Во Прилеп започнува да се гради една нова хумана приказна, поттикната од желбата лицата со малигни заболувања и нивните семејства да не се чувствуваат сами во периодот кога им е најпотребна поддршка. Станува збор за организацијата „Glue“, чија цел е да придонесе кон поквалитетен живот на овие лица, преку помош, информации, достапни услуги и полесно справување со предизвиците што ги носи болеста.

Визијата на организацијата е да создаде систем на поддршка кој ќе ги опфати различните потреби на пациентите – од моментот на дознавање на дијагнозата, па сè до почетокот и текот на понатамошното лекување.

За почеток, активностите ќе се одвиваат во Прилеп, каде што е предвидено отворање на посебно катче за поддршка на лицата со малигни заболувања. Идејата е на едно место да се обезбедат различни лекови, препарати и други средства што пациентите често ги бараат во различни градови и држави, а кои не секогаш им се лесно достапни.

Покрај тоа, организацијата планира да обезбеди и психолошка поддршка преку група психолози, како и советување за исхрана со помош на нутриционисти. Предвидена е и помош при организирање превоз до Скопје, како и обезбедување информации и поддршка за пациентите полесно да се снајдат во процесот на лекување и да ги остварат потребните контакти со здравствените установи и онколозите.

Во рамките на катчето се планира да има и перики, турбани и различни помагала што би им биле потребни на лицата кои се соочуваат со последиците од лекувањето.

Од организацијата посочуваат дека лековите и услугите ќе бидат бесплатни за лицата кои не можат самостојно да си ги дозволат, а средствата за нивно обезбедување ќе се собираат преку хуманитарни забави и други настани.

Првата хуманитарна забава на 19 септември во „Империја“

Почетокот на оваа иницијатива е предвиден за 19 септември 2026 година (сабота), кога во ресторанот „Империја“, на патот Прилеп–Македонски Брод, кај Новоселани, ќе се одржи првата хуманитарна забава во организација на „Glue“.

Настанот е замислен како прво издание на „Конкурент Party – Glue org.“, со кој се испраќа порака дека и покрај конкуренцијата, локалните бизниси можат заеднички да се забавуваат, да се дружат и да придонесат за една хумана цел.

На првата забава се поканети управителите и персоналот од маалските кафулиња во Прилеп, но добредојдени се и сите хумани луѓе кои сакаат да бидат дел од оваа иницијатива.

За музичкиот дел ќе се погрижи Викторија Ефтимова со нејзиниот бенд, додека за гастрономското искуство ќе биде задолжен кетерингот „Мерак“. По забавата е предвиден и after party со DJ, чие име организаторите го чуваат како изненадување.

📅 Датум: 19.09.2026 (сабота)
🕗 Почеток: 20:00 часот
📍 Локација: Ресторан „Империја“, патот Прилеп–Македонски Брод, кај Новоселани
🎟️ Карта: 1.000 денари
🍽️ Во цената: Храна и еден аперитив
📞 Резервации: 075 357 992

На менито на кетерингот „Мерак“ се предвидени Цезар и шопска салата, похована даска со кашкавал, пирошки, пилешки прсти и зденки, ребро во рерна, кременадли во BBQ сос, пилешко во сос и десерт.

Организаторите најавуваат дека ова е само почеток на низа хуманитарни забави, но и културно-уметнички собири, преку кои ќе се обезбедуваат средства за функционирање на организацијата и помош за лицата на кои им е најпотребна.

На 19 септември, во ресторанот „Империја“, не се поставуваат само темелите на една организација, туку и на една заедничка идеја – дека со добра организација, солидарност и човечност, можеме да направиме многу за оние кои се соочуваат со тешки животни предизвици.

Денес е еден од “најславните” датуми во историјата на Македонија, за жал граѓаните го паметат по најголемите лаги во историјата на независна Македонија.

Еве како тогашниот лидер на СДСМ, а подоцна и Претседател на државата, Бранко Црвенковски, со огромни ветувања ги убедуваше прилепчани и сите во државата дека од 15-ти септември нема да има ниту едно семејство без еден вработен.

Во позадина на сцената стои и поранешниот премиер на државата, Зоран Заев.

Во рамки на посетата, заедно со претставници од повеќе институции ќе се реализираат работни средби со високи претставници од релевантните институции во Република Словенија во однос на законската рамка, институционалните практики и примената на правото на Европската Унија во областа на трудот, миграцијата и трудовата мобилност.

Во рамки на престојот ќе бидат посетени и реализирани средби со високи претставници на Министерството за економија, труд и спорт, Агенцијата за вработување на Словенија, Министерството за внатрешни и јавни работи, како и Канцеларијата за поддршка и интеграција на мигранти, каде ќе се презентираат искуствата на Република Словенија во примената на релевантното законодавство на Европската Унија и практичното спроведување на политиките во оваа област.

Целта на студиската посета е размена на искуства кои ќе дадат придонес во унапредувањето на политиките и институционалната рамка во областа на трудот и трудовата мобилност, во согласност со европските стандарди.

Студиската посета е организирана од страна на Меѓународната организација за миграции (ИОМ), во рамки на проектите „Искористување на потенцијалот на дијаспората за напредување во пристапувањето кон Европската Унија и мобилноста на работната сила во Западен Балкан“ и „Регионалната програма за управување со миграцијата (RMGP) – фокус на Западен Балкан и Република Турција“.

Премиерот Христијан Мицкоски денеска, со владина делегација заминува во посета на Соединетите Американски Држави (САД). Предвидено е да има средби во Сенатот, Конгресот и Стејт департментот, со претставници на финансиската институција DFC, со државници и со влијателни тинк-тенк организации.

Мицкоски ќе престојува во Вашингтон, но ќе учествува и на годинешното собрание на Обединетите нации во Њујорк. Како што информира синоќа, засега нема во план средба со бугарската делегација.

– Во Њујорк, на маргините на годинешното Генерално собрание на ОН, ќе се сретнам со голем број државници. Имаме веќе потврдени средби. Во принцип се ориентиравме на соседството, се разбира, тука е оној прием, нормално, од страна на претседателот на Соединетите Американски Држави. Ќе се обидеме да имаме билатерални средби и со земји од Заливот, каде што цениме дека треба да градиме добри и солидни партнерски врски. Инаку, што се однесува на состанок со бугарската делегација, до овој момент немаме во план таква средба, напомена премиерот.

Во врска со средбата на лидери од Западен Балкан што за време на генералните собранија вообичаено ја организира делегацијата на Европската Унија во Њујорк, Мицкоски, за условите на Бугарија за промена на Уставот и за позицијата на Македонија за гаранциите повтори дека оваа Влада води јасна политика без да прави какви било естрадни потези.

-Ние ставовите не ги менуваме инстант или преку ноќ, зашто кога градиме став, тоа е процес што долго трае. Антиципираме сè што можеме во тој момент, така што нашите ставови се повеќеслојни, не се ставови што ад-хок ги градиме, па по потреба ги менуваме. Не правиме такви естрадни потези, водиме јасна политика која нуди гаранции на подолг рок. Тоа е стратегијата што ја има оваа Влада. Инаку, таков, да, состанок е потврден. Кој ќе присуствува – во зависност од нивото – дали јас или министерот за надворешни работи, доколку е шефови на држави или претседатели на влади, се разбира дека ќе бидам јас, доколку нивото е на ниво на министри за надворешни работи, тогаш министерот за надворешни работи ќе биде, рече Мицкоски.

Барате работници? Сакате да продадете недвижност? Имате простор што сакате да го издадете? Маркукуле ви помага полесно да стигнете до вистинските луѓе!

Вашиот оглас може да стигне до голема и активна публика!

🔹 Најдете работници – огласете ја вашата потреба од работен кадар,

🔹 Продадете недвижност – стан, куќа, земјиште или друг имот,

🔹 Издајте простор – деловен или станбен простор под кирија,

🔹 Купете, продадете или изнајмете – објавете што барате или што нудите.

Зошто да огласувате преку Маркукуле?

Затоа што вашиот оглас заслужува да стигне до што е можно повеќе потенцијални заинтересирани. Со голема и активна публика, Маркукуле ви овозможува брзо и едноставно да ја претставите вашата понуда или потреба пред луѓето.

Најлесно, најбрзо, до голема публика!

Вашиот оглас може да биде првиот чекор до нов работник, купувач, закупец или успешен договор.

📩 Огласите испраќајте ги на [email protected] или во порака на нашата Фејсбук фан страна: Маркукуле.мк

Побарајте нè да се договориме!

🤝 Маркукуле – вашиот портал, ваш партнер!

14 септември 2000 година и ден денеска е еден од најголемите датуми кога фудбалот во Прилеп е во прашање.

Во рамките на првото коло од Купот на УЕФА, Победа се соочи со ѕвездениот тим на калчолигашот Парма. Иако црвено-белите беа поразени во двата дуели, љубителите на фудбалот и денес се сеќаваат кој се гостуваше тогаш во Македонија.

Во редовите на Парма тогаш беа: Џиџи Буфон, Фабио Канаваро, Лилијан Турам, Серџо Консисао, Аморосо, Саво Милошевиќ, Жуниор и Марко Ди Вајо.

Оваа ѕвездена екипа против себе го имаше тимот кој на Прилеп му го донесе првиот трофеј во натпреварувачката 2000/2001 година освојувајќи го Купот на Македонија.

Во редовите на црвено-белите тогаш беа: Боби Тенев, Панче Ќумбев, Игор Николаевски, Благојче Нацев, Жилсон, Раде Каранфиловски, Панче Ристовски, Тони Наумоски, Николче Здравески, Дарко Диниќ, Сашко Крстев, Тони Мегленски, Горанчо Тодоровски и Влатко Стојчевски.

Натпреварот кој тогаш се одигра на Градски стадион во Скопје пред 9.500 публика, заврши со триумф на Италијанците од 0:2.

Стрелци на головите беа: Серџо Консисао во 23-та минута и Марко Ди Вајо во 74-та.

Парма на својата официјална Фејсбук страна денеска потсети на дуелот против прилепчани, а во преден план на фотографијата се легендата на ФК Победа и македонскиот фудбал, Панче Ќумбев со Саво Милошевиќ.

Како ли само моќно изгледале “Мајмуните”… морници по цела кожа….

Штипската телевизија МНЕТ објавува анкета во која младите Штипјани се прашани што се слави на 8 Септември.

Простор за надеж се уште има, но има и сериозна причина за загриженост.

Министерството за енергетика, рударство и минерални суровини го продолжува процесот за целосна институционална заштита, уредување и афирмација на македонскиот рубин.

Во Министерството денеска се одржа работна средба на министерката за енергетика, рударство и минерални суровини Сања Божиновска со новоформираната Комисија за македонскиот рубин, претставници на Државниот завод за индустриска сопственост, претставници од надлежните сектори за геологија и рударство во Министерството и директорот на Геолошкиот завод, Ивица Андов, институцијата под чија стручна надлежност ќе функционира Комисијата.

Формирањето на Комисијата претставува нова фаза во процесот што започна со институционалното признавање и заштита на македонскиот рубин. Целта е заштитата да не остане само на ниво на правен статус, туку да се воспостави целосен и функционален систем со кој ќе се знае што се ископува, кој има право да го произведува и обработува, од каде потекнува рубинот и под кои услови може да се пласира на пазарот, регулирано со правилникот кој го донесе комисијата.

На работната средба беа дефинирани првичните приоритети на Комисијата, меѓу кои се:

-воспоставување систем за сертифицирање на македонскиот рубин;
-подготовка на каталог и регистар на овластени производители и обработувачи;
-воспоставување механизам за евиденција на количините и движењето на рубинот;
-гарантирање на автентичното потекло и следливоста на рубинот;
-утврдување стандарди за неговата обработка, презентација и означување;
-спречување на злоупотреби и лажно претставување на други минерали како македонски рубин;
-системско поврзување на геолошката, рударската и индустриско-правната заштита;
-подготовка на активности за меѓународна афирмација и признавање на македонскиот рубин.

„Со заштитата на македонскиот рубин направивме историски чекор, но со тоа работата не завршува. Напротив, сега започнува следната, многу важна фаза – да воспоставиме систем кој ќе гарантира дека кога некој ќе купи македонски рубин, навистина знае дека станува збор за рубин со потекло од Македонија, кој е сертифициран, евидентиран и заштитен. Нашата цел е од природно богатство да создадеме препознатлива национална вредност и бренд со јасни правила и стандарди“, истакна министерката за енергетика, рударство и минерални суровини Сања Божиновска.

Особено значајна е соработката со Државниот завод за индустриска сопственост, кој е надлежен за системот на индустриска сопственост и има надлежности поврзани со географските називи и меѓународната соработка во областа на индустриската сопственост.

Со вклучувањето на ДЗИС, Геолошкиот завод и стручните служби на Министерството се воспоставува институционален механизам кој треба да ги поврзе геолошката експертиза, рударската регулатива и правната заштита, со крајна цел македонскиот рубин да добие јасно дефиниран статус, препознатливост и контролиран пазарен настап.

Паралелно со воспоставувањето на домашниот систем на сертификација и следливост, започнат е и процесот за меѓународна афирмација на македонскиот рубин, со амбиција неговата автентичност и потекло да бидат препознатливи и надвор од земјата.

„Македонскиот рубин не треба да биде само минерал кој го знаеме ние. Треба да стане препознатливо име поврзано со Македонија. Затоа работиме на систем кој ќе овозможи неговата вредност да се гради на автентичност, потекло, квалитет и доверба. Само така можеме да создадеме производ кој има и економска и национална вредност“, посочи Божиновска.

Македонскиот рубин е геолошки уникат, познат по специфичната малиново-розева боја, поврзана со присуството на хром во неговата кристална структура. Неговата појава во регионот на Прилеп и Мариово му дава посебна геолошка и препознатлива вредност, а неговата заштита отвора можност за создавање нова додадена вредност преку контролирано искористување, сертификација, брендирање и промоција.

Министерството за енергетика, рударство и минерални суровини, заедно со Геолошкиот завод и Државниот завод за индустриска сопственост, продолжува со реализација на конкретните активности на Комисијата.

Целта е јасна – македонскиот рубин да има свој систем, свој стандард и гарантирано потекло, а Македонија да го препознае и заштити она што природата ѝ го дала како уникатно богатство.

-На 13.09.2026 во 01.00 часот во ОВР-Прилеп, 22-годишна прилепчанка пријави дека во семејниот дом во Прилеп била физички нападната од нејзиниот татко У.О., кој употребил и дрвен предмет. По документирање на настанот ќе следува соодветен поднесок, информираат од МВР.

Ученици од Прилеп и Кривогаштани преку уметност, ракотворби и практични активности ќе покажат како отпадот може да добие нова вредност.

Во Паркот кај Судот во Прилеп на 16 септември ќе се одржи арт хепенингот „Од отпад до нова вредност – мојата зелена приказна“, настан посветен на креативноста, рециклирањето и подигнувањето на свеста за заштита на животната средина.

Настанот го организира Здружението за образование, култура и уметност ЗОКУМ-Прилеп, во соработка со СОУ „Орде Чопела“ Прилеп, а ќе се одржи од 10:00 до 13:00 часот.

Во рамките на арт хепенингот ќе учествуваат ученици од ООУ „Блаже Конески“, ОУ „Климент Охридски“ и СОУ „Орде Чопела“ од Прилеп, како и ученици од училиштето „Манчу Матак“ од Кривогаштани. На настанот се очекува присуство и на претставници од невладиниот сектор, родители, наставници, стручни предавачи и организацијата People in Need.

Посетителите ќе имаат можност да разгледаат штандови со ракотворби изработени од отпад, производи создадени во рамките на проектот, зеленчук од училишната градина, биокомпост и други содржини кои го претставуваат значењето на повторната употреба на материјалите и одржливото живеење.

Преку креативните изработки и практичните примери, учениците ќе покажат дека отпадот не мора да биде само нешто што се фрла, туку може да се претвори во корисен, убав и вреден производ. На тој начин, уметноста станува средство за промовирање на еколошките навики и одговорниот однос кон природата.

Арт хепенингот е проектна активност во рамките на проектот „Млади за зелена транзиција – од урбана градина до екопроизвод“, кој го спроведува People in Need, со поддршка од Европската Унија.

Организаторите упатуваат покана до граѓаните да го посетат настанот и да ги поддржат младите учесници, кои преку своите идеи и изработки испраќаат порака дека зелената иднина се гради со знаење, креативност и заедничко делување.

За медиумите се предвидени изјави во 09:45 часот од претседателот на ЗОКУМ, Филип Димкоски, координаторот на проектот Ѓорѓија Гагалески и претставник од People in Need, доколку биде присутен.