По многубројните ужасни сцени од Турција и Сирија, каде два силни земјотреса однесоа најмалку 1.900 животи, се појави фотографија која ја враќа вербата во животот.

Вирална стана фотографија од спасено бебе од урнатините на зграда во градот Малатија, Турција.

На фотографијата се гледа како маж држи бебе и го носи на безбедно, додека урнатините се насекаде околу нив.

Бебето било спасено за време на операцијата за пребарување и спасување по разорниот земјотрес, јавуваат турските медиуми.

Во исто време, продолжува потрагата по преживеани во урнатините откако два силни земјотреса со јачина од 7,7 и 7,8 степени ја погодија Турција и доведоа до голем број жртви во оваа земја и во Сирија.

Вториот земјотрес ја погоди областа Кахранманмараш, додека потреси беа почувствувани во многу градови.

Битола испрати тимови од спасувачи за помош на настраданите во земјотресот во Турција.

Општината Битола соопшти дека тимот за брз одговор за спасување од планина и високи објекти од Дирекцијата за заштита и спасување, подрачна единица Битола, со 5 членови ќе биде дел од УСР единицата и веќе заминуваат во подрачјето погодено од земјотресот, а доколку се појави потреба, во целосна подготвеност за интервенција се и високопрофесионалните екипи на ТППЕ Битола кои се обучени за спасување од урнатини и земјотреси.

„Хуманоста, солидарноста и одговорноста во ваквите мигови е неопходна. Подготвени сме да бидеме поддршка на луѓето кои во моментот се соочуваат со големи човечки и материјални загуби“, стои во соопштението од општина Битола.

Министерката за одбрана на Република Македонија, Славјанка Петровска, по денешната вонредна седница на Владата на РМ на јавноста ѝ соопшти дека Македонија испраќа помош во Турција за помош при справувањето со последиците од катастрофалните земјотреси.

– Министерството за одбрана и Армијата испраќаат итна помош за справување со последиците од катастрофалниот земјотрес во Турција. На предлог на Министерството за одбрана, Владата на вонредната седница донесе одлука да бидат испратени тим за заштита и спасување од Армијата, кучиња трагачи и хуманитарна помош во пријателска Турција.

22 лица од Баталјонот за специјални сили, две лица водачи и кучиња обучени за трагање наскоро заминуваат во сојузничка Турција, за да помогнат да се спасат човечки животи, под урнатините настанати од катастрофалниот земјотрес.

Застануваме солидарно да им помогнеме на преживеаните да ги пребродат овие тешки времиња.

На пријател во неволја, секогаш ќе му помогнеме. – напиша Петровска на Фејсбук.

Владата, на предлог на Министерството за надворешни работи, на денешната 126 седница, ги донесе следниве заклучоци:

– Се задолжува Министерството за финансии да подготви и до Владата да достави одлука за одобрување на средства од резервите на Буџетот на Република Македонија за 2023 година, во износ од шест милиони денари за помош на настраданите во катастрофалниот земјотрес;

– Се задолжуваат Дирекцијата за заштита и спасување и Центарот за управување со кризи, во координација со министерот за внатрешни работи Оливер Спасовски, итно да подготват и до Владата да достават соодветна одлука за испраќање на сили/тимови за заштита и спасување, коишто ќе се вклучат во погодените подрачја, како и одлука за испраќање хуманитарна помош за заштита и спасување во Република Турција;

– Се задолжува Министерството за одбрана во рамките на своите надлежности итно да подготви и до Владата да достави одлука за обезбедување соодветна помош во персонал, опрема во вид на механизација, шатори, душеци, ќебиња, грејни тела и друг вид соодветна помош;

– Се задолжува Министерството за здравство, во рамките на своите надлежности, итно да подготви и до Владата да достави одлука за обезбедување помош во вид на медицински персонал, медицинска опрема и лекови;

– Се препорачува Црвениот крст на Република Македонија во рамките на своите законски надлежности и можности, во соработка со надлежните институции, да се вклучи во акцијата за обезбедување помош на настраданите, со испраќање тимови и друг вид хуманитарна помош, соодветна за вакви природни катастрофи;

– Се задолжува Генералниот секретаријат на Владата во соработка со Министерството за надворешни работи, да преземе активности во насока на итно префрување на одобрените средства од Буџетот, како и да одржува редовна комуникација со Амбасадата на Република Турција во Република Северна Македонија, со цел спроведување на одлуката.

Владата, на предлог на Дирекцијата за заштита и спасување, донесе одлука во санирањето на последиците од земјотресот во Турција да се испратат 40 лица од Дирекцијата за заштита и спасување – припадници на републичките сили за заштита и спасување.

Од Дирекција за заштита и спасување се обезбедува и комплетна специјализирана опрема и материјално – текхнички средства за пребарување и спасување од урнатини, шест возила за транспорт на опремата и луѓето и две противпожарни возила.

Финансиските трошоци за оваа намена ќе се обезбедат од средства на Дирекцијата за заштита и спасување.

Владата, на предлог на Министерството за одбрана, донесе одлука за испраќање хуманитарна помош за заштита и спасување во Република Турција и тоа 10.000 ќебиња и 200 санитетски носила.

Владата, исто така на предлог на Министерството за одбрана, донесе одлука за испраќање тим за заштита и спасување од Министерството за одбрана во Република Турција, за учество во давање помош на Република Турција.

Во санирањето на последиците од земјотрес, се испраќаат вкупно 24 лица припадници на Министерството за одбрана – Армија на Република Македонија, од кои 22 лица од Баталјонот за специјални сили и две лица водачи на службени кучиња, со две кучиња, од Командата за обука и доктрини на Министерството за одбрана.

Финансиските трошоци за оваа намена ќе се обезбедат од сопствените средства на Министерството на одбрана.

Потврдено е дека под урнатините предизвикани од земјотресот во Турција, еден од играчите на Хатај е Кристијан Ацу кој синоќа постигна гол во 97. минута за победа против Касимпаша.

Потрагата по репрезентативецот на Гана моментално е во тек, сите се надеваат дека поранешниот играч на Челзи и Њукасл е жив и ќе биде спасен.

Hatayspor'un futbolcusu Cristian Atsu, göçük altında kalmış şuan arama kurtarma ekipleri tarafından arınıyormuş.Rabbim göçük altında kalan tüm insanlara güç kuvvet ver pic.twitter.com/JDSGwTNZWB

— P İ T B U L L (@atavratpitbull) February 6, 2023

Ацу за репрезентацијата на Гана одигра 65 натпревари и постигна девет гола.

Тој во Хатајспор пристигна на 6 септември минатата година. Покрај него, објавена е информација и дека спортскиот директор на Хатај, Танер Савут е под урнатините по силниот земјотрес што ги погоди Турција и Сирија.

Прилепската чаршија се подготува за еден од најголемите шопинг настани  „Prilep OUTLET Weekend“,  планиран на 17-ти и 18 февруари.  Во шопинг настанот  се вклучија над 200 продавници од прилепската чаршија:  бутици за облека и обувки, детски бутици, парфимерии, кафетерии, продавници за бела техника… а, се добредојдени и сите останати трговци и угосители во Прилеп.

Идјата е Прилеп да претставува голем шопинг центар, шопинг мол на отворено, каде купувачите од сите градовн на Македонија ќе уживаат во шопинг попустите до 70% кои ќе ги понудат трговците, во интересните забавни содржини кои ќе се случува во старата прилепска чаршија кај Саатот, во центарот на Прилеп на плоштадот„ Методина Андонов –Ченто„ и на плоштадот „Итар Пејо“, а за најсреќните купувачи ќе следат и вредни награди .

Со цел купувачите да знаат каде да пазарат, продавнците кои се дел од настанот ќе бидат обележани со посебен ознака, велат организаторите. „Нашиот амблем е „мајмунче„,.Знаменцето со „мајмунче на шопинг„ и постер ќе ги краси нашите продавници и тоа ќе биде препознатлив знак. А, за муштериите ќе има попусти на секој чош„-  велат прилепские трговци.

Настанот „Prilep OUTLET Weekend“ е поддржан од Локалната Самоуправа на Општина Прилеп. Во  инетерес  на посетителите и купувачите, градот ќе обезбедува паркинг простор за сите кои ќе пристигнат во Прилеп со своите автомобили, по цена на дневен билет за паркинг, 50 ден.

Градот и прилепската чаршија предвидуваа и други изненадувања за сите посетители и купувачи кои на 17ти и 18ти ќе го посетат Прилеп на „Prilep OUTLET Weekend“, а сите случувања од настанот  ќе бидат објавувани на специјало креираната фан страна https://www.facebook.com/profile.php?id=100089628293137

Разорен земjoтpec со јачина од 7,8 степени според Рихтеровата скала утрово ја погоди јужна Турција, по што следеа серија последователни потреси. Околу пладне по наше време е пријавен уште еден силен удар од 7,5 степени според Рихтеровата скала.

Земјотрpecoт беше толку разорен што автопатот Антакија-Рејханли буквално се распарчи.

The road from Antakya to Rihaniyya in Turkey. pic.twitter.com/2otgWOQVTk

— Afshin Ismaeli (@Afshin_Ismaeli) February 6, 2023

Исто така, аеродромот Хатај претрпи голема штета, па дел од пистите се целосно нефункционални.

WATCH: The only runway at Hatay Airport in southern Turkey tore open during the earthquake#earthquake #earthquaketurkey
pic.twitter.com/wsB3TBFhP2

— Fast News Network (@fastnewsnet) February 6, 2023

Легендарниот голман на Фенербахче и Турција, Волкан Демирел, а сега трнер на Хатајспор, моли за помош и преку видео порака објаснува дека ситуацијата по земјотресот е многу лоша.

??? Ex-Fenerbahçe goalkeeper and current Hatayspor manager Volkan Demirel was in tears on Instagram live.

Türkiye has been hit with a very severe earthquake: 7.8 magnitude, with hundreds sadly confirmed dead. pic.twitter.com/Sr9QqyFI6v

— EuroFoot (@eurofootcom) February 6, 2023

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,50 ден/лит.

Малопродажната цена на Мазутот М-1 НС се зголемува за 0,065 ден/кг и сега ќе изнесува 41,411 ден/кг.

Од 7.2.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 82,00 (денари/литар)

Моторен бензин ЕУРОСУПЕР БС – 98 84,00 (денари/литар)

Дизел гориво ЕУРОДИЗЕЛ БС (Д-Е V) 78,50 (денари/литар)

Масло за горење Екстра лесно 1 (ЕЛ-1) 77,00 (денари/литар)

Мазут М-1 НС 41,411 (денари/килограм).

Историската тврдина Газиантеп е уништена во земјотресот во Турција, објавија медиумите.

Тврдината е изградена пред речиси 2.200 години во времето на императорот Јустинијан, а нејзините градители не се познати. Во тврдината се наоѓа и гробот на Мехмет Газали, една џамија и бања.

❗?? The Gaziantep Castle, which was built more than 2,200 years ago, collapsed during the earthquake.#Turkey #TurkeyEarthquake #earthquake #BreakingNews #deprem #Syria pic.twitter.com/PtCVgCqA3Y

— NEWS ALL TIME (@NEWS_ALL_TIME) February 6, 2023

Македонската економија ќе се раздвижува со увоз на работници од странство. Пазарот ќе се либерализира, но дали целосно или таргетирано, се уште е отворена дилема, вели вицепремиерот за економски прашања Фатмир Битиќи.

Фокусот во старт, посочува Битиќи во интервју за Дојче веле, е регионот на Западен Балкан. Идејата е да се зголемат и годишните квоти, а ако има потреба и општа согласност, да се таргетираат и трети земји.

-Точно е дека се уште постои висока стапка на невработеност која изнесува 14 отсто и е со тренд да се намалува во наредниот период, но соочени сме и со сериозен одлив на кадар од државата.Овој тренд е присутен не само кај нас, туку во сите земји од Западен Балкан и се должи на она што се случува и во земјите од Европската унија, како Германија, Франција, Белгија, кои ги отвораат пазарите на труд, но исто така имаат и миграција на работници во трети земји, вели Битиќи.

Ние како Западен Балкан,посочува, немаме таква миграциска политика за да кажеме кон кого се отвораме.

-Но првиот исчекор го направивме пред година и половина со иницијативата „Отворен Балкан“. Дел од овој процес се и законските решенија за единствен идентификациски број на трите земји Србија, Северна Македонија и Албанија, што е поврзано со една од вредностите на Европската унија, а тоа е мобилноста. Да може работната сила полесно да доаѓа. Извештајот на ОЕЦД покажува дека интрамиграциските движења во Западен Балкан се на ниво на 15 отсто од вкупното миграциско движење. Постоело и претходно, постои и сега, ама ние сакаме да го артикулираме уште повеќе за да ги искористиме сите потенцијали од Западен Балкан, затоа што и културолошки сме поблиски. Луѓето многу полесно ќе се движат и снаоѓаат на пазарот на труд, појаснува Битиќи.

Порачува дека не би требало да имаме привилегирана земја кон која ќе се насочиме и затоа, како што вели, неделава ќе разговараме детално со стопанските комори, организацијата на работодавачите, за да видиме што, каде и колку ни е потребно.

-Има одредени сектори кои покажуваат преголема ранливост, како на пример градежништвото, угостителството и туризмот како најпогодени. Но треба да видиме конкретно и за другите потреби, затоа и зборуваме и ќе разговараме со бизнис заедницата кои се другите потреби и што треба да направиме. Прво ќе ги идентификуваме сите сектори и ќе мора да воведеме правила. Нема да дозволиме во одредени сектори 90 отсто од работниците да бидат увезени, а 10 отсто да бидат наши. Мора да има приоритет јавниот интерес и секако заштитата на нашите граѓани е на прво место. Ние можеме да обезбедиме да донесeме, да помогнеме, но не да бидат тие носечки кадри. Со стратегијата на носење на работна сила, да се зголеми конкурентноста, а тоа е прв момент кон зголемување на продуктивноста, вели Битиќи.

Во нашата земја, како што истакнува, веќе имаме работници од Индија кои работат во автоиндустрија и во секторот за информатичка технологија. Исто така и во делот во градежништвото имаме работници од источна Турција, а на автопатот Кичево кон Охрид каде се ангажирани работници од Кина.

-Имаме и работници од други земји. Ние размислуваме дека на пример е дојдено време за проширување на квотите. Првиот исчекор е да се движи во делот на годишните квоти.Сегашната квота е пет илјади на годишно ниво и таа бргу се пополнува. Веќе имаме и потреба за работна сила за одредени поголеми инфраструктурни проекти. Лично сметам дека бројката треба да се зголеми, најмалку двојно, но да не прејудицирам и да оставиме тоа да биде резултат од разговорите кои ќе ги водиме, порачува Битиќи.

Имаме земји, додава, каде квотите се одредуваат билатерално со некоја држава.

-Но големината на нашата економија не е таква да изискува големи квоти. Но ако се заклучи дека тоа треба, зошто и да не го направиме. Но клучно е што и да направиме дека мора да биде контролирано. Низ институциите на системот, законските регулативи, посочува Битиќи.

Според него, подобро е да има 100 евидентирани и лесно контролирани работници со сите заштитени човекови права, отколку 100 илегални кои не се заштитени.

-Пазарот на труд годишно бара 10 до 15 илјади места. Пред кризата стигнавме и до 25 илјади во една година. Но заради кризата се намали, во моментов имаме потреба за 9.000 работни места кои се бараат на пазарот на труд, но најголем дел од оние што ги имаме како активни баратели се со вештини и знаења кои не одговараат на потребите. Но јас лично не се откажувам од активните баратели на работа, тоа се наши сограѓани, евидентирани и се стремам кон нив да се доквалификуваат, преквалификуваат за потребите на пазарот на труд во кој би биле подобро платени. Меѓу нив можеби има и некои со магистерски студии, но тие не одговараат на потребите. Затоа сметам дека овој процес продолжува, нагласува Битиќи.