Се асфалтира улицaта „Леринска“ и крак од улицата „Христо Узунов“ како дел од проектот за реконструкција на улиците, каде претходно беше изведена мешовита ( фекална и атмосферска) канализација и приклучоци за куќите – информираат од општина Битола.

Денеска увид во градежните работи изврши градоначалникот на Битола Тони Коњановски со одговорните лица за проектот.
Вкупната должина е околу 206 метри, со дебелина на асфалтот од 7 см.

Сумата за реконструкција на коловозот изнесува 4.004.100 денари, а за изведбата на канализацијата 2.872.960 денари.
Средствата се обезбедени од буџетот на Општина Битола.

-И со овој проект се подобруваат условите на уличната мрежа во градот. Општината продолжува со реализација и на други инфраструктурни проекти исполнувајќи ја програмата за работа и заложбата за подобри услови за жителите, стои во соопштението од Општина Битола.

Надвор од градската гужва, во просторот на поранешно „Жито Прилеп“, веднаш до Градската болница, се наоѓа едно од оние места каде што секоја посета лесно прераснува во навика. Пријатна атмосфера, голема летна бавча, богато мени и секогаш насмеан персонал – токму тоа е Brunch Box Café, омиленото катче на сè поголем број прилепчани.

Денот можете да го започнете со ароматично кафе, вкусен доручек, свеж кроасан или некој од нивните добро познати бургери, тортиљи и сендвичи. Но, во овие жешки летни денови, главната причина да ги посетите е нивната нова летна понуда на освежувања, создадена за уживање преку ден, но и за вечерни дружби.

На коктел менито ќе ги пронајдете вистинските летни класици – Mojito, Sex on the Beach, Hugo и Aperol Spritz, подготвени со квалитетни состојки и совршено разладени за високите температури. Без разлика дали сте љубител на свежите цитрусни вкусови, овошните ароми или пенливите коктели, овде сигурно ќе го пронајдете омиленото летно освежување.

А викендите во Brunch Box Café носат уште една причина повеќе за дружење. Секој петок, сабота и недела важи акцијата „3 + 1 ГРАТИС“, односно купувате три коктели, а четвртиот е подарок. Совршена можност да го соберете друштвото и да уживате во долгите летни вечери во една од најубавите летни бавчи во градот.

Освен коктелите, во понудата се и освежителните Monin ладни чаеви со вкусови на манго, јаболко и јагода – лесен и вкусен избор за секој што бара безалкохолно освежување.

А кога ќе посакате нешто слатко, тешко дека ќе најдете подобра комбинација од нивната летна акција – кафе и сладолед за само 90 денари. Мал детал што го прави денот поубав, без разлика дали сте на кратка пауза од работа, во друштво со пријателите или едноставно сакате неколку минути за себе.

Токму затоа Brunch Box Café не е само место каде што се јаде добро. Тоа е место каде што се создаваат убави летни моменти – од првото утринско кафе, преку попладневното освежување, па сè до вечерните коктели под отворено небо.

Ова лето направете си нова навика – посетете го Brunch Box Café и откријте зошто сè повеќе прилепчани токму тука го поминуваат најубавиот дел од денот.

Премиерот Христијан Мицкоски денеска во Владата имаше средба со еврокомесарката за проширување, Марта Кос. По средбата искажа благодарност до ЕУ за поддршката, која ја добива Македонија во реализација на проектите. „Денешната средба и посета претставува можност за отворен, искрен и суштински разговор за нашата европската перспектива, за реформите што ги спроведуваме и за потребата процесот на проширување да остане доследен на принципите врз кои е изградена Европската Унија – доверба, предвидливост, еднаков третман и почитување на достоинството на секоја држава кандидат.“ – нагласи претседателот на Владата на Република Македонија Мицкоски.

Натаму премиерот истакна: Изминатиот период од две години Владата покажа дека реформите не се декларативна определба, туку конкретна работа што се мери преку резултати, преку институционални промени, преку економски показатели и преку создавање подобри услови за живот на граѓани. Нашата цел е изградба на функционални институции, посилно владеење на правото, поефикасна јавна администрација, конкурентна економија и амбиент што ќе ја зајакне довербата на граѓаните кај инвеститорите. Тоа не го правиме затоа што некој тоа го бара од нас, туку затоа што веруваме дека тоа е единствениот исправен пат за развој на нашата татковина и за создавање стабилни институции кои ќе можат да одговорат на потребите на сегашните и на идните генерации.

Во тој процес ја цениме поддршката што ја добиваме од Европската комисија, како и стручната и финансиската помош што придонесува реформите да се реализираат побрзо и поквалитетно. Истовремено, очекуваме европската интеграција да остане процес кој се темели на јасни критериуми, на вредности и на исполнување на реформските обврски, а не процес кој ќе биде оптоварен со билатерални прашања што создаваат неизвесност кај македонските граѓани, изјави Мицкоски по средбата.

-На 07.07.2026 во 19:00 часот полициски службеници од ОВР Прилеп го лишија од слобода Д.В. (71) од Прилеп, постапувајќи по пријава од 40-годишна прилепчанка дека во нејзиниот дом во Прилеп, додека пријавителката била заедно со нејзината малолетна ќерка, дошол Д.В., по што полово ја вознемирувал, а се обидел и да ја допира пријавителката по телото.

По документирање на настанот ќе следува соодветен поднесок – информираат од СВР Битола.

Првичните наоди од форензичката обдукција покажуваат дека смртта на 24-годишната девојка од Прилеп, која во понеделникот беше пронајдена мртва во стан во солунската населба Сикиес, најверојатно е последица на патолошки причини, односно природен процес во организмот.

Според грчкиот медиум Thestival.gr, засега не се пронајдени индиции што би укажувале на криминално дело, додека конечниот одговор за причината на смртта се очекува по добивањето на резултатите од токсиколошките анализи.

-Според досегашните информации, при обдукцијата не биле пронајдени знаци кои би укажале на криминално дело. Надлежните органи ги очекуваат резултатите од токсиколошките анализи, кои треба да дадат дополнителни информации и да ја потврдат точната причина за смртта. 24-годишната жена, која била со потекло од Македонија, била пријавена за исчезната откако нејзиното семејство не можело да стапи во контакт со неа. Случајот сè уште се истражува, а надлежните ги проверуваат сите достапни информации поврзани со околностите на нејзината смрт, пишува медиумот.

Завршена е реконструкција на железничката обиколница Скопје, пругата од Драчево до Илинден со што се овозможува пренасочување на товарните возови надвор од Скопје. Заменик претседателот на Владата и министер за транспорт, Александар Николоски и диркторот на ЈП Железница Инфраструктура Синиша Ивановски, направија увид до реконструираната пруга каде се изврши и тест возење.

По оваа делница ќе се одвива исклучиво товарниот железнички сообраќај, истакна Николоски, што ќе придонесе за подобра организација и развој на целокупниот транспорт.

“Драго ми е што правиме тест возење на обновениот железнички коридор, практичната обиколница на Грaдот Скопје, линијата меѓу Дрaчево и Илинден, со која што товарните возови се вадат надвор од Градот Скопје.

Со реализација на овој проект, многу се помага во заштита на животната средина и намалување на загадувањето во Скопје имајќи предвид дека товарните возови нема да влегуваат во Град Скопје.

Ова е проект кој го работеше ЈП Железници Инфраструктура, го заврши во максимално брз рок, во моментов има тест период, за што е потребно да се направии технички прием и очекувам за дваесетина дена карго возовите да ја користат оваа делница. Тоа ќе значи многу за заштита на животната средина и за намалување на загадувањето во Скопје од една страна, но од друга страна ќе значи побрз карго сообраќај на Коридор 10, што ќе значи повеќе бизнис и повеќе железнички композициии на македонските пруги што многу ќе приоднесе за развој на бизнисот и целокупниот транспорт.

За многу брзо време, не подоцна од 1 септември се гледаме и на пуштање на употреба и на Градскиот воз, првата линија која ќе оди од Зелениково преку Драчево до центарот на Скопје”- изјави Николоски.

На 9 и 10 јули (четврток и петок) 2026г. од 20.00 часот на сцена 105 ќе биде изведена претставата „ПОВИК“.

Автор и режија: Јован Ристовски,
Костимограф: Марта Дојчиновска

Во претставата играат:

Марија Стефановска – Сликарка
Катерина Аневска – Актерка
Николе Стефанов – Режисер
Маја Андоновска Илијевски – Кустос
Наталија Ристеска – Сенка на Сликарката
Марија Талеска – Бабар / Мечкар – Сенка на Сликарката

„Повик“ е приказна за современиот уметник, раскажана низ судбината на една млада сликарка која се обидува да ја пронајде вистината во свет во кој уметноста сè почесто станува производ, нарачка и кич. Претставата отвора прашања за изгубениот идентитет, за судирот меѓу личниот интегритет и очекувањата на општеството, како и за конфликтот помеѓу слободното творештво и системите што настојуваат да го обликуваат човекот. Нејзината борба не е само професионална – таа е борба да остане човек, да не го изгуби сопствениот глас и да остане верна на својата интуиција.

Но ова не е приказна за поразот. Ова е приказна за можноста повторно да се роди уметноста. За надежта дека, и покрај политичките, економските и општествените притисоци, човекот сè уште може да ја избере вистината, слободата и автентичноста. Инспирирана од научните трудови на Карл Густав Јунг, претставата ги истражува архетиповите, сенката и процесот на лична трансформација, отворајќи силни прашања за индивидуалниот и колективниот идентитет. Воедно, ова е и омаж на жените – на нивната сила, мудрост и способност да создаваат, обновуваат и менуваат, затоа што секоја вистинска преродба започнува со храброста гласно да се изговори вистината. Низ претставата одекнува една силна мисла – „НИЕ МОЛЧИМЕ.“

Театарската претстава е независен проект, поддржан во рамки на проектот „Култура за развој“ на Владата на Швајцарија, кој се имплементира од Heartefact Fund. Претставата е дополнително поддржана од Германија преку Германското друштво за меѓународна соработка (GIZ North Macedonia). Партнер и логистичка поддршка е НУ Центар за култура – Битола.

Влезот е слободен. Влезниците можат да се подигнат од билетарницата од Центарот за култура на: 9 јули од 10:00 до 12:00 часот и од 18:00 до 20:00 часот и 10 јули од 18:00 до 20:00 часот

Во динамичното секојдневие, честопати забораваме дека најважната инвестиција не е во работите што ги поседуваме, туку во сопственото здравје, енергија и благосостојба. Кога ќе одлучите да се грижите за себе, не правите само чекор кон поубав изглед, туку вложувате во вашата виталност, самодоверба и поквалитетен живот.

Токму со оваа филозофија работи салонот „Ласер и Убавина“ во Прилеп, каде секоја жена добива индивидуален пристап и програма создадена според нејзините потреби. Современите третмани за слабеење и обликување на телото не се базираат на универзални решенија, туку започнуваат со детална стручна консултација, анализа на телото и внимателно креиран план кој ги таргетира зоните што сакате да ги подобрите.

Целта не е само намалување на обемот, туку создавање хармонична силуета, поцврста и поеластична кожа, чувство на леснотија и повеќе енергија во секојдневието. Кога третманите се комбинираат со професионален пристап и посветеност, резултатите стануваат дел од еден нов начин на живот, исполнет со поголема самодоверба и задоволство.

Понекогаш е потребна само една одлука за да започне вистинската трансформација. Одлука да си посветите време, да се чувствувате подобро во сопственото тело и да направите нешто добро за себе.

Доколку сакате професионален пристап, индивидуална програма и третмани кои носат видливи резултати, контактирајте го салонот „Ласер и Убавина“ на 070 287 842 или посетете ги во самиот центар на Прилеп, на булевар „Гоце Делчев“, во зградите спроти „Палма Шоп“ (влез 1, стан 7). Вашата виталност заслужува да биде приоритет.

Следете ги и профилите на “ЛАСЕР и УБАВИНА” на: ФЕЈСБУК и ИНСТАГРАМ и навреме информирајте се за сите новитети.

Советот на Општина Битола на денешната седница донесе Одлука за бесплатно паркирање на јавните паркиралишта на ЈП „Паркинзи“ за лица со аутистичен спектар.

Повластената паркинг карта може да ја користат на следните паркинг зони: Б1, Б2, Б5, Б7, Д1, Х1, А8, А10 и А2.

Картичката е со важност од една година и се издава на барателот по претходно поднесено барање, таа не е пренослива на други лица, односно не може да ја користат други лица или други возила и е со важност од една година.

Повластената паркинг карта се издава на физички лица кои се со регистрирано живеалиште или престојувалиште во Општина Битола и се издава само за едно патничко моторно возило.

Потребната документација се доставува до ЈП „Паркинзи“, а оваа мерка е поддршка за лица со попреченост и нивните семејства и барањето за спроведување на одлуката за бесплатен паркинг за родители на деца со аутизам.

Советот беше едногласен за оваа одлука.

Најновиот милионер во Македонија е Гоцев Столе од Радовиш. Тој освои МИЛИОНЕР ЏЕКПОТ вреден 1.739.712 денари.

Најчесто уплаќам спортска прогноза. Тоа го правев и сега за време на СП во фудбал, кога и одлучив да си ја пробам среќата на ВЛТ. Во првиот момент кога се случи, кога го слушнав сигналот, не знаев што се случува. Мислев дека се случи некоја грешка. Вработената ми објасни дека освоив МИЛИОНЕР ЏЕКПОТ. И во тие мигови, никако не можев да поверерувам дека тоа навистина ми се случува мене, ја започна својата среќна приказна, нашиот најнов среќен добитник-милионер, Столе Гоцев од Радовиш.

Тој освои МИЛИОНЕР ЏЕКПОТ вреден 1.739.712 денари. Парите од одбивката ќе ги искористи да си купи нов стан.

МИЛИОНЕР џекпотот вреден 1.739.712 денари е освоен кај нашиот деловен соработник Спортлајф во Радовиш на 04.07.2026. Среќната игра на Столе е 40 Супер хот. Тимот на Видеолотарија Касинос Австрија со задоволство му честита на добитникот.

Во периодот од 29.06.2026 до 05.07.2026 година, Видеолотарија Касинос Австрија исплати вкупно 15.973.107 денари кон играчите на ВЛТ терминалите низ Македонија, и тоа:

• 1 СУПЕР МИЛИОНЕР џекпот добивка, исплатени 5.671.489 денари

• 6 МИЛИОНЕР џекпот добивки, со вкупно исплатени 8.764.308 денари

• МИНИ џекпот добивки, со кои играчите заедно освоија 1.537.310 денари

Во пресрет на најголемиот фудбалски спектакл- Светското првенство во фудбал, Видеолотарија Касинос Австрија за играчите на ВЛТ подготви уште повеќе возбуда, адреналин и можности за големи добивки. Јуни со кампањата, донесе нова серија добивки и дури 25 нови милионери на ВЛТ терминалите од Видеолотарија Касинос Австрија. Благодарение на кампањата „Секој ден нов милионер“, секојдневно се создаваа нови причини за славење и незаборавни моменти за играчите ширум Македонија. Во периодот од 1 до 30 јуни 2026 година, за ВЛТ џекпот добивки беа исплатени вкупно 58.356.737 денари.