Променливо облачно со сончеви периоди. Од пладневните часови ќе има повремен локален дожд и услови за изолирана појава на краткотраен пороен дожд и ретки грмежи. Ќе дува слаб до умерен, а наместа во западните делови повремено засилен ветер од западен правец, соопшти УХМР.

Во Скопје, променливо облачно. Попладне во делови од котлината ќе има повремен дожд. Ќе дува слаб до умерен ветер од северен правец.

Во текот на новата седмица ќе преовладува променливо облачно и посвежо време. До среда ќе има локални врнежи од дожд.

Наместа врнежите ќе бидат пообилни и ќе има услови за изолирана појава на нестабилност со краткотраен пороен дожд, грмежи и засилен ветер.

Од четврток и во деновите потоа ќе има стабилизирање на времето.

Во време кога здравствениот систем се соочува со бројни предизвици, поединци како проф. д-р Огнен Костовски претставуваат силен потсетник дека медицината во Македонија сè уште има свои столбови на знаење, одговорност и професионализам.

Како директор на Клиниката за дигестивна хирургија при Универзитетскиот клинички центар „Мајка Тереза“ во Скопје, Костовски со години е дел од најкомплексните хируршки интервенции и медицински процеси, каде секоја одлука носи директно влијание врз човечки животи. Неговата работа се карактеризира со високо ниво на стручност, смиреност под притисок и исклучителна посветеност кон пациентите.

Областа во која делува проф. д-р Костовски важи за една од најпредизвикувачките во медицината. Дигестивната хирургија подразбира брзи, прецизни и често животоспасувачки интервенции, каде нема простор за грешки или одложувања. Токму во ваква средина, неговото долгогодишно искуство и лидерство доаѓаат до израз.

Колегите и пациентите го опишуваат како лекар кој не само што ја извршува својата работа на највисоко ниво, туку и активно придонесува во организирањето и координацијата на медицинските тимови, особено во ситуации кога е потребна итна и ефикасна реакција.

Во услови на кризи и вонредни настани, здравствениот систем е ставен на сериозен тест. Според сведоштва од медицински кругови, проф. д-р Костовски бил дел од тимовите кои носеле клучни одлуки и координирале активности во моменти кога било неопходно брзо делување, прецизна организација и максимална мобилизација на ресурси.

Таквите ситуации бараат не само медицинско знаење, туку и лидерство, присебност и способност за работа под исклучителен притисок — квалитети кои се препознаваат во неговиот професионален ангажман.

Една од основните вредности што го одликуваат неговиот пристап е еднаквиот третман на сите пациенти. Во медицината, особено во хирургијата, секој случај е подеднакво важен, без разлика на социјалниот или општествениот статус на пациентот. Овој принцип е длабоко вграден во неговата професионална практика.

Хирургијата не е само професија, туку начин на живот кој бара постојана подготвеност, издржливост и жртва. Работата без пауза, носењето тешки одлуки и справувањето со висок степен на одговорност се дел од секојдневието на лекарите од оваа област.

Проф. д-р Костовски е пример за таква посветеност, каде професионалниот интегритет и дисциплината се поставени како приоритет.

Примерот што го поставуваат искусните и посветени лекари има значајно влијание врз младите генерации. Во време кога многу медицински кадри се одлучуваат за кариера надвор од државата, ваквите личности претставуваат мотивација дека и во Македонија може да се изгради успешна и значајна медицинска кариера.

Постоењето на професионалци со ваков профил покажува дека, и покрај системските слабости, македонското здравство располага со кадар кој може да одговори на највисоките стандарди.

Проф. д-р Огнен Костовски е дел од таа генерација лекари кои не само што ја вршат својата работа, туку и придонесуваат за одржување на довербата во здравствениот систем.

-На 18.04.2026 во ОВР Прилеп е пријавено дека во нива на место викано „Горно Садово“, прилепско, се пронајдени гранати. Пиротехничар од Дирекцијата за заштита и спасување безбедно ги подигнал експлозивните направи, при што е констатирано дека се работи за две стари артилериски гранати со калибар 155 мм и 122 мм и две запалки 122 мм кои потекнуваат од Првата светска војна, информираат од МВР.

Денеска започна новата, трета по ред, сезона за одбојкари – ветерани. Првиот турнир се одржа во Гевгелија, а истоимениот тим беше домаќин.

Покрај нив, оваа година има уште шест тимови и тоа: Борец Велес, Тетово, Шкендија, Скопје, Струмица како и екипата на 11 Октомври од Прилеп.

Токму домаќинот Гевгелија играше против прилепчани и во цврста, убава игра победата ја однесе 11 Октомври од Прилеп со 2:1 во сетови.

Со тоа прилепчани ја продолжија традицијата на успешен старт, со надеж дека оваа година, како и првата, е достижен final four турнирот.

Екипата на 11 Октомври на денешниот натправар ја претставуваа : Жарко Илиески, Теодор Ангелески, Димитар Стрезоски, Мартин Наумоски, Илија Милошевски, Александар Савиноски, Орде Цветаноски, Гоце Бурнески, Мики Крстев и Атанас Николоски.

Наредниот турнир ќе се одржи на 26.4.2026 во Тетово, а нашиот тим ќе игра против тимот на Струмица.

Претседателот на Владата, Христијан Мицкоски одржа прес-конверенција во Медија центарот на Владата.

Мицкоски најави намалување на цените на горивата за од утре, посочувајќи дека според владините пресметки се очекува Регулаторната комисија за енергетика да донесе одлука со која бензините и дизелот ќе поевтинат за околу денар и половина.

Тој нагласи дека на сила останува и договорениот попуст со компанијата ОКТА, според кој дизелот е поевтин за два денара по литар, а бензините за три денари, оценувајќи дека Македонија има најниски цени на горивата во регионот.

„Очигледно е дека мерките на Владата придонесоа да сме трета земја во Европа според обемот на мерки кои се имплементирани за да се амортизира енергетската криза и да бидеме држава со најниска цена на горива. Ова го кажува Меѓународниот монетарен фонд“, изјави Мицкоски.

Премиерот истакна дека Владата навремено реагирала на енергетските предизвици и дека мерките се приспособуваат на глобалните движења на цените преку инструментите како ДДВ и акцизите.

Воедно, тој ја обвини опозициската СДСМ дека ширела невистини во јавноста.

„СДСМ лажеше за мигранти, лажеше дека ќе сме банкротирале, лажеше дека нема да има за пензии, па така излажа и за мерките кои ги применивме. Подготвени ја пречекавме енергетската криза која зависи од геополитичките случувања. Според Меѓународниот монетарен фонд ние сме на третото место во Европа“, изјави Мицкоски.

Денеска е Томина Недела или Нова Недела, Антипасха, во западното христијанство позната како Бела Недела или Мал Велигден. Ова е значаен христијански празник кој се прославува во првата недела по Велигден и е посветен на светиот апостол Тома.

Кога Исус Христос се јавил на апостолите, Тома не бил со нив, а кога тие му кажале дека го виделе учителот тој не поверувал и им одговорил: „Дури не ги видам клинците на рацете Негови, и не го ставам прстот свој во раните од клинците, и не ја ставам раката своја во ребрата Негови, нема да поверувам“.

Поради тоа, апостолот Тома е наречен Неверен Тома. По осум дена кога и Тома бил со другите апостоли Христос пак им се јавил при што посебно му се обратил на Тома:

„Дај го прстот свој овде и види ги рацете Мои; дај ја раката своја и стави ја во ребрата Мои; и не биди неверлив но верлив!“

На тоа Тома одговорил и рекол: „Господ мој и Бог мој!“ Исус му рече: „Тома, ти поверува, оти ме виде; блажени се оние, кои не виделе, а поверувале“.

Владата на денешната седница, разгледувајќи ја актуелната економска состојба и влијанието на глобалните ценовни шокови врз домашниот пазар, донесе одлука за продолжување на мерката за намалување на акцизите на нафтените деривати, со важност до 04 мај.

Со оваа одлука се задржува намалувањето на акцизата за дизел горивото во износ од 4 денари по литар, како и намалувањето на акцизата за безоловните бензини од 95 и 98 октани во износ од 2 денари по литар. Оваа интервенција има директен фискален и пазарен ефект, којшто се рефлектира во значително намалување на малопродажните цени на горивата, со што се ублажува притисокот врз трошоците на живот и се амортизираат инфлаторните импулси.

Со продолжувањето на оваа мерка, Владата јасно демонстрира проактивен и одговорен пристап во управувањето со кризата, при што приоритет останува заштитата на животниот стандард на граѓаните и одржувањето на економската стабилност.

Дополнително, имајќи ги предвид стабилизациските ефекти од досегашните мерки и тековните движења на цените, Владата донесе одлука за измена на Одлуката за примена на повластена даночна стапка на додадена вредност. Согласно оваа измена, повластената стапка од 10% ќе продолжи да се применува за бензините, додека за останатите производи се врши враќање на редовната стапка од 18%.

Оваа мерка претставува внимателно балансиран пристап меѓу потребата за таргетирана поддршка на граѓаните и обезбедувањето на фискална одржливост, при што Владата останува целосно посветена на континуирано следење на состојбите и навремено преземање на соодветни економски политики.

Согласно нашите пресметки очекуваме Регулаторна комисија за енергетика да донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар. Истовремено, останува во сила и претходно договорениот механизам со нафтените компании, согласно кој се обезбедува дополнително намалување од 3 денари по литар за дизел горивото и 2 денари по литар за бензините. Со ова, се постигнува кумулативен ефект на намалување на цените, кој директно се рефлектира во намалување на трошоците за транспорт и во ублажување на инфлаторните притисоци врз економијата.

Во организација на Олдтајмер клубот “ВМ Класик”, викендов Крушево е домаќин на „ВМ Класик Рели“. Настанот е инспириран од легендарното Авто-Рели Македонија 1977, претставувајќи симболично враќање кон традицијата и златните времиња на автомобилизмот. Преку оваа манифестација, љубителите на класичните автомобили ќе имаат можност да уживаат во уникатна атмосфера, исполнета со носталгија, елеганција и спортски дух.

А на пат за Крушево, учесниците на релито направија пауза во Велес и Прилеп, каде ги претставија своите миленици на четири тркала.

Уживајте во фотогалеријата која ја подготвивме:

Прилеп доби нова атрактивна дестинација за сите љубители на мотори, адреналин и авантура. Со официјалното отворање на салонот на CF MOTO Прилеп, градот влегува на мапата на модерни мото центри кои нудат комплетно искуство – од избор на возило до врвна опрема.

Станува збор за салон кој нуди огромен избор на мотори, ATV возила и дополнителна опрема, наменет како за почетници, така и за искусни возачи кои бараат квалитет и сигурност.

Посебно место во салонот заземаат моделите од CFMOTO – бренд кој во последните години бележи огромен раст на глобално ниво.

Од урбаниот и практичен NK 125, идеален за почетници и градско возење, до моќниот NK 675 кој нуди динамика и перформанси за поискусните. За љубителите на спортски изглед тука е 450SR – агресивен, модерен и создаден да привлекува внимание.

MT серијата, пак, е наменета за оние кои сакаат долги патувања, истражување и слобода без ограничувања.

Во понудата се наоѓаат и TAO Moto моделите, кои претставуваат одлична комбинација на безбедност, стабилност и забава. Моделите како ATV 300 Outlander и TAO 250 се идеални за оние што сакаат да избегаат од секојдневието и да искусат вистинска off-road авантура.

За најмладите ентузијасти, достапни се и mini ATV модели од 110 до 125 кубици – совршен почеток во светот на моторите, со акцент на сигурност и контрола.

Кога станува збор за теренско возење, изборот на ATV возила од CFMOTO од 450 до 1000 кубици нуди моќ, издржливост и сигурност.

Без разлика дали се работи за планински патеки, калливи терени или екстремни услови – овие машини се подготвени да одговорат на секој предизвик.

Покрај возилата, во CF MOTO ќе го најдете и целиот асортиман на мото и крос опрема – кациги, заштитна облека, куфери и бројни додатоци од DONTI MOTO, кои го прават секое возење побезбедно и поудобно.

Салонот се наоѓа во близина на бензиската пумпа “Лукоил”, на излезот од Прилеп за Скопје, што го прави лесно достапен за сите љубители на мотори од Прилеп и околината.

Со отворањето на новиот салон, Прилеп добива место каде што адреналинот, квалитетот и модерниот стил се спојуваат во едно. За сите што сакаат да го почувствуваат вистинското возење – ова е новата адреса која вреди да се посети.

Посетете ги уште денеска и уверете се во огромниот избор на модели и опрема!

На 14.04.2026 во 02:00 часот на ул. „Добривое Радосављевиќ“ во Прилеп, полициски службеници од ОВР Прилеп го лишија од слобода Б.Р.(47) од Битола.

Имено, при контрола во сообраќајот полициските службеници сопреле патничко возило „хонда“ со битолски регистарски ознаки, управувано од Б.Р., при што констатирано било дека тој е под дејство на алкохол, односно измерени му биле 1,93 промили алкохол во крвта.

Тој бил задржан во полициска станица и по целосно документирање на случајот, против него ќе биде поднесена соодветна пријава по член 297-а од Кривичниот законик- „безобѕирно управување со моторно возило”.