Кандидатот за градоначалник на ВМРО-ДПМНЕ за општина Крушево, Нико Чонески, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека се потребни промени и јасен план за работа во Крушево, затоа што општината е без насока и визија, со долгови и нерешени проблеми од повеќе области, за кои тој како кандидат за градоначалник има програма која нуди долгорочни решенија за чист воздух, водоснабдување, образование и развој.

„Нашето Крушево, гордоста на Македонија, денес е општина без насока, без идеја, без визија. Имаме општина која се дави во долгови. Денеска Крушево е општина со многу проблеми – од основни услови за живот, како вода, чист воздух и чиста животна средина, до образование и развој. Културниот живот во Крушево, кој беше синоним за живост и традиција, денес полека замира, оставен без поддршка и визија за иднината. Затоа нудиме програма што не е список на празни ветувања. Нашата програма е патоказ по кој ќе се движиме, но и домаќински даден збор кој ќе треба да го одржиме“, вели Чонески.

Кандидатот за градоначалник за општина Крушево, Нико Чонески ја презентираше програмата која вклучува многу проекти од повеќе области, кои ќе донесат решенија за проблемот со дивата градска депонија, со водоснабдувањето, како и изградба на спортска сала, обиколница, патеки за планински велосипедизам и санација на сите училишни сали.

„Што ветуваме во следниот период од 4 години: решавање на проблемот со дивата градска депонија, но и организирано собирање на сметот во селата, решавање на проблемот со водоснабдувањето во Општина Крушево, изградба на две нови полетишта за параглајдинг и змејарство, изведба на 40 километри патеки за планински велосипедизам, изградба на нова спортска сала, Изградба на обиколница. изградба на канализациони системи во Бучин, Св. Митрани, Врбоец, Алданци, Пресил, Норово, Саждево и Борино. Решенија за нови паркинг места, реновирање и санација на сите училишни згради, уредување на центарот на градот и фасадно уредување на Крушевската чаршија, организирање на повеќе културни манифестации и враќање на манифестацијата „Крушево етно град“ и многу други проекти од инфраструктурата, економијата, културата и образованието“, рече Чонески.

ВМРО-ДПМНЕ и коалицијата вечерва на митинзи во Пелагонискиот регион. Во Крушево на голем народен собир беше најавена победата на кандидатот за градоначалник, Нико Чонески, човекот кој ветува дека ќе го врати еснафскиот дух на највисокиот град на Балканот.

Пред стотиците подржувачи се обрати и премиерот и претседател на ВМРО-ДПМНЕ, Христијан Мицкоски, кој порача:

-Крушево заслужува иднина и надеж. Денес сум тука за да ви кажам дека Крушево ќе го има главиниот фокус, Куршево ќе биде во најострата оптика на владата. Но и на локалната самоуправа после овие локални избори, каде се одлучува за твоето маало, твојот човек, кој ќе ве застапува во општината за вашата заедничка иднина. А да се има ваш човек во општината значи да се има пријател, потпора преку која можете да ги решавате проблемите и донесете решение кое ќе значат подобар живот, истакна Мицкоски.

Заменик претседателот на Владата и Министер за транспорт, Александар Николоски, денеска присуствуваше во Прилеп на одбележувањето на Денот на народното востание – 11. Октомври. Николоски го честиташе празникот и порача дека многу добро се знае против кого беше кренато Народноослободителната борба и дека Македонија во тој период беше под окупација, а не под администрација.

-Овој ден треба и да не’ потсети зошто го славиме. Не смееме да заборавиме зошто беше кренато востанието, против кого беше кренато и против чија идеологија беше кренато востанието. Јасно е дека Македонија беше под окупација, а не под администрација, јасно е дека имаше силна Народноослободителна борба, а не идеолошка борба помеѓу левичари и десничари и помеѓу комунисти и ројалисти, туку јасна национална борба на македонскиот народ за народноослободување. Не случајно партизанските одреди ги носеа имињата на илинденците и на врвните дејци на Внатрешната Македонска Револуционерна Организација, така што 11. Октомври е континуитет на 2. Август, ако го немаше 2. Август, немаше да го има ниту 11. Октомври, а ако го немаше 11.Октомври, немаше да го има 8. Септември 1991 година. Мора многу, многу јасно овие работи да ги кажуваме, македонскиот народ има свој историско-политички континуитет и јасна културолошка и јазична посебност, која што сега е негирана, особено од нашиот источен сосед, нешто на кое треба остро да се спротивставиме и да држиме до она што се основни принципи на македонската државност. Го честитам празникот, посакувам на сите жители и граѓани во Македонија убав празник и да не заборават зошто го славиме и како треба да го славиме – рече Николоски од Прилеп.

Во Собранието денеска ќе биде доделена државната награда „11 Октомври“ за 2025 година за највисоко признание за животно дело во областа на науката, уметноста, стопанството и другите дејности од јавен интерес на Република Северна Македонија.

Наградата за животно дело во областа на културата и уметноста ќе им се врачи на: Теута Ајдини Легени, актерка; проф.Летка Димовска, хорски диригент; Иво Јанкоски, продуцент, промотор на македонската уметност; додека во областа на науката и образованието- на проф. д-р Константин Димитров, машински инженер, и академик Глигор Јовановски, хемичар.

Имајќи во предвид дека одбележувањето на 11 Октомври има оставено посебен белег на историјата на Прилеп и Македонија, имаме обврска да направиме една ретроспектива на настаните од тој период и да ви пренесеме изворни и точни податоци за отпочнувањето на четири годишната борба против фашистичките окупатори.

Неподносливата агресија која ја вршел бугарскиот фашистички окупатор била причината за кревање на македонскиот народ и организирање во вооружени чети, како и подготовка на вооружени акции против ваквиот терор.

Прилепчани секогаш биле обдарени со посебен револуционерен дух и затоа биле првите кои се спротивставиле на новоформираната власт во нивниот град и започнале со подготовка на планови и стратегија за нивна реализација.

Во продолжение ви ја пренесуваме целата акција на прилепските партизани поврзана за 11 Октомври 1941 година, начинот на кој е реализирана акцијата, како и инволвираните актери во истата.

На месноста Црвени Стени, на 11 Октомври вечерта, на зборното место се собрал партизанскиот одред.

Првата чета, поради задоцнетото известување, задоцнила на зборното место на партизанскиот одред, поради што не била вклучена во акцијата за Прилеп. Од присутниот состав на одредот се извршил избор меѓу доброволно пријавените партизани за учевство во напрадот на Прилеп.

Одредот во кој биле славните прилепски херои Трајко Тарцан, Мице Козар, Ордан Чопела, Димо Димоски-Нередникот, Оцка Михајлоски и многу други, потоа заминал кон Маркови Кули. Притоа била извршена поделба на задачите и бил формиран конечниот состав на ударните групи.

– Нападот на полициската станица за своја задача го имале: Аспарух Јосифоски, командир, Душко Наумоски, Блаже Спиркоски, Милан Димоски и Драган Спиркоски.

– За затворот биле задолжени: Никола Попоски, командир, Мице Козар, Пецо Крстески, Јонче Јанески, Благоја Корубин и Душан Ристески.

– За оштетување на телефонската мрежа акцијата им припаднала на : Мице Димески, командир, Крсте Црвенкоски, Коле Чашуле, Киро Ќосески и Киро Базеркоски.

Секоја од групите имала своја стратегија на дејствување. Во онаа задолжена за участакот акцијата требало да ја започни Душко Наумоски, кој требало да стрела во стражарот пред участакот со што би дал знак на другите групи да се вклучат во нападот. Душко најпрвин се доближил до стражарот кој го запрел и го прашал за врмето на часовникот.

Останатите се посомневале дека Душко се поколебал, но тој се вратил и го застрелал. Потоа Аспарух Јосифофски активирал бомба и ја фрлил пред вратата на участакот, а останатите Блаже, Диме и Миле со пушки стрелале кон прозорците, не давајќи им да се појават полицајците.

Групата за затворот го чекала истрелот од револверот на Душко. Штом градскиот саат отчукал 10 часот, тие веднаш јурнале на затворот. Меѓутоа, стражата од кај участакот од пукотниците веќе била на готовс.

Групата била пречекана со оган. Пецо Крстески и Никола Попоски фрлиле по една бомба, па се повлекле заедно со целата група без жртви.

Групата одредена за оштетување на телефонската мрежа на градот слегла кон Варошко маало, но не по ист пат каде што поминале и другите. Успеале да ги спојат електричните со телефонските жици и со тоа да ги онеспособат, па се повлекле без престрелка.

Сите три групи се повлекле без загуби. Овој подвиг на првите борци од Прилеп можеби не е некој триумфален подвиг, но со сигурност претставува успех кој го означил продолжувањето на револуционерните борби на македонскиот народ, почетокот на организираното востание сега против нов окупатор како и доследноста на граѓаните на Прилеп кон борбата за македонска кауза и слобода.

„Пивофест” – најпознатиот фестивал на пивото во Македонија, кој повеќе од 18 години носеше радост, вкус и музика во Прилеп, повторно ќе оживее со нова енергија и концепт – порачува кандидатот за градоначалник за општина Прилеп, Жарко Бошкоски, кој за престојните локални избори е поддржан од “Коалицијата за успех” на политичките партии ЛДП, ГРОМ, ИНТЕГРА и ПЦЕР.

Бошкоски предлага еден нов сосема интересен концепт, преку селење на фестивалот од центарот на градот во паркот на “Могилата на непобедените”.

-Оваа уникатна ревија на пива и специјалитети на скара, надополнета со настапи на врвни балкански музички брендови, секогаш привлекуваше илјадници посетители од цела Македонија и регионот. Со повеќе пиварници, поголем избор на пива и нови гастрономски искуства, фестивалот ќе биде вистински магнет за туристите – стои во описот на овој предлог концепт.

Со преместување на фестивалот на “Могилата на непобедените”,  ќе се избегне метежот во центарот и ќе се овозможи подобра организација, поголем простор и вистинско фестивалско доживување за сите посетители, концепт за кој досега во повеќе наврати зборувале и самите граѓани, кои и самите сметаат дека со цел фестивалот и понатаму да се развива, потребна е нова локација.

-Со овој пристап, „Пивофест” не само што ќе се врати на голема сцена, туку ќе стане и уште поголема туристичка атракција koja ќе го промовира Прилеп како регионален центар на добрата забава, гастрономијата и културата, вели Бошкоски.

На народниот митинг на ВМРО-ДПМНЕ и коалицијата во општина Богданци се обрати вицепремиерот и потпретседател на ВМРО-ДПМНЕ, Александар Николоски.

-Минатата година благодарение на вашата поддршка се случија промените. Минатата година ставивме крај на темното криминално владеење на Владата на СДСМ и ДУИ, а оваа година е редно времевтука во Богданци да се случат промените, затоа што се повеќе од потребни, вие тоа го гледате секој ден, гледаме дека на најлош можен начин се менаџира општината. Има еден феномен кој што веројатно не може да се најде втора општина во која што може да се каже, а тоа е за жал основното образование она што е основа за нашите деца, за нашите идни генерации, тука се одвива во отежнати услови, услови кои што не се соодветни за настава за децата. Градоначалникот на свој криминален начин решил да го реконструира училиштето и сега училиштето има кров кој што прашање е на денови или недели кога ќе се сруши, рече Николоски.

Тој потенцираше дека децата мора да одат во рамки на гимназијата во втора смена и на тој начин да одржуваат настава.

-Вакви примери можам да бројам уште десетици како што се раскопаните улици, не реализираните проекти. За високи политики гледам ги бива, гледам гости од Хрватска, гледам од други места а да ги решат основните проблеми со образованието, во инфраструктурата, еве не ги бива, Мислам дека ова е основната причина поради која што ни е потребна масовна референдумска излезност на 19 октомври, за веќе од 20 октомври да можат да се решаваат овие проблеми, рече Николоски.

Bonatti слави 11. РОДЕНДЕН, а за својот роденден неодоливиот бренд на долна облека, облека за спиење и летен асортиман за мажи и жени, ве кани на шопинг со -20% на целиот асортиман производи.

11 години на стил, удобност и елеганција !!!

-До 18. октомври, со секоја сметка над 10.000 денари, ПОДАРОК Loyalty card со -20% попуст во Bonatti

-Со секоја онлајн нарачка, ПОДАРОК ваучер со -20% попуст за вашата следна онлајн нарачка

-На 09.10.2025 во 12:34 часот во СВР Битола, 62-годишна жена од Битола пријавила дека била измамена од едно лице за сума од околу 27.000 евра. Според пријавеното, лицето ѝ се јавило телефонски, се претставило како лекар во здравствена установа и ја известило дека нејзината ќерка имала сообраќајна незгода и се здобила со тешки повреди и дека треба да плати за да ѝ биде направен операција. Според пријавеното, таа ги однела парите на договореното место и ги дала на едно лице, а откако се слушнала со нејзината ќерка сфатила дека е измамена. Се преземаат мерки за расчистување на случајот – информираат од МВР.

На 14 ти октомври 2025 г./ вторник/ во кино Мис Стон од 19.30 ч. ќе се прикажува македонскиот филм „Диџеј Ахмет“ кој моментно е на врвот во филмската уметност во земјава. Режисер на филмот е Георги М. Унковски. (возраст 12 +, 100 м. траење)

Улогите ги толкуваат Ариф Јакупи, Агуш Агушев, Аксел Mехме, Дора Акан Златанова.

„Диџеј Ахмет“ е прв дологметражен филм на режисерот Георги М. Унковски, во кој се говори за Ахмет, 15-годишно момче од едно оддалечено јуручко село во Македонија, кое наоѓа прибежиште во музиката додека се справува со очекувањата на неговиот татко, конзервативната заедница и своето прво вљубување — девојка која веќе е ветена на друг.