Православните верници денеска, 7 август, го одбележуваат празникот посветен на Света Ана, мајката на Пресвета Богородица Марија. Во нејзина чест денеска се одржува празнична богослужба и во црквата во селото Маловишта, во близина на Битола.

Овој храм со години го посетуваат верници кои се молат за здравје, семејна среќа и потомство. Според народното предание, местото има посебно значење за брачни двојки кои имаат тешкотии да добијат деца. Сè уште се одржува и обичајот дел од верниците да преноќат во храмот во ноќта меѓу 6 и 7 август, со надеж дека ќе бидат благословени со пород.

Во близина на црквата се наоѓа и извор со вода за која локалното население верува дека има лековити својства. Според преданието, водата извира во подножјето на стара бука.

Според христијанското предание, Света Ана била сопруга на Јоаким и долго време немала деца. По повеќедеценискиот брак, во подоцнежните години го добиле најголемиот благослов – ќерката Марија, која подоцна станала Пресвета Богородица.

Преданието раскажува дека Јоаким, длабоко погоден од тоа што немал потомство, заминал во пустина каде постел и се молел. Тогаш му се јавил ангел и му соопштил дека неговите молитви ќе бидат слушнати и дека тој и Ана ќе добијат дете. Истата вест, според преданието, подоцна ја добила и Ана.

По раѓањето на Марија, Јоаким и Ана му ветиле на Бога дека својата ќерка ќе ја посветат на храмот. Света Ана се упокоила во длабока старост, по живот исполнет со вера и молитва.

Нејзиниот главен празник во православниот календар се одбележува на 9 септември, додека денешниот ден е посветен на споменот на нејзиното упокоение.

Во време кога сѐ повеќе луѓе обрнуваат внимание на квалитетот на храната што ја консумираат и производите што секојдневно ги користат, Bellina Bio Foods се издвојува како еден од лидерите во Македонија во понудата на органски, природни и еколошки производи.

Со повеќегодишно искуство и внимателно избрана понуда од светски познати брендови, Bellina им овозможува на своите купувачи да направат поздрав избор – без компромис кога станува збор за квалитетот.

Во нивната понуда можете да најдете илјадници производи, меѓу кои:

-органска и био хранa;
-производи без глутен;
-вегански и вегетаријански производи;
-природни суплементи;
-органска козметика;
-производи за нега на бебиња;
-природни средства за домаќинство

Bellina не е само продавница, туку концепт кој промовира здрав живот, одговорно купување и грижа за природата. Затоа сѐ повеќе семејства, спортисти и луѓе кои водат активен начин на живот ја избираат токму Bellina како свое место за секојдневно пазарување.

Она што ја издвојува компанијата е внимателниот избор на производители, високите стандарди за квалитет и постојаното проширување на асортиманот со современи производи кои ги следат светските трендови во здравата исхрана.

Без разлика дали сакате да воведете поздрави навики во исхраната, барате природна козметика или квалитетни производи за целото семејство, во Bellina ќе најдете сѐ на едно место.

Денес Bellina Bio Foods е препознатлив бренд не само во Македонија, туку и пошироко во регионот, со мрежа на продажни места и современа онлајн продавница која овозможува брзо и едноставно купување од удобноста на вашиот дом.

Изберете природно. Изберете квалитет. Изберете Bellina Bio Foods – затоа што здравите навики започнуваат со вистинскиот избор.

Ако барате совршено место за викенд излегување во Прилеп, AVRA – Bites & Cocktails и овој пат подготви програма која ги спојува одличната музика, уникатните коктел вкусови и препознатливата атмосфера каква што само AVRA може да понуди во градот под Марковите Кули.

Овој викенд тимот на AVRA ве кани да уживате во два одлично осмислени тематски дена, а друштво ќе ви прават коктели по промотивни цени од само 260 денари.

Петок (7 август) – AVRA Signature Cocktails & Afro Deep House

Петочната вечер од 21:00 часот е резервирана за Afro Deep House Music, совршен ритам за почеток на викендот.

Специјално за оваа вечер, AVRA ги претставува своите Signature Cocktails:

🍐 Pear Muse
🍑 Peach Please
🍒 Cherry Smoke
🥭 Mango Mirage
🍍 Afterglow

Сите коктели ќе бидат достапни по промотивна цена од 260 денари.

Сабота (8 август) – Latin Fiesta од пладне до полноќ

Во сабота AVRA се претвора во вистинска Latin Fiesta, со латински ритми кои ќе траат во текот на целиот ден и вечер.

Програмата е поделена во три сегменти:

🌴 12:00 – 16:00 | Latin Chill
🌅 16:00 – 20:00 | Latin Sunset
💃 20:00 – 01:00 | Latin Party

За атмосферата ќе се погрижат и освежителните маргарити:

🍸 Classic Margarita
🍓 Strawberry Margarita
🥭 Mango Margarita
🍍 Pineapple Margarita
💛 Passion Fruit Margarita

И тие ќе бидат достапни по промотивна цена од 260 денари.

Резервирајте навреме на телефонскиот број: 078 564 477, или пишете им во порака на ФЕЈСБУК или ИНСТАГРАМ.

Без разлика дали сакате релаксирана петочна вечер или динамична сабота, AVRA – Bites & Cocktails ветува викенд исполнет со одлична музика, врвни коктели и незаборавна атмосфера.

Овој викенд има само една адреса за добро расположение – AVRA.

Изградбата на новиот паркинг простор и реконструкцијата на улицата „Браќа Џаферови“ во Битола влегуваат во завршна фаза. Денес на локацијата беше поставен асфалт на површина од околу 1.100 квадратни метри.

Со реализацијата на проектот, градот ќе добие 25 нови паркинг места во централното градско подрачје. Покрај паркингот, предвидени се и ново улично осветлување и атмосферска канализација, со што ќе се подобри инфраструктурата и безбедноста во овој дел од градот.

За реализација на проектот, Општина Битола од сопствениот буџет издвои 2.752.772 денари.

Од Општината информираат дека паралелно се работи и на уредување на нови паркинг простори на повеќе локации низ градот, со цел да се намали недостигот од паркинг места и да се подобри сообраќајната функционалност во центарот на Битола.

Осум лица, од кои шестмина тешко, се повредени во сообраќајната несреќа која вчера утрото се случи на патот Прилеп-Битола.

Како што информира денеска МВР, во несреќата учествувале четири возила, а меѓу повредените има и четворица српски државјани.

-На 05.08.2026 во 08:57 часот во СВР Битола е пријавено дека на патот Прилеп -Битола се случила сообраќајна несреќа помеѓу патничко возило „цитроен” со српски национални ознаки, управувано од В.К.(35) од Србија, патничко возило „сеат” со пробиштипски регистарски ознаки, управувано од С.М.(41) од Пробиштип, товарно возило „фиат” со струмички регистарски ознаки, управувано од М.Т.(57) од Охрид и патничко возило „фиат” со скопски регистарски ознаки, управувано од В.П.(32) од Битола.

Во несреќата, возачите В.К., С.М. и М.К., како и М.М.(34), С.Ж.(36), М.З.(35), сите од Србија, сопатници од возилото „цитроен“, се здобиле со тешки телесни повреди, констатирани во Клиничка болница Битола. Додека, возачот В.П. и Д.А.(35) од Пробиштип, сопатник во возилото „сеат“, се здобиле со телесни повреди, констатирани, исто така, во Клиничка болница Битола, информира МВР.

Увид извршила увидна екипа на СВР Битола.

Во пресрет на новата натпреварувачка сезона 2026/27, од Општинскиот фудбалски сојуз Прилеп и новоформираниот Централен фудбалски регион 4 излегоа со јавно соопштение во кое ја изразуваат сериозната загриженост за состојбата во ФК Победа АД Прилеп.

Во соопштението се посочува дека во текот на следната недела Управниот одбор на Централниот фудбалски регион 4 треба да ја донесе конечната листа на учесници во натпреварувањето, а неизвесноста околу функционирањето на Победа, според нив, претставува сериозна причина за загриженост.

Од ОФС Прилеп нагласуваат дека би било голем срам за прилепскиот фудбал доколку клубот не го започне новото првенство, истовремено повикувајќи инвеститорите да ја разјаснат иднината на клубот или, доколку немаат јасен план, да му го препуштат раководењето на Општина Прилеп.

Во продолжение го објавуваме интегралното соопштение:

СООПШТЕНИЕ ОД ОФС ПРИЛЕП И ЦЕНТРАЛЕН ФУДБАЛСКИ РЕГИОН 4

Со новата реорганизација на ФФМ седиштето на новоформираниот Централен фудбалски регион 4 е во Прилеп.

Во текот на следната недела Управниот одбор на Регион 4 треба да ја донесе конечната листа на учесници во натпреварувањето од сезона 2026/27. Ние како ОФС Прилеп, директно засегнати за клубовите од Општина Прилеп, следејќи ја неизвесноста за понатамошно функционирање на ФК Победа АД Прилеп и како не би дошле во ситуација да ФК Победа АД не го започне натпреварувањето, би претставувало голем срам за фудбалот во Прилеп.

ФК Победа АД не заслужува неизвесност. Клуб со толкава традиција, богата историја и верни навивачи, заслужува јасно раководство, транспарентност и конкретен план за иднината. Време е зборовите на инвеститорот да се претворат во дела, во интерес на клубот, младите фудбалери и градот Прилеп. Доколку таканаречените инвеститори немаат јасен план за иднината на клубот, време е да го остават клубот под капата на Општина Прилеп и градоначалникот Дејан Проданоски.

Особено загрижува состојбата со младинските категории, кои треба да бидат темелот на секој успешен клуб. Без континуирани вложувања, квалитетна организација и долгорочна визија, тешко е да се очекува враќање на ФК Победа АД на местото што и припаѓа.

Во периодот кој следи започнуваат натпреварувањата во младинските категории, а моменталната ситуација е загрижувачка. Со право е загриженоста на родителите на децата кои тренираат во клубот, време е да знаат што понатаму, тие треба да бидат иднината на фудбалот во Прилеп, а не да играат по другите градови.

Доста со пишување и препукување, време е за конкретни чекори и дела, нема време за чекање.

Инфлацијата и цените на производите во земјава се контролираат и засега нема потреба од нови мерки. Владата ги намали акцизата и ДДВ-то на горивата. Последното зголемување на цената на дизелот е според светските берзи, а ние се фокусираме цената да остане пониска од соседните земји во Регионот, изјави Марјан Ристески, заменик министер за економија и труд.

Ристески нагласува дека за некои мерки претходно се потребни целосни анализи и вели дека Владата нема да дозволи уништување на животниот стандард и куповната моќ на граѓаните.

-Ние гледаме тоа ниво на цената на горивата да го одржиме пониско во однос на соседните држави и да не предизвикаме еден импут кој би бил галопирачки во однос на зголемувањето на цените на другите производи, конкретно, прехранбените производи. Доколку има потреба за одредени мерки, ние имаме законски можности тоа да го направиме во иднина како предлог на Министерството за економија и труд или како предлог на Владата исто како и досега што се грижевме за животниот стандард на граѓаните со одредени мерки. Но, да повторам: мерките треба добро да бидат анализирани, добро размислени, да не предизвикаат подоцна поголема инфлација или, пак, уништување на кревката македонска економија, бидејќи Владата нема да дозволи уништување на животниот стандард и куповната моќ на граѓаните, како што во блиското минато кога имавме слични светски економски кризи и имавме двоцифрена инфлација, галопирачки од на цените и комплетно уништување на животниот стандард и куповната моќ на граѓаните, изјави Ристески.

Според него, со ограничувањето на акцизите и ДДВ- то, имаме најевтини нафтени деривати во Регионот, а тоа го покажува и фактот што голем број граѓани од соседните држави купуваат гориво од Македонија. Преку овие мерки има заштеда и на транспортните трошоци кои се вкалкулираат и во цените на производите, посебно на прехранбените производи.

-И во однос на основните прехранбени производи за живот на едно просечно македонско семејство имаме најниски цени во Регионот, споредено со другите држави. На таков начин сме успеале да придонесеме за заштита на животниот стандард, иако тоа не е доволно. И понатаму ќе гледаме, преку вакви мерки, доколку има потреба, и покрај воената криза, ќе настојуваме да ги задржиме цените на горивата на најниско ниво во Регионот, а исто така, и цените на основните прехранбени производи, образложи заменик-министерот за економија и труд.

Преку Државниот пазарен инспекторат, претходната анализа на вкупно 700 производи кои беа контролирани, покажа дека нема големо зголемување на цените во овој период. Намалени се цените на сезонските земјоделски производи.

-Минималното зголемување е предизвикано од зголемените транспортни трошоци поради поскапувањето на енергијата, односно нафтените деривати или е предизвикано од зголемување на цените на суровините и репроматеријалите кои 90 прооценти се од увоз. Анализите покажуваат дека имаме и одредено намалување на цените на сезонските земјоделски производи и овошјето. Така што, засега нема потреба од посебни мерки, освен ова намалување на акцизата, а претходно на ДДВ-то на нафтените деривати со цел да ги држиме цените на едно пониско, попристапно ниво за граѓаните, а со тоа да го заштитиме и нивниот животен стандард или куповната моќ на граѓаните, посочи Ристески.

Есенва се очекуваат измените во Законот за нефер трговски практики и десеткратно зголемување на сегашните казни кои се до 20 000 евра.

-По одморот, пратениците за брзо време ќе ги добијат предлозите за измените во Законот за нефер трговски практики кои ги потготвуваме во соработка со Комисијата за заштита на конкуренцијата. Ќе бидат известени и другите институции кои се директно или индиректно инволвирани во овој Закон, а ќе прибереме мислења и од стопанските комори и сѐ ќе направиме преку овој Закон за подолгорочно стабилизирање на цените за да не дозволиме галопирачка инфлација. Една од главните цели на овој закон е да се зголемат казнените одредби. Сега, највисоката казна е до 20 000 евра, а со измените ќе биде десеткратно зголемена. Всушност, ќе има допрецизирање на договорите со одредени членови во Законот за да нема можност за манипулации, посебно од трговците и ќе биде воведена казна за добавувачите кои ја прифаќаат таквата нефер трговија. Рокот пред Нова Година е пригоден да се донесат овие измени, објасни Ристески.

Заменик претседателот на Владата и министер за транспорт, Александар Николоски, денеска присуствуваше на потпишување на Договорот за инвестициски грант преку WBIF на Европска Унија и Договорите за финансирање со Европската инвестициска банка (ЕИБ) и Европската банка за обнова и развој (ЕБОР) за реализација на третата фаза од железничката делница Крива Паланка – почеток на прекуграничен тунел со Бугарија како дел од железничкиот Коридор VIII.

На свеченото потпишување во Владата заменик-претседателот на Владата и министер за транспорт, Александар Николоски, истакна дека станува збор за еден од најзначајните инфраструктурни проекти за државата и за реализација на стратешката визија Македонија да стане клучна транспортна раскрсница на Балканот.

“Ова е исклучително значаен ден, затоа што по речиси две години работа доаѓаме до проект кој што е остварлив, кој што е реален и кој што може да биде реализиран. Не беше лесно во овие две години, беше доста предизвикувачки. Она што е особено значајно, е што успеавме да постигнеме договор со Бугарија, за изградбата на прекуграничниот железнички тунел, кој што треба да ги спои двете држави”, истакна Николоски.

Тој потсети дека договорот со Бугарија бил потпишан минатата година, а минатата недела во Софија се одржал првиот меѓуресорски и меѓувладин состанок, додека вториот се очекува до крајот на месецот во Скопје.

“Пораката таму е јасна, дека двете држави испраќаат заедничко писмо до Европската Унија, Европската банка за обнова и развој и Европската инвестициска банка, за обезбедување грант средства за изградба на прекуграничниот железнички тунел, кој што сум убеден ќе бидат поголеми од оние грант средства за кои досега се зборуваше. Тоа се средства со кои што знаеднички ќе може да се реализира овој проект”, додаде Николоски.

Во своето обраќање, министерот се заблагодари на европските финансиски институции за поддршката на проектот, посочувајќи дека Европската Унија преку рамката за Западен Балкан обезбедува грант од 149 милиони евра, додека Европската инвестициска банка и Европската банка за обнова и развој обезбедуваат по 175 милиони евра кредити.

На крајот од обраќањето, Николоски упати благодарност и до претседателот на Владата и министерката за финансии за поддршката и ангажманот во изминатите две години, оценувајќи дека со заеднички напори се создадени услови за реализација на, како што рече, најкомплексниот железнички проект што досега ќе го реализира државата.

Август со Минт Кредит: Летото сè уште има што да понуди

Летото има чудна навика да поминува побрзо отколку што очекуваме. Додека трепнеш, јули е зад нас, а календарот покажува Август. И тогаш најчесто си велиме: „Следната година ќе испланирам порано.“

Но, кој рекол дека летните приказни завршуваат со јули? Напротив, Август е месецот кога многумина ги создаваат најубавите спомени. Морето е најтопло, деновите сè уште се долги, а викендите се како создадени за нови авантури.

Без разлика дали сонувате за неколку дена покрај плажа, планинско бегство или едноставно сакате да си дозволите нешто што долго го посакувате, Август сè уште ви ја дава таа можност.

Минт Кредит (ФД Минт СН) – Не дозволувај календарот да ги одреди твоите планови

Често се случува летото да го поминеме чекајќи „подобар момент“. Плата што треба да стигне, обврски што мора да се завршат или буџет што не остава многу простор за дополнителни трошоци.

Така, деновите поминуваат, а плановите остануваат само на листа.

Но, вистината е дека најубавите моменти не доаѓаат секогаш кога сè е совршено испланирано. Понекогаш е доволна една добра одлука за конечно да си ги остварите најголемите желби.

А ако ти треба финансиска поддршка за да ги претвориш плановите во реалност, Минт Кредит (ФД Минт СН) е тука со потрошувачки кредит до 300.000 МКД, флексибилна отплата и едноставна онлајн апликација.

Август нуди повеќе отколку што мислиш со Минт Кредит (ФД Минт СН)

Многумина сметаат дека главната туристичка сезона завршува со јули, но Август има свои предности.

Тоа е период кога сè уште можеш да:

• уживаш во неколку дена на море,
• организираш семеен викенд,
• посетиш нов град,
• поминеш незаборавен ден покрај езеро,
• создадеш спомени со пријателите,
• направиш пауза од секојдневниот ритам пред да започне есента.

Всушност, токму овие спонтани одлуки често стануваат најубавите приказни што ќе ги раскажуваме долго по завршувањето на летото.

Можеби Август е вистинско време и за нешто повеќе

Летото не мора да биде резервирано само за патувања.

Можеби веќе подолго време размислуваш да купиш нов велосипед или мотор, да го освежиш домот, да инвестираш во нова техника или едноставно да си дозволиш нешто што ќе ти го направи секојдневието поудобно.

Често токму овие одлуки ги одложуваме со месеци, не затоа што не ни се важни, туку затоа што чекаме „совршен момент“.

А совршениот момент ретко доаѓа сам.

Минт Кредит (ФД Минт СН) – Кога плановите не треба да чекаат

Доколку единствената пречка е моменталниот буџет, важно е да знаеш дека постојат решенија кои ти овозможуваат да ги реализираш плановите без дополнителен финансиски притисок.

Со Минт Кредит (ФД Минт СН) можеш брзо и едноставно да аплицираш онлајн за потрошувачки кредит и да ги реализираш плановите токму кога ти одговара.

Минт Кредит нуди:

• до 300.000 МКД;
• отплата до 60 месечни рати;
• едноставна онлајн апликација;

Без непотребно чекање и комплицирани процедури, можеш да се фокусираш на она што навистина е важно – да го искористиш летото додека трае.

Најубавите спомени не се создаваат следната година

Колку пати сме си кажале: „Следното лето ќе биде подобро организирано“?

Но, вистината е дека секое лето носи свои можности. Не мора да биде совршено за да биде незаборавно. Понекогаш доволен е еден викенд, едно патување или една долго посакувана одлука за да создадеш спомени што ќе траат многу подолго од сезоната.

Не дозволувај летото да заврши со реченицата: „Ќе биде следната година.“ Август сè уште е тука. Искористи го.

За повеќе информации, јавете се на 15 007 или посетете не во една од нашите филијали ширум државата.

КУД „Мирче Ацев“ е организатор на новата културна манифестација која ќе обедини фолклорни ансамбли од Македонија и странство.

Прилеп на 14 и 15 август 2026 година ќе биде домаќин на првото издание на Меѓународниот фестивал „Итар Пејо“, нова културна манифестација која преку фолклорот, музиката и културната размена ќе ги поврзе традицијата и современиот дух.

Организатор на фестивалот е КУД „Мирче Ацев“ – Прилеп, кое стои зад идејата градот да добие нова фестивалска традиција посветена на македонското културно наследство, меѓународното пријателство и народната песна и игра.

Во текот на двата фестивалски дена посетителите ќе имаат можност да уживаат во богата програма исполнета со свечено дефиле, фестивалски концерти, креативни работилници, детски активности и други културни содржини. Настаните ќе се одржуваат во Прилеп, како и на уште една локација која организаторите најавуваат дека наскоро ќе биде откриена.

На фестивалот ќе настапат ансамбли и гости од Македонија и од повеќе странски држави, што ќе придонесе за вистинска атмосфера на културна размена и дружење.

Од КУД „Мирче Ацев“ најавуваат дека во наредните денови ќе бидат објавени и покровителите и спонзорите кои ја препознале и ја поддржале идејата за организирање на фестивалот.

Со оваа манифестација Прилеп добива уште еден значаен културен настан, кој има амбиција да прерасне во традиционален меѓународен фестивал и да стане препознатлив белег на градот.

Организаторите ги повикуваат сите љубители на фолклорот, музиката и македонската традиција да ги резервираат датумите – 14 и 15 август – и да бидат дел од првото издание на Меѓународниот фестивал „Итар Пејо“.