Франција одговори на крвавите напади извршени во петокот на нејзина територија со интензивно бомбардирање на џихадистичкиот бастион Рака во источниот дел од Сирија.
Десет француски воени авиони уништија вчера 20-на објекти кои ги користеле од Исламска држава.
– Првата уништена цел беше објект што гокористеле од Исламска држава и кој бил команден пункт, центар за регрутација и складиште за оружје и муниција. Вотрата цел е тренинг камп за терористи, прецизира Министерството за одбрана.
Вкупно 12 авиона од кои 10 бомбардери полетале од ОАЕ и Јордан и учествувале во операцијата. Министерството наведува дека биле уништени цели во координација со американските сили.