Најгласен е муабетот во одредени политички кулоари дека Ковачевски кој работи како помал бизнис партнер на ДУИ во владата, веќе еднаш си поднел писмена оставка до собранието. Па овие кои се многу свесни дека со поадот на власта доаѓа и одговорност, многу жестоко го убедувале во спротивното. Талат и останатите од компанијата го убедувале да не си даде оставка, затоа што знаат дека од правдата нема бегање. Значи имаме премиер кој утрото се буди, попладнето си дава оставка, а вечерта се премислува затоа што на човекот тоа место му е подарено и не му се одговара толку брзо, па си вика, да се тргнам и да се спасам на време, вели претседателот на ВМРО-ДПМНЕ проф. д-р Христијан Мицкоски во неговото обраќање пред штипјани по повод настанот Ова е Македонија за сите.

Мицкоски нагласи дека Ковачевски прифатил улога со која не можел да се носи, и затоа побара да се охрабри и да го направи чекорот, веднаш да си поднесе оставка.

– Па еве од овде од Штип сакам да му порачам: Ковачевски не мачете се и престанете да ја тонете Македонија, дајте си оставка. Оставка на цела влада. Прифативте улога со која не можете да се носите.

Немавте храброст за дебата за договорот со Коридорот 8 и 10 Д, барем имајте храброст да ставите потпис на вашата оставка. Оставка барем да не го загубите достоинството ако барем и малку ви преостана. Оставка затоа што со секој ден мислење дали да ја дадете или не, дополнително ја тонете Македонија. Направете го чекорот, охрабрете се и дајте оставка, така ќе ја спасете Македонија и ќе направете едно нешто добро во овој малку мандат што ви остана, истакна тој.

Мицкоски порача дека ниту една оставка нема да биде бегство од одговорност, нагласувајќи дека ќе се одговара и правдата ќе го гони за секој еден украден денар да го врати.

– А и да ви кажам за да знаете. Ниту една оставка нема да ви биде бегство од одговорноста која следи. Ќе одговарате за секој денар и ќе ве гони правдата се додека не го вратите и последниот украден денар. За ова го имате мојот збор, дециден е Мицкоски.

По повод 11-ти Мај, Денот на културата во сообраќајот, станицата за технички преглед “Авто Контрол” Прилеп во соработка со МВР и сообраќајната стука при С.О.У “Ристе Ристески-Ричко” Прилеп, организираше превентивна активност во центарот на Прилеп, преку делење на флаери со едукативна содржина, а со цел да се унапреди сообраќајната култура и да се придонесе за побезбеден и посмирен сообраќај, помалку сообраќајни незгоди и помал сообраќаен метеж.

-Сметаме дека секое незнаење, некултура и непочитување има цена, но незнаењето, некултурата и непочитувањето на правилата и прописите во сообраќајот чинат изгубени човечки животи. Сообраќајната култура е важна за безбедноста во сообраќајот и не претставува само познавање на сообраќајните правила и прописи, туку истовремено претставува и навика, почитување и применување. Важноста за почитување и применување на правилата да ја пренесеме сите ние заедно на поинаков начин на еден ваков ден – вели Генералната менаџерка на компанијата “Авто Контрол”, Даниела Перканоска.

-Да се почитуваме меѓу себе, како луѓе и како учесници во сообраќајот, и заеднички да изградиме систем на општествени вредности во кој културата во сообраќајот ќе имаат водечко место. Да ја зголемиме свеста и одговорноста на нашите клиенти и сограѓани и сите заедно да допринесеме за безбедно учество во сообраќајот, на денот на културата во сообраќајот, како и секој нареден ден – додава Перканоска.

На 09.05.2023, полициски службеници од ОВР Неготино го лишиле од слобода Л.Ф.(50) од Неготино затоа што во Центарот за социјални работи во Неготино упатил закани кон една вработена и се соблекол пред неа.

Лицето било приведено во полициска станица и по целосно документирање на случајот против него ќе биде поднесена соодветна пријава.

Турскиот претседател Реџеп Таип Ердоган заостанува зад својот главен ривал Кемал Киличдароглу за повеќе од пет проценти пред претседателските избори кои ќе се одржат во недела, покажуваат последните анкети.

Анкетата покажа дека Реџеп Таип Ердоган има 43,7 % поддршка, а Кемал Киличдароглу 49,3 %, што значи дека овие избори би можеле да завршат во првиот круг, пренесува Ројтерс.

Претседателските избори се најголемиот политички предизвик за турскиот лидер кој е на власт веќе две децении, а опозицијата ги смета за нивна најдобра можност да го замени Ердоган и да ја смени неговата политика.

Денови на Крали Марко е манифестација во организација на Општина Прилеп, со која преку разни активности се одбележува годишнината од загинувањето на легендарниот крал и се промовира Прилеп како град каде што живеел истиот.
Програмата по повод одбележувањето на смртта на овој средновековен владетел, познат по бројни јунаштва и подвизи, кој го следат стотици македонски и балкански приказни, песни, преданија, митови и легенди е следна:

Четврток 18.05.2023г

– Во амбиентот на црквата Св.Никола ќе настапи Православниот црковен хор Св. Петка, заедно со Вокалниот ансамбл Пелагонитиса. Истите ќе се претстават со програма од Паскалниот период, а во текот на изведбата публиката ќе има можност да слушне интересни информации за осумвековното постоење и историјата на оваа црква.
Почеток: 19.00ч

Петок 19.05.2023г

Концерт на Драган и Ратко Даутовски во амфитеатарот кај Слонот. По пауза од една деценија, прилепската публика ќе може да го проследи настапот на репрезентот на македонската музика и култура Драган Даутовски, кој ќе настапи во подножјето на Марковите кули во придружба на Ратко Даутовски на удиралки. Драган Даутовски е исклучителен музичар и професор, посветен на истражување на македонскиот музички фолклор и фолклорно богатство. Одржал голем број концерти и настапи на музички фестивали низ целиот свет, на кои што го промовирал македонскиот автентичен, традиционален етно звук.

Националниот парк „Пелистер“, годинава ќе го добие првиот Авантуристички парк за возрасни и деца, со цел збогатување на својата туристичка понуда, развој на локалната економија и една поширока димензија, воспоставување нови и зацврстување на веќе постојните релации на прекугранична соработка на Република Северна Македонија и Република Грција.

На терен забрзано се работи на паркот кој изобилува со привлечни содржини, искачување на карпи, зип линија, адреналински паркови за деца и возрасни, други атрактивни содржини, форми со интересни детали кои би го направиле престојот на Пелистер уште попривлечен.

Паркот почна да се гради во декември минатата година, а треба да биде комплетно реализиран до крајот на 2023 година.

Изградбата на паркот е под палката на Јавната установа – Национален парк „Пелистер“- Битола, а се гради преку проектот насловен „Авантура преку границата“ со акроним advenTOUR. кој се спроведува во рамките на INTERREG ИПА Програмата за прекугранична соработка на Република Грција – Р.С. Македонија, 2014-2020.

Партнери во проектот се Младинско христијанско здружение – Солун/ИМКА Солун, Грчка национална туристичка организација/GNTO и Национален парк Пелистер – Битола.

Вкупен договорен буџет на проектот изнесува 653.670 евра, а додека вкупниот буџет за НП „Пелистер“ изнесува 203.500 евра. Министерството за локална самоуправа се јавува како ко-финансиер со поддршка од 15 проценти од вкупната сума за изведба на проектот. Во паркот свој придонес има и Општина Битола, која издвои средства во вредност од 2.4 милиони денари за дополнителни содржини.

Паркот е поставен на поширока локација, воглавно над вилата „Седум кладенци“ каде е сместен Инфо – центарот на Националниот парк, на надморска височина од околу 1.400 метри, односно на површина која се протега до под хотелот „Молика“ на Пелистер.

Фирмата „Балкан – нет логистик“ од Битола работи на изградба на паркот, а во тимот се вклучени професионалци со претходно искуство, со лиценци и сертификати за исполнување на стандарди за вакви изведби. Во изведбата на паркот се запазуваат сите стандарди за квалитет на материјалите и безбедноста на содржините. Безбедносните сајли, вградените елементи, се од висококвалитетни нерѓосувачки материјали.

На терен се привршуваат градежните активности што подразбира две зип линии – една за помладите посетители и втората за повозрасните, како и изградба на две патеки за искачување по карпи, авантуристичка атракција позната како Виа-ферата. Патеките за искачување по карпи се со вертикални и хоризонтални линии.

Композициите се веќе завршени во својата изведба и се очекува да претставуваат вистински предизвик не само за рекреативците, туку и за професионалните качувачи по карпи.

Во склоп на паркот ќе се градат и мали придружни објекти, како и ревитализација и соодветно уредување на патека по Камењар, уредување и ревитализација на пешачка патека – детска едукативна патека, уредување и ревитализација на велосипедска патека од село Магарево – Голема Ливада – Цапарска Пресека – Инфо-центар.

Во целост, со отворањето на Авантуристичкиот парк, ќе се создадат можности за нови туристички понуди на Пелистер, во исто време нови можности и придобивки за ЈУНП „Пелистер“ Битола и за локалната заедница.

Проектот Авантуристички парк, се смета за еден од поголемите инвестициски проекти во Национален парк „Пелистер“ -Битола од неговото основање од 1948 година.

Покачувањата од 3.000 денари, 2.500 денари и 2.000 денари ќе добијат сите вработени во јавните здравствени установи, одлучи Владата на последната седница. Оттаму информираат дека министерот за здравство Фатмир Меџити ќе го потпише Анексот со репрезентативниот Самостоен синдикат за здравство, фармација и социјална заштита, со што се овозможува зголемување на платите на вработените во јавните установи во здравството.

„Владата на Република Македонија ги овласти и директорите, односно в.д. директорите на јавните здравствени установи, да ги потпишат поединечните колективни договори, со кои се врши зголемување на платите на вработените во јавните установи во здравството, почнувајќи со исплатата за плата за месец март 2023 година“, наведено е во соопштението од Владата.

На 20 март синдикатите од здравство кои неколку часа пред најавениот протест, беа на средба во Министерството за здравство, постигнаа договор. Според договореното, бруто покачување со мартовската плата од три илјади денари требаше да имаат сите сестри, а две илјади денари за сите останати од помошно-техничкиот персонал, администрација и доктори. Со тоа, 11 илјади вработени во здравството се изедначуваат со минималната плата.

Работа и задоволство. Премиерот на американска турнеја во придружба на семејството. Димитар Ковачевски заедно со сопругата Елена Ковачевска и малолетните ќерка и син најпрвин беше неколку дена во Њујорк, а потоа и во Вашингтон.

Од Владата цел ден не одговараат на прашањата на Алфа во кое својство е заминато и семејството на премиерот, кој платил за авионските билети, за хотелското сметување, дали е ангажирано и дополнително обезбедување, колку чини сето тоа.

Портпаролот на Владата, Мухамед Хоџа, цело утро го одолговлекуваше одговорот, а потоа и престана да крева на телефон.

Од Илинденска не кажуваат ниту колку члена брои целата делегација, но Алфа неофицијално дознава дека се заминати речиси 30 луѓе.

Инаку на официјалните страници на социјалните мрежи се објавени повеќе фотографии и видеа од средби на премиерот каде е придружуван од неговата сопруга, но никаде не се споменува дека во Соединтите Држави си ги понел и децата.

Досега, Македонија не памети функционер кој во официјална работна посета со себе го понел цело семејство, а ниту еден странски владин претставник не ни дошол во официјална посета носејќи ги со себе сопругата и децата коментираат за Алфа пиар лица кои со години работат протокол во државни институции.

Премиерот во САД замина на 2 мај, а денеска заедно со цела делегација треба да слета на аеродромот во Скопје.

Ова не е прв пат Димитар Ковачевски да си го зема и семејството на официјални патувања. Лани во мај замина во Рим на аудиенција кај папата Франциск придружуван од неговата ќерка.

Овој скандал предизвика лавина реакции, јавноста гласно велеше дека Ковачевски не се кралско семејство и дека ќерката на премиерот не е принцеза за да има протколарна улога како што несмасно Димитар Ковачевски се обидуваше да се оправда тогаш.

На фејсбук профилот на „Igor El Padriño“ беше објавена фотографија на која може да се забележи дека неколку тинејџери се качиле на покрив на зграда.

Станува збор за една од 13-катниците во скопската населба Капиштец, а според коментарите истата била направена во понеделникот.

-„Тик-ток“ ни ги убива децата. Капиштец, зграда од 13 ката, пишува во објавата.

Компанијата ДСА ТЕАМ ДООЕЛ повеќе од 8 години е лидер во регионот за автомобилска контрола на квалитетот. Се работи за тим од професионалци фокусирани на помагање на компаниите во областа на управување со целокупниот квалитет, континуирано подобрување, управување и решавање на проблеми со речиси една деценија искуство на мултинационалните пазари.

Поради зголемениот обем на работа, имаме потреба од вработување на кандидати за работната позиција: ОПЕРАТОР ЗА КОНТРОЛА НА КВАЛИТЕТ

Опис на работните обврски и задачи:

• Сортирање и селекција на делови • Доработка на делови
• Тестирање на производи на локацијата на купувачот;
• Следење на инструкции за работа и работни упатства
• Почитување на инструкциите за безбедност и заштита при работа

Компанијата нуди:

• Едукација и тренинг во секторот за контрола на квалитет
• Можност за работа на проекти во странство
• Работа во динамично работно опкружување во брзорастечка компанија
• Атрактивна заработка и дополнителни бонуси за посебно залагање во работата
• Обезбеден превоз и платен топол оброк.

Услови кои треба да ги исполнуваат кандидатите:

• Тимска работа
• Одговорна и детална личност
•Посветеност и прецизност во работата

Сите заинтересирани канидати до 40 годишна возраст, кои ги исполнуваат горенаведените услови потребно е да ги достават своите биографии на следната е – маил адреса: [email protected], со задолжителна назнака за позицијата за која аплицираат, или да контактираат на телефонскиот број: 078/215-649.