Во ниту една цивилизирана и пред се демократски ориентирана држава на земјинава топка, каде се почитува словото на законот , од една и се води сметка за функционирањето на трите институционални столба (законодавна, извршна и судска власт), не е дозволиво личност од адвокатска фела, преку електронски медиуми да приложува тужби и со многу мала доза на елементарна култура да навредува личности од јавниот живот.
Тоа, за жал, во денешно време се случува во градот под Марковите Кули.
Во оваа прилика, само да потсетам, дека адвокатот само ги штити интересите на своите клиенти пред судските органи.
За жал, адвокатот, на кого несакам во оваа прилика да му го спомнувам името, покрај своите непримерни и крајно недолични изјави, се занесува како „шериф“ по прилепските улици и во некои случаи сака и физички да се премета со своите неистомисленици.
Институцијата градоначалник е јавна личност и истата се избира на непосредни локални избори на секои 4 години.
Не е етичко, особено од институција адвокат, преку електронските медиуми да испраќа писма со недолични и многу вулгарни зборови, против личност која се грижи и ги претставува интересите на своите граѓани и наљ повисоко, односно централно ниво.
Во оваа прилика, како обичен граѓанин, Ви поставувам две прашања и тоа:
– Како реагира Вашата клиентела на овие Ваши настапи, и
– Која Ви е целта, со овие нецивилизирани настапи пред прилепската јавност, која знае дека се работи за институција од јавен карактер, наречена градоначалник.
Според моја проценка, клиентот бара репрезентативен и елоквентен адвокат,
со богат вокабулар на зборови, со кои ќе го убедат лицето претставувано од судската власт дека неговиот клиент, со сите собрани материјални докази, заслужува минимална казна или, не дај Боже, со ваквите Ваши настапи, да добиете политички поени кај опонентите на институцијата градоначалник.
За жал, се лажете на двете мои поставени прашања. Вие, во буквална смисла на збоорот сте губитник на клиенти и политички поени.
Адвокатот се препознава по својата чесна и совесна работа и, се разбира по големиот број на судски спорови добиени во негова полза.
На крајот, се прашувам, од каде ги знаете македонските затворски услови?????
Дипл. Екк. Рубинчо Јованоски
Прилеп