Во присуство на дипломатскиот кор, претставници на Министерството за надворешни работи и локалната власт во Прилеп беше отворено почесното конзуларно претставништво на Украина во Република Северна Македонија. Функцијата почесен конзул на Украина ќе ја извршува Сашо Наумоски, генерален директор на Витаминка, стопанственик кој долги години придонесува во развивање на економските релации меѓу двете земји и истакнат член на заедницата.

Наумоски ја искажа големата чест што му e дадена и одговорноста на задачата: „Да се претставува земја која во моментов се соочува со воена агресија е голема одговорност бидејќи довербата што ми се дава во вакви моменти е навистина знак на голема почит. Во овие времиња да се биде пријател е голема чест, да се даде доверба е доблест, а јас во моментов ги имам двете од страна на Украина. Тоа ме става пред уште поголема одговорност и обврска како почесен конзул на оваа земја, да придонесам за зацврстување на релациите и размена на позитивните вредности. Ќе се обидам да направам сѐ за да се подобрат релациите меѓу двете земји. Сигурен сум дека моите контакти, позицијата во општеството ќе придонесе за подобри економски односи и секако да помогнеме онаму каде помошта е навистина неопходна“, истакна почесниот конзул Наумоски.

На отворањето на почесното конзуларно претставништво свое обраќање имаше и амбасадорката на Украина, Нејзината екселенција г-ѓа Лариса Дир, која изјави:

„На г-дин Сашо Наумоски му беше доделена честа да биде именуван за почесен конзул на Украина во Прилеп. А ние имаме чест што токму таков човек ќе ја посвети својата енергија и знаење на извршување на функциите на Почесниот Конзул на Украина, исто така имајќи го предвид фактот дека од моментот на инвазијата од големи размери во Украина, г-дин Сашо уште од првите денови ѝ помага на Украина. За време на војната на Русија против Украина, заштитата на интересите на Украина, граѓаните на Украина и нејзините правни лица во земјата домаќин во границите дозволени со меѓународното право не е лесна задача. Вие ќе го претставувате украинскиот народ, кој веќе триста педесет и деветти ден се бори за своето право на живот, територијална независност и правото да остане суверена држава во нејзините меѓународно признати граници“, истакна амбасадорка Лариса Дир во своето обраќање.

Отворањето на конзуларното претставништво е дополнување на добрите билатерални релации, а со отворањето во Прилеп, што е прво вакво претставништво во овој град, ќе се поттикнат трговијата, инвестициите и економската размена на локално ниво, што дополнително го зголемува значењето и улогата.

Дипломатските односи меѓу Украина и Македонија беа воспоставени во 1995 година а дипломатското претставништво на Украина е отворено во 2000 година за веќе следната година да биде отворена Амбасадата на Украина во Република Македонија. Меѓу двете земји е разменет и Договор за пријателство и соработка, со кој се дефинираат основните принципи и насоки на развој на билатералните односи.

Азербејџаецот Север Бесирли, кој се вклучи во акцијата за помош на Турција со својата стара црвена „лада“, доби нов автомобил.

По земјотресите што го погодија југоисточниот дел на Турција, Сервер го наполни својот стар автомобил со работи што би им биле од помош на настраданите, па од својата трошна куќа во Баку се упати кон Турција.

Фотографијата трогна многу луѓе, особено кога се дозна за условите во кои живее самиот Сервер. Многумина коментираат дека оние што имаат најмалку секогаш даваат најголема поддршка.

Бесирли потоа гостуваше на национален канал во Азербејџан и даде информации за себе по што доби одговор од азербејџански бизнисмен.

По излегувањето од студиото, бизнисмен по име Бахтијар, барајќи ја водителката за време на рекламата, му ветил на Сервер Бесирли нов автомобил.

Во понеделникот азербејџанскиот херој Сервер повторно беше гостин во програмата и го доби клучот од својот нов автомобил.

Azerbaycanlı Server Beşiri.Kahramanmaraş depreminin artık bir sembolü. Kıt imkanlarına rağmen yüreğini de o arabaya koyup bizimle paylaştı. Allah senden ve ailenden de razı olsun. pic.twitter.com/12VI8XJQ5F

— Serel Seçkin1 (@SerelSeckin1) February 9, 2023

На 16.02.2023 во 16.30 часот во СВР Охрид, пријавено е дека Н.Џ.(27) од Охрид во семејниот дом физички ја нападнал неговата мајка.

По документирање на случајот, против него ќе биде поднесена соодветна пријава.

Вчера во просториите на градската библиотека “Борка Талески” во Прилеп, беше промовирана книгата „Светиклиментовото кандило гордо светеше во рацете на г.г. Ангелариј“ од авторот д-р Бранко Стојановски, наш сограѓанин прилепчанец, инаку доктор по интерни болести, кој повеќе од една деценија живее и работи во Германија.

За делото говореа Слободан Беличански и Моника Талеска. Присутните ги поздрави и градоначалникот Борче Јовчески.

Промоцијата ја отвори и со своите изведби ја збогати хорот „Света Петка“ под диригентство на Гоце Секулоски.

-Оваа книга како бесценето четиво за делото на Архиепископот Охридски и Македонски г.г. Ангелариј кој што е роден во Долнени, Прилеп, потсетува за придонесот на нашите предци во борбата за конечно признавање на македонскиот народ и држава. Нашата татковина Република Македонија раѓала, раѓа и ќе раѓа личности чии дела ја градат нашата историја, нашето вредно културно наследство кое што како единствен дар и со аманет ќе го предаваме на поколенијата – напиша на ФБ градоначалникот на општина Прилеп.

Министерството за земјоделство, шумарство и водостопанство ги информира земјоделците производители на полјоделски култури дека Агенцијата за финансиска поддршка во земјоделството и руралниот развој изврши исплата на субвенциите за полјоделски култури.

Исплатена е финасиска поддршка од 422,4 милиони денари за над 24.000 корисници. Како корисници на финасиската поддршка се јавуваат земјоделските стопанства кои во 2021/2022 година имаат засеани и ожнеани површини со полјоделски култури. Висината на поддршката изнесува 6000 денари по хектар, освен за сончоглед и афион каде поддршката изнесува 8000 денари по хектар и поддршката за ориз која изнесува 18.000 денари по хектар.

Претходно АФПЗРР навремено изврши исплата и на субвенциите кај лозарите во вредност од 597 милиони денари, до 14.830 лозаропроизводители. Дополнително во следниот период АФПЗРР продолжува со обработка на барањата за исплата на субвенциите кај растителното и сточарско производство по што ќе следи и нивна исплата.

Земјоделството е главен приоритет на Владата. Преку досега најголемиот земјоделски буџет вреден 200 милиони евра обезбедени се средства за редовна и навремена исплата на субвенциите за сите земјоделци.

Во организација на Општина Прилеп и Прилепската чаршија денеска и утре се одржува првиот „Prilep OUTLET Weekend“.

Во него се вклучија над 200 трговци кои на своите дуќани ќе имаат налепница со заштитен знак на настанот за купувачите да знаат каде да пазарат. Големиот интерес за купување на купувачите од регионот: Битола, Крушево, Долнени Кривогаштани, Новаци, Могила, Ресен, Кичево, Македонски Брод, Кавадарци и пошироко од Македонија, на првиот „Prilep OUTLET Weekend“ им нуди шопинг забава и евтино купување на брендови. Попусти, велат прилепските трговци, има до 70% на секој чош!

Настанот е замислен како голем „шопинг мол“ во целиот град, а муштериите посетувајќи ги трговските дуќани во Прилеп, да уживаат во шопинг забавата, добрата услуга, љубезноста и гостопримството на прилепската чаршија, надалеку позната по својата ексклузивност, квалитет и трговски шарм.

На „Prilep OUTLET Weekend“, производи има за сите муштерии, а чаршијата под Марковите кули ќе ги отвори вратите за сите купувачи од Регионот и Македонија, од 08:00 до 19:00 часот. Купувањето ќе создаде незаборавно искуство кај сите купувачи, од 7 до 77 години, затоа сите шопинг љубители се добредојдени, а „Prilep OUTLET Weekend“ покрај попустите во трговските дуќани нуди и интересни содржини и пакет-услуги и во кафетериите и кафулињата, кое ќе преставува посебно уживање за сите оние кои денеска и утре ќе дојдат на шопинг во Прилеп.

„Prilep OUTLET Weekend“ се организира за прв пат, а прилепчани и Општина Прилеп, како организатори на настанот, очекуваат прилепската чаршија да биде посетена од илјадници купувачи кои ќе уживаат во секој шопинг момент.

Фејсбук статус на Алекс Пупи Стефановски, лекар во ЈЗУ Здравствен дом Крушево

Апел до надлежните во о. Крушево. Иако во изминатиов период се изнаслушавме дека сме ваква, таква, дестинација. Да ве известам дека оваа вечер екипата на ИМП – Крушево, имаше повик на улицата која е на сликите,за паднато лице.

Ние како екипа немавме можност да стигнеме до местото бидејки цела улица беше со мраз, лицето безпомошно лежеше на мразот, за на крај да моравме да побараме чорапи од куќата во близина, да ставиме над нашите чизми и да фрлиме неколку лопати земја, за да стигнеме до лицето, имајќи предвид дека требаше да ја застанеме носилката и потоа да го однесиме до комбето, незнам ова како ви звучи, но жално е.

Од луѓето кои излегоа да ни помогнат слушнавме дека неколку пати било апелирано да се фрли сол но им било одговорено дека ќе се оштетат бехатон коцките, зарем човечкиот живот е поефтин од коцките, кои може да се заменат.

По оваа улица може само да се лета, но не и да се оди.Ако планиравте утре да ја посолите улицата, касно е. Човекот е веќе во болница. Но на неговото место можеше да биди секој од нас.

Во моментот кога почна да се тресе целата болница, две медицински сестри, наместо да истрчаат надвор, брзаа кон одделот на кој се сместени предвремено родените бебиња и останаа да внимаваат инкубаторите да не паднат до крајот на земјотресот.

„За време на првиот потрес, нашите две пријателки, медицински сестри, покажаа неверојатна храброст. Наместо да трчаат надвор, тие ги чуваа инкубаторите“, се вели во пораката на Твитер.

Снимките од воздух направени во Кахраманмараш, епицентарот на земјотресот во Турција, на фреквентните улици во градот пред и по катастрофата, го открија размерот на разорувањето.

Видеото го објави турската новинска агенција „Анадолија“.

(VIDEO) Before-and-after drone footage reveals the scale of destruction brought by twin earthquakes in the city of Kahramanmaras in southern Türkiye

? LIVE updates here: https://t.co/pCgJ7oPKXj pic.twitter.com/DYlNO4ycGl

— ANADOLU AGENCY (@anadoluagency) February 16, 2023

Љубовта се заснова на доверба. Така велат сите што веруваат во љубов. Сепак, се чини дека еден Кинез, кој во локалните медиуми е претставен само под презимето Џоу, не верува во оваа изрека. Цели две години успеал да сокрие од сопругата дека добил на лотарија.

Добитните бројки му ја збогатиле сметката за 1,36 милиони евра или околу 10 милиони јуани.

Откако г-ѓа Џоу дознала за тоа, побарала развод, а судот во Венџоу во источната кинеска провинција Жеџијанг на 1 февруари пресудил дека Џоу мора да и плати отштета од повеќе милиони на својата сопруга, пренесува CdM.

За време на судењето било кажано дека мажот и префрлил два милиони јуани на својата постара сестра веднаш штом парите легнале на неговата сметка, а неколку дена подоцна подигнал 700 илјади јуани за да и помогне на поранешната сопруга да купи стан.

Судот се согласил со мислењето дека парите што Џоу ги префрлил на неговата сестра и поранешната сопруга се дел од заедничкиот имот, па сопругата успеала да се избори за 60 отсто од тој дел од добивката.

Ниту една од страните не поднела жалба, а медиумите не наведуваат зошто сопругот решил да крие од својата „драга“ дека се збогатил, објави „Хангжу дејли“.