На 04.04.2023 полициски службеници од ОВР Прилеп ги лишиле од слобода М.К.(33) од Прилеп и Т.П.(23) од Битола.

При претрес во домот на М.К., извршен со судска наредба, каде била затекната Т.П., била пронајдена и одземена марихуана.

Тие биле задржани во полициска станица и по целосно документирање на случајот, против нив ќе биде поднесена соодветна пријава.

По една година СОУ “Ристе Ристески-Ричко” од Прилеп повторно има нов директор. На местото на досегашната директорка Цветанка Ѓорѓиоска која беше именувана во март минатата година и ја замени на оваа позиција Билјана Трајкоска, сега е именуван Тони Чадамов.

Чадамов е машински инженер и повеќегодишен професор во училиштето, а важи за човек со високи стручни познавања во предметите кои ги предава.

На 03.04.2023 Одделот за сузбивање на организиран и сериозен криминал – Сектор за криминалистички истраги – Единица за недозволена трговија со дрога врз основа на спроведена повеќемесечна меѓународна истрага и формирани истражни тимови помеѓу Основното јавно обвинителство за гонење на организиран криминал и корупција (ОЈО за ГОКК), Специјалното јавно обвинителство и Одделот за организиран криминал на Република Албанија спроведе координирана полициска акција, при што изврши претреси на повеќе локации на подрачјето на Скопје и Прилеп и лиши од слобода четири лица, и тоа А.М.(51), Д.З.(37), М.Ј.(35) и Д.Ј.(39), сите од Скопје. Денеска (04.04.2023) до ОЈО за ГОКК поднесена е кривична пријава против А.М., Д.З., М.Ј., сите од Скопје, како и против Р.Т.(45) од Прилеп, поради постоење на основано сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори” по член 215 ст.3 од Кривичниот законик, соопшти Сузана Прањиќ Талевска од МВР.

Четирите лица се дел од меѓународна организирана криминална група инволвирана во организирање на транспорт на кокаин за земјите од ЕУ, кои во текот на јуни 2021, од непознати лица од Албанија набавиле, а потоа и организирале пренесување на 300 пакувања со маса од 324,4 килограми кокаин за Р.Италија со товарно возило „даф“, со приколка, со скопски регистарски ознаки, управувано од Н.А..

Имено, на 16.06.2021 Н.А. на ГП Ќафасан остварил излез од Р.Северна Македонија кон Р.Албанија, при што на царинските управи на двете држави декларирал извоз на легална стока-железо, со крајна дестинација во Италија. Истиот ден, А.М. и Р.Т., одделно, на ГП Блаце оствариле излез од државата кон Р.Косово, а потоа заедно, со патничко возило, преку ГП Морина/Кукс се упатиле кон Албанија. Следниот ден (17.06.2021), Д.З. и М.Ј. на ГП Блаце оствариле излез кон Р.Косово, а потоа со патничко возило преку ГП Морина/Кукс се упатиле кон Албанија. Потоа, по претходен договор, на локација во Албанија приколката била одвоена од влекачот, управуван од Н.А., а во просторот кај резервоарите за нафта во влекачот биле ставени 300 пакувања со бруто маса од 324,4 килограми кокаин, набавен од албански државјани. Потоа приколката повторно била споена со влекачот, кој се упатил кон пристаништето Драч, со цел стоката да се пренесе во Италија, по претходна организација на А.М., Р.Т., Д.З. и М.Ј.

На 18.06.2021 на ГП на пристаништето во Драч – Р. Албанија, од страна на службени лица – цариници од Царинската управа на Р. Албанија, извршено е скенирање на товарното возило со приколка управувано од Н.А., при што во влекачот биле забележани сокриените пакувања, по што бил извршен претрес и биле пронајдени 300 пакувања кокаин со вкупна тежина од 324,4 килограми. Против Н.А. е поднесена кривична пријава до надлежното Специјално јавно обвинителство во Тирана – Р. Албанија за сторено кривично дело поврзано со недозволена трговија со наркотични дроги.

Поради ова, на 03.04.2023 спроведена е полициска акција на повеќе локации на подрачјето на Скопје и Прилеп, а врз основа на издадени наредби извршен е претрес кај лицата, при што се пронајдени и одземени повеќе мобилни телефонски апарати, сим картички, патничко возило и документација. При обид да биде лишено од слобода, едно од лицата, Р.Т. не почитувал полициска наредба и со возилото удрил во службено полициско возило, при што се здобил со тешки телесни повреди и е задржан на болничко лекување. Притоа, четирите лица се лишени од слобода, а кривично пријавените се изнесени пред судија на претходна постапка.

На 03.04.2023 во 18.00 часот во Полициската станица Прилеп било пpиjaвено дека на регионалниот пат Прилеп-Крушево, во близина на место викано „Бегова ливада“ се cлyчила cooбpaќajна нecpeќа помеѓу патничко возило „фолксваген пасат“ со шведски национални ознаки, yпpaвyвано од Р.Т.(45) од Прилеп и патничко возило „ланд ровер“, сопственост на Министерството за внатрешни работи.

Во нecpeќата со тешки телecни повpeди се здобил Р.Т., а со телecни повpeди се здобиле возачот на полициското возило и уште четворица негови сопатници, сите вработени во МВР, конcтатиpaни во Градската болница Прилеп.

Извршен бил увид од Јавен обвинител и увидна екипа од Полициската станица Прилеп – информираат од ОВР Прилеп.

Тутунски комбинат Прилеп, најстарата активна македонска компанија и една од најстарите на Балканот, годинава одбележува голем јубилеј – 150 години постоење. Формиран 1873 година кога бил изграден првиот магацин за тутун во Прилеп од страна на Отоманската управа на монополот, Комбинатот доживеал големи промени, подеми и падови, но успеал да ги помине сите премрежија и да опстои со својата дејност.

ТКП од фoрмирањето се занимавал исклучиво со откуп и обработка на висококвалитетен ориентален тутун од типовите „прилеп“ и негова продажба на познати светски компании. Ова била примарна дејност со децении, односно сé до 1955 година од кога Комбинатот навлегол во бизнисот со производство на цигари.

Потенцијалот на ТКП беше препознат од светскиот гигант во тутунската индустрија Филип Морис Интернешнел (ФМИ) со кого во 2014 година е склучено стратешко партнерство и е формирана заедничка компанија Филип Морис Тутунски Комбинат Прилеп (ФМТКП) и претставува спој на традицијата и експертизата на двата ентитети. Партнерството со Филип Морис Интернешнл придонесе да се почне со модернизација на производството.

По две децении поминати на листата на најголеми загубари, ТКП за првпат покажа позитивни резултати 2019 година, а со успешна работа продолжи и следните години. Комбинатот ја заврши и претходната, 2022-ра година, со позитивни финансиски резултати од над 2 милиони евра. Ваквите резултати значат дека друштвото ги исполнува планираните параметри, со тенденција да се продолжи со исто темпо и во наредните години – стои во соопштението од Тутунскиот Комбинат Прилеп.

Во рамките на Меѓународниот натпревар Hippo 2023, оваа година за прв пат имаше натпревар за есеи во сите возрасни категории.

-Софија Златареска од V-1 одделение oд ООУ “Климент Охридски” Прилеп, под менторство на наставничката Зорица Трајаноска, не направи горди како училиште затоа што го освои ПРВОТО место во нејзината категорија Hippo 1.
Повторно Основното Училиште Климент Охридски е број еден меѓу училиштата во светот, а успешната приказна на Софија ќе се најде во првата книга за мемоари што ќе биде издадена наскоро. Ученици вие сте вистински амбасадори на нашето училиште и Македонија – информираат од училиштето.

Во неделата во просториите на боксерскиот клуб “АС” се одржаа спаринг борби. На овие спаринг борби беа одбрани најдобрите боксери во потешките категории од тимот на Чатлески, а планот е во јуни да пропливаат во професионалните боксерски води на профи бокс спектаклот, кој е во план да се одржи во Прилеп.

-Спарингот беше организиран со судии и мерач на време на гонг. На овој испит боксерите се покажааа во добра кондициона, техничка и тактичка спремност. Од страната на Про Бокс Македонија увидовме дека боксерите се спремни за почеток во професионалниот четириаголник – истакна тренерот Дарко Чатлески.

На Илчо Костовски, Матеј Чатлески и Стево Илиќ им посакуваме успешна кариера.

На 03.04.2023, полициски службеници од криминалистичката полиција при СВР Битола и Полициската станица од општа надлежност Битола го лишиле од слобода Б.А.(62) од с.Крклино, битолско.

При претрес во неговиот дом, извршен врз основа на наредба од Основен суд Битола, биле пронајдени и одземени предмети кои потекнуваат од кривично дело „тешка кражба”, кое го извршил во објект на приватна фирма во периодот од 01.04. до 03.04.2023.

Тој бил задржан во полициска станица, а предметите биле вратени на сопственикот. По целосно документирање на случајот, против Б.А ќе следува соодветна кривична пријава.

Празникот Свето Благовештение се вбројува во постојаните празници и секогаш е на 7 април според новиот, (или на 25 март според стариот) календар. Меѓу народот повеќе е познат како Благовец или Благоец.

Се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец, прв ден Велигден“. Тогаш се оди на именден кај оние што имаат име Благоја, Блаже, Благојка, Благица…

Свето Благовештение е празник на Пресвета Богородица, а со тоа е и денот на мајките, затоа што Богородица е заштитничка на сите мајки кои зачнале и станале мајки.

Тоа е ден на мајката која дала нов живот. Тогаш децата и благодарат на мајката, ја гушкаат и и’ даваат дарови во знак на љубов, почит и внимание. Мајките, пак, ги благословуваат децата и тие да имаат свои рожби и радости.

Така што првото нешто што треба да го направите тоа утро – бакнете ја мајка ви!

На овој ден се покажува особена сострадалност и помош кон сирачињата, кон бедните и кон унесреќените.

Оние кои сакаат да имаат деца да одат во црквите и манастирите, кај иконите посветени на Благовештение и да се помолат.

Според народните верувања овој ден е благ, па и раната не боли, па затоа на малите деца им ги дупат ушите за обетки. Се верувало дека Благовештение жените не треба да се чешлаат.

Со Благовец е поврзано и доаѓањето на птиците преселници, штркот, ластовицата, кукавицата, пупунецот, славејот и др. Се верува дека тие ќе дојдат на овој ден дури и да врне снег.

На 26 јули 2012 година, под наслов „Осудивте невин човек, друже судија!“, меѓу другото, на судијата Илија Трпков му се обратив со следните зборови: „Вашата осудителна пресуда е политичка. Можеби Вие и не сте сосема виновни за тоа, но дилеми нема – ова е класичен политички реваншизам и брутална одмазда спакувани во вид на судска пресуда! – пишува во својата најнова колумна новинарот Бранко Геровски.

Трајко Вељаноски е ‘виновен’ исто толку колку што бил ‘виновен’ и Методија Андонов Ченто, првиот претседател на Президиумот на АСНОМ, во 1946 година осуден на 11-годишна затворска казна поради наводен обид за бегство во Грција. Ако Апелацискиот суд не ја собори Вашата пресуда, друже судија, Трајко Вељаноски ќе лежи во истиот затвор во кој лежеше и Ченто, а Вие ќе ја понесете ‘славата’ на судиите што го осудија првиот претседател на Президиумот на АСНОМ – Панта Марина, Коле Чашуле (постариот) и Лазар Мојсов.

А јас сум сигурен дека и Вашата пресуда, друже судија, еден ден ќе биде укината како што беше укината и пресудата за Ченто и дека за тоа нема да мора да чекаме половина век“.

И ете, навистина не моравме да чекаме половина век…

Скопскиот Апелационен суд ја укина пресудата за лицата обвинети дека се организатори на настаните во Собранието на 27 април – Трајко Вељаноски, Миле Јанакиески и Спиро Ристовски.

Не ми е баш по волја тоа што Министерството за правда реши да се огласи по повод оваа одлука – бидејќи сметам дека извршната власт ни под разно не смее да коментира судски одлуки! – но морам да нагласам дека беше крајно време некој јавно да ги опомене судиите за суштествените повреди во кривичните постапки и за намерните или ненамерните пропусти при утврдувањето на битните факти за кривичните дела што обвинителите им ги ставаат на товар на обвинетите.

И не мора баш Министерството за правда да го повикува Судскиот совет веднаш да реагира и да преземе мерки за утврдување на околностите врз основа на кои е донесена првостепената пресудата. Судскиот совет може и самиот да се сети да поведе постапка, вклучувајќи и дисциплинска, „ако се утврди дека некои свесно или несвесно со своите постапки дозволиле довербата во правосудниот систем да падне на најниско ниво“ (цитирам делови од реакцијата на Министерството).

Целата колумна прочитајте ја на “ПЛУС ИНФО”