта cветcка вojна кои биле безбедно подигнати.

Ново освежување доби јутјуберската сцена, со видео записот на прилепскиот јутјубер Влатко 19, кој го означи и стартот на новата учебна година со неговиот втор музички хит.

Песната е во ритам препознатлив за јутјуберската публика, во која е претставено денешното секојдневие на учениците.

Еден од најмладите јутјубери во земјава се погрижи да ни ги долови сите моменти со кои се соочуваат неговите врсници, а сето тоа пренесено во музички хит, кој веруваме дека ќе се слуша и потпевнува.

-Сакам да се забавувам и кога правам видеа, и кога стримам, кога е време за “game”, а слободното време го користам максимално за други нешта кои ме исполнуваат. Со мојот брат испеавме една ваква песничка, која е во ритам препознатлив за младите. Верувам дека на сите ќе има се допадне “ДОЛГА ГОДИНА”, која е е во тренд со ова денешно време. На сите мои врсници им посакувам среќа во новата учебна година, вели Влатко кој продолжува со неговото хоби, и ни најави уште многу вакви музички изненадувања.

Неговиот втор видео запис може да го погледнете подолу во видеото, а може и да запеете, затоа што лесно се паметат стиховите во оваа негова песна.

Неговото првенче привлече огромен интерес на социјалните мрежа, а сигурно и ова музичко дело ќе го пеат генерации и генерации.

Само напред Влатко!

Елена Велевска важи за една од дамите на домашната фолк сцена која ги има најскапите видео спотови, па и песни.

Пред крајот на летото Велевска со својот тим реши на нејзината публика да и подарат нова песна и спот, за кој овој пат беше задолжен Александар Ристовски-Принц.

Артан Кастрати е задолжен за музиката, Орце Зафировски текстот, Мишел Трајковски хармоника и Ферчо Мустафов сакс, а песната се вика “Овој живот убав е”.

Телевизиската промоција на видеото ќе биде во естрадниот магазин “Бекстејџ” во новата четиринаесетта сезона, која ќе се емитува секој работен ден во 16.15 премиерно и 22.15 репризно на Телма.

Кратката видео најава за новата песна погледнете ја ТУКА

Кога беше млад политичар на почетокот на овој век Сугарески беше бунтовен зошто во “Алинци” немало инвестиции и тоа место го нарекуваше ливада.

Инвестициите се 3 на број, вработуваат огромен број прилепчани, но судбината сакала Сугарески да стане министер и да може да носи нови странски инвестиции и да лобира за тоа…

Но, еве веќе 5 години таму нема ниту една нова фирма, ама го нема и Сугарески, сега повозрасен да прави пресс таму и да го критикува Самка Ибраимоски и Љубе Бопковски зошто не донеле нови инвеститори?

Затоа велиме: Ливадата уште го чека….

Драги ученици,наставници и професори, на сите ви го честитам почетокот на новата учебна година и ви посакувам бројни успеси во истата. Денес е убав ден и нека биде среќен ден на сите! – порача на денешната прес конференција кандидатот за градоначалник за општина Прилеп од редовите на ВМРО-ДПМНЕ, Борче Јовчески.

Целосната прес конференција проследете ја во продолжение:

Фотографија која ја отсликува состојбата на СДСМ-Прилеп.

Не е тајна дека атмосферата во Сдсм-Прилеп е вжештена, а тензијата меѓу градоначалникот и кандидатот за градоначалник се чувстува во воздухот.

Сугарески е завртен кон патот Прилеп-Градско, а Јованоски гледа кон мовчето во Сточен пазар. Пратеникот Миле Талески не е важен во оваа “шпанска политичка серија” или има некоја споредна улога. Во секој случај, последната епизода ќе ја гледаме на 17 октомври.