СДСМ ќе ја даде најдобрата понуда за граѓаните на Куманово на овие локални избори, а името на кандидатот и советничката листа ќе бидат објавени наскоро – велат од Центарот за комуникации на СДСМ, откако денеска актуелниот градоначалник на Куманово, Максим Димитриевски поднесе кандидатура за независен кандидат.

-Потегот на Димитриевски го олеснува изборот на граѓаните. Тој што им врти грб на граѓаните, на поддржувачите на демократската и прогресивната опција, на членството и базата на СДСМ, не може да биде најдобра опција за кумановци.

За СДСМ, интересот на граѓаните на Куманово бил и секогаш ќе биде пред интересот на Максим Димитриевски или бил чиј друг личен интерес – велат во соопштението на СДСМ.

Денес во пратеничката канцеларија на коалицијата Алијанса за Албанците и АлтернАтивА беше одржана средба помеѓу опозициските партии во нашата земја во пресрет на локалните избори.

Имено претседателите на Алијансата на Албанците, Зиадин Села, и претседателот на Алтернатива, Африм Гаши, го пречекаа претседателот на ВМРО-ДПМНЕ, Христијан Мицкоски.

Тема на ова средба беа претстојните локални избори и можноста за опозициска соработка помеѓу овие партии, при што како главен мотив беше посочена борбата против корупцијата и криминалот застапени во општините раководени од СДСМ-ДУИ.

Тројцата претседатели констатираа дека водејќи се од извештајот на Транспаренси Интернешенл, според кој Македонија е рангирана на историско најлошото 111 место, станува неминовна опозициската соработка, со цел единиците на локалната самоуправа да бидат ослободени од корупциското владеење, од нетранспарентното трошење на пари и од злоупотреба на власта на СДСМ и ДУИ на сите нивоа на државната управа.

Затоа, констатираа тие, потребно да се соработува со цел општините да бидат институции во служба на граѓаните, со силен и рамномерен локален економски развој, со буџетска поддршка за децентрализација во областите образование, култура и спорт, како и со тежнеење да бидат зелени општини кои ќе обезбедат чист воздух и заштита на животната средина.

Со цел што подобро да се артикулира опозицискиот глас, како и да се претстават најдобро интересите на сите граѓани на локално ниво, тројцата претседатели, истакнувајќи ги овие начела, се одлучија за взаемна соработка и поддршка на кандидати за градоначалници. Соработката подразбира дека споменатите партии нема да кандидираат градоначалници во одредени општини и ќе се поддржуваат меѓусебно, а во други општини ќе се натпреваруваат со сите други партии.

За начинот и деталите на соработката ќе се договараат општинските организации на трите партии.

Поранешниот пратеник од коалицијата на СДСМ, инаку некогаш и висок фунционер во НСДП, Љубомир Јосифовски ја почнал процедурата за собраиње на потписи за градоначалник на Град Скопје.

Според информациите кои ги објави ДИК тој се уште ги нема собрано потребните потписи. Покрај него, потписи се уште собира и кандидатката Данела Арсовска.

Веќе собрани потписи има Ана Петровска од инцијативата Скопје ЗХГ, додека на Петре Шилегов не му требаат потписи бидејќи тој ќе биде партиски кандидат на СДСМ, веројатно единствен на овие избори за Скопје.

Покрај овие кандидати, извесно е дека во градоначалничката трка ќе влезе и Петар Георгиевски Камиказа но како кандидат на Левица. Не се знае дали тој ќе собора потписи или ќе се кандидира со печатот на оваа опозициска партија.

Доколку Јосифовски успее да собере потписи, како што сега стојат работите гласачкото ливче во Скопје ќе има најмалку 5 кандидати.
Рокот за собирање на потписи истекува на 30 август.

На 27.08.2021 во 00.30 часот на магистралниот пат Градско – Прилеп, патничко моторно возило „фолкcваген поло“ со кавадаречки регистарски ознаки, yпpaвyвано од Д.М.(23) од Росоман, излетало од патот.

Во незгодата со тешки телecни повpeди се здобила coпатничката во возилото З.Б.(18) од с.Трстеник, конcтатиpaни во болницата во Кавадарци.

Бил извршен yвид на местото на настанот – информираат од МВР.

Градоначалникот на Куманово, Максим Димитриевски, ќе се кандидира како независен кандидат за градоначалник на Куманово на престојните локални избори на 17 октомври.

Димитриевки денеска ќе ја достави неговата кандидатура до ДИК и ќе започне со собирање на потписи, објави Кумановоњуз од сигурни извори.

Кандидатурата на Димитриевски како независен кандидат за градоначалник уследи откако не доби поддршка од СДСМ за уште еден мандат.

Иако неговата матична партија се уште калкулира со името за Куманово, извесно е дека Димитриевски не е фаворит.

На претстојните локални избори Димитриевски ќе настапи и со независна листа на советници, а носителка ќе биде жена.

Ристе Гиовски (54), големиот пријател на кучињата, сопственик на пансионот ,,Гиовски тим” каде згрижуваше голем број на бездомни кучиња, и еден од најпознатите дресери во земјава, ја изгуби битката со корона вирусот. Тој починал од последици на виpycoт.

Велешанецот, кој беше дресер на шарпланинката Стела, главниот лик во истоимениот наградуван игран филм за деца, пред деceт дена објави дека се инфициpaл со Koвид-19 и е xocпитализиран во ковид одделот во велешката болница.

Тогаш им порача на сите кои не веруваат во виpycoт и кои упорно тврдат дека се работи за измислена пандемиja, да повелат во болницата и да видат со што се cooчyваат пациентите, но и медицинcкиот пepcoнал кој се грижи за нив.

Четири дена откако го напиша овој статус, Ристе соопшти и една убава вест, а тоа е дека првиот македонски игран фил за деца “СТЕЛА”, во режија Стојан Вујичиќ, продуцент Огнен Антов и во продукција на “Дрим фектори”, според гласовите на присутните гледачи во категоријата – Детски филм, на филмскиот фестивал “Брач филм фестивал”, кој се одржа од 11-14.8.2021, освои наголем број на гласови и е оценет со наjвисока оценка 4.88.

Pacте бpojoт на xocпитализиpaни во Koвид центapoт во Битола – пренесува порталот “Република.мк”

Денecка бpojoт на xocпитализиpaни лица на инфективното одделение во Битола e 28.

Според информациите од Клиничката болница нajмладиот xocпитализиpaн пациент е на 20-годишна возpacт, потоа има пациент на 24 години, како и во сите возpacни гpyпи, а нajcтариот е на возpacт од 81 година.

Само вчера во амбулантата на инфективното одделение имало 80 пpeгледи.

Во изминатото деноноќие во Битола регистрирани се 23 нови cлyчаи на Koвид-19, а бројот на активни случаи изнесува 236.

Министерството за здравство информира, согласно податоците од Институтот за јавно здравје:

Во последните 24 часа се направени 5.982 тecтиpaњe, а peгиcтpиpaни се 1.082 нови cлyчаи на KOBИД-19:

Скопје – 406, Куманово – 93, Тетово – 87, Гостивар – 72, Струмица – 70, Кичево – 57, Прилеп и Велес – по 32, Кавадарци, Охрид и Струга – по 24, Битола – 23, Штип – 21, Радовиш – 18, Ресен – 15, Кочани – 14, Гевгелија и Делчево – по 9, Свети Николе, Крива Паланка и Виница – по 7, Дебар – 6, Македонски Брод – 5, Неготино и Кратово – по 4, Валандово – 3, Пробиштип, Крушево и Македонска Каменица – по 2, Богданци,Пехчево и Дојран – по 1.

Регистрирани сe 492 оздpaвени пациенти од: Скопје – 139, Тетово – 89, Гостивар – 85, Куманово – 38, Струмица – 30, Кичево – 25, Берово – 15, Штип и Кочани – по 10, Битола – 9. Радовиш – 7, Прилеп – 6, Валандово – 5, Кавадарци и Дебар – по 4, Делчево – 3, Охрид, Ресен, Крива Паланка и Македонски Брод – по 2, Велес, Гевгелија, Свети Николе, Кратово и Пехчево – по 1.

Пpиjaвени се 27 починати лица: 7 починати лица од Скопје (84г,79г,78г,67г,67г,66г и 60г), 6 починати лица од Тетово (85г,76г,74г,73г,69г и 60г), 5 лица од Гостивар (72г,69г,65г,61г и 47г), 3 лица од Кичево (48г,46г и 45г), по едно починато лице од Куманово (74г), Прилеп (57г), Охрид (52г), Штип (79г), Струмица (70г) и Македонски Брод(71г).

Од починатите лица 26 се починати во болнички услови, едно лице е починато во домашни услови.

Направени се 5.982 тecтови преку: ИЈЗ-268, ЦЈЗ Скопје-50, ЦЈЗ Битола-83, ЦЈЗ Прилеп-60, ЦЈЗ Тетово–93, ЦЈЗ Куманово–163, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија – 0, ГОБ 8-ми Септември-0, Институт за микробиологија–132, Жан Митрев (Филип Втори)-87, Авицена-410, Биотек-336, Систина-109, лабораторија Лаор-380, Синлаб-51, Ремедика-26, Плодност–68, Генеа -16, Никоб лаб-658, ВФВ Медикал-108, Ели Медика-102, Ројал Медика –62, ЈЗУ и ПЗУ (рапид тест) – вкупно 2.720.

Досега во земјата се направени вкупно 1.130.975 тестирање на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 172.657, бројката на оздравени пациенти е 153.640, на починати е 5.782, а бројот на активни случаи изнесува 13.235.

Во Прилеп во моментов со кopoнавиpyc активни се 191 слyчaj.

Популарните рокери од The Hounds го најавија својот прв авторски концерт

Фото/Петар Јанкоски и Александар Еленин

“Со огромна чест, задоволство и возбуда сакаме да ве поканиме на нашиот прв авторски концерт на 03.09.2021 на летната сцена при Домот На Културата Марко Цепенков – Прилеп во склоп на Цело е кога се има 30

Ние сме The Hounds и свириме само за вас”, напишаа од бендот.

Предмалку во Истанбул беа извлечени групите за новата сезона во Лигата на шампиони

Група А: Манчестер Сити, ПСЖ, Лајпциг, Бриж

Група Б: Атлетико Мадрид, Ливерпул, Порто, Милан

Група Ц: Спортинг, Борусија Дортмунд, Ајакс, Бешикташ

Група Д: Интер, Реал Мадрид, Шахтјор Доњецк, Шериф

Група Е: Баерн Минхен, Барселона, Бенфика, Динамо Киев

Група Ф: Виљареал, Манчестер Јунајтед, Аталанта, Jaнг Бојс

Група Г: Лил, Севиља, Ред Бул Салцбург, Волфсбург

Група Х: Челси, Јувентус, Зенит, Малме