Огромен СКАНДАЛ се случил во детската градинка „Димче Мирчев“ во Велес. Како што е пријавено, воспитувачка ги терала децата да пушат електронски цигари.

Според извори на “КУРИР”, воспитувачката со иницијали В.И. во текот на изминатите неколку недели им давала на децата да пушат електронски цигари со различни вкусови. Откако дознале родителите за овој чин веднаш реагирале.

Според информациите на порталот, за воспитувачката е покрената дисциплинска постапка.

Изминатиов период има неколку скандали поврзани со работењето на градинката „Димче Мирчев“ во Велес.

Пред неколку месеци директорката е обвинета за спорни јавни набавки како и за лоша организација на градинката.

Претходно Министерството за труд и социјална политика ги одзема ингеренциите на градинката од општината Велес и градоначалникот Марко Колев.

Според изворите кои ја контактираа нашата редакција, родителите ќе ја тужат воспитувачката и градинката.

Воспитувачката е примена на работа пред неколку години кога градоначалник беше кадар на СДСМ, а во исто време од градинката беа отпуштени десетина воспитувачки со долгогодишно работно искуство во градинката.

Овој скандал е откриен откако дечињата од градинката неколку дена се жалеле на своите родители дека ги боли грло.

За нов шеф на стручниот штаб на Победа е именуван поранешниот репрезентативен голман Јане Николоски.

Оваа одлука следува после слабиот старт на сезоната во Втората фудбалска лига, каде црвено-белите имаат само 8 освоени бода од 7 одиграни натпревари.

После овие резултати тренерот Филип Мирчески поднесе оставка, а раководството на клубот мораше веднаш да реагира.

49-годишникот Николоски зад себе има богата фудбалска кариера како голман, а како тренер беше дел од младинскиот тим на Победа, потоа АЕЛ Лимасол, Хоризонт Трново, Победа, Слога Виница, Борец..

Николоски првиот дуел ќе го има веќе викендов, кога во Прилеп гостува екипата на Детонит Плачковица. Поранешниот голман на Македонија, во минатото беше спортски директор на клубот од Прилеп, а беше и прв човек на клупата во периодот од ноември 2018 до март 2019година.

Глобалниот индекс на мир (GPI) го претстави годишното рангирање на најбезбедните земји во светот, составено од Институтот за економија и мир, според кое најбезбедна земја во светот за 2023 година е Исланд. На оваа листа Република Северна Македонија е на 38 место.

Најбезбедна земја во светот и за 2023 година е Исланд. Оваа земја во Северна Европа е на врвот на овој список секоја година од 2008 година. Данска е втора на листата, делумно поради ниското ниво на владина корупција, а трета е Ирска, којашто скокна за пет места во однос на лани.

Говорејќи за земјите од Балканот, најдобро, највисоко оценета е Словенија – на место бр. 8., Хрватска е 14-та, а Бугарија е на 30. позиција. Подолу од македонската држава на списокот се наоѓаат Црна Гора – на 45. место, Грција (60), Босна и Херцеговина (61), а Србија е 65-та, што ја прави најлошо позиционирана земја на Балканот.

На другиот крај од списокот се земјите погодени од војна, со широко распространето насилство и политичка нестабилност, што ги прави доста несигурни. Авганистан, Јемен, Сирија, Русија и Јужен Судан се меѓу најнебезбедните држави.

ГПИ ги рангира земјите според широк спектар фактори, од нивото на насилство и криминал до тероризам и меѓународни судири. Овој извештај ја претставува најсеопфатната анализа на трендовите во мирот, економската вредност и развојот на мирот во општествата.

Ни се случува демографска катастрофа каква што Македонија наназад 100 или 200 години немала. Од Македонија секогаш имало иселување, печалбарство, имавме економска миграција, но ова што го имаме од 2017 година наваму откако дојде оваа влада, нам не ни се случува иселување, туку буквално егзодус, изјави Влатко Ѓорчев член на ИК на ВМРО-ДПМНЕ за Тема на денот во дневникот на МТВ.

Tој истакна дека сите можни индиктатори како и бројот на ученици ни го кажуваат тоа, никогаш не било полошо.

– Причините се јасни, имаме катастрофална и најлоша влада во историјата, нема Македонец што не е потиштен. Нема економска катастрофа која не ни се случила, во здравството секогаш имало проблеми, но како на Онкологија ни се нема случено. Докторите немаат основни материјали, нема терапија за дијабетичари ваква катастрофа никогаш немало, изјави Ѓорчев.

Тој посочи дека ако ги гледаме бројките од 2016 кога СДС викаа дека малку се 23000 новородени, до тоа да минатата година имаме 18.000 родени бебиња, односно 5.000 бебиња е паднат бројот.

Ако ја погледнете статистиката од 2016 со 2023 прв квартал, бројот на новородени деца е паднат 40%. Нема земја во светот што има таков пад, рече тој.

Ѓорчев потенцираше дека катастрофата се гледа по образованието, децата немаат учебници, минатата учебна година некои до крај не добија, од компјутер за секое дете сега се молиме за учебници.

– Ние немаме доволно доктори, ученици, работници, немаме доволно луѓе да работат во било кој сектор, стануваме територија без население, ова засега се и треба да биде во главните теми. Истовремено претседателот, премиерот и министрите со прст не мрднуваат. Имплодира државата, власта не мрда за главната тема, нема семејство кое не размислува да се исели. Секогаш во Македонија имало повеќе родени од умрени, а сега е обратно. Тоа значи дека имаме антисемејни политики, дека стануваме неуспешна држава, рече Ѓорчев.

Тој нагласи дека ако сакаме Македонија да преживее мораме да ставиме крај на оваа власт која ни ја пустоши државата.

Наставата во основните училиштa во Аеродром отсега секој понеделник ќе започнува со интонирање на македонската химна, затоа што почитта и љубовта кон татковината се градат од најмала возраст, напиша на својот фејсбук профил градоначалникот на Општина Аеродром Тимчо Муцунски.

-Наставата во основните училиштa во Аеродром отсега секој понеделник ќе започнува со интонирање на македонската химна, затоа што почитта и љубовта кон татковината се градат од најмала возраст.

Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција – напиша Муцунски.

Среќа и солзи следуваат на Детската клиника откако ѕвоното ќе заѕвони и ќе ја означи среќната вест. Малата хероина Божица го победи ракот и заминува дома кај своите родители.

„Уште едно дете го победи ракот и си оди дома. Многу среќа ни донесе оваа наша Божица“, напишаа од “САНО” на Фејсбук, здружението за помош на деца со малигни заболувања и нивните родители.

СВР Охрид поднесе кривична пријава против Љ.Д.(67) од Прилеп, поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“.

Тој, на 18.03.2023, на објава на социјалната мрежа „Фејсбук“ поставил коментар со содржина со која ширел говор на омраза и насилство – информираат од МВР.

Лидерот на ВМРО-ДПМНЕ Христијан Мицкоски денеска најави дека следуваат мигови на пресвртница.

ВМРО-ДПМНЕ од утре започнува со теренска кампања, „Важно е! Од тебе зависат промените“, пишува на социјалната мрежа на Фејсбук лидерот на ВМРО-ДПМНЕ Христијан Мицкоски.

Ќе имаме теренски посети на општини, кадешто ќе оствариме средби со голем број на целни групи, како и средби со граѓани.

ВАЖНО Е сега да знаеш дека ако сакаш да ги промениш работите мора да се обединиме околу ВМРО-ДПМНЕ и само така твојот глас ќе има вредност и важност.

ВАЖНО Е да се направи разлика помеѓу власта, слугите на власта во опозицијата и опозицијата што ја руши власта.

Ова се мигови на пресвртница, на колективно рестартиње на деградираното општество и на враќање на вредностите во кои веруваме. Лошите политичари не се и не смеат да бидат посилни од добриот и напатен народ. Се бориме за достоинство среќа и иднина! За нашата горда и просперитетна Македонија, пишува Мицкоски во својата објава.

Низ универзитетите во Македонија, денеска свечено беше започната новата академска година, а бруцошите го имаа првиот час.

Прв академски час имаше и на Економскиот факултет во Прилеп, каде на првите три уписни рока се запишаа стотина нови студенти вкупно на сите смерови.

На свеченоста присутен беше и градоначалникот Јовчески, кој ги додели првите стипендии од предвидените 20, кои општина Прилеп од оваа година ги предвиде за студенти на овој факултет.

Фото/илустрација

На 01.10.2023 во 15.20 часот на наплатната станица Градско, полициски службеници од Мобилната единица за компезаторни мерки при Одделот за гранични работи и миграции во Биро за јавна безбедност го привеле К.Ц.(23) од с.Тимјаник, неготинско.

При преглед во патничкото возило „мерцедес“, кое го управувал, бил пронајдена и одземена акцизна стока, односно 17 туби со вкупно 320 литри алкохолен пијалак без никакви документи.

Лицето било задржано во полициска станица, а за настанот била известена Царинската управа. По целосно документирање на случајот против него ќе биде поднесена соодветна пријава.