Борбата за Виктор од ПРИЛЕП продолжува секој ден!

Туморот, тешката радиотерапија, хидроцефалусот и нападите оставија сериозни последици и денес му е потребна постојана медицинска грижа и лекување.

Виктор е во Турција, каде што конечно има медицински тим кој сериозно се грижи за неговата состојба. Но, за неговото лекување да продолжи, потребни се средства.

Трошоците се огромни и растат секој ден.

Неговата сопруга сама не може да ја издржи оваа борба. Додека Виктор се бори да оздрави, нивниот син Илин го чека својот татко да се врати дома.

Затоа денес ве молиме за помош!

Не поминувајте рамнодушно покрај оваа приказна!

Секој дониран денар може да значи уште еден ден лекување. Уште една терапија. Уште една надеж.

Ако можете – донирајте.
Ако не можете – споделете.
Можеби токму преку вашето споделување приказната за Виктор ќе стигне до човек кој може да му помогне.

👇 ДОНИРАЈТЕ И ПРОЧИТАЈТЕ ЈА ЦЕЛАТА ПРИКАЗНА ЗА ВИКТОР:
https://pavelandreev.org/…/viktor-se-bori-za-zivot-17010

Донација е можна од Македонија и од странство – со картичка, PayPal, Apple Pay, Google Pay или Revolut.

Можете да донирате без разлика на валутата на вашата сметка или картичка. Донацијата се прави брзо, лесно и безбедно преку платформата.

Да му помогнеме на Виктор да продолжи да се бори. Да му помогнеме да се врати дома кај Илин.

Еден клик за вас. Една огромна надеж за Виктор.

Посветеноста кон заедницата не се мери само со зборови, туку со дела, континуирана поддршка и грижа за оние на кои им е најпотребна. Токму во таа насока е и признанието што Витаминка АД Прилеп го доби по повод одбележувањето на 25 години СОС Детско Село.

Признанието е доделено на Витаминка како еден од партнерите во Стратешкото корпоративно партнерство и поддршката на мисијата на СОС Детско Село – организација која повеќе од две децении работи на создавање подобри услови за раст, развој и посветла иднина за децата и младите.

За Витаминка, ова признание претставува потврда на долгогодишната заложба за општествена одговорност и поддршка на иницијативи кои носат вистинска вредност во заедницата.

„Горди сме што низ годините сме дел од оваа мисија и што со нашата поддршка придонесуваме кон создавање подобри услови и посветла иднина за децата и младите“, истакнуваат од компанијата.

Од Витаминка упатуваат благодарност за признанието и довербата, но и за можноста да бидат дел од една толку важна и хумана мисија.

Партнерствата како ова се потсетник дека кога компаниите, организациите и заедницата работат заедно, поддршката станува многу повеќе од помош – станува инвестиција во иднината и во генерациите што доаѓаат.

Од утре, четврток, 8 октомври, па до сабота, 10 октомври, градскиот плоштад во Прилеп повторно ќе биде во знакот на медот, пчелите и домашните пчелни производи.

По 17-ти пат во Прилеп се одржува традиционалниот Фестивал на мед, на кој пчеларите од Прилеп и прилепскиот регион пред граѓаните ќе ги претстават своите производи и ќе понудат богат избор на мед и други пчелни производи.

Во прилепскиот регион има околу 150 пчелари, од кои околу 70 се членови на здружението, а токму ваквите настани се можност за нивната работа да биде поблиску до граѓаните и љубителите на природните и домашни производи.

Посетителите ќе имаат можност да пробаат и да купат различни видови мед, но и повеќе пчелни производи, со цел да се поттикнат навиките за нивно почесто консумирање и да се истакне нивната вредност како природна храна.

Фестивалот на мед веќе е дел од прилепската есенска традиција, а плоштадот во наредните три дена ќе биде место каде што ќе се сретнат домашниот производ, трудот на пчеларите и љубовта кон природата.

Пред нас е продолжен празничен викенд, а во РЕСТОРАН ПОРТА веќе е подготвена програмата за неколку вечери исполнети со музика, дружење и одлично расположение.

Викендот го отвораат легендарните „Тајфата“, нашиот прилепски состав кој со години ги обединува сите генерации и за чиј настап речиси секогаш се бара маса повеќе.

Овој петок, ПОРТА повторно ќе биде место каде што се пее заедно, се наздравува и се ужива во добро познатите хитови и препознатливата атмосфера која „Тајфата“ ја создава каде и да настапи.

Саботата е резервирана за приватна забава, а во НЕДЕЛА ќе се дружиме и пееме заедно со ТРИО МАЊИФИКО.

Местата веќе се бараат, а интересот е голем, па доколку сакате и вие да бидете дел од празничниот викенд во ПОРТА, резервирајте навреме.

Бидете дел од најубавата приказна за Прилеп која ја гради РЕСТОРАН ПОРТА.

Резервации на: 078 368 111

Европска ракометна вечер во Скопје. Вардар ја пречекува Висла Плоцк во третото коло од ЕХФ Лигата на шампионите, со една јасна цел – првите бодови во елитното европско натпреварување.

Во четврток, од 20:45 часот, СЦ „Јане Сандански“ повторно ќе биде обоен црвено-црно. Вардарци ги очекува нов голем европски предизвик, дуел со полскиот шампион Висла Плоцк, еден од најквалитетните состави во европскиот ракомет.

По двата силни натпревари на стартот од сезоната во Лигата на шампионите, „црвено-црните“ влегуваат во новата пресметка со амбиција да го направат следниот чекор. Тренерот Иван Чупиќ и капитенот Васил Гогов очекуваат тежок и неизвесен натпревар, но веруваат дека енергијата на тимот, квалитетната игра и поддршката од трибините можат да бидат клучни за првите бодови.

Во Скопје европската атмосфера ќе започне и пред првиот судиски свиреж. Од 18:30 часот, на платото пред СЦ „Јане Сандански“, навивачите ги очекува загревање за големиот ракометен спектакл. Енергија, дружење и поддршка за Вардар, до почетокот на натпреварот и од првата до последната минута.

Како горд партнер и силен поддржувач на РК Вардар 1961, Видеолотарија Касинос Австрија повторно е со „црвено-црните“ и во нивниот европски предизвик.

-На 06.10.2026 во 14:00 часот во ОВР Прилеп е пријавено дека на крстосница од ул.„Димо Наредникот“ со ул.„Александар Македонски“ во Прилеп се случила сообраќајна несреќа помеѓу мопед „хамачи“ со прилепски регистарски ознаки, управуван од З.М.(64) од Прилеп и патничко возило „мерцедес“ со прилепски регистарски ознаки, управувано од Љ.Г.(44) од Прилеп. Во несреќата со тешки телесни повреди се здобил возачот на мопедот З.М., констатирани во Јавна здравствена установа „Борка Талески“ во Прилеп. Извршен е увид од увидна екипа на ОВР Прилеп, информираат од МВР.

На 17-ти Октомври 2026г. /сабота/ од 19.00 часот во големата сала од ЦК „Марко Цепенков“ ќе се одржи Вечер на фолклор за деца и млади „Играме заедно“.

Домаќин на вечерта, која е под мотото „Убавината на различностите“ е КУД „Моминок“ кое твори и работи во рамките на ЦК „Марко Цепенков“.

Освен КУД „Моминок“ на вечерта ќе се претстават:

КУД „Младост“ од Кичево,
КУД„Илинден“ од Кривогаштани
ФГ „Вапцаров“ при ЦК од Делчево
КУД „Лазарица“ од Станари, БИХ, и
КУД „Охриѓанка“ од Охрид.

Манифестацијата за првпат се реализира, а во иднина се планира да прерасне во фестивал.

Дисциплинската комисија на Ракометната федерација на Македонија донесе одлука по пропустот на Прилеп во финишот на мечот против Струга што се играше во „Ристе Ристески Ричко“ кој заврши 29-29.

Последните седум секунди од натпреварот не беа снимени, па овој пропуст ќе ги чини домаќините 100.000 денари, откако пропустот беше наведен и во службениот записник по мечот.

Прилепчани се казнети по основ на Член 21 од пропозициите за Супер машката лига за сезоната 2025/26 кој предвидува:

“Во случај домаќинот стручно и квалитетно не го сними натпреварот, (на натпреварот имало спортни ситуации-прекини кои не се снимени), домаќинот ќе биде казнет со парична казна од 100.000,00 денари”

Истиот член предвидува покренување дисциплинска постапка за утврдување на одговорност.

Обврската за снимање ги опфаќа сите случувања на теренот, од загревањето, преку полувремето и тајм-аутите, до моментот кога играчите и службените лица ќе го напуштат теренот.

ЈЗУ Општа болница со проширена дејност – Прилеп беше домаќин на значајна стручна едукативна средба, која воедно претставуваше можност за размена на знаења, искуства и добри практики со здравствени професионалци од регионот.

Во рамките на стручната едукација, предавања и практични работилници реализираа м-р Мујо Субашиќ и м-р Елведин Зукиќ од ЈУ Завод за итна медицинска помош на Кантонот Сараево „Примариус д-р Силва Ризванбеговиќ“ од Босна и Херцеговина.

Присутните медицински професионалци имаа можност да се стекнат со дополнителни практични знаења од областа на итната медицинска помош, со посебен акцент на постапките кои можат да бидат од пресудно значење во животозагрозувачки ситуации.

Обуката опфати теми поврзани со CPR (BLS), односно кардиопулмонална реанимација кај возрасни и доенчиња, управување со дишните патишта при присуство на туѓо тело, како и напредно управување со дишните патишта со употреба на супраглотични уреди и ендотрахеална интубација (ALS).

Дел од практичната едукација беа и интраосеалната администрација на лекови, како и препознавањето и третманот на шокирачки и нешокирачки срцеви ритми.

Особено значаен дел од посетата беше и донацијата на три AMBU-сетови – два за возрасни и еден педијатриски. Опремата ќе биде од големо значење за практичната работа, но и за континуираната едукација и усовршување на медицинскиот персонал во прилепската болница.

На стручната средба присуствуваа и гости од Република Србија: Раденка Чираковиќ, мастер дипломирана медицинска сестра, специјалист по клиничка нега – анестетичар и претседател на Здружението на здравствени работници – Лозница; Душица Биоушанин, мастер медицинска сестра, специјалист по клиничка нега и главна медицинска сестра во Прва хируршка клиника – Белград; Живка Маџиќ, дипломирана медицинска сестра – специјалист по клиничка нега и претседател на Здружението на стома-сестри на Србија, како и Светлана Цветковиќ, дипломирана медицинска сестра и главна медицинска сестра на X одделение во Прва хируршка клиника – Белград.

Од ЈЗУ Општа болница со проширена дејност – Прилеп упатија благодарност до сите учесници за посетата, професионалната соработка и несебичното споделување на знаења и искуства, со посебен акцент на поддршката од УХМТФБИХ и директорката д-р Јасна Хусеинбеговиќ Мусиќ.

Од болницата посочуваат дека ваквите средби се важен чекор кон продлабочување на професионалната соработка и поврзување на здравствените работници од регионот, но и добра основа за реализација на нови заеднички едукативни активности во иднина.

Владата на СДСМ прифати се што Бугарија побара. Дури договараа и продажба на 5 приватни македонски компании. И затоа сме во оваа позиција, истакна во интервју за Радио Лидер, заменик претседателот на Владата, Александар Николоски.

-Во 2022 година СДСМ сѐ прифатија на Бугарија, им дадоа празен лист на Бугарите, Бугарите си напишаа што сакаат и овие го потпишаа. Владата на ВМРО-ДПМНЕ, Владата на Христијан Мицкоски не се договараше да во пакет и тоа не знам како затоа што се работи за приватни компании — на Бугарија да се продадат една национална телевизија, еден телеком оператор, една банка, еден рудник и еден кабелски оператор. Ние такви работи не договаравме, ниту договараме. И тоа Бугарија го правеа затоа што видоа дека на другава страна има сервилна влада која што е спремна да продаде сè. Такви работи договараше Владата на СДСМ предводена од Зоран Заев, од Димитар Ковачевски, каде што министер за здравство беше и Венко Филипче, истакна Николоски.

Суштинската разлика како што потенцира Николоски е тоа што, СДСМ ги продавала националните интереси и затоа граѓаните ги казниле на изборите.

-Тоа е суштинската разлика помеѓу нас и нив Ние мора да се концентрираме на овие работи затоа што мора да знаеме како сме стигнале до овде. Ние не сме стигнале до овде затоа што сме се разбудиле едно утро и немаме попаметна работа, па ајде сега ќе се расправаме со соседите, туку затоа што на другата страна имаше политичка структура која што единствено и само ја интересираше да ги наполнат џебовите и да ја дувнат и затоа сега се во состојба во каква што се. Народот во 2024 година јасно кажа. ВМРО-ДПМНЕ доби 58 пратеници, заедно со коалицијата, со Вреди и со ЗНАМ, СДСМ доби 18 пратеници. СДСМ е бетонирана на горе-долу оваа бројка на пратеници што ја гледате и што ги има сега. Може да се еден-два пратеници минус или еден-два пратеници плус, ако имаат малку повеќе среќа на изборниот ден. Природно е во секоја европска држава опозицијата да расте, а вие не растете, тоа значи дека имате проблем, истакна Николоски во интервјуто.