Тестенините од утре треба да поевтинат за 15 отсто, а млечните производи за 10 проценти. Нивните цени се намалуваат согласно со одлуката што Владата ја донесе минатата недела.

Со одлуката, од тестенините опфатени се макароните и шпагетите. За нив, од 13 март до 31 мај годинава се укинати увозните царински давачки. Само со укинување на царината, според пресметките на Владата, нивната цена се намалува за осум до девет денари во просек во малопродажба. Од Владата очекуваат намалувањето да биде и поголемоДо 31 мај ќе биде во сила и одлуката за замрзнување на цената на млечните производи: трајно кравјо млеко со 2,8, 3,2 и 3,5 отсто масленост, урда, кравјо и мешано бело сирење, кравји кашкавал, кисело млеко, павлака и јогурт.

Вицепремиерот за економски прашања Фатмир Битиќи вчера соопшти дека при крај се и анализите кои треба да покажат дали ќе бидат замрзнати цените на шеќерот, јајцата и оризот.

-Владата ќе причека анализите да стигнат официјално од Министерството за економија, за да се продискутираат, изјави Битиќи по средбата со претставници на Германското стопанство.

Според Битиќи, засега е многу мало намалувањето на цените на тестените и млечните производи, но од утре тие треба да бидат пониски за 15, односно 10 проценти.

-Намалувањето е многу мало, но реакциите се позитивни дека на 16 март сите веќе ќе имаат намалени цени, според она што беше дефинирано. Секако на 16-ти март, производите ќе стигнат до цената која е зададена, не гледаме дека нема волја од другата страна, рече Битиќи.

Одлуките за замрзнување на цените, како што нагласи вицепремиерот, не се носат за да се наштети некому, туку за доброто на сите граѓани.

-Секоја мерка се носи за добро на граѓаните. Не сакаме да нанесеме штета со воведување мерки „од денеска за утре“ зашто сме свесни дека одредени суровини се со одредена цена. Затоа дадовме временски период од скоро една недела, за компаниите да потрошат одредени залихи и да почнат со замрзнати, пониски цени. Секоја мерка се носи за доброто на граѓаните, притоа не сакаме да нанесеме штета никому зашто заеднички настапуваме во периодот на криза за да излеземе од неа, изјави Битиќи.

Од Државниот пазарен инспекторат (ДПИ) најавуваат дека ќе излезат на терен и ќе постапуваат веднаш по стапувањето во сила на одлуките на Владата. Казните за непочитување на одлуките изнесуваат од 800 до 10.000 евра, во зависност од големината и видот на економскиот оператор.

На 28 февруари годинава Владата ја замрзна и цената на белиот и полубелиот леб на 33 денари. Пекарската индустрија по неколкудневен прекин на производството и испораката повторно почна да доставува леб, но најави дека ќе поведе правна постапка за наплата на штетата од владината одлука која на месечно ниво, според нивните проценки, изнесува над 1,5 милиони евра.

Според официјалните статистички податоци, трошоците на животот во февруари годинава во однос на февруари лани бележат зголемување од 16,7 проценти, а цените на мало од 12,4 проценти.

По повод Меѓународниот ден на крводарителството, 17-ти март, општина Прилеп во соработка со Црвениот крст на Република Македонија – Општинска организација Прилеп, организира крводарителска акција.

Крводарителската акција ќе се одржи од 09:00 до 14:00 часот во просториите на општина Прилеп.

Се повикуваат сите граѓани кои се во можност да даруваат крв и да спасат нечиј живот.

Во ООУ “Гоце Делчев” Прилеп од неодамна се изведуваат градежни работи за уредување на училишниот двор и спортската инфраструктура, но дали вреди да се трошат пари поради поединци кои уништуваат се што вреди, или пак крајно време е да се постават камери на секој чекор, за да се “ловат” ваквите сторители.

Во дворот на училиштето не постои здрава табла за играње баскет, сето тоа поради неизживеаноста на поединци.

Не бре каква ти Европска Унија, нас вака не не примаат ниту во сојуз на африкански држави…

Големите штркови гнезда, поставени долж патиштата, високо на електричните столбови се честа слика речиси низ сите делови на држвата од рана пролет па се до последните топли денови во есента.

Враќањето на штрковите меѓу јавноста во Македонија се смета за неофицијален почеток на пролетта. Тие, заедно со ластовичките се првите знаци дека ладните зимски месеци завршуват и почнува новата сезона.

Иако нивното враќање во нашите краишта народски се поврзува со празникот Благовец, низ Пелагониските села веќе може да се види нивното присуство.

Фотографиите се од денеска од прилепско Беровци, каде овие благородни птици веќе се вратени во своите домови.

Родителите го донеле во битолската болница телото на нивниот дванаесетгодишен син кој починал во домот.

Од полицијата информираат дека тргедијата се случила во неделата, а станува збор за момче од селото Лера, Битолско.

Според пријавеното, на малолетникот му се слошило во домот, по што бил донесен во болницата.

Лекар констатирал смрт без траги на насилство, а по наредба на Јавен обвинител телото било дадено на обдукција.

Плоден ден во Болница Плодност – Hospital Plodnost. Утринава на свет во нашата болница дојдоа 8 новороденчиња, кои се во прегратка на нашите медицински сестри – информираат од болницата на ФБ.

-Заедно со останатите 4 од претходните денови, во моментов ги имаме 12. Задоволството нема цена, кога денот е исполнет со толкава бројка на нови членови на нашето големо семејство. Да се здрави и живи заедно со родителите – велат од “Плодност” Битола.

Карпата Слонот се наоѓа на десната страна од патот кој води од населбата Варош, Прилеп до Маркови Кули веднаш по последните куќи од населбата, од каде има прекрасен поглед кон градот.

Карпата во форма на слон според едни, а во форма на штрк според други е висока 7 метри, а широка од 2,5 до 4,5 метри.

За Слонот се претпоставува дека бил своевиден свет објект уште во праисторијата и антиката, гробовите вкопани околу карпата, кој заедно со непрепознатливата фреска насликана во вдлабнувањето на западната страна укажува на духовниот и материјалниот живот поврзан со карпата и во средниот век по доаѓањето на христијанството.

За карпата се поврзани многу легенди, според едната Ханибал ги донел слоновите во Прилеп на поклонение на камениот природен монумент како слон по освојувањата на Рим.

Според друга луѓе што имале направено лоши дела доаѓале до слонот, во камарите секогаш полни со вода на миење раце и лице за да се исчистат, а според трета Слонот бил собиралиште на Богомилите…

Повеќе интересни стории погледнете на Водич низ Македонија

ФОТО/Мaринко Шлакески

www.marinkoslakeski.com

Околу 10 илјади работници годишно и недостасуваат на земјава тврди вицепремиерот за економски прашања Фатмир Битиќи.

Најмногу кадар недостасува во градежништвото и во угостителството. Битиќи вели дека земјава се обидува да обезбеди работници од увоз без ограничувања од која земја, и се надева дека и нашите ќе се мотивираат да се пријават во агенцијата и да се вработат.

Странските компании кои што работат тука сметаат дека обезбедувањето кадар е работа на државата.

На 13.03.2023 во 07.50 часот, полициски службеници од Полициската станица Прилеп го лишиле од слобода Г.Д.(42) од Прилеп.

При претрес во неговиот дом, извршен со судска наредба, бил пронајден и одземен пиштол „Екол“ 9 мм. По преземени мерки и активности било утврдено дека тој за време на празникот Коледе го нарушил јавниот ред и мир, пукајќи со пиштолот.

Тој бил задржан во полициска станица и по целосно документирање на случајот, ќе следи соодветен поднесок – информираат од МВР.

Министерството за труд и социјална политика известува дека согласно одлуката на Владата од март 2022 година за новата методологија за усогласување на пензиите со мартовската исплата пензиите ќе се зголемат за 8,4%.

Со Законот за изменување и дополнување на Законот за пензиското и инвалидското осигурување се предвиде нов начин на усогласување на пензиите, при што за пресметката на усогласувањето на пензиите се зема растот на трошоците на живот и растот на просечната плата. Со овој начин на усогласување на пензиите се овозможува реален пораст на пензиите во однос на платите, односно како што ќе порасне просечната плата, во континуитет ќе растат и пензиите. Усогласувањето на пензија се врши според движењето на индексот на трошоците на животот во висина од 50% и порастот на просечно исплатената плата на сите вработени во Република Северна Македонија во висина од 50%.

Пензијата согласно новата Методологија, се усогласува на 1 март и на 1 септември секоја година според процентот кој се добива како збир на порастот на индексот на трошоците на живот во претходното полугодие и процентот на порастот на просечно исплатената плата на сите вработени во Република Македонија во претходното полугодие во однос на полугодието кое му претходи.

Усогласувањето на Септемвриските пензии кои се исплатија со комбиниран модел од 50% пораст на просечната плата и 50% пораст на трошоци на живот односно усогласувањето беше во висина од 6.8%, (порастот на плати 6,6% а порастот на трошоци за живот 6,9%) со што просечната пензија од 16.348 денари се зголеми на 17.666 денари.

Усогласувањето на Мартовската пензија согласно методологијата ќе се зголеми за 8,4 % (пораст на плати 6,1 и пораст на трошоци за живот 10.6%) со што просечната пензија од 17.666 ќе се зголеми на 19.150 денари.