Најстариот жител во општина Илинден е дедо Наце Петрушевски од населеното место Бучинци. Дедо Наце наполни 101 година, а по тој повод го посети градоначалникот Александар Георгиевски кој со подароци и искрени желби му го честиташе роденденот и му посака да го служи добро здравје и да поживее уште долго.

-Денеска го посетив најстариот жител на Општина Илинден, дедо Наце Петрушевски од Бучинци, кој наполни 101 година.На дедо Наце му го честитав роденденот и му посакав многу здравје и среќа. Дедо Наце има 4 деца, 9 внуци, 16 правнуци и едно чукунвнуче – напиша на Фејсбук градоначалникот на општина Илинден.

Калин Ивановски ќе биде дел од финалето на фјучерс турнирот во Монастир, Тунис, затоа што утринава во полуфиналето беше подобар од претставникот од Грција, Сакеларидис.

Поточно, противникот го предаде мечот, веројатно поради повреда, при резултат, 1:0 во сетови за Ивановски и 3:0 во вториот сет.

Сега, Ивановски ќе има шанса за нова титула во неговата кариера, утре во финалето од турнирот, а против кого ќе игра ќе се знае денеска подоцна откако ќе заврши и второто полуфинале во кое играат Елхаргуи од Мароко и Форти од Италија.

Двегодишната Дина од Прилеп боледува од тyмop на главата заради што е потребна итна опepaциja која чини 23.000 евра, средства кои семејството не може само да ги обезбеди, па добредојдена е сечија помош.

“Поради промена на планот за лекување на нашата 2 годишна Дина, потребно е да се направи итна операција за отстранување на туморот во главата која чини 23,000 евра како радијацијата после тоа би имала поголем ефект” – рече неодамна Јане Неданоски, татко на Дина.

Огромен број корисници на социјалните мрежи за кратко време го сподели линкот за помош на малото ангелче од Прилеп и сега Дина ја помина првата пречка во борбата со болеста.

Нејзиниот татко информира дека операцијата поминала добро, а Дина полека закрепнува.

-Добар дел од туморот е отстранет што ни дава надеж дека терапијата со зрачење ќе има поголем успех и туморот ќе се уништи. Фала ви на сите за досегашната поддршка и донации. Знаејќи дека имаме долга борба пред нас, секоја помош е добредојдена.Бројчињата за донации се уште активни, како и gofundme сајтот – вели Јане.

За двегодишното девојче можете се уште да донирате на телефонските броеви: За корисниците на Телеком: 143 133 и за корисниците на А1: 143 463

Како и на жиро сметката: Денарска – Jane Nedanoski – 210-5016166807-16 – NLB Banka
Шифра: 562 – Дознака: Донација за Дина Неданоски

Девизна сметка (од странство) – Jane Nedanoski – IBAN MK07210-5016166807-16 – Swift TUTNMK22
NLB Banka – Шифра: 562 – Дознака: Донација за Дина Неданоски

Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.

За претстојната слава на СВ. АТАНАСИЈ ВЕЛИКИ, во храмовите „Света Петка“ – Точила и „Св. Кирил и Методиј“ – (ПАРАКЛИС), лепчиња ќе се креваат во понеделник (30.01.2023г.) во периодот од 8:00 – 12:00 часот и попладне од 16:00 – 17:00 часот.

ПОНЕДЕЛНИК НА 30ти – СВЕТО БЛАГОВЕШТЕНИЕ (СТАРА ЦРКВА) – од 08.00 до 17.00 часот.На 31ви утрото во СВЕТО БЛАГОВЕШТЕНИЕ (СТАРА ЦРКВА).

Честита слава на сите кои го чествуваат СВ. АТАНАСИЈ ВЕЛИКИ како закрилник на нивните домови т. е. домашна слава!
Нека ни е за многу години и на помош – стои во соопштението.

-Пациент на месецот, англискиот булдог Луси, на која и беше дијагностицирана cystolithiasis, и од мочниот меур беа извадени повеќе од 50 уролити. После оперативниот зафат Луси е во одлична состојба и многу брзо закрепна. На Луси и на нејзиниот сопственик им посакуваме уште многу години и во добро здравје да уживаат во заедничките моменти – напишаа од најпознатата ветеринарна амбуланта во Прилеп на Фејсбук.

Инаку, Д-р Панче Дамески е прв доктор по ветеринарна медицина од Прилеп и втор доктор по ветеринарна хирургија од Македонија, кој своето звање го стекна на реномираниот универзитет во Загреб.

Луси е само еден од пациентите во неговата ветеринарна амбуланта, а работата со животните и спасувањето на нивните животи, покрај стручноста, бара и огромна љубов и посветеност кон нив. Д-р Дамески може нескромно да се пофали со сето тоа, а доказ за тоа се стотиците задоволни сопственици на миленици и животни кои секојдневно ја посетуваат амбулантата “Дамески Ветерина”.

Кога се сака се може, а за тоа најдобар пример е ресторанот “Деспина”, каде од денеска прилепчани ќе уживаат во кафе по цена која ќе одговара за сечиј џеб.

Прилепчани долго време реагираат на социјалните мрежи за цената на кафето во угостителските објекти, и велат дека моменталните цени во повеќето локали се превисоки.

Апелите на муштериите досега ги слушнаа и применија неколку угостители, а ресторанот “Деспина” е еден од нив.

Басните за 2001-ва може Али да ги раскажува на Димитар Ковачевски, вели лидерот на ВМРО-ДПМНЕ Христијан Мицкоски одговарајќи на напдите на лидерот на ДУИ.

-Првиов се храбри од своите удoбни хациенди од Зајас, додека албанскиот народ, исто како македонскиот, гладува. Вториот како дезертер од 2001-ва сѐ ќе му поверува и мора да спроведе, за да прави криминал и тој самиот. Другпат добро нека гледаат и читаат што кажувам, а не да вадат од контекст.

П.С. Јас пак мислев дека ќе се пофалат со нова фабрика…, пишува Мицкоски на Фејсбук.

Дел од хибрдната војна против Северна Македонија е и последниот случај во Охрид, со претепувањето на Христијан Пендиков, секретар на бугарскиот културен клуб поради кој овие денови се нарушија кревките македонско бугарски односи, вели министерот за внатрешни работи Оливер Спасовски.

-Луѓе од иста групација и се оние коишто тепаат и оние коишто се тепани. Тоа ја докажува таа хибридна војна. Секое инкриминирачко дејство што се прави државата реагира во овој дел и ние кажуваме дека не може во ниту еден момент, ниту еден граѓанин, без разлика на национална, верска, политичка и било која друга припадност да биде физички нападнат и да биде малтретиран. На тоа државата јасно ќе се спротивстави и ќе преземе мерки какви што презема и во овој случај. Иако се обидуваат да ни накалемат дека државата не презема мерки за некоја категорија на граѓани, дека не води ефикасни истраги, што не е точно – рече Спасовски.

Спасовски потенцира дека последните случувања се дел од поголемо сценарио, зад кое стојат одредени неодговорни политичари кои, според него, не сакаат да имаат добри односи во регионот.

-Многу лажни вести се шират. Не реагирала полицијата иако било пријавено, не реагирало здравството, што не е точно. Веднаш после пријавата, после сознанијата македонсктите полицајци отидоа во болница за да видат што се случува, да земат изјава, се дадоа првичните изјави. Во болничките центри, во Општа болница се преземени мерки, од првично згрижување на пациентот и заминување во Свети Еразмо. Ова мора да го знае македонската јавност за да не бидеме манипулирани поради неинформираност – вели Спасовски.

Тоа што повредениот Пендиков експресно беше префрлен во Бугарија на лекување, според него, е исто така дел од смислено сценарио.

-Секако дека ова е креирање на сценарио, со кое се сака да се покаже наводна грижа, а исто таква и подобра може да добие и во установите во Македонија. Нашиот дел ќе го правиме. Не смее да подлегнеме на провокациите од било која страна која ќе го наруши нашиот меѓудржавен однос, која ќе го наруши нашиот пат кон ЕУ. Иако сметам дека сериознио државата мора да реагира и да одговори на секоја провокација и навреда на македонскиот народ и македонската држава – порача Спасовски.

Републичкото јавно обвинителство пред една недела достави мислење до Врховниот суд по барањето на осудените за случајот „27 април“ за вонредно преиспитување на правосилната пресуда, со која беа осудени на долгогодишни затворски казни.

-Предметот беше примен во Јавното обвинителство на Република Македонија и распореден кај надлежен јавен обвинител, кој детално ги проучи наводите на сите осудени лица. Изготвено е мислење по однос на нивните барања за вонредно преиспитување на пресудата и тоа е доставено до Врховниот суд, велат од Обвинителството.

Врховниот суд може да ја потврди пресудата, да ја укине и да го врати случајот на повторно судење, или да ја преиначи правосилната пресуда.

Во текот на вчерашниот ден пак од адвокатската канцеларија Јанаки Митровски и адвокатската канцеларија Пешевски и Тимовски до Собранието поднесоа предлог Закон за амнестија на осудените за настаните од 27 Април 2017та година. Како што појаснуваат, со предлогот се бара сите оние кои се осудени на казни затвор до десет години да бидат ослободени од понатамошно издржување на казна, а за осудените над десет години да се ослободат од 50% казна.

-Како адвокат кој практикува кривично право, не наоѓам никакво оправдување за стореното. Но истовремено сметам дека не постои поголема неправда од селективна правда. А цела Македонија е сведок дека со Законот за амнестија од 2018та година, селективно беа амнестирани дел од осудените поради политичко лукративни причини па така Крсто е милионер, Рамчиловиќ амбасадор, Бетка демек ја судат итн. додека обичните смртници пуштени низ вода веќе шестта година скапуваат на робија.

Од тие причини, а како најголемиот дел од осудените имаат одлежано половина од изречените казни и се пет и пол години во затвор, и особено во насока на исправање на неправдата нанесена со селективната амнестија, го поднесуваме овој предлог Закон до сите пратеници од кои очекуваме да иницираат негово ставање на дневен ред, вели адвокатот Митровски.

Во недостиг на квалитетни кадри од СДСМ на локално ниво, разочаран од катастрофалните порази, по се изгледа Сугарески реши да се врати на политичката сцена преку социјалните мрежи…

Без да потенцира до кого, Сугарески преку својата Фејсбук фан страна упати критики за се’ уште не отворената детска градинка во населбата “Точила” во Прилеп.