ЗА ПРВПАТ ВО ПРИЛЕП
Почитувани верни прилепчани, од најмлади до највозрасни, драги родители, баби и дедовци,
во пресрет на најголемиот христијански празник, „Празникот над празниците“ – Велигден со голема радост ве исвестуваме дека со благослов на нашиот епархиски архиереј и духовен татко, Неговото високопреосвештенство митрополитот Преспанско-пелагониски и администратор Австралиско-новозеландски г. Петар, во храмот „Св. Петка Римјанка“ во нас.

Точила во Прилеп покрај полноќната воскресенска богослужба и Божествената Литургија која ќе се отслужи после полноќ, ЗА ПРВПАТ во Прилеп ќе се отслужи Божествена Литургија и утрото, на ПРВ ДЕН Велигден, во неделата (16.04.2023) со почеток во 9:00 часот а со цел сите оние верни прилепчани, кои не можеле да присуствуваат на полноќната Литургија, особено дечињата, и тие да ја почувствуваат воскресенската радост со присуство на Божествена Литургија и соединувајќи се преку причесната со Христа воскреснатиот! Ова особено се однесува на најмладите, па затоа препорачуваме и советуваме децата и да се причестат.

Во однос на подготовката за причест, според учењето на Црквата се препорачува децата од мали нозе да се учат на пост но, во случајов, барем последните неколку дена пред Велигден. Ова не е задолжително за децата до седумгодишна возраст. Тие не мора да постат ниту, пак, некој друг (родител, баба, дедо …) треба да пости за нив. За повозрасните деца се препорачува, поучно да постат, како што рековме, барем последните два-три дена пред Велигден.

Утрото пред богослужбата младите треба да бидат гладни и жедни, освен бебињата до едногодишна возраст. За сите дечиња кои ќе присуствуваат на богослужбата, храмот „Св. Петка“ со помош на фирми („Витаминка“, печатница „Ацетони“ …) подготви велигденски подароци!

Доколку дозволат временските услови, планирано е Божествената Литургија да биде отслужена под отворено небо, на платото пред храмот!

Од в.д. старешината протоереј Љупче Петрески со управата и вработените при храмот!

Недостатокот од сон може да предизвика секакви здравствени проблеми – од ослабен имунолошки систем и промени во расположението, до зголемување на телесната тежина и висок крвен притисок.

Но, ако можете да издржите доволно долго без затворање очи, би можеле да се најдете во нова ментална состојба која би предизвикала сериозни нарушувања на здравјето. Тоа го вели Тони Рајт кој останал 11 дена без сон, додека се обидувал да го собори светскиот рекорд.

Иако Тони не успеа да го надмине рекордот, тој остана буден неверојатни 266 часа. После овој маратон Тони вели дека се чувствува чудно – како да успеал да допре до нов дел од неговиот мозок.

Набргу по интензивното искуство, Тони во интервју зборуваше за тоа како неговата ментална состојба целосно се променила додека тој останал буден. „Во суштина вие го изгладнувате рационалниот ум, егоистичниот ум, од сон, а неговите батерии се трошат“, вели тој.

„Се разбира дека не се чувствував многу добро… но ако продолжите подалеку од тоа, способноста на рационалниот ум да остане на чело исто така почнува да се распаѓа – тоа е моментот каде што можете да почнувате да допирате на другата страна на мозокот, другото јас“.

Американскиот претседател Џозеф Бајден денеска изјави дека планира следната година повторно да се кандидира за таа функција, но дека се уште не е подготвен официјално да објави.

„Планирам да се кандидирам… но сè уште не сме подготвени да го објавиме тоа“, рече Бајден во интервјуто за емисијата „Today“ на NBC.

Бајден рече дека има намера да биде демократски кандидат во 2024 година и тоа најверојатно ќе биде повторно во тандем со Камала Харис.

Највисоките советници на Белата куќа треба да донесат конечни одлуки за започнување на кампањата за реизбор на Бајден, објави NBC News, повикувајќи се на неколку неидентификувани извори.

Се тврди дека одлуката е веќе донесена, но претседателот ќе објави во последен момент, со цел да се ослободи од притисокот кој би следел во наредните неколку месеци, пренесува Ројтерс.

65-годишен прилепчанец кој бил ангажиран како овчар прнајден е мртов . Во СВР Велес од Итна медицинска помош синоќа во 20:45 часот било пријавено дека во велешката населба Превалец починал 65-годишниот Д.М. од Прилеп, кој бил ангажиран како овчар.

Лекар од Итна медицинска помош констатирал смрт без видливи траги на насилство, информира денеска Ристе Самарџиев портпарол на СВР Велес.

–Увид на местото бил извршен од екипа од СВР Велес и по наредба на Јавен обвинител телото на починатиот е дадено на обдукција,соопштил Самарџиев, информираат од Курир.мк

Во спортската сала „Бранители 2001“ во Крива Паланка се одржа Државното карате првенство за деца, на кое учествуваа 283 натпреварувачи од вкупно 52 клуба.

Салата „Бранители 2001“ и општината Крива Паланка како град допринесоа за високиот квалитет на турнирот и ја потврдија довербата да бидат домаќини.

На Државното првенство беше присутен и претседателот на Карате федерацијата на РС Македонија, Петар Белистојаноски како и градоначалникот на општина Крива Паланка Сашко Митовски, кој го отвори првенството а на сите натпреварувачи им посака успех во нивната спортска кариера.

Државното првенство беше изборен турнир за учество на Балканскиот шампионат кој ќе се одржи во Бар, Црна Гора во периодот од 26 до 28 мај.

На турнирот учество зеде и Леонид Белески, ученик од ООУ “Кире Гаврилоски” oд Прилеп и член на Карате клубот “Бонсаи”.

Леонид се закити со златен медал во борби и сребро во кати, па нареден предизвик ќе му биде Балканското првенство во Црна Гора.

-Напладне, во 12 часот, во нашата болница се родија три новороденчиња, од кои едното со породување во вода.
Првото е Лука, Бисера на свет дојде со методата на породување во вода, a Мина е третото новороденче. Нашата најубава соба е збогатена со уште три членови, а потоа ќе бидат сместени заедно со нивните мајки – информираат од болницата “Плодност” во Битола.

Бебе вчера починало во стомакот на родилка од Битола откако ѝ била дадена таблета да го испровоцира породувањето, ама родилката била пратена дома од лекарот гинеколог кој бил дента на смена. Кога родилката се вратила ноќта на болница да раѓа веќе било доцна, дежурните лекари виделе дека бебето страда, по бојата и исцедокот на водењакот, се обиделе да ја породат родилката и да го реанимираат бебето, но му немало спас, дознава „Независен“ од болнички извори.

Целиот текст прочитајте го ТУКА

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,06 % во однос на одлуката од 6.4.2023 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,946 %, кај дизелот за 4,784%, кај екстра лесното масло за 4,793% и кај мазутот има зголемување за 1,892%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,224%.

Малопродажните цени на бензинот ЕУРОСУПЕР БС-95 и на Екстра лесното масло за домаќинство на (ЕЛ-1) се зголемуваат за 1,50 ден/лит.

Малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 2,00 ден/лит.

Малопродажната цена на Мазутот М-1 НС се зголемува за 0,505 ден/кг и сега ќе изнесува 41,079 ден/кг.

Од 11.4.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 84,50 (денари/литар)
Моторен бензин ЕУРОСУПЕР БС – 98 87,00 (денари/литар)
Дизел гориво ЕУРОДИЗЕЛ БС (Д-Е V) 74,00 (денари/литар)
Масло за горење Екстра лесно 1 (ЕЛ-1) 73,00 (денари/литар)
Мазут М-1 НС 41,079 (денари/килограм)

Хотелските аранжмани во Охрид и во Струга во претстојната туристичка сезона ќе поскапат за 30 отсто, велат од Асоцијацијата на хотелиери (ХОТАМ) за ТВ 24, додавајќи дека ќе има покачувања на цените и за претстојните велигденски празници.

Од Асоцијацијата наведуваат дека поскапувањето се должи на високите цени на производите и енергенсите, како и на повисоките плати на вработените, со цел да ги одвратат од заминување во странство.

– Македонија останува најевтина дестинација во регионот и покрај поскапувањето на услугите. Нема повеќе дваесет и нешто евра за ноќевање, туку е триесет и нешто евра, а некаде и повеќе – истакна претседателот на ХОТАМ, Крсте Блажески, во изјава за ТВ 24.

Тој наведе оти во Охрид и во Струга се очекуваат туристи од Холандија, Турција, Полска и Англија.

На 09.04.2023 во 14.00 часот во Полициската станица Прилеп било пријавено дека на патниот правец Градско-Прилеп, пред мостот кај с.Тројаци, се cлyчила cooбpaќajна нecpeќа помеѓу патничко возило „ауди“ со охридски регистарски ознаки, yпpaвyвано од М.И.(27) од с.Горно Лакочереј, охридско и патничко возило „пежо“ со прилепски регистарски ознаки, yпpaвyвано од Д.М.(49) од с.Врбоец, крушевско.

Во нecpeќата со тешки телecни повpeди се здобиле возачот Д.М., сопатникот од неговото возило Х.Н.(19) од с.Врбоец и сопатничка од возилото „ауди“, М.Д.(29) од Охрид, додека со телecни повpeди се здобила М.И. и сопатниците од истото возило, Д.Ј.(32) од с.Требеништа и А.Б.(25) од с.Пештани, констатирани во Градската болница Прилеп.

Извршен бил yвид од увидна екипа од Полициската станица Прилеп – информираат од МВР.