Кривична пријава против поранешен директор на ЈП „Национални шуми“ за „злоупотреба на службената положба и овластување“

Надворешната канцеларија за криминалистички работи Делчево, до Основното јавно обвинителство Делчево, поднесе кривична пријава против В.Г.(52) од Битола поради постоење основи на сомнение за сторено кривично дело „злоупотреба на службената положба и овластување“. Пријавениот В.Г., поранешен директор на ЈП „Национални шуми“ ја злоупотребил службената положба и овластување на тој начин што во периодот од 13.02.2023 до 07.05.2024 склучил и потпишал осум договори за купопродажба на опожарена дрвна маса со шест правни лица, при што во договорите се повикал на ценовник за цени на дрвни сортименти кој во моментот бил неважечки и во кој биле наведени пониски цени од важечкиот ценовник.

Во сите осум склучени договори за купопродажба на опожарени дрвни сортименти биле наведени цени од ценовник од 05.12.2014 и во кој цените биле пониски од важечкиот ценовник од 21.07.2022 година. Сите осум договори биле реализирани со што пријавениот овозможил шест правни лица да се стекнат со имотна корист од 2.053.838 денари и за тој износ била предизвикана штета на ЈП „Национални Шуми“.

Малопродажните цени на бензините ЕУРОСУПЕР БС-95 и ЕУРОСУПЕР БС-98 од полноќ се намалуваат за 2,00 денара, а на ЕУРОДИЗЕЛ (Д-Е V) и Екстра лесното масло за домаќинство на (ЕЛ-1) се зголемуваат за 1,50 денари по литар, соопшти денеска Регулаторната комисија за енергетика.

Новата цена на ЕУРОСУПЕР БС – 95 ќе биде 86,00 денари, ЕУРОСУПЕР БС – 98 ќе се продава за 88,00, ЕУРОДИЗЕЛ БС (Д-Е V) за 87,00, а Екстра лесното 1 (ЕЛ-1) за 89,00 за литар.

За 0,609 денари поевтинува Мазутот М-1 НС и еден килограм ќе чини 47,297 денари.

Уште како студент учествував со „Балканот не е мртов“, љубовна приказна меѓу Турчин и Македонка, текст кој имаше многу напади од типот дека сум против македонската кауза. Но, се појавија неколкумина на фестивалот што застанаа зад претставата и текстот и јас ја добив наградата за најдобар текст. Фестивалот имаше голема улога во моето растење како автор – рече Дејан Дуковски, вчера на разговорот посветен во негова чест како автор во фокус на 60. МТФ „Војдан Чернодрински“ во Прилеп. Топла атмосфера, многу почит кон Дуковски можеше да се сведочи меѓу присутната публика. Пред разговорот, беше отворена изложба на 75 театарски плакати од претстави работени според драмите на Дуковски низ цел свет. Автор на изложбата е Јасмина Алексова.

-Изложбата на театарски плакати обединува две уметнички практики драмска и ликовна. И овие плакати се само дел од вкупниот број плакати па работени по претставите на Дејан. И плакатот сам по себе претставува еден вид визуелен сублимат на драмскиот текст и неговото поставување на сцена или на филмското платно. И самата улога му е да најави, да информира, да ја испровоцира публиката да го види делото – рече Алексова.

Во разговорот на Дуковски со Стојаноска, тој се потсети на неговиот учител, Горан Стефановски, за кого вели дека инсистирал да читаат драми, Шекспир… Тој ни велеше, сè е напишано во античката драма и дека ние треба да рециклираме драми, односно да ги разработуваме истите теми.

На прашањето какви искуства имал со режисерите, посебно со тие со кои работел прв пат, Дуковски истакна дека не секогаш имал среќа.

-Некогаш се случува некои претстави да бидат и подобри од самиот текст, отвориле нови нивоа, нови стојалишта. Многу пати се изгубени дури и оние основните нешта. Тоа е една од вистините кога пишуваш драма, не знаеш каков ќе биде крајниот производ на сцена. Јас секогаш ги затворам текстовите после претставите, односно после интерпретацијата на актерите. Многу пати во самиот процес некои реплики доаѓаат, па пак се прифаќаат, форма, затоа што е важно да поминат низ филтерот на актерите. Тие најдобро ги детектираат зборовите и чувствата. Драмата не е уметност на самите зборови, драмата е уметност на контекстите и на чувствата кои тие зборови ги носат во претставата – рече Дуковски.

На моите студенти кога редовно им предавам за Дуковски, им напоменувам дека постојат драмски автори коишто се еве, академски драмски автори. Главниот терет на драмата го носат актерите и начинот на кој што режисерот ќе ја направи претставата, истакна Стојаноска.

-Драмата ја гледаме и вистински ја разбираме во мигот кога ќе ја видиме на сцена. Пред десетина години напишав еден текст „Колку ме боли кога те нема“, според реплика „Маме му е… кој прв почна“, односно последната песна, во којашто цело време размислувам за сликата на љубовта во драмите на Дејан Дуковски. Кога ги гледате во претстава, тоа не е типична љубовна изјава, тоа е травестија на љубовта, едноставно излегува настрана. И токму мислам дека е тоа многу важно кога ги читаме драмите, да не го заборавиме тој контекст на сценското што го бара баш Дејан. Овој контекст важи и при пишувањето, меѓутоа и при поставувањето на претставата во оваа форма – рече Стојаноска.
Дуковски тврди дека кога репликите ќе се кажат на сцена, тие добиваат поширок контекст и значење.

Какво беше првото поставување на „Црно злато“, претстава што в петок ќе гостува на фестивалот, на затворањето и ќе биде убава прилика за македонската публика да ја види.

-Мислам дека Оливер Фрлјиќ во моментов е еден од поинтересните режисери на овие простори. Мислам дека самата претстава носи автентичен израз, прилично свеж. Претставата не е така ангажирана како што вообичаено се очекува од Фрлјиќ. Мислам дека ова е една фаза негова посмирена во драмска смисла. Фрлјиќ работи многу убаво тимски – рече Дуковски.

Актерката Катерина Коцевска го сподели впечатокот од премиерата во Белград и истакна дека публиката не поделила куртоазен аплауз, туку многу искрен. Таа истакна дека е голем потег тоа што Стојаноска годинава ја носи претставата во Прилеп.

Во однос на темата поставување и поддршка на новите текстови, Дуковски рече дека смета дека треба да се организираат повеќе драмски читања.

На прашањето дали замислувал кога бил студент дека ќе дојде ден кога неговото дело ќе биде славено на фестивалот од калибарот на „Чернодрински“, тој вели дека токму од Прилеп се лансирал како автор.

-Уште како студент учествував со „Балканот не е мртов“, љубовна приказна меѓу Турчин и Македонка, текст кој имаше многу напади од типот дека сум против македонската кауза. Но, е појавија неколкумина на фестивалот што застанаа зад претставата и текстот и јас ја добив наградата за најдобар текст – рече Дуковски.

Оливера Ќорвезироска од име на издавачот „Арс Ламина“ ги промовира двете книги драми на Дејан Дуковски, посочувајќи дека станува збор за прапромоција на делата објавени во едицијата Македонски книжевни класици. Таа направи убав пресек не само на делото и значењето на Дуковски, но и поширока компаративна анализа за македонската постмодерна на која и тој и припаѓа.

-Ова двотомно издание е значајно и јасно видливо од која точка и да се погледне. Како крупните, маркантни објекти што постојано ги гледаме, колку и да сме оддалечени од нив. Како ориентир што ни дава сигурност дека нема да се изгубиме сè додека го имаме во очите, како чувство дека сме таму каде што треба да бидеме. Значајно е за Дејан Дуковски; значајно е за едицијата и за издавачот; уште позначајно е за сите нас, зашто на едно место и со најнов авторски препрочит (што е исклучително важно и возбудливо!) имаме десет драми, сосе најновата „Црно злато (Опиум или Пари)“; а најзначајно е, сепак, за македонската драма, за македонскиот театар, за македонската книжевност и за македонскиот широк културен контекст – рече Ќорвезироска.

Драмите на Дуковски не се остров сред морето на современата македонска книжевност, туку цврсто копно втемелено заедно со другите жанрови. Тие не се ниту одделени и изолирани од современата книжевност, иако лично сметам дека премалку зборуваме и се занимаваме со тоа, со единството на уметноста создадена, во нашиов случај – напишана, на македонски јазик. Новиот жанр во Македонски книжевни класици дополнително го збогати опсегот на едицијата и на тоа сме мошне горди, истакна таа.

Вчера се одржаа три тркалезни маси за претставите од официјалната програма. Се дискутираше за „Калигула“ на Кумановски, „Црнила“ на Прилепскиот и за „Челинџ“ на Театарот за деца и младинци од Скопје.

„Калигула“ е претстава со голем ансамбл, сложена физичка акција, авторска музика, видеоматеријали и амбициозна режисерска концепција. Историскиот Калигула е само маска зад која се отвора едно од најрадикалните прашања на модерната филозофија: што се случува кога човекот ќе ја истурка идејата за слободата до нејзините крајни последици? Вака модераторот, театарскиот критичар Звонко Димоски ги започна разговорите на тркалезната маса за претставата во официјалната конкуренија, „Калигула“ по текст на Албер Ками, во режија на Ѓорѓи Ризески, а во изведба на ансамблот на Кумановскиот театар.

-Апсурдот треба да се оправда, те предизвикува да одговориш на повеќе прашања и откако ќе стигнат одговорите, на секој начин апсурдот станува логичен. Во претставата се соочивме со темите што во себе ги носи Калигула. Ние не бегаме од реалноста. „Калигула“ е современ во таа форма, имајќи го предвид насилството во светот. Театарот треба да укаже на проблемите во светот, рече режисерот Ризески.

Марко Трајковиќ, кој со режисерот Ризески веќе неколку години посакувал „Калигула“ да се најде на сцената, а го толкува ликот на Калигула, конкретно посочи кога целосно го сфатил и прифатил ликот.

-Тоа беше кога Калигула зборува за самотијата, што беше мој поттик. Сака да ги донесе луѓето околу него до нивото на болката која ја чувствува. Деловите со присуството на Друзила ми даваат порив за понатаму, објасни Трајковиќ кој скромно реагира и на пофалбите на остварувањето на ликот на разговорите на тркалезната маса и на бројните аплаузи и овации на публиката по одиграната претстава на сцената во Центарот за култура „Марко Цепенков“.

На театрите им се потребни продуценти. Тоа место не е предвидено, ама нивната задача е огромна, смета продуцентката на претставата Симона Тоскиќ.

-Со релативно мали средства ја завршивме претставата. Во овој проект многу верувавме. Актерите работеа со прекрасна енергија, а со режисерот дадовме интересни решенија. Во секој театар мора и е потребно да има продуцент, рече Тоскиќ.

На дискусијата за „Црнила“ беше отворено прашањето за интервенции во „Црнила“.

Водителот на тркалезната маса Милош Б. Андоновски, ја нагласи добрата актерска игра и го отвори прашањето за хиперпродукцијата на знаци, мноштвото секс сцени и зошто е присутна потребата да се мултиплицираат тие знаци. Но, со основна нитка во водењето на разговорот беше присутноста на агресивноста и нежноста на претставата.

Драматургот Лидија Митоска Ѓорѓиовска рече дека првпат работи со Дејан Пројковски, со кого на стартот почуствувала дека е на иста бранова должина.

– Тежината на задачата беше да го задржиме препознатливиот стил на Коле Чашуле, а јазикот кога е пишувана дрмата во 1960 да не звучи анахроно, туку да биде во едно денешно време, успевајќи да ги задржиме анахраизмите благодарение на актерите. Не сакав поинаку да звучи, туку современо текстот, благодарение на осетот на колегите, кои на суптилен начин го заддржаа изразот на Чашуле, а јазичните интервенции суптилно ги внесуваа – рече Лидија.

-Чашуле е генијалец, во ремарката го има тоа. Македонецот не е свесен дека и по 30, 100 години пак го бира Христов и сака да биде „онаден“. Сите не боли тоа на ист начин, сакаме да се оградиме, ама ние сме тоа. Претставата е гадна и прво требаше да го убие Македонецот во мене за да го градам ликот на Луков – рече Степанулески.

За претставата „Челинџ“ на Театар за деца и младинци, модераторот Милош Б. Андоновски прво побара присутните да ги изразат своите впечатоци и перцепции за претставата која се одигра на сцена 105. Според театролгот Ана Стојаноска, театарот треба да говори, зашто публиката тоа го бара.

-Во претставата се гледа тоа што децата, а ние не забележуваме, го гледаат, го перцепираат. Како театар правите голема работа што говорите за темите на кои ние, другите, забораваме, рече Стојаноска.

ДЕНЕС на програмата:

8.6.2026 (понеделник)
10:00 Саат-кулата
Детска зона
(поддржана од „Чекор по чекор“ и „Јавен простор“ – Прилеп)

12:00 НУЦК „Марко Цепенков“ (фоаје)
Разговори на тркалезна маса

17:00 Веган и вегетаријански ресторан/бар „Аура“
Научна трибина – „Помеѓу отворениот дијалог и удобниот молк: театарот и општеството“

19:00 Центар за култура „Марко Цепенков“
АМАДЕУС
НУ ТУРСКИ ТЕАТАР – СКОПЈЕ

Времетраење: 120 минути
Разговори на тркалезна маса за претставата „Амадеус“

21:00 Центар за култура „Марко Цепенков“ (105)
ВИЛИЦАТА НА ИБЕН БАЈЕРС
Продукција „Штрих“ – Скопје
Времетраење: 95 минути

Македонската асоцијација на издавачи (МАИ) оваа година го продолжува својот традиционален летен карван на книгата. Карванот на книгата на МАИ во 2026 година почнува од првата станица: Прилеп.

Од 8 до 11 јуни 2026, од 10 до 21.00 часот, во галеријата на НУКЦ „Марко Цепенков“ шест издавачи членки на МАИ на прилепската читателска публика ќе ѝ ги понудат своите најнови и најпопуларни изданија по саемски цени.

На карванот ќе бидат присутни: „Полица“, Издавачкиот центар „Три, „Божилак“, „Бата прес“, „Мартина“ и „Светулка“.

Во гостување во емисијата „Ноќно студио“ на “4ТВ”, министерот за култура Љутков зборуваше и за состојбата со театарот “Војдан Чернодрински” во Прилеп.

“После немилиот настан во Кочани и извршените инспекции се констатираа дотраени згради и објекти. Дел од објектите кои што не се во можност веќе да продолжат да функционираат, таков е случајот со театарот во Прилеп, кој што веќе не можеше да продолжи да функционира, бидејќи со години наназад никој не се грижел за установата. Презедовме чекори за изработка на идејно решение – проектна документација. А веќе сме и при крај, мислам дека некаде до крајот на јули месец ќе го имаме проектното решение за реконструкција на народниот театар “Војдан Чернодрински”, и после ребалансот на буџетот, планираме да започнеме со реализација на тој проект”, рече Љутков.

Инаку, театарските игри “Војдан Чернодрински” во Прилеп, годинава бележат значаен јубилеј – 60 години постоење, и навистина е иронија, најтеатарскиот град во државата со најстар театарски фестивал, да дочекува бројни делегации, а притоа да нема театар.

Ветувањето за реконструкција на прилепскиот театар е новина која произлезе годинава, претходните ветувања беа дека ќе се изгради целосно нов театар во склоп на Центарот за култура “Марко Цепенков”.

НУ Народен Театар Битола учествуваше на официјалната прес-конференција во рамките на Меѓународниот фестивал Бабел Фаст во Трговиште, Романија. На прес-конференцијата, покрај директорот на НУ Народен Театар Битола, Васко Мавровски, присуствуваа и директорот на Театарот „Тони Буландра“ од Трговиште и директор на Бабел Фаст фестивалот Мек Ранин, како и уметничкиот директор на фестивалот Бабел Фаст, Ливиу Келоју. Во своето обраќање, директорот на Битолскиот театар го претстави НУ Народен Театар Битола и ја истакна честа и задоволството што оваа институција за прв пат е дел од еден од најзначајните и најреномирани меѓународни театарски фестивали во регионот и пошироко.

Посебен момент на денешната средба беше официјалната најава за формирање на Балканска асоцијација на театри и фестивали – значајна иницијатива која има за цел продлабочување на културната соработка, размена на искуства и заеднички развој на театарската уметност во регионот.

НУ Народен Театар Битола ќе биде меѓу основачите, потписниците и членови на оваа асоцијација и со тоа продолжува да ги гради своите меѓународни партнерства и да биде активен промотор на македонската театарска уметност пред светската публика.

Во рамките на фестивалот НТБ учествува со претставата „Ричард трети“ од Вилијам Шескпир во режија на Мартин Мирчевски со што уште еднаш го потврдува високото уметничко ниво на македонскиот театар и достојно претставување на Битола и Република Македонија на меѓународната сцена.

За православните христијански верници кои се водат според Јулијанскиот календар денеска почнува Петровденскиот пост во чест на светите апостоли Петар и Павле и му претходи на празникот Петровден, кој секогаш се одбележува на 12 јули.

Должината на Петровденскиот пост зависи од празникот Велигден. Овој пост, еден од четирите повеќедневни пости во текот на годината (Велигденски, Петровденски, Богородичен, Божикен), започнува од првата недела по Педесетница (Духовден), а бидејќи овој празник е со непостојан датум и зависи од Велигден, така и Петровденскиот пост трае различно. Некогаш шест недели, а некогаш само една недела и еден ден.

Целта на постот е да се исчистат духот и телото, што се постигнува не само со воздржување од мрсна храна, туку и од лоши мисли, зборови и дела. Телесниот пост подразбира воздржување од храна од животинско потекло, што значи од трпезата се тргаат месото, млечните производи и јајцата.

Поважниот пост – духовниот, според Православната црква, подразбира одрекување од секое зло и грев, воздржување од лоши помисли, зборови и дела, покајание и безрезервна љубов кон Бога и кон луѓето.

За Петровденскиот пост

Овој пост својот корен го има во древните времиња на Црквата. По сè изгледа тој првично претставувал пост за оние кои од некаква причина (на пр. патување) не постеле за Пасха, па затоа овој пост бил еден вид компезација за пропуштениот подвиг. Во Апостолските правила стои: „По неа (Педесетницата) празнувајте една седмица, па потоа постете, бидејќи е справедливо и да се веселите заради дарот Божји, но и да постите по олабавувањето“ (V,20). Според ова, овој пост во себе ја содржи идејата на засилување на подвигот по празничниот пасхален период, кога сме се опуштиле со храната.

Овој пост се утврдува кога во 4 век, од страна на светиот рамноапостолен Константин Велики, биле подигнати храмови во чест на светите првоврховни апостоли Петар и Павле во Константинопол и Рим. Осветувањето на константинополскиот храм се случило на денот кога се празнува споменот на овие апостоли и оттогаш овој ден почнал да се одбележува особено торжествено како на Исток, така и на Запад.

Почетокот на Петровденскиот пост е подвижен и зависи од празнувањето на Пасха (Велигден), а завршува со празникот на светите апостоли Петар и Павле (29 јуни/12 јули по нов стил).

Според прописите на Црквата, надворешната форма на овој пост, за разлика од Великиот, е поблага: (понеделник)[1], среда и петок е строг пост, во останатите денови е благословено да се јаде масло, а за викенди (сабота и недела) се дозволува и употреба на риба (можеби, како што велат некои, бидејќи апостолите биле рибари?); ако се падне празник во делничните денови се случува ублажување на постот за еден степен (ако е строг – се дозволува масло, ако е со масло – се дозволува риба); на Иванден (Раѓањето на св. Јован Крстител – 07.07.) се јаде риба, без разлика во кој ден и да се падне; ако има семејна слава, тогаш се разрешува употреба на масло, вино (=алкохол) и риба, во кој било ден и да се падне. Секако, со благослов на духовникот, ова правило може да се прилагоди (ублажи) во конкретни случаи.

Светите апостоли Петар и Павле биле толку различни: Петар бил необразован и сиромашен рибар, Павле бил син на богати и благородни родители, римски граѓанин со извонредно образование; Петар, маловерниот, трипати се одрекол од Христа, но горко се покајал и станал камен и основа на Црквата, Павле, најголемиот непријател на христијаните, кој жестоко се противел на Христа, подоцна станува најплодоносниот мисионер на Евангелието. Вдахновениот простак и избезумениот оратор, Петар и Павле, ја олицетворуваат духовната крепост и разум – двата најнеопходни мисионерски квалитета.

Овој пост веќе се исполнува во спомен и подражавање на светите апостоли, кои постеле пред да тргнат да го проповедаат Евангелието (Дела 13,3) и затоа тој има и мисионерска димензија.

Како правилно да постиме во Петровденскиот пост?

Подвигот на Петровденскиот пост не е толку строг, како Четириесетницата (Велигденскиот пост) за време на Петровиот пост уставот на Црквата претпишува – во среда и петок – да се воздржуваме од елеј. Во саботите и неделите од постот, а исто и во деновите кога се празнува споменот на некој светител или храмов празник, се разрешува на риба и вино.

…како да постиме? Сетилниот пост од храна не можеме да го запазиме, како што го пазеле нашите отци и учители, но дури и да го запазевме, каква полза ќе имаме без духовниот пост, за кого Црквата ни вели: „да постиме со пост духовен, благопријатен на Господа“ и т.н. (стихири од Триодот). И така, треба да се трудиме, спомнувајќи си за нашите гревови: најпрвин, да имаме „срце скрушено и смирено“ (Пс. 50, 19), да не обрнуваме внимание на туѓите недостатоци и да не ги судиме другите, туку повеќе да внимаваме на своите страсти и да не допуштаме истите да преминат во дело (Преподобен Макариј Оптински)

трогиот пост во понеделник, како и воопшто постот во понеделник, е монашка традиција која постои од времињата на древните византиски манастири. Освен средата и петокот, монаштвото почнало да пости во понеделник, кој во богослужението на Православната црква е посветен на ангелите. Монашкиот начин на живот претставува ангелски начин (образ) на живеење, уподобување на бесплотните сили. Бидејќи традицијата на пост во понеделник е монашка, таа не би требало да биде задолжителна за сите православни христијани, како што и е обичај во многу црковни јурисдикции низ светот.

Извор: МПЦ-ОА/МИА

Од 05 до 06 јуни 2026 година во хотелот Плаза во Тирана, Албанија се одржа 78-то Генерално изборно собрание на Европската Боксерска Унија.

Про Бокс Македонија учествуваше со двајца делегати, претседателката Весна Чатлеска и генералниот менаџер Дарко Чатлески, кои активно учествуваа во работата на собранието, дискусиите и изборните процеси.

Во рамките на конгресот беа одржани избори за претседател и членови на управниот одбор на Е.Б.У. За претседател беше реизбран господинот Петер Штуцки од Швајцарија. Особено значење за земјите од Балканот е што за прв пат претстаник од Србија Г-ѓа Лена Зечевиќ беше избрана за член на управниот одбор.

Посебен акцент на состанокот беше ставен на медицинските прегледи, здравствената заштита и системот на суспензии, со цел дополнително унапредување на безбедносните стандарди на боксерите во професионалниот бокс.

Претставничката на boxrec.com , ја презентираше актуелната состојба и идните насоки за развој на светската боксерска база на податоци, при што беа разгледани можностите за понатамошно унапредување на системот и неговата примена во професионалниот бокс.

Во одделни работни разговори со претставничката на boxrec.com беа дефинирани условите за воспоставување на професионален појас за професионален шампион на Македонија, со цел дополнително зајакнување на системот на професионалниот бокс и создавање нови можности за домашните боксери.

На 04.06.2026 во 17:40 на булевар „Гоце Делчев“ во Прилеп, полициски службеници од ОВР Прилеп го лишија од слобода Ф.Ц.(31) од с.Голем Радобил, прилепско. При контрола во сообраќајот, полициските службеници сопреле возило „фолксваген голф“ со прилепски регистарски ознаки, управувано од Ф.Ц., при што било констатирано дека го управувал без да поседува возачка дозвола.

Истиот ден во 20:30 часот во с.Богдани, прилепско, полициски службеници од полициско одделение Кривогаштани го лишија од слобода Е.У.(35) од с.Пресил, крушевско. При контрола во сообраќајот, полициските службеници сопреле возило „фолксваген голф“ со крушевски регистарски ознаки, управувано од Е.У., при што било констатирано дека го управувал возилото без да поседува возачка дозвола. По целосно документирање на случајот ќе следува соодветна пријава.

Во 22:40 часот на ул. „Кузман Јосифовски“ во Прилеп, полициски службеници од ОВР Прилеп го лишија од слобода М.Ч.(21) од Прилеп. При контрола во сообраќајот, полициските службеници сопреле мопед со прилепски регистарски ознаки, управуван од М.Ч., при што било констатирано дека го управувал мопедот без да поседува возачка дозвола.

По целосно документирање на случаите ќе следуваат соодветни пријави.

Дејан Дуковски, автор во фокус на 60. јубилејно издание на фестивалот, ќе биде во фокус на програмата на фестивалот денеска. Програмата во негова чест ќе започне во 18 часот во Центарот за култура „Марко Цепенков“ во Прилеп, со краток настап на студенти на ФДУ, кои работеа со режисерката Шенај Мандак. Ќе следува отворање на изложба на постери од претстави поставени според драмските текстови на Дуковски по цел свет. Авторка на изложбата е Јасмина Алексова.

Веднаш потоа ќе следува промоција на двете книги со драми на Дуковски, во издание на „Арс Ламина“. Ќе се обратат уредничката на книгите, Оливера Ќорвезироска и Ана Стојаноска, уметнички директор на фестивалот и авторка на поговорот.

Изданијата, насловени „ДРАМИ – Книга 1“ и „ДРАМИ – Книга 2“, се објавени во рамките на едицијата „Македонски книжевни класици“, под импринтот „Арс Либрис“. Во првата книга се застапени драмите: „Балканот не е мртов“, „Буре барут“, „Маме му ебам кој прв почна“, „Другата страна“ и „Празен град“. Во неа има и впечатлив предговор од Слободан Унковски, нашиот истакнат режисер, кој тесно соработува со Дуковски уште од неговите почетоци.

Втората книга ги содржи: „Утерус“, „Изгубени Германци“, „Дух кој оди“, „Последниот балкански вампир“ и „Црно злато (Опиум или Пари)“ – најновиот драмски текст на Дуковски, кој годинава ја имаше својата праизведба во Белград, а до крајот на годинава ќе биде поставен и на сцената на Македонскиот народен театар во Скопје.

Двете книги „Драми“ претставуваат значаен придонес за македонската книжевна и театарска сцена – можност новите генерации да го откријат, а постарите читатели одново да му се навратат на еден од најмоќните драмски гласови кај нас.

Вечерва на програмата се две претстави од официјалната програма – „Чечинџ“ на Јане Спасиќ, на Театар за деца и младинци во 19 часот на сцената 105. Во претставата играат: Никола Наковски, Ангела Димитрова, Бојан Кирковски, Матеа Јанковска, Ненад Митевски и др.

Во 21 часот ќе следува „Случајната смрт на еден анархист“ од Дарио Фо, во режија на Ивана Ангеловска, на Штипскиот театар. Играат: Ефтим Трајчов-Ѓаурски, Милорад Ангелов, Марија Минчева Андонов, Никола Кузелов, Стефанија Митовска и Ава Хусеини.

Вчера започна и пичинг-форумот „Драмолетање 2.0.“, како простор за афирмација на нови автори и современи драмски текстови, посветен на развивање на македонската современа драма и поврзување на авторите со театарските институции и продукции. Авторите Катерина Момева (текст „Сингл“), Габриела Стојаноска Станоеска („Трудници“) и Мартин Миљев („Летај Исак, не застанувај“) на првиот ден од работилницата, заедно со продуцентот Петар Антевски учеа како да го презентираат својот драмски текст пред продуцентите, режисерите.

Во воведното обраќање Ана Стојаноска, уметнички директор на Фестивалот, која и самата пишува драмски текстови, изрази лично жалење што не може да учествува на конкурсот за драмски текстови „Драмолетење 2.0“, но истакна дека е многу важно што има нови гласови кои никако да стигнат до театарската сцена.

– На студентите во четврта година им задавам задача да истражуваат и да бараат нови автори. Се надевам со прилепскиот инает и упорност на сите дека ќе стигнеме до авторот и ќе се оствари патот – рече Стојаноска.
Петар Антевски, на работилницата откри како тој ги претставува драмските текстови, односно кој шаблон го користи, дека е најважно на кус начин да се стигне до „слушателите“ на драмскиот текст.

– Се започнува со „кука“ односно со јадица, а тоа е еден интересен дел да го привлече потенцијалниот продуцент или режисер – рече Антевски, потоа објаснувајќи дека на „слушателот, после куката му се дава административната лична карта на драмскиот текст. Низ четири одговори – како се вика драмскиот текст, за што се зборува во текстот, што е по форма и основната тема, треба да се објасни во една реченица. После ова, според него, следи срцето на приказната, а откако ќе се зададе темата, се презентира конфликтот односно заплетот. Слушателот сака кусо и со една реченица да биде заинтригиран.

Фестивалот и годинава ги става во фокус Прилеп и неговите театарски вредни уметнцици. Вчера беа отворени две изложби посветени на актерите Лидија Иваноска, Трајче Иваноски и Благоја Ивчески, актер и режисер.

Фотографии, лични работи, исечоци од написи во весници се дел од интимните изложби што се поставени во „Тротоар“ и во „Лувр“ за време на фестивалот. Членовите на семејствата на овие уметници изразија благодарност до фестивалот за укажаното внимание. Актерот Ивчески, видно емотивен рече дека и е среќен за ова внимание, но и тажен зошто дочекал на 60 години од фестивалот да има клуч на вратата на Театарот „Војдан Чернодрински“.

Вчера се одржа и првата тркалезна маса на претставите од официјалната програма. За претставата „Мачкина глава“ од Венко Андоновски, во режија на Дејан Пројковски, на Драмски театар, зборуваа актерите Александар Степанулески, Филип Трајковиќ и Златко Митрески. Тие се осврнаа на предизвикот да се игра по нов текст чија база се наоѓа во култниот „Диво месо“ и претставува еден вид коментар на времето денес. Модераторот Звонко Димоски направи одличен пресек на претставата, посочувајќи ги најважните места во неа. Степанулески истакна дека се труделе да избегаат од „Диво месо“ во градењето на ликовите.

Во однос на темите, денеска еден автор има поголем предизвик кој проблем да не го опфати во текстот, додека во „Диво месо“ се гледаат многу помалку проблеми од времето во кое е создадена.

-Живееме во паралелни светови. И се што е банално и делува нереално, е всушност реалност. Затоа и претставата лесно допира до публиката. Живееме во ремек-недело на живеење – рече Степанулески и додаде дека соочувањето со себе е една од најважните линии во оваа претстава.

Филип Трајковиќ посочи дека тоа што и приватно се познаваат актерите дека им помогнало многу во процесот на создавање на ликовите. Прикажале едно семејство кое може да биде кое било. Ликовите покажуваат дека сите ние како да сме еден ист лик од едно семејство и кај секого на различен начин се има порив за борба.

Златко Митрески кој е чиновник во претставата истакна дека низ неговиот лик се гледа системот што го имаме денес, невозможноста лесно да е заврши одредена админситративна работа без компликации.

Покровители на 60. МТФ „Војдан Чернодрински“ – Прилеп се Министерство за култура и туризам на РСМ и Општина Прилеп. Спонзори се: Комфи Ангел, Прилепска пиварница, Витаминка, Пакомак, продукциски партнери – Микросам, Кули, поддржувачи: Комерцијална банка, Стопанска банка, МАКЕДОНИЈА осигурување АД Скопје – Виена Иншуренс Груп.

Официјална вода на фестивалот е „Ладна“ (Магрони ДОО, Скопје). Соработници: Јавен Простор Прилеп, НУЦК „Марко Цепенков“ – Прилеп, Градска библиотека „Борка Талески“, Умно.мк, Урбан Ера, Стопанска комора на Северна Македонија – Прилеп, Биткрафт.

Медиумски покровители: МТВ, Телма, МИА, Слободен печат, Портрет, Култура 24 Нова Македонија, Cultural Chat, Екран, Вечер, Радио Холидеј, Jazz FM, Okno.mk, Независен, Лице в лице, Република, Деница, Инфо компас, Е-Магазин, Канал 77, Музика 24, Радио Пела, Маркукуле, Текст.мк, Сакам да кажам, ОТВ.мк, ОРО Радио, Зенит, Публикум и др.

Пријатели на фестивалот: Смарт Ливинг, Складиште, Кафе-книжарница Долапче, Аrt Café – Aporea, Веган и Вегетаријански Ресторан/Бар АУРА, Клуб Калинка, Кафе-бар Тротоар, Кафе-бар Чоше, Кафе-галерија Лувр, Бар/ресторан/клуб Брос бургер, Гастробар Монарка, ONE BITE бургери, Ресторан Кај Џоки, Пекара Алекс, Пекара Калимеро, Ресторан „Македонска куќа Лаки“, My Moon Cafe, Клуб Дипломатик.